| Library / Tipiṭaka / ਤਿਪਿਟਕ • Tipiṭaka / ਮਹਾવਿਭਙ੍ਗ • Mahāvibhaṅga |
੭. વਿਹਾਰਕਾਰਸਿਕ੍ਖਾਪਦਂ
7. Vihārakārasikkhāpadaṃ
੩੬੫. ਤੇਨ ਸਮਯੇਨ ਬੁਦ੍ਧੋ ਭਗવਾ ਕੋਸਮ੍ਬਿਯਂ વਿਹਰਤਿ ਘੋਸਿਤਾਰਾਮੇ। ਤੇਨ ਖੋ ਪਨ ਸਮਯੇਨ ਆਯਸ੍ਮਤੋ ਛਨ੍ਨਸ੍ਸ ਉਪਟ੍ਠਾਕੋ ਗਹਪਤਿ ਆਯਸ੍ਮਨ੍ਤਂ ਛਨ੍ਨਂ ਏਤਦવੋਚ – ‘‘વਿਹਾਰવਤ੍ਥੁਂ, ਭਨ੍ਤੇ, ਜਾਨਾਹਿ ਅਯ੍ਯਸ੍ਸ વਿਹਾਰਂ ਕਾਰਾਪੇਸ੍ਸਾਮੀ’’ਤਿ। ਅਥ ਖੋ ਆਯਸ੍ਮਾ ਛਨ੍ਨੋ વਿਹਾਰવਤ੍ਥੁਂ ਸੋਧੇਨ੍ਤੋ ਅਞ੍ਞਤਰਂ ਚੇਤਿਯਰੁਕ੍ਖਂ ਛੇਦਾਪੇਸਿ ਗਾਮਪੂਜਿਤਂ ਨਿਗਮਪੂਜਿਤਂ ਨਗਰਪੂਜਿਤਂ ਜਨਪਦਪੂਜਿਤਂ ਰਟ੍ਠਪੂਜਿਤਂ। ਮਨੁਸ੍ਸਾ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ વਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਸਮਣਾ ਸਕ੍ਯਪੁਤ੍ਤਿਯਾ ਚੇਤਿਯਰੁਕ੍ਖਂ ਛੇਦਾਪੇਸ੍ਸਨ੍ਤਿ ਗਾਮਪੂਜਿਤਂ ਨਿਗਮਪੂਜਿਤਂ ਨਗਰਪੂਜਿਤਂ ਜਨਪਦਪੂਜਿਤਂ ਰਟ੍ਠਪੂਜਿਤਂ! ਏਕਿਨ੍ਦ੍ਰਿਯਂ ਸਮਣਾ ਸਕ੍ਯਪੁਤ੍ਤਿਯਾ ਜੀવਂ વਿਹੇਠੇਨ੍ਤੀ’’ 1 ਤਿ। ਅਸ੍ਸੋਸੁਂ ਖੋ ਭਿਕ੍ਖੂ ਤੇਸਂ ਮਨੁਸ੍ਸਾਨਂ ਉਜ੍ਝਾਯਨ੍ਤਾਨਂ ਖਿਯ੍ਯਨ੍ਤਾਨਂ વਿਪਾਚੇਨ੍ਤਾਨਂ। ਯੇ ਤੇ ਭਿਕ੍ਖੂ ਅਪ੍ਪਿਚ੍ਛਾ…ਪੇ॰… ਤੇ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ વਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਆਯਸ੍ਮਾ ਛਨ੍ਨੋ ਚੇਤਿਯਰੁਕ੍ਖਂ ਛੇਦਾਪੇਸ੍ਸਤਿ ਗਾਮਪੂਜਿਤਂ…ਪੇ॰… ਰਟ੍ਠਪੂਜਿਤ’’ਨ੍ਤਿ! ਅਥ ਖੋ ਤੇ ਭਿਕ੍ਖੂ ਆਯਸ੍ਮਨ੍ਤਂ ਛਨ੍ਨਂ ਅਨੇਕਪਰਿਯਾਯੇਨ વਿਗਰਹਿਤ੍વਾ ਭਗવਤੋ ਏਤਮਤ੍ਥਂ ਆਰੋਚੇਸੁਂ…ਪੇ॰… ‘‘ਸਚ੍ਚਂ ਕਿਰ ਤ੍વਂ, ਛਨ੍ਨ, ਚੇਤਿਯਰੁਕ੍ਖਂ ਛੇਦਾਪੇਸਿ ਗਾਮਪੂਜਿਤਂ…ਪੇ॰… ਰਟ੍ਠਪੂਜਿਤ’’ਨ੍ਤਿ? ‘‘ਸਚ੍ਚਂ, ਭਗવਾ’’ਤਿ। વਿਗਰਹਿ ਬੁਦ੍ਧੋ ਭਗવਾ…ਪੇ॰… ‘‘ਕਥਞ੍ਹਿ ਨਾਮ ਤ੍વਂ, ਮੋਘਪੁਰਿਸ, ਚੇਤਿਯਰੁਕ੍ਖਂ ਛੇਦਾਪੇਸ੍ਸਸਿ ਗਾਮਪੂਜਿਤਂ ਨਿਗਮਪੂਜਿਤਂ ਨਗਰਪੂਜਿਤਂ ਜਨਪਦਪੂਜਿਤਂ ਰਟ੍ਠਪੂਜਿਤਂ! ਜੀવਸਞ੍ਞਿਨੋ ਹਿ, ਮੋਘਪੁਰਿਸ, ਮਨੁਸ੍ਸਾ ਰੁਕ੍ਖਸ੍ਮਿਂ। ਨੇਤਂ, ਮੋਘਪੁਰਿਸ , ਅਪ੍ਪਸਨ੍ਨਾਨਂ વਾ ਪਸਾਦਾਯ…ਪੇ॰… ਏવਞ੍ਚ ਪਨ, ਭਿਕ੍ਖવੇ, ਇਮਂ ਸਿਕ੍ਖਾਪਦਂ ਉਦ੍ਦਿਸੇਯ੍ਯਾਥ –
365. Tena samayena buddho bhagavā kosambiyaṃ viharati ghositārāme. Tena kho pana samayena āyasmato channassa upaṭṭhāko gahapati āyasmantaṃ channaṃ etadavoca – ‘‘vihāravatthuṃ, bhante, jānāhi ayyassa vihāraṃ kārāpessāmī’’ti. Atha kho āyasmā channo vihāravatthuṃ sodhento aññataraṃ cetiyarukkhaṃ chedāpesi gāmapūjitaṃ nigamapūjitaṃ nagarapūjitaṃ janapadapūjitaṃ raṭṭhapūjitaṃ. Manussā ujjhāyanti khiyyanti vipācenti – ‘‘kathañhi nāma samaṇā sakyaputtiyā cetiyarukkhaṃ chedāpessanti gāmapūjitaṃ nigamapūjitaṃ nagarapūjitaṃ janapadapūjitaṃ raṭṭhapūjitaṃ! Ekindriyaṃ samaṇā sakyaputtiyā jīvaṃ viheṭhentī’’ 2 ti. Assosuṃ kho bhikkhū tesaṃ manussānaṃ ujjhāyantānaṃ khiyyantānaṃ vipācentānaṃ. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma āyasmā channo cetiyarukkhaṃ chedāpessati gāmapūjitaṃ…pe… raṭṭhapūjita’’nti! Atha kho te bhikkhū āyasmantaṃ channaṃ anekapariyāyena vigarahitvā bhagavato etamatthaṃ ārocesuṃ…pe… ‘‘saccaṃ kira tvaṃ, channa, cetiyarukkhaṃ chedāpesi gāmapūjitaṃ…pe… raṭṭhapūjita’’nti? ‘‘Saccaṃ, bhagavā’’ti. Vigarahi buddho bhagavā…pe… ‘‘kathañhi nāma tvaṃ, moghapurisa, cetiyarukkhaṃ chedāpessasi gāmapūjitaṃ nigamapūjitaṃ nagarapūjitaṃ janapadapūjitaṃ raṭṭhapūjitaṃ! Jīvasaññino hi, moghapurisa, manussā rukkhasmiṃ. Netaṃ, moghapurisa , appasannānaṃ vā pasādāya…pe… evañca pana, bhikkhave, imaṃ sikkhāpadaṃ uddiseyyātha –
੩੬੬. ‘‘ਮਹਲ੍ਲਕਂ ਪਨ ਭਿਕ੍ਖੁਨਾ વਿਹਾਰਂ ਕਾਰਯਮਾਨੇਨ ਸਸ੍ਸਾਮਿਕਂ ਅਤ੍ਤੁਦ੍ਦੇਸਂ ਭਿਕ੍ਖੂ ਅਭਿਨੇਤਬ੍ਬਾ વਤ੍ਥੁਦੇਸਨਾਯ। ਤੇਹਿ ਭਿਕ੍ਖੂਹਿ વਤ੍ਥੁ ਦੇਸੇਤਬ੍ਬਂ ਅਨਾਰਮ੍ਭਂ ਸਪਰਿਕ੍ਕਮਨਂ। ਸਾਰਮ੍ਭੇ ਚੇ ਭਿਕ੍ਖੁ વਤ੍ਥੁਸ੍ਮਿਂ ਅਪਰਿਕ੍ਕਮਨੇ ਮਹਲ੍ਲਕਂ વਿਹਾਰਂ ਕਾਰੇਯ੍ਯ ਭਿਕ੍ਖੂ વਾ ਅਨਭਿਨੇਯ੍ਯ વਤ੍ਥੁਦੇਸਨਾਯ, ਸਙ੍ਘਾਦਿਸੇਸੋ’’ਤਿ।
366.‘‘Mahallakaṃ pana bhikkhunā vihāraṃ kārayamānena sassāmikaṃ attuddesaṃ bhikkhū abhinetabbā vatthudesanāya. Tehi bhikkhūhi vatthu desetabbaṃ anārambhaṃ saparikkamanaṃ. Sārambhe ce bhikkhu vatthusmiṃ aparikkamane mahallakaṃ vihāraṃ kāreyya bhikkhū vā anabhineyya vatthudesanāya, saṅghādiseso’’ti.
