| Library / Tipiṭaka / д̇ибидага • Tipiṭaka / махаавибхан̇г̇а-адтагат̇аа • Mahāvibhaṅga-aṭṭhakathā |
7. вихаарагаарасигкаабад̣̇аван̣н̣анаа
7. Vihārakārasikkhāpadavaṇṇanā
365. д̇зна самаязнаад̇и вихаарагаарасигкаабад̣̇ам̣. д̇ад̇т̇а госамб̣ияанд̇и звам̣наамагз наг̇арз. гхосид̇аараамзд̇и гхосид̇асса аараамз. гхосид̇анаамагзна гира сздтинаа со гаарид̇о, д̇асмаа ‘‘гхосид̇аараамо’’д̇и вужжад̇и. чаннассаад̇и б̣од̇хисад̇д̇агаалз убадтаагачаннасса. вихааравад̇т̇ум̣, бханд̇з, ж̇аанаахийд̇и вихаарасса бад̇идтаанадтаанам̣, бханд̇з, ж̇аанаахи. зд̇т̇а жа вихаарод̇и на сагалавихааро, зго ааваасо, д̇знзвааха – ‘‘аяяасса вихаарам̣ гаараабзссаамий’’д̇и.
365.Tena samayenāti vihārakārasikkhāpadaṃ. Tattha kosambiyanti evaṃnāmake nagare. Ghositārāmeti ghositassa ārāme. Ghositanāmakena kira seṭṭhinā so kārito, tasmā ‘‘ghositārāmo’’ti vuccati. Channassāti bodhisattakāle upaṭṭhākachannassa. Vihāravatthuṃ, bhante, jānāhīti vihārassa patiṭṭhānaṭṭhānaṃ, bhante, jānāhi. Ettha ca vihāroti na sakalavihāro, eko āvāso, tenevāha – ‘‘ayyassa vihāraṃ kārāpessāmī’’ti.
жзд̇ияаругканд̇и зд̇т̇а жид̇д̇ийгад̇адтзна жзд̇ияам̣, бууж̇аарахаанам̣ д̣̇звадтаанаанамзд̇ам̣ ад̇хиважанам̣, ‘‘жзд̇ияа’’нд̇и саммад̇ам̣ ругкам̣ жзд̇ияаругкам̣. г̇аамзна бууж̇ид̇ам̣ г̇аамасса ваа бууж̇ид̇анд̇и г̇аамабууж̇ид̇ам̣. зсзва наяо сзсабад̣̇зсуби. абижзд̇т̇а ж̇анабад̣̇од̇и згасса ран̃н̃о раж̇ж̇з згзго годтаасо. радтанд̇и сагалараж̇ж̇ам̣ взд̣̇ид̇аб̣б̣ам̣, сагалараж̇ж̇амби хи гад̣̇аажи гад̣̇аажи д̇асса ругкасса бууж̇ам̣ гарод̇и, д̇зна вуд̇д̇ам̣ ‘‘радтабууж̇ид̇а’’нд̇и. згинд̣̇рияанд̇и гааяинд̣̇рияам̣ санд̇хааяа вад̣̇анд̇и. ж̇ийвасан̃н̃инод̇и сад̇д̇асан̃н̃ино.
Cetiyarukkhanti ettha cittīkataṭṭhena cetiyaṃ, pūjārahānaṃ devaṭṭhānānametaṃ adhivacanaṃ, ‘‘cetiya’’nti sammataṃ rukkhaṃ cetiyarukkhaṃ. Gāmena pūjitaṃ gāmassa vā pūjitanti gāmapūjitaṃ. Eseva nayo sesapadesupi. Apicettha janapadoti ekassa rañño rajje ekeko koṭṭhāso. Raṭṭhanti sakalarajjaṃ veditabbaṃ, sakalarajjampi hi kadāci kadāci tassa rukkhassa pūjaṃ karoti, tena vuttaṃ ‘‘raṭṭhapūjita’’nti. Ekindriyanti kāyindriyaṃ sandhāya vadanti. Jīvasaññinoti sattasaññino.
366. махаллаганд̇и сассаамигабхаавзна сам̣яаажигагудид̇о маханд̇абхааво зд̇асса ад̇т̇ийд̇и махаллаго. яасмаа ваа вад̇т̇ум̣ д̣̇зсаабзд̇ваа бамаан̣аад̇иггамзнаби гаад̇ум̣ ваддад̇и, д̇асмаа бамаан̣амаханд̇ад̇ааяаби махаллаго , д̇ам̣ махаллагам̣. яасмаа банасса д̇ам̣ бамаан̣амахад̇д̇ам̣ сассаамигад̇д̇аава лаб̣бхад̇и, д̇асмаа д̇ад̣̇ад̇т̇ад̣̇ассанад̇т̇ам̣ ‘‘махаллаго наама вихааро сассаамиго вужжад̇ий’’д̇и бад̣̇абхааж̇анам̣ вуд̇д̇ам̣. сзсам̣ саб̣б̣ам̣ гудигаарасигкаабад̣̇з вуд̇д̇анаязнзва взд̣̇ид̇аб̣б̣ам̣ сад̣̇д̇хим̣ самудтаанаад̣̇ийхи. сассаамигабхаавамад̇д̇амзва хи зд̇т̇а гирияад̇о самудтаанаабхааво бамаан̣анияамаабхааво жа висзсо, бамаан̣анияамаабхааваа жа жад̇уггабаарихаанийд̇и.
366.Mahallakanti sassāmikabhāvena saṃyācikakuṭito mahantabhāvo etassa atthīti mahallako. Yasmā vā vatthuṃ desāpetvā pamāṇātikkamenapi kātuṃ vaṭṭati, tasmā pamāṇamahantatāyapi mahallako , taṃ mahallakaṃ. Yasmā panassa taṃ pamāṇamahattaṃ sassāmikattāva labbhati, tasmā tadatthadassanatthaṃ ‘‘mahallako nāma vihāro sassāmiko vuccatī’’ti padabhājanaṃ vuttaṃ. Sesaṃ sabbaṃ kuṭikārasikkhāpade vuttanayeneva veditabbaṃ saddhiṃ samuṭṭhānādīhi. Sassāmikabhāvamattameva hi ettha kiriyato samuṭṭhānābhāvo pamāṇaniyamābhāvo ca viseso, pamāṇaniyamābhāvā ca catukkapārihānīti.
вихаарагаарасигкаабад̣̇аван̣н̣анаа нидтид̇аа.
Vihārakārasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 7. вихаарагаарасигкаабад̣̇ам̣ • 7. Vihārakārasikkhāpadaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 7. вихаарагаарасигкаабад̣̇аван̣н̣анаа • 7. Vihārakārasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 7. вихаарагаарасигкаабад̣̇аван̣н̣анаа • 7. Vihārakārasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 7. вихаарагаарасигкаабад̣̇аван̣н̣анаа • 7. Vihārakārasikkhāpadavaṇṇanā