੩੬੭. ਮਹਲ੍ਲਕੋ ਨਾਮ વਿਹਾਰੋ ਸਸ੍ਸਾਮਿਕੋ વੁਚ੍ਚਤਿ।
367.Mahallako nāma vihāro sassāmiko vuccati.
વਿਹਾਰੋ ਨਾਮ ਉਲ੍ਲਿਤ੍ਤੋ વਾ ਹੋਤਿ ਅવਲਿਤ੍ਤੋ વਾ ਉਲ੍ਲਿਤ੍ਤਾવਲਿਤ੍ਤੋ વਾ।
Vihāro nāma ullitto vā hoti avalitto vā ullittāvalitto vā.
ਕਾਰਯਮਾਨੇਨਾਤਿ ਕਰੋਨ੍ਤੋ વਾ ਕਾਰਾਪੇਨ੍ਤੋ વਾ।
Kārayamānenāti karonto vā kārāpento vā.
ਸਸ੍ਸਾਮਿਕਨ੍ਤਿ ਅਞ੍ਞੋ ਕੋਚਿ ਸਾਮਿਕੋ ਹੋਤਿ ਇਤ੍ਥੀ વਾ ਪੁਰਿਸੋ વਾ ਗਹਟ੍ਠੋ વਾ ਪਬ੍ਬਜਿਤੋ વਾ।
Sassāmikanti añño koci sāmiko hoti itthī vā puriso vā gahaṭṭho vā pabbajito vā.
ਅਤ੍ਤੁਦ੍ਦੇਸਨ੍ਤਿ ਅਤ੍ਤਨੋ ਅਤ੍ਥਾਯ।
Attuddesanti attano atthāya.
ਭਿਕ੍ਖੂ ਅਭਿਨੇਤਬ੍ਬਾ વਤ੍ਥੁਦੇਸਨਾਯਾਤਿ ਤੇਨ વਿਹਾਰਕਾਰਕੇਨ ਭਿਕ੍ਖੁਨਾ વਿਹਾਰવਤ੍ਥੁਂ ਸੋਧੇਤ੍વਾ ਸਙ੍ਘਂ ਉਪਸਙ੍ਕਮਿਤ੍વਾ ਏਕਂਸਂ ਉਤ੍ਤਰਾਸਙ੍ਗਂ ਕਰਿਤ੍વਾ વੁਡ੍ਢਾਨਂ ਭਿਕ੍ਖੂਨਂ ਪਾਦੇ વਨ੍ਦਿਤ੍વਾ ਉਕ੍ਕੁਟਿਕਂ ਨਿਸੀਦਿਤ੍વਾ ਅਞ੍ਜਲਿਂ ਪਗ੍ਗਹੇਤ੍વਾ ਏવਮਸ੍ਸ વਚਨੀਯੋ – ‘‘ਅਹਂ, ਭਨ੍ਤੇ, ਮਹਲ੍ਲਕਂ વਿਹਾਰਂ ਕਤ੍ਤੁਕਾਮੋ ਸਸ੍ਸਾਮਿਕਂ ਅਤ੍ਤੁਦ੍ਦੇਸਂ। ਸੋਹਂ, ਭਨ੍ਤੇ, ਸਙ੍ਘਂ વਿਹਾਰવਤ੍ਥੁਓਲੋਕਨਂ ਯਾਚਾਮੀ’’ਤਿ। ਦੁਤਿਯਮ੍ਪਿ ਯਾਚਿਤਬ੍ਬਾ। ਤਤਿਯਮ੍ਪਿ ਯਾਚਿਤਬ੍ਬਾ। ਸਚੇ ਸਬ੍ਬੋ ਸਙ੍ਘੋ ਉਸ੍ਸਹਤਿ વਿਹਾਰવਤ੍ਥੁਂ ਓਲੋਕੇਤੁਂ ਸਬ੍ਬੇਨ ਸਙ੍ਘੇਨ ਓਲੋਕੇਤਬ੍ਬਂ। ਨੋ ਚੇ ਸਬ੍ਬੋ ਸਙ੍ਘੋ ਉਸ੍ਸਹਤਿ વਿਹਾਰવਤ੍ਥੁਂ ਓਲੋਕੇਤੁਂ, ਯੇ ਤਤ੍ਥ ਹੋਨ੍ਤਿ ਭਿਕ੍ਖੂ ਬ੍ਯਤ੍ਤਾ ਪਟਿਬਲਾ ਸਾਰਮ੍ਭਂ ਅਨਾਰਮ੍ਭਂ ਸਪਰਿਕ੍ਕਮਨਂ ਅਪਰਿਕ੍ਕਮਨਂ ਜਾਨਿਤੁਂ ਤੇ ਯਾਚਿਤ੍વਾ ਸਮ੍ਮਨ੍ਨਿਤਬ੍ਬਾ। ਏવਞ੍ਚ ਪਨ, ਭਿਕ੍ਖવੇ, ਸਮ੍ਮਨ੍ਨਿਤਬ੍ਬਾ। ਬ੍ਯਤ੍ਤੇਨ ਭਿਕ੍ਖੁਨਾ ਪਟਿਬਲੇਨ ਸਙ੍ਘੋ ਞਾਪੇਤਬ੍ਬੋ –
Bhikkhū abhinetabbā vatthudesanāyāti tena vihārakārakena bhikkhunā vihāravatthuṃ sodhetvā saṅghaṃ upasaṅkamitvā ekaṃsaṃ uttarāsaṅgaṃ karitvā vuḍḍhānaṃ bhikkhūnaṃ pāde vanditvā ukkuṭikaṃ nisīditvā añjaliṃ paggahetvā evamassa vacanīyo – ‘‘ahaṃ, bhante, mahallakaṃ vihāraṃ kattukāmo sassāmikaṃ attuddesaṃ. Sohaṃ, bhante, saṅghaṃ vihāravatthuolokanaṃ yācāmī’’ti. Dutiyampi yācitabbā. Tatiyampi yācitabbā. Sace sabbo saṅgho ussahati vihāravatthuṃ oloketuṃ sabbena saṅghena oloketabbaṃ. No ce sabbo saṅgho ussahati vihāravatthuṃ oloketuṃ, ye tattha honti bhikkhū byattā paṭibalā sārambhaṃ anārambhaṃ saparikkamanaṃ aparikkamanaṃ jānituṃ te yācitvā sammannitabbā. Evañca pana, bhikkhave, sammannitabbā. Byattena bhikkhunā paṭibalena saṅgho ñāpetabbo –
੩੬੮. ‘‘ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ। ਅਯਂ ਇਤ੍ਥਨ੍ਨਾਮੋ ਭਿਕ੍ਖੁ ਮਹਲ੍ਲਕਂ વਿਹਾਰਂ ਕਤ੍ਤੁਕਾਮੋ ਸਸ੍ਸਾਮਿਕਂ ਅਤ੍ਤੁਦ੍ਦੇਸਂ। ਸੋ ਸਙ੍ਘਂ વਿਹਾਰવਤ੍ਥੁਓਲੋਕਨਂ ਯਾਚਤਿ। ਯਦਿ ਸਙ੍ਘਸ੍ਸ ਪਤ੍ਤਕਲ੍ਲਂ, ਸਙ੍ਘੋ ਇਤ੍ਥਨ੍ਨਾਮਞ੍ਚ ਇਤ੍ਥਨ੍ਨਾਮਞ੍ਚ ਭਿਕ੍ਖੁ ਸਮ੍ਮਨ੍ਨੇਯ੍ਯ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ વਿਹਾਰવਤ੍ਥੁਂ ਓਲੋਕੇਤੁਂ। ਏਸਾ ਞਤ੍ਤਿ।
368. ‘‘Suṇātu me, bhante, saṅgho. Ayaṃ itthannāmo bhikkhu mahallakaṃ vihāraṃ kattukāmo sassāmikaṃ attuddesaṃ. So saṅghaṃ vihāravatthuolokanaṃ yācati. Yadi saṅghassa pattakallaṃ, saṅgho itthannāmañca itthannāmañca bhikkhu sammanneyya itthannāmassa bhikkhuno vihāravatthuṃ oloketuṃ. Esā ñatti.
‘‘ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ। ਅਯਂ ਇਤ੍ਥਨ੍ਨਾਮੋ ਭਿਕ੍ਖੁ ਮਹਲ੍ਲਕਂ વਿਹਾਰਂ ਕਤ੍ਤੁਕਾਮੋ ਸਸ੍ਸਾਮਿਕਂ ਅਤ੍ਤੁਦ੍ਦੇਸਂ। ਸੋ ਸਙ੍ਘਂ વਿਹਾਰવਤ੍ਥੁਓਲੋਕਨਂ ਯਾਚਤਿ। ਸਙ੍ਘੋ ਇਤ੍ਥਨ੍ਨਾਮਞ੍ਚ ਇਤ੍ਥਨ੍ਨਾਮਞ੍ਚ ਭਿਕ੍ਖੂ ਸਮ੍ਮਨ੍ਨਤਿ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ વਿਹਾਰવਤ੍ਥੁਂ ਓਲੋਕੇਤੁਂ। ਯਸ੍ਸਾਯਸ੍ਮਤੋ ਖਮਤਿ ਇਤ੍ਥਨ੍ਨਾਮਸ੍ਸ ਚ ਇਤ੍ਥਨ੍ਨਾਮਸ੍ਸ ਚ ਭਿਕ੍ਖੂਨਂ ਸਮ੍ਮੁਤਿ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ વਿਹਾਰવਤ੍ਥੁਂ ਓਲੋਕੇਤੁਂ, ਸੋ ਤੁਣ੍ਹਸ੍ਸ; ਯਸ੍ਸ ਨਕ੍ਖਮਤਿ, ਸੋ ਭਾਸੇਯ੍ਯ।
‘‘Suṇātu me, bhante, saṅgho. Ayaṃ itthannāmo bhikkhu mahallakaṃ vihāraṃ kattukāmo sassāmikaṃ attuddesaṃ. So saṅghaṃ vihāravatthuolokanaṃ yācati. Saṅgho itthannāmañca itthannāmañca bhikkhū sammannati itthannāmassa bhikkhuno vihāravatthuṃ oloketuṃ. Yassāyasmato khamati itthannāmassa ca itthannāmassa ca bhikkhūnaṃ sammuti itthannāmassa bhikkhuno vihāravatthuṃ oloketuṃ, so tuṇhassa; yassa nakkhamati, so bhāseyya.
‘‘ਸਮ੍ਮਤਾ ਸਙ੍ਘੇਨ ਇਤ੍ਥਨ੍ਨਾਮੋ ਚ ਇਤ੍ਥਨ੍ਨਾਮੋ ਚ ਭਿਕ੍ਖੂ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ વਿਹਾਰવਤ੍ਥੁਂ ਓਲੋਕੇਤੁਂ। ਖਮਤਿ ਸਙ੍ਘਸ੍ਸ, ਤਸ੍ਮਾ ਤੁਣ੍ਹੀ, ਏવਮੇਤਂ ਧਾਰਯਾਮੀ’’ਤਿ।
‘‘Sammatā saṅghena itthannāmo ca itthannāmo ca bhikkhū itthannāmassa bhikkhuno vihāravatthuṃ oloketuṃ. Khamati saṅghassa, tasmā tuṇhī, evametaṃ dhārayāmī’’ti.
੩੬੯. ਤੇਹਿ ਸਮ੍ਮਤੇਹਿ ਭਿਕ੍ਖੂਹਿ ਤਤ੍ਥ ਗਨ੍ਤ੍વਾ વਿਹਾਰવਤ੍ਥੁ ਓਲੋਕੇਤਬ੍ਬਂ; ਸਾਰਮ੍ਭਂ ਅਨਾਰਮ੍ਭਂ ਸਪਰਿਕ੍ਕਮਨਂ ਅਪਰਿਕ੍ਕਮਨਂ ਜਾਨਿਤਬ੍ਬਂ। ਸਚੇ ਸਾਰਮ੍ਭਂ ਹੋਤਿ ਅਪਰਿਕ੍ਕਮਨਂ, ‘ਮਾਯਿਧ ਕਰੀ’ਤਿ વਤ੍ਤਬ੍ਬੋ। ਸਚੇ ਅਨਾਰਮ੍ਭਂ ਹੋਤਿ ਸਪਰਿਕ੍ਕਮਨਂ, ਸਙ੍ਘਸ੍ਸ ਆਰੋਚੇਤਬ੍ਬਂ – ‘ਅਨਾਰਮ੍ਭਂ ਸਪਰਿਕ੍ਕਮਨ’ਨ੍ਤਿ । ਤੇਨ વਿਹਾਰਕਾਰਕੇਨ ਭਿਕ੍ਖੁਨਾ ਸਙ੍ਘਂ ਉਪਸਙ੍ਕਮਿਤ੍વਾ ਏਕਂਸਂ ਉਤ੍ਤਰਾਸਙ੍ਗਂ ਕਰਿਤ੍વਾ વੁਡ੍ਢਾਨਂ ਭਿਕ੍ਖੂਨਂ ਪਾਦੇ વਨ੍ਦਿਤ੍વਾ ਉਕ੍ਕੁਟਿਕਂ ਨਿਸੀਦਿਤ੍વਾ ਅਞ੍ਜਲਿਂ ਪਗ੍ਗਹੇਤ੍વਾ ਏવਮਸ੍ਸ વਚਨੀਯੋ – ‘‘ਅਹਂ, ਭਨ੍ਤੇ, ਮਹਲ੍ਲਕਂ વਿਹਾਰਂ ਕਤ੍ਤੁਕਾਮੋ ਸਸ੍ਸਾਮਿਕਂ ਅਤ੍ਤੁਦ੍ਦੇਸਂ । ਸੋਹਂ, ਭਨ੍ਤੇ, ਸਙ੍ਘਂ વਿਹਾਰવਤ੍ਥੁਦੇਸਨਂ ਯਾਚਾਮੀ’’ਤਿ। ਦੁਤਿਯਮ੍ਪਿ ਯਾਚਿਤਬ੍ਬਾ। ਤਤਿਯਮ੍ਪਿ ਯਾਚਿਤਬ੍ਬਾ। ਬ੍ਯਤ੍ਤੇਨ ਭਿਕ੍ਖੁਨਾ ਪਟਿਬਲੇਨ ਸਙ੍ਘੋ ਞਾਪੇਤਬ੍ਬੋ –
369. Tehi sammatehi bhikkhūhi tattha gantvā vihāravatthu oloketabbaṃ; sārambhaṃ anārambhaṃ saparikkamanaṃ aparikkamanaṃ jānitabbaṃ. Sace sārambhaṃ hoti aparikkamanaṃ, ‘māyidha karī’ti vattabbo. Sace anārambhaṃ hoti saparikkamanaṃ, saṅghassa ārocetabbaṃ – ‘anārambhaṃ saparikkamana’nti . Tena vihārakārakena bhikkhunā saṅghaṃ upasaṅkamitvā ekaṃsaṃ uttarāsaṅgaṃ karitvā vuḍḍhānaṃ bhikkhūnaṃ pāde vanditvā ukkuṭikaṃ nisīditvā añjaliṃ paggahetvā evamassa vacanīyo – ‘‘ahaṃ, bhante, mahallakaṃ vihāraṃ kattukāmo sassāmikaṃ attuddesaṃ . Sohaṃ, bhante, saṅghaṃ vihāravatthudesanaṃ yācāmī’’ti. Dutiyampi yācitabbā. Tatiyampi yācitabbā. Byattena bhikkhunā paṭibalena saṅgho ñāpetabbo –
੩੭੦. ‘‘ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ। ਅਯਂ ਇਤ੍ਥਨ੍ਨਾਮੋ ਭਿਕ੍ਖੁ ਮਹਲ੍ਲਕਂ વਿਹਾਰਂ ਕਤ੍ਤੁਕਾਮੋ ਸਸ੍ਸਾਮਿਕਂ ਅਤ੍ਤੁਦ੍ਦੇਸਂ। ਸੋ ਸਙ੍ਘਂ વਿਹਾਰવਤ੍ਥੁਦੇਸਨਂ ਯਾਚਤਿ। ਯਦਿ ਸਙ੍ਘਸ੍ਸ ਪਤ੍ਤਕਲ੍ਲਂ, ਸਙ੍ਘੋ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ વਿਹਾਰવਤ੍ਥੁਂ ਦੇਸੇਯ੍ਯ। ਏਸਾ ਞਤ੍ਤਿ।
370. ‘‘Suṇātu me, bhante, saṅgho. Ayaṃ itthannāmo bhikkhu mahallakaṃ vihāraṃ kattukāmo sassāmikaṃ attuddesaṃ. So saṅghaṃ vihāravatthudesanaṃ yācati. Yadi saṅghassa pattakallaṃ, saṅgho itthannāmassa bhikkhuno vihāravatthuṃ deseyya. Esā ñatti.
‘‘ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ। ਅਯਂ ਇਤ੍ਥਨ੍ਨਾਮੋ ਭਿਕ੍ਖੁ ਮਹਲ੍ਲਕਂ વਿਹਾਰਂ ਕਤ੍ਤੁਕਾਮੋ ਸਸ੍ਸਾਮਿਕਂ ਅਤ੍ਤੁਦ੍ਦੇਸਂ। ਸੋ ਸਙ੍ਘਂ વਿਹਾਰવਤ੍ਥੁਦੇਸਨਂ ਯਾਚਤਿ। ਸਙ੍ਘੋ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ વਿਹਾਰવਤ੍ਥੁਂ ਦੇਸੇਤਿ। ਯਸ੍ਸਾਯਸ੍ਮਤੋ ਖਮਤਿ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ વਿਹਾਰવਤ੍ਥੁਸ੍ਸ ਦੇਸਨਾ, ਸੋ ਤੁਣ੍ਹਸ੍ਸ; ਯਸ੍ਸ ਨਕ੍ਖਮਤਿ, ਸੋ ਭਾਸੇਯ੍ਯ।
‘‘Suṇātu me, bhante, saṅgho. Ayaṃ itthannāmo bhikkhu mahallakaṃ vihāraṃ kattukāmo sassāmikaṃ attuddesaṃ. So saṅghaṃ vihāravatthudesanaṃ yācati. Saṅgho itthannāmassa bhikkhuno vihāravatthuṃ deseti. Yassāyasmato khamati itthannāmassa bhikkhuno vihāravatthussa desanā, so tuṇhassa; yassa nakkhamati, so bhāseyya.
‘‘ਦੇਸਿਤਂ ਸਙ੍ਘੇਨ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ વਿਹਾਰવਤ੍ਥੁਂ। ਖਮਤਿ ਸਙ੍ਘਸ੍ਸ, ਤਸ੍ਮਾ ਤੁਣ੍ਹੀ, ਏવਮੇਤਂ ਧਾਰਯਾਮੀ’’ਤਿ।
‘‘Desitaṃ saṅghena itthannāmassa bhikkhuno vihāravatthuṃ. Khamati saṅghassa, tasmā tuṇhī, evametaṃ dhārayāmī’’ti.
੩੭੧. ਸਾਰਮ੍ਭਂ ਨਾਮ ਕਿਪਿਲ੍ਲਿਕਾਨਂ વਾ ਆਸਯੋ ਹੋਤਿ, ਉਪਚਿਕਾਨਂ વਾ ਆਸਯੋ ਹੋਤਿ, ਉਨ੍ਦੂਰਾਨਂ વਾ…ਪੇ॰… ਅਹੀਨਂ વਾ વਿਚ੍ਛਿਕਾਨਂ વਾ ਸਤਪਦੀਨਂ વਾ ਹਤ੍ਥੀਨਂ વਾ ਅਸ੍ਸਾਨਂ વਾ ਸੀਹਾਨਂ વਾ ਬ੍ਯਗ੍ਘਾਨਂ વਾ ਦੀਪੀਨਂ વਾ ਅਚ੍ਛਾਨਂ વਾ ਤਰਚ੍ਛਾਨਂ વਾ ਆਸਯੋ ਹੋਤਿ, ਯੇਸਂ ਕੇਸਞ੍ਚਿ ਤਿਰਚ੍ਛਾਨਗਤਾਨਂ ਪਾਣਾਨਂ ਆਸਯੋ ਹੋਤਿ, ਪੁਬ੍ਬਣ੍ਣਨਿਸ੍ਸਿਤਂ વਾ ਹੋਤਿ, ਅਪਰਣ੍ਣਨਿਸ੍ਸਿਤਂ વਾ ਹੋਤਿ, ਅਬ੍ਭਾਘਾਤਨਿਸ੍ਸਿਤਂ વਾ ਹੋਤਿ, ਆਘਾਤਨਨਿਸ੍ਸਿਤਂ વਾ ਹੋਤਿ, ਸੁਸਾਨਨਿਸ੍ਸਿਤਂ વਾ ਹੋਤਿ, ਉਯ੍ਯਾਨਨਿਸ੍ਸਿਤਂ વਾ ਹੋਤਿ, ਰਾਜવਤ੍ਥੁਨਿਸ੍ਸਿਤਂ વਾ ਹੋਤਿ, ਹਤ੍ਥਿਸਾਲਾਨਿਸ੍ਸਿਤਂ વਾ ਹੋਤਿ, ਅਸ੍ਸਸਾਲਾਨਿਸ੍ਸਿਤਂ વਾ ਹੋਤਿ, ਬਨ੍ਧਨਾਗਾਰਨਿਸ੍ਸਿਤਂ વਾ ਹੋਤਿ, ਪਾਨਾਗਾਰਨਿਸ੍ਸਿਤਂ વਾ ਹੋਤਿ, ਸੂਨਨਿਸ੍ਸਿਤਂ વਾ ਹੋਤਿ, ਰਚ੍ਛਾਨਿਸ੍ਸਿਤਂ વਾ ਹੋਤਿ, ਚਚ੍ਚਰਨਿਸ੍ਸਿਤਂ વਾ ਹੋਤਿ, ਸਭਾਨਿਸ੍ਸਿਤਂ વਾ ਹੋਤਿ, ਸਂਸਰਣਨਿਸ੍ਸਿਤਂ વਾ ਹੋਤਿ। ਏਤਂ ਸਾਰਮ੍ਭਂ ਨਾਮ।
371.Sārambhaṃ nāma kipillikānaṃ vā āsayo hoti, upacikānaṃ vā āsayo hoti, undūrānaṃ vā…pe… ahīnaṃ vā vicchikānaṃ vā satapadīnaṃ vā hatthīnaṃ vā assānaṃ vā sīhānaṃ vā byagghānaṃ vā dīpīnaṃ vā acchānaṃ vā taracchānaṃ vā āsayo hoti, yesaṃ kesañci tiracchānagatānaṃ pāṇānaṃ āsayo hoti, pubbaṇṇanissitaṃ vā hoti, aparaṇṇanissitaṃ vā hoti, abbhāghātanissitaṃ vā hoti, āghātananissitaṃ vā hoti, susānanissitaṃ vā hoti, uyyānanissitaṃ vā hoti, rājavatthunissitaṃ vā hoti, hatthisālānissitaṃ vā hoti, assasālānissitaṃ vā hoti, bandhanāgāranissitaṃ vā hoti, pānāgāranissitaṃ vā hoti, sūnanissitaṃ vā hoti, racchānissitaṃ vā hoti, caccaranissitaṃ vā hoti, sabhānissitaṃ vā hoti, saṃsaraṇanissitaṃ vā hoti. Etaṃ sārambhaṃ nāma.
ਅਪਰਿਕ੍ਕਮਨਂ ਨਾਮ ਨ ਸਕ੍ਕਾ ਹੋਤਿ ਯਥਾਯੁਤ੍ਤੇਨ ਸਕਟੇਨ ਅਨੁਪਰਿਗਨ੍ਤੁਂ, ਸਮਨ੍ਤਾ ਨਿਸ੍ਸੇਣਿਯਾ ਅਨੁਪਰਿਗਨ੍ਤੁਂ। ਏਤਂ ਅਪਰਿਕ੍ਕਮਨਂ ਨਾਮ।
Aparikkamanaṃ nāma na sakkā hoti yathāyuttena sakaṭena anuparigantuṃ, samantā nisseṇiyā anuparigantuṃ. Etaṃ aparikkamanaṃ nāma.
ਅਨਾਰਮ੍ਭਂ ਨਾਮ ਨ ਕਿਪਿਲ੍ਲਿਕਾਨਂ વਾ ਆਸਯੋ ਹੋਤਿ…ਪੇ॰… ਨ ਸਂਸਰਣਨਿਸ੍ਸਿਤਂ વਾ ਹੋਤਿ। ਏਤਂ ਅਨਾਰਮ੍ਭਂ ਨਾਮ।
Anārambhaṃ nāma na kipillikānaṃ vā āsayo hoti…pe… na saṃsaraṇanissitaṃ vā hoti. Etaṃ anārambhaṃ nāma.
ਸਪਰਿਕ੍ਕਮਨਂ ਨਾਮ ਸਕ੍ਕਾ ਹੋਤਿ ਯਥਾਯੁਤ੍ਤੇਨ ਸਕਟੇਨ ਅਨੁਪਰਿਗਨ੍ਤੁਂ, ਸਮਨ੍ਤਾ ਨਿਸ੍ਸੇਣਿਯਾ ਅਨੁਪਰਿਗਨ੍ਤੁਂ। ਏਤਂ ਸਪਰਿਕ੍ਕਮਨਂ ਨਾਮ।
Saparikkamanaṃ nāma sakkā hoti yathāyuttena sakaṭena anuparigantuṃ, samantā nisseṇiyā anuparigantuṃ. Etaṃ saparikkamanaṃ nāma.
ਮਹਲ੍ਲਕੋ ਨਾਮ વਿਹਾਰੋ ਸਸ੍ਸਾਮਿਕੋ વੁਚ੍ਚਤਿ।
Mahallako nāma vihāro sassāmiko vuccati.
વਿਹਾਰੋ ਨਾਮ ਉਲ੍ਲਿਤ੍ਤੋ વਾ ਹੋਤਿ ਅવਲਿਤ੍ਤੋ વਾ ਉਲ੍ਲਿਤ੍ਤਾવਲਿਤ੍ਤੋ વਾ।
Vihāro nāma ullitto vā hoti avalitto vā ullittāvalitto vā.
ਕਾਰੇਯ੍ਯਾਤਿ ਕਰੋਤਿ વਾ ਕਾਰਾਪੇਤਿ વਾ।
Kāreyyāti karoti vā kārāpeti vā.
ਭਿਕ੍ਖੂ વਾ ਅਨਭਿਨੇਯ੍ਯ વਤ੍ਥੁਦੇਸਨਾਯਾਤਿ ਞਤ੍ਤਿਦੁਤਿਯੇਨ ਕਮ੍ਮੇਨ વਿਹਾਰવਤ੍ਥੁਂ ਨ ਦੇਸਾਪੇਤ੍વਾ ਕਰੋਤਿ વਾ ਕਾਰਾਪੇਤਿ વਾ, ਪਯੋਗੇ ਦੁਕ੍ਕਟਂ। ਏਕਂ ਪਿਣ੍ਡਂ ਅਨਾਗਤੇ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ । ਤਸ੍ਮਿਂ ਪਿਣ੍ਡੇ ਆਗਤੇ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ।
Bhikkhū vā anabhineyya vatthudesanāyāti ñattidutiyena kammena vihāravatthuṃ na desāpetvā karoti vā kārāpeti vā, payoge dukkaṭaṃ. Ekaṃ piṇḍaṃ anāgate, āpatti thullaccayassa . Tasmiṃ piṇḍe āgate, āpatti saṅghādisesassa.
ਸਙ੍ਘਾਦਿਸੇਸੋਤਿ…ਪੇ॰… ਤੇਨਪਿ વੁਚ੍ਚਤਿ – ‘ਸਙ੍ਘਾਦਿਸੇਸੋ’ਤਿ।
Saṅghādisesoti…pe… tenapi vuccati – ‘saṅghādiseso’ti.
੩੭੨. ਭਿਕ੍ਖੁ વਿਹਾਰਂ ਕਰੋਤਿ ਅਦੇਸਿਤવਤ੍ਥੁਕਂ ਸਾਰਮ੍ਭਂ ਅਪਰਿਕ੍ਕਮਨਂ, ਆਪਤ੍ਤਿ ਸਙ੍ਘਾਦਿਸੇਸੇਨ ਦ੍વਿਨ੍ਨਂ ਦੁਕ੍ਕਟਾਨਂ। ਭਿਕ੍ਖੁ વਿਹਾਰਂ ਕਰੋਤਿ ਅਦੇਸਿਤવਤ੍ਥੁਕਂ ਸਾਰਮ੍ਭਂ ਸਪਰਿਕ੍ਕਮਨਂ, ਆਪਤ੍ਤਿ ਸਙ੍ਘਾਦਿਸੇਸੇਨ ਦੁਕ੍ਕਟਸ੍ਸ। ਭਿਕ੍ਖੁ વਿਹਾਰਂ ਕਰੋਤਿ ਅਦੇਸਿਤવਤ੍ਥੁਕਂ ਅਨਾਰਮ੍ਭਂ ਅਪਰਿਕ੍ਕਮਨਂ, ਆਪਤ੍ਤਿ ਸਙ੍ਘਾਦਿਸੇਸੇਨ ਦੁਕ੍ਕਟਸ੍ਸ। ਭਿਕ੍ਖੁ વਿਹਾਰਂ ਕਰੋਤਿ ਅਦੇਸਿਤવਤ੍ਥੁਕਂ ਅਨਾਰਮ੍ਭਂ ਸਪਰਿਕ੍ਕਮਨਂ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ।
372. Bhikkhu vihāraṃ karoti adesitavatthukaṃ sārambhaṃ aparikkamanaṃ, āpatti saṅghādisesena dvinnaṃ dukkaṭānaṃ. Bhikkhu vihāraṃ karoti adesitavatthukaṃ sārambhaṃ saparikkamanaṃ, āpatti saṅghādisesena dukkaṭassa. Bhikkhu vihāraṃ karoti adesitavatthukaṃ anārambhaṃ aparikkamanaṃ, āpatti saṅghādisesena dukkaṭassa. Bhikkhu vihāraṃ karoti adesitavatthukaṃ anārambhaṃ saparikkamanaṃ, āpatti saṅghādisesassa.
ਭਿਕ੍ਖੁ વਿਹਾਰਂ ਕਰੋਤਿ ਦੇਸਿਤવਤ੍ਥੁਕਂ ਸਾਰਮ੍ਭਂ ਅਪਰਿਕ੍ਕਮਨਂ, ਆਪਤ੍ਤਿ ਦ੍વਿਨ੍ਨਂ ਦੁਕ੍ਕਟਾਨਂ। ਭਿਕ੍ਖੁ વਿਹਾਰਂ ਕਰੋਤਿ ਦੇਸਿਤવਤ੍ਥੁਕਂ ਸਾਰਮ੍ਭਂ ਸਪਰਿਕ੍ਕਮਨਂ, ਆਪਤ੍ਤਿ ਦੁਕ੍ਕਟਸ੍ਸ। ਭਿਕ੍ਖੁ વਿਹਾਰਂ ਕਰੋਤਿ ਦੇਸਿਤવਤ੍ਥੁਕਂ ਅਨਾਰਮ੍ਭਂ ਅਪਰਿਕ੍ਕਮਨਂ, ਆਪਤ੍ਤਿ ਦੁਕ੍ਕਟਸ੍ਸ। ਭਿਕ੍ਖੁ વਿਹਾਰਂ ਕਰੋਤਿ ਦੇਸਿਤવਤ੍ਥੁਕਂ ਅਨਾਰਮ੍ਭਂ ਸਪਰਿਕ੍ਕਮਨਂ, ਅਨਾਪਤ੍ਤਿ।
Bhikkhu vihāraṃ karoti desitavatthukaṃ sārambhaṃ aparikkamanaṃ, āpatti dvinnaṃ dukkaṭānaṃ. Bhikkhu vihāraṃ karoti desitavatthukaṃ sārambhaṃ saparikkamanaṃ, āpatti dukkaṭassa. Bhikkhu vihāraṃ karoti desitavatthukaṃ anārambhaṃ aparikkamanaṃ, āpatti dukkaṭassa. Bhikkhu vihāraṃ karoti desitavatthukaṃ anārambhaṃ saparikkamanaṃ, anāpatti.
੩੭੩. ਭਿਕ੍ਖੁ ਸਮਾਦਿਸਤਿ – ‘‘વਿਹਾਰਂ ਮੇ ਕਰੋਥਾ’’ਤਿ। ਤਸ੍ਸ વਿਹਾਰਂ ਕਰੋਨ੍ਤਿ ਅਦੇਸਿਤવਤ੍ਥੁਕਂ ਸਾਰਮ੍ਭਂ ਅਪਰਿਕ੍ਕਮਨਂ, ਆਪਤ੍ਤਿ ਸਙ੍ਘਾਦਿਸੇਸੇਨ ਦ੍વਿਨ੍ਨਂ ਦੁਕ੍ਕਟਾਨਂ…ਪੇ॰… ਸਾਰਮ੍ਭਂ ਸਪਰਿਕ੍ਕਮਨਂ, ਆਪਤ੍ਤਿ ਸਙ੍ਘਾਦਿਸੇਸੇਨ ਦੁਕ੍ਕਟਸ੍ਸ…ਪੇ॰… ਅਨਾਰਮ੍ਭਂ ਅਪਰਿਕ੍ਕਮਨਂ, ਆਪਤ੍ਤਿ ਸਙ੍ਘਾਦਿਸੇਸੇਨ ਦੁਕ੍ਕਟਸ੍ਸ…ਪੇ॰… ਅਨਾਰਮ੍ਭਂ ਸਪਰਿਕ੍ਕਮਨਂ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ।
373. Bhikkhu samādisati – ‘‘vihāraṃ me karothā’’ti. Tassa vihāraṃ karonti adesitavatthukaṃ sārambhaṃ aparikkamanaṃ, āpatti saṅghādisesena dvinnaṃ dukkaṭānaṃ…pe… sārambhaṃ saparikkamanaṃ, āpatti saṅghādisesena dukkaṭassa…pe… anārambhaṃ aparikkamanaṃ, āpatti saṅghādisesena dukkaṭassa…pe… anārambhaṃ saparikkamanaṃ, āpatti saṅghādisesassa.
ਭਿਕ੍ਖੁ ਸਮਾਦਿਸਤਿ – ‘‘વਿਹਾਰਂ ਮੇ ਕਰੋਥਾ’’ਤਿ। ਤਸ੍ਸ વਿਹਾਰਂ ਕਰੋਨ੍ਤਿ ਦੇਸਿਤવਤ੍ਥੁਕਂ ਸਾਰਮ੍ਭਂ ਅਪਰਿਕ੍ਕਮਨਂ, ਆਪਤ੍ਤਿ ਦ੍વਿਨ੍ਨਂ ਦੁਕ੍ਕਟਾਨਂ…ਪੇ॰… ਸਾਰਮ੍ਭਂ ਸਪਰਿਕ੍ਕਮਨਂ, ਆਪਤ੍ਤਿ ਦੁਕ੍ਕਟਸ੍ਸ…ਪੇ॰… ਅਨਾਰਮ੍ਭਂ ਅਪਰਿਕ੍ਕਮਨਂ, ਆਪਤ੍ਤਿ ਦੁਕ੍ਕਟਸ੍ਸ…ਪੇ॰… ਅਨਾਰਮ੍ਭਂ ਸਪਰਿਕ੍ਕਮਨਂ, ਅਨਾਪਤ੍ਤਿ।
Bhikkhu samādisati – ‘‘vihāraṃ me karothā’’ti. Tassa vihāraṃ karonti desitavatthukaṃ sārambhaṃ aparikkamanaṃ, āpatti dvinnaṃ dukkaṭānaṃ…pe… sārambhaṃ saparikkamanaṃ, āpatti dukkaṭassa…pe… anārambhaṃ aparikkamanaṃ, āpatti dukkaṭassa…pe… anārambhaṃ saparikkamanaṃ, anāpatti.
੩੭੪. ਭਿਕ੍ਖੁ ਸਮਾਦਿਸਿਤ੍વਾ ਪਕ੍ਕਮਤਿ – ‘‘વਿਹਾਰਂ ਮੇ ਕਰੋਥਾ’’ਤਿ। ਨ ਚ ਸਮਾਦਿਸਤਿ – ‘‘ਦੇਸਿਤવਤ੍ਥੁਕੋ ਚ ਹੋਤੁ ਅਨਾਰਮ੍ਭੋ ਚ ਸਪਰਿਕ੍ਕਮਨੋ ਚਾ’’ਤਿ। ਤਸ੍ਸ વਿਹਾਰਂ ਕਰੋਨ੍ਤਿ ਅਦੇਸਿਤવਤ੍ਥੁਕਂ ਸਾਰਮ੍ਭਂ ਅਪਰਿਕ੍ਕਮਨਂ, ਆਪਤ੍ਤਿ ਸਙ੍ਘਾਦਿਸੇਸੇਨ ਦ੍વਿਨ੍ਨਂ ਦੁਕ੍ਕਟਾਨਂ…ਪੇ॰… ਸਾਰਮ੍ਭਂ ਸਪਰਿਕ੍ਕਮਨਂ, ਆਪਤ੍ਤਿ ਸਙ੍ਘਾਦਿਸੇਸੇਨ ਦੁਕ੍ਕਟਸ੍ਸ…ਪੇ॰… ਅਨਾਰਮ੍ਭਂ ਅਪਰਿਕ੍ਕਮਨਂ, ਆਪਤ੍ਤਿ ਸਙ੍ਘਾਦਿਸੇਸੇਨ ਦੁਕ੍ਕਟਸ੍ਸ…ਪੇ॰… ਅਨਾਰਮ੍ਭਂ ਸਪਰਿਕ੍ਕਮਨਂ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ।
374. Bhikkhu samādisitvā pakkamati – ‘‘vihāraṃ me karothā’’ti. Na ca samādisati – ‘‘desitavatthuko ca hotu anārambho ca saparikkamano cā’’ti. Tassa vihāraṃ karonti adesitavatthukaṃ sārambhaṃ aparikkamanaṃ, āpatti saṅghādisesena dvinnaṃ dukkaṭānaṃ…pe… sārambhaṃ saparikkamanaṃ, āpatti saṅghādisesena dukkaṭassa…pe… anārambhaṃ aparikkamanaṃ, āpatti saṅghādisesena dukkaṭassa…pe… anārambhaṃ saparikkamanaṃ, āpatti saṅghādisesassa.
ਭਿਕ੍ਖੁ ਸਮਾਦਿਸਿਤ੍વਾ ਪਕ੍ਕਮਤਿ – ‘‘વਿਹਾਰਂ ਮੇ ਕਰੋਥਾ’’ਤਿ। ਨ ਚ ਸਮਾਦਿਸਤਿ – ‘‘ਦੇਸਿਤવਤ੍ਥੁਕੋ ਚ ਹੋਤੁ ਅਨਾਰਮ੍ਭੋ ਚ ਸਪਰਿਕ੍ਕਮਨੋ ਚਾ’’ਤਿ। ਤਸ੍ਸ વਿਹਾਰਂ ਕਰੋਨ੍ਤਿ ਦੇਸਿਤવਤ੍ਥੁਕਂ ਸਾਰਮ੍ਭਂ ਅਪਰਿਕ੍ਕਮਨਂ, ਆਪਤ੍ਤਿ ਦ੍વਿਨ੍ਨਂ ਦੁਕ੍ਕਟਾਨਂ…ਪੇ॰… ਸਾਰਮ੍ਭਂ ਸਪਰਿਕ੍ਕਮਨਂ, ਆਪਤ੍ਤਿ ਦੁਕ੍ਕਟਸ੍ਸ…ਪੇ॰… ਅਨਾਰਮ੍ਭਂ ਅਪਰਿਕ੍ਕਮਨਂ, ਆਪਤ੍ਤਿ ਦੁਕ੍ਕਟਸ੍ਸ…ਪੇ॰… ਅਨਾਰਮ੍ਭਂ ਸਪਰਿਕ੍ਕਮਨਂ, ਅਨਾਪਤ੍ਤਿ।
Bhikkhu samādisitvā pakkamati – ‘‘vihāraṃ me karothā’’ti. Na ca samādisati – ‘‘desitavatthuko ca hotu anārambho ca saparikkamano cā’’ti. Tassa vihāraṃ karonti desitavatthukaṃ sārambhaṃ aparikkamanaṃ, āpatti dvinnaṃ dukkaṭānaṃ…pe… sārambhaṃ saparikkamanaṃ, āpatti dukkaṭassa…pe… anārambhaṃ aparikkamanaṃ, āpatti dukkaṭassa…pe… anārambhaṃ saparikkamanaṃ, anāpatti.
੩੭੫. ਭਿਕ੍ਖੁ ਸਮਾਦਿਸਿਤ੍વਾ ਪਕ੍ਕਮਤਿ – ‘‘વਿਹਾਰਂ ਮੇ ਕਰੋਥਾ’’ਤਿ। ਸਮਾਦਿਸਤਿ ਚ – ‘‘ਦੇਸਿਤવਤ੍ਥੁਕੋ ਚ ਹੋਤੁ ਅਨਾਰਮ੍ਭੋ ਚ ਸਪਰਿਕ੍ਕਮਨੋ ਚਾ’’ਤਿ। ਤਸ੍ਸ વਿਹਾਰਂ ਕਰੋਨ੍ਤਿ ਅਦੇਸਿਤવਤ੍ਥੁਕਂ ਸਾਰਮ੍ਭਂ ਅਪਰਿਕ੍ਕਮਨਂ। ਸੋ ਸੁਣਾਤਿ – ‘‘વਿਹਾਰੋ ਕਿਰ ਮੇ ਕਯਿਰਤਿ ਅਦੇਸਿਤવਤ੍ਥੁਕੋ ਸਾਰਮ੍ਭੋ ਅਪਰਿਕ੍ਕਮਨੋ’’ਤਿ। ਤੇਨ ਭਿਕ੍ਖੁਨਾ ਸਾਮਂ વਾ ਗਨ੍ਤਬ੍ਬਂ ਦੂਤੋ વਾ ਪਾਹੇਤਬ੍ਬੋ – ‘‘ਦੇਸਿਤવਤ੍ਥੁਕੋ ਚ ਹੋਤੁ ਅਨਾਰਮ੍ਭੋ ਚ ਸਪਰਿਕ੍ਕਮਨੋ ਚਾ’’ਤਿ …ਪੇ॰… ‘‘ਦੇਸਿਤવਤ੍ਥੁਕੋ ਚ ਹੋਤੁ ਅਨਾਰਮ੍ਭੋ ਚਾ’’ਤਿ…ਪੇ॰… ‘‘ਦੇਸਿਤવਤ੍ਥੁਕੋ ਚ ਹੋਤੁ ਸਪਰਿਕ੍ਕਮਨੋ ਚਾ’’ਤਿ …ਪੇ॰… ‘‘ਦੇਸਿਤવਤ੍ਥੁਕੋ ਹੋਤੂ’’ਤਿ। ਨੋ ਚੇ ਸਾਮਂ વਾ ਗਚ੍ਛੇਯ੍ਯ ਦੂਤਂ વਾ ਪਹਿਣੇਯ੍ਯ, ਆਪਤ੍ਤਿ ਦੁਕ੍ਕਟਸ੍ਸ।
375. Bhikkhu samādisitvā pakkamati – ‘‘vihāraṃ me karothā’’ti. Samādisati ca – ‘‘desitavatthuko ca hotu anārambho ca saparikkamano cā’’ti. Tassa vihāraṃ karonti adesitavatthukaṃ sārambhaṃ aparikkamanaṃ. So suṇāti – ‘‘vihāro kira me kayirati adesitavatthuko sārambho aparikkamano’’ti. Tena bhikkhunā sāmaṃ vā gantabbaṃ dūto vā pāhetabbo – ‘‘desitavatthuko ca hotu anārambho ca saparikkamano cā’’ti …pe… ‘‘desitavatthuko ca hotu anārambho cā’’ti…pe… ‘‘desitavatthuko ca hotu saparikkamano cā’’ti …pe… ‘‘desitavatthuko hotū’’ti. No ce sāmaṃ vā gaccheyya dūtaṃ vā pahiṇeyya, āpatti dukkaṭassa.
ਭਿਕ੍ਖੁ ਸਮਾਦਿਸਿਤ੍વਾ ਪਕ੍ਕਮਤਿ – ‘‘વਿਹਾਰਂ ਮੇ ਕਰੋਥਾ’’ਤਿ। ਸਮਾਦਿਸਤਿ ਚ – ‘‘ਦੇਸਿਤવਤ੍ਥੁਕੋ ਚ ਹੋਤੁ ਅਨਾਰਮ੍ਭੋ ਚ ਸਪਰਿਕ੍ਕਮਨੋ ਚਾ’’ਤਿ। ਤਸ੍ਸ વਿਹਾਰਂ ਕਰੋਨ੍ਤਿ ਦੇਸਿਤવਤ੍ਥੁਕਂ ਸਾਰਮ੍ਭਂ ਅਪਰਿਕ੍ਕਮਨਂ। ਸੋ ਸੁਣਾਤਿ – ‘‘વਿਹਾਰੋ ਕਿਰ ਮੇ ਕਯਿਰਤਿ ਦੇਸਿਤવਤ੍ਥੁਕੋ ਸਾਰਮ੍ਭੋ ਅਪਰਿਕ੍ਕਮਨੋ’’ਤਿ। ਤੇਨ ਭਿਕ੍ਖੁਨਾ ਸਾਮਂ વਾ ਗਨ੍ਤਬ੍ਬਂ ਦੂਤੋ વਾ ਪਾਹੇਤਬ੍ਬੋ – ‘‘ਅਨਾਰਮ੍ਭੋ ਚ ਹੋਤੁ ਸਪਰਿਕ੍ਕਮਨੋ ਚਾ’’ਤਿ…ਪੇ॰… ‘‘ਅਨਾਰਮ੍ਭੋ ਹੋਤੂ’’ਤਿ ‘‘ਸਪਰਿਕ੍ਕਮਨੋ ਹੋਤੂ’’ਤਿ, ਅਨਾਪਤ੍ਤਿ।
Bhikkhu samādisitvā pakkamati – ‘‘vihāraṃ me karothā’’ti. Samādisati ca – ‘‘desitavatthuko ca hotu anārambho ca saparikkamano cā’’ti. Tassa vihāraṃ karonti desitavatthukaṃ sārambhaṃ aparikkamanaṃ. So suṇāti – ‘‘vihāro kira me kayirati desitavatthuko sārambho aparikkamano’’ti. Tena bhikkhunā sāmaṃ vā gantabbaṃ dūto vā pāhetabbo – ‘‘anārambho ca hotu saparikkamano cā’’ti…pe… ‘‘anārambho hotū’’ti ‘‘saparikkamano hotū’’ti, anāpatti.
੩੭੬. ਭਿਕ੍ਖੁ ਸਮਾਦਿਸਿਤ੍વਾ ਪਕ੍ਕਮਤਿ – ‘‘વਿਹਾਰਂ ਮੇ ਕਰੋਥਾ’’ਤਿ। ਸਮਾਦਿਸਤਿ ਚ – ‘‘ਦੇਸਿਤવਤ੍ਥੁਕੋ ਚ ਹੋਤੁ ਅਨਾਰਮ੍ਭੋ ਚ ਸਪਰਿਕ੍ਕਮਨੋ ਚਾ’’ਤਿ। ਤਸ੍ਸ વਿਹਾਰਂ ਕਰੋਨ੍ਤਿ ਅਦੇਸਿਤવਤ੍ਥੁਕਂ ਸਾਰਮ੍ਭਂ ਅਪਰਿਕ੍ਕਮਨਂ, ਆਪਤ੍ਤਿ ਕਾਰੁਕਾਨਂ ਤਿਣ੍ਣਂ ਦੁਕ੍ਕਟਾਨਂ…ਪੇ॰… ਸਾਰਮ੍ਭਂ ਸਪਰਿਕ੍ਕਮਨਂ, ਆਪਤ੍ਤਿ ਕਾਰੁਕਾਨਂ ਦ੍વਿਨ੍ਨਂ ਦੁਕ੍ਕਟਾਨਂ…ਪੇ॰… ਅਨਾਰਮ੍ਭਂ ਅਪਰਿਕ੍ਕਮਨਂ, ਆਪਤ੍ਤਿ ਕਾਰੁਕਾਨਂ ਦ੍વਿਨ੍ਨਂ ਦੁਕ੍ਕਟਾਨਂ…ਪੇ॰… ਅਨਾਰਮ੍ਭਂ ਸਪਰਿਕ੍ਕਮਨਂ, ਆਪਤ੍ਤਿ ਕਾਰੁਕਾਨਂ ਦੁਕ੍ਕਟਸ੍ਸ।
376. Bhikkhu samādisitvā pakkamati – ‘‘vihāraṃ me karothā’’ti. Samādisati ca – ‘‘desitavatthuko ca hotu anārambho ca saparikkamano cā’’ti. Tassa vihāraṃ karonti adesitavatthukaṃ sārambhaṃ aparikkamanaṃ, āpatti kārukānaṃ tiṇṇaṃ dukkaṭānaṃ…pe… sārambhaṃ saparikkamanaṃ, āpatti kārukānaṃ dvinnaṃ dukkaṭānaṃ…pe… anārambhaṃ aparikkamanaṃ, āpatti kārukānaṃ dvinnaṃ dukkaṭānaṃ…pe… anārambhaṃ saparikkamanaṃ, āpatti kārukānaṃ dukkaṭassa.
ਭਿਕ੍ਖੁ ਸਮਾਦਿਸਿਤ੍વਾ ਪਕ੍ਕਮਤਿ – ‘‘વਿਹਾਰਂ ਮੇ ਕਰੋਥਾ’’ਤਿ। ਸਮਾਦਿਸਤਿ ਚ – ‘‘ਦੇਸਿਤવਤ੍ਥੁਕੋ ਚ ਹੋਤੁ ਅਨਾਰਮ੍ਭੋ ਚ ਸਪਰਿਕ੍ਕਮਨੋ ਚਾ’’ਤਿ। ਤਸ੍ਸ વਿਹਾਰਂ ਕਰੋਨ੍ਤਿ ਦੇਸਿਤવਤ੍ਥੁਕਂ ਸਾਰਮ੍ਭਂ ਅਪਰਿਕ੍ਕਮਨਂ , ਆਪਤ੍ਤਿ ਕਾਰੁਕਾਨਂ ਦ੍વਿਨ੍ਨਂ ਦੁਕ੍ਕਟਾਨਂ…ਪੇ॰… ਸਾਰਮ੍ਭਂ ਸਪਰਿਕ੍ਕਮਨਂ, ਆਪਤ੍ਤਿ ਕਾਰੁਕਾਨਂ ਦੁਕ੍ਕਟਸ੍ਸ…ਪੇ॰… ਅਨਾਰਮ੍ਭਂ ਅਪਰਿਕ੍ਕਮਨਂ, ਆਪਤ੍ਤਿ ਕਾਰੁਕਾਨਂ ਦੁਕ੍ਕਟਸ੍ਸ…ਪੇ॰… ਅਨਾਰਮ੍ਭਂ ਸਪਰਿਕ੍ਕਮਨਂ, ਅਨਾਪਤ੍ਤਿ।
Bhikkhu samādisitvā pakkamati – ‘‘vihāraṃ me karothā’’ti. Samādisati ca – ‘‘desitavatthuko ca hotu anārambho ca saparikkamano cā’’ti. Tassa vihāraṃ karonti desitavatthukaṃ sārambhaṃ aparikkamanaṃ , āpatti kārukānaṃ dvinnaṃ dukkaṭānaṃ…pe… sārambhaṃ saparikkamanaṃ, āpatti kārukānaṃ dukkaṭassa…pe… anārambhaṃ aparikkamanaṃ, āpatti kārukānaṃ dukkaṭassa…pe… anārambhaṃ saparikkamanaṃ, anāpatti.
੩੭੭. ਭਿਕ੍ਖੁ ਸਮਾਦਿਸਿਤ੍વਾ ਪਕ੍ਕਮਤਿ – ‘‘વਿਹਾਰਂ ਮੇ ਕਰੋਥਾ’’ਤਿ। ਤਸ੍ਸ વਿਹਾਰਂ ਕਰੋਨ੍ਤਿ ਅਦੇਸਿਤવਤ੍ਥੁਕਂ ਸਾਰਮ੍ਭਂ ਅਪਰਿਕ੍ਕਮਨਂ। ਸੋ ਚੇ વਿਪ੍ਪਕਤੇ ਆਗਚ੍ਛਤਿ, ਤੇਨ ਭਿਕ੍ਖੁਨਾ ਸੋ વਿਹਾਰੋ ਅਞ੍ਞਸ੍ਸ વਾ ਦਾਤਬ੍ਬੋ ਭਿਨ੍ਦਿਤ੍વਾ વਾ ਪੁਨ ਕਾਤਬ੍ਬੋ। ਨੋ ਚੇ ਅਞ੍ਞਸ੍ਸ વਾ ਦਦੇਯ੍ਯ ਭਿਨ੍ਦਿਤ੍વਾ વਾ ਪੁਨ ਕਾਰੇਯ੍ਯ, ਆਪਤ੍ਤਿ ਸਙ੍ਘਾਦਿਸੇਸੇਨ ਦ੍વਿਨ੍ਨਂ ਦੁਕ੍ਕਟਾਨਂ…ਪੇ॰… ਸਾਰਮ੍ਭਂ ਸਪਰਿਕ੍ਕਮਨਂ, ਆਪਤ੍ਤਿ ਸਙ੍ਘਾਦਿਸੇਸੇਨ ਦੁਕ੍ਕਟਸ੍ਸ…ਪੇ॰… ਅਨਾਰਮ੍ਭਂ ਅਪਰਿਕ੍ਕਮਨਂ, ਆਪਤ੍ਤਿ ਸਙ੍ਘਾਦਿਸੇਸੇਨ ਦੁਕ੍ਕਟਸ੍ਸ…ਪੇ॰… ਅਨਾਰਮ੍ਭਂ ਸਪਰਿਕ੍ਕਮਨਂ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ।
377. Bhikkhu samādisitvā pakkamati – ‘‘vihāraṃ me karothā’’ti. Tassa vihāraṃ karonti adesitavatthukaṃ sārambhaṃ aparikkamanaṃ. So ce vippakate āgacchati, tena bhikkhunā so vihāro aññassa vā dātabbo bhinditvā vā puna kātabbo. No ce aññassa vā dadeyya bhinditvā vā puna kāreyya, āpatti saṅghādisesena dvinnaṃ dukkaṭānaṃ…pe… sārambhaṃ saparikkamanaṃ, āpatti saṅghādisesena dukkaṭassa…pe… anārambhaṃ aparikkamanaṃ, āpatti saṅghādisesena dukkaṭassa…pe… anārambhaṃ saparikkamanaṃ, āpatti saṅghādisesassa.
ਭਿਕ੍ਖੁ ਸਮਾਦਿਸਿਤ੍વਾ ਪਕ੍ਕਮਤਿ – ‘‘વਿਹਾਰਂ ਮੇ ਕਰੋਥਾ’’ਤਿ। ਤਸ੍ਸ વਿਹਾਰਂ ਕਰੋਨ੍ਤਿ ਦੇਸਿਤવਤ੍ਥੁਕਂ ਸਾਰਮ੍ਭਂ ਅਪਰਿਕ੍ਕਮਨਂ। ਸੋ ਚੇ વਿਪ੍ਪਕਤੇ ਆਗਚ੍ਛਤਿ, ਤੇਨ ਭਿਕ੍ਖੁਨਾ ਸੋ વਿਹਾਰੋ ਅਞ੍ਞਸ੍ਸ વਾ ਦਾਤਬ੍ਬੋ ਭਿਨ੍ਦਿਤ੍વਾ વਾ ਪੁਨ ਕਾਤਬ੍ਬੋ। ਨੋ ਚੇ ਅਞ੍ਞਸ੍ਸ વਾ ਦਦੇਯ੍ਯ ਭਿਨ੍ਦਿਤ੍વਾ વਾ ਪੁਨ ਕਾਰੇਯ੍ਯ, ਆਪਤ੍ਤਿ ਦ੍વਿਨ੍ਨਂ ਦੁਕ੍ਕਟਾਨਂ…ਪੇ॰… ਸਾਰਮ੍ਭਂ ਸਪਰਿਕ੍ਕਮਨਂ, ਆਪਤ੍ਤਿ ਦੁਕ੍ਕਟਸ੍ਸ…ਪੇ॰… ਅਨਾਰਮ੍ਭਂ ਅਪਰਿਕ੍ਕਮਨਂ, ਆਪਤ੍ਤਿ ਦੁਕ੍ਕਟਸ੍ਸ…ਪੇ॰… ਅਨਾਰਮ੍ਭਂ ਸਪਰਿਕ੍ਕਮਨਂ, ਅਨਾਪਤ੍ਤਿ।
Bhikkhu samādisitvā pakkamati – ‘‘vihāraṃ me karothā’’ti. Tassa vihāraṃ karonti desitavatthukaṃ sārambhaṃ aparikkamanaṃ. So ce vippakate āgacchati, tena bhikkhunā so vihāro aññassa vā dātabbo bhinditvā vā puna kātabbo. No ce aññassa vā dadeyya bhinditvā vā puna kāreyya, āpatti dvinnaṃ dukkaṭānaṃ…pe… sārambhaṃ saparikkamanaṃ, āpatti dukkaṭassa…pe… anārambhaṃ aparikkamanaṃ, āpatti dukkaṭassa…pe… anārambhaṃ saparikkamanaṃ, anāpatti.
੩੭੮. ਅਤ੍ਤਨਾ વਿਪ੍ਪਕਤਂ ਅਤ੍ਤਨਾ ਪਰਿਯੋਸਾਪੇਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ ।
378. Attanā vippakataṃ attanā pariyosāpeti, āpatti saṅghādisesassa .
ਅਤ੍ਤਨਾ વਿਪ੍ਪਕਤਂ ਪਰੇਹਿ ਪਰਿਯੋਸਾਪੇਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ।
Attanā vippakataṃ parehi pariyosāpeti, āpatti saṅghādisesassa.
ਪਰੇਹਿ વਿਪ੍ਪਕਤਂ ਅਤ੍ਤਨਾ ਪਰਿਯੋਸਾਪੇਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ।
Parehi vippakataṃ attanā pariyosāpeti, āpatti saṅghādisesassa.
ਪਰੇਹਿ વਿਪ੍ਪਕਤਂ ਪਰੇਹਿ ਪਰਿਯੋਸਾਪੇਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ।
Parehi vippakataṃ parehi pariyosāpeti, āpatti saṅghādisesassa.
੩੭੯. ਅਨਾਪਤ੍ਤਿ ਲੇਣੇ ਗੁਹਾਯ ਤਿਣਕੁਟਿਕਾਯ ਅਞ੍ਞਸ੍ਸਤ੍ਥਾਯ વਾਸਾਗਾਰਂ ਠਪੇਤ੍વਾ ਸਬ੍ਬਤ੍ਥ। ਅਨਾਪਤ੍ਤਿ ਉਮ੍ਮਤ੍ਤਕਸ੍ਸ, ਆਦਿਕਮ੍ਮਿਕਸ੍ਸਾਤਿ।
379. Anāpatti leṇe guhāya tiṇakuṭikāya aññassatthāya vāsāgāraṃ ṭhapetvā sabbattha. Anāpatti ummattakassa, ādikammikassāti.
વਿਹਾਰਕਾਰਸਿਕ੍ਖਾਪਦਂ ਨਿਟ੍ਠਿਤਂ ਸਤ੍ਤਮਂ।
Vihārakārasikkhāpadaṃ niṭṭhitaṃ sattamaṃ.
Footnotes:
Related texts:
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā / ੭. વਿਹਾਰਕਾਰਸਿਕ੍ਖਾਪਦવਣ੍ਣਨਾ • 7. Vihārakārasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ੭. વਿਹਾਰਕਾਰਸਿਕ੍ਖਾਪਦવਣ੍ਣਨਾ • 7. Vihārakārasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ੭. વਿਹਾਰਕਾਰਸਿਕ੍ਖਾਪਦવਣ੍ਣਨਾ • 7. Vihārakārasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ੭. વਿਹਾਰਕਾਰਸਿਕ੍ਖਾਪਦવਣ੍ਣਨਾ • 7. Vihārakārasikkhāpadavaṇṇanā
