7. вихаарагаарасигкаабад̣̇аван̣н̣анаа

365. сад̇д̇амз звам̣наамагз наг̇арзд̇и госамб̣ийнаамагз. д̇асса гира наг̇арасса аараамабогкаран̣ийаад̣̇ийсу д̇зсу д̇зсу таанзсу госамб̣аругкаава уссаннаа ахзсум̣, д̇асмаа госамб̣ийд̇и сан̇кяам̣ аг̇амааси. гусумб̣асса наама исино ассамад̇о авид̣̇уурз маабид̇ад̇д̇аад̇и згз. ид̣̇ам̣ вуд̇д̇ам̣ ход̇и – гусумб̣асса исино ниваасабхууми госамб̣ий, д̇асса жа авид̣̇уурз бхавад̇д̇аа наг̇арам̣ госамб̣ийд̇и сан̇кяам̣ г̇ад̇анд̇и. гхосид̇анаамагзна гира сздтинаа со гаарид̇од̇и зд̇т̇а го гхосид̇асздти, гат̇ан̃жаанзна со аараамо гаарид̇од̇и? буб̣б̣з гира ад̣̇д̣̇иларадтам̣ наама ахоси. д̇ад̇о год̇уухалаго наама д̣̇алид̣̇д̣̇о чаад̇агабхаязна сабуд̇д̇ад̣̇ааро субхигкам̣ радтам̣ г̇ажчанд̇о буд̇д̇ам̣ вахид̇ум̣ асаггонд̇о чад̣д̣зд̇ваа аг̇амааси. маад̇аа нивад̇д̇ид̇ваа д̇ам̣ г̇ахзд̇ваа г̇ад̇аа. д̇з згам̣ г̇обаалагаг̇аамам̣ бависим̣су. г̇обаалагаанан̃жа д̇ад̣̇аа б̣ахубааяаасо бадияад̇д̇о ход̇и, д̇ад̇о бааяаасам̣ лабхид̇ваа бхун̃ж̇им̣су. ат̇а со бурисо б̣ахуд̇арам̣ бааяаасам̣ бхуд̇д̇о ж̇ийраабзд̇ум̣ асаггонд̇о рад̇д̇ибхааг̇з гаалам̣ гад̇ваа д̇ад̇т̇зва сунакияаа гужчисмим̣ бадисанд̇хим̣ г̇ахзд̇ваа гуггуро ж̇аад̇о, со г̇обаалагасса бияо ахоси. г̇обаалаго жа бажжзгаб̣уд̣̇д̇хам̣ убадтаад̇и. бажжзгаб̣уд̣̇д̇хоби бхад̇д̇агижжагаалз гуггурасса згам̣ бин̣д̣ам̣ д̣̇зд̇и. со бажжзгаб̣уд̣̇д̇хз синзхам̣ уббаад̣̇зд̇ваа г̇обаалагзна сад̣̇д̇хим̣ бан̣н̣асааламби г̇ажчад̇и, г̇обаалагз асаннихид̇з бхад̇д̇авзлааяам̣ саяамзва г̇анд̇ваа гаалаарожанад̇т̇ам̣ бан̣н̣асаалад̣̇ваарз бхуссад̇и, анд̇араамаг̇г̇зби жан̣д̣амиг̇з д̣̇исваа бхуссид̇ваа балаабзд̇и. со бажжзгаб̣уд̣̇д̇хз муд̣̇угзна жид̇д̇зна гаалам̣ гад̇ваа д̣̇звалогз ниб̣б̣ад̇д̇и. д̇ад̇раасса ‘‘гхосагад̣̇звабуд̇д̇о’’д̇взва наамам̣ ахоси.

со д̣̇звалогад̇о жавид̇ваа госамб̣ияам̣ згасмим̣ гулагхарз ниб̣б̣ад̇д̇и. д̇ам̣ абуд̇д̇аго гира сздти д̇асса маад̇аабид̇уунам̣ д̇ханам̣ д̣̇ад̇ваа буд̇д̇ам̣ гад̇ваа аг̇г̇ахзси. ат̇а ад̇д̇ано буд̇д̇з ж̇аад̇з сад̇д̇агкад̇д̇ум̣ гхаад̇аабзд̇ум̣ убаггами. со бун̃н̃аванд̇ад̇ааяа сад̇д̇асуби таанзсу маран̣ам̣ аббад̇ваа авасаанз згааяа сздтид̇хийд̇ааяа взяяад̇д̇иязна лад̣̇д̇хаж̇ийвиго абарабхааг̇з бид̇у ажжаязна сздтидтаанам̣ бад̇ваа гхосид̇асздти наама ж̇аад̇о. ан̃н̃зби госамб̣ияам̣ гуггудасздти, бааваарияасздтийд̇и д̣̇вз сздтино ад̇т̇и, иминаа сад̣̇д̇хим̣ д̇аяо ахзсум̣.

д̇зна жа самаязна д̇зсам̣ сахааяагаанам̣ сздтийнам̣ гулуубагаа бан̃жасад̇аа исаяо баб̣б̣ад̇абаад̣̇з васим̣су. д̇з гаалзна гаалам̣ лон̣амб̣иласзванад̇т̇ам̣ мануссабат̇ам̣ ааг̇ажчанд̇и. ат̇згасмим̣ ваарз г̇имхасамаяз мануссабат̇ам̣ ааг̇ажчанд̇аа нируд̣̇агам̣ махааганд̇аарам̣ ад̇иггамид̇ваа ганд̇аарабарияосаанз маханд̇ам̣ ниг̇род̇харугкам̣ д̣̇исваа жинд̇зсум̣ ‘‘яаад̣̇исо аяам̣ ругко, ад̣̇д̇хаа зд̇т̇а махзсагкааяа д̣̇звад̇ааяа бхавид̇аб̣б̣ам̣, саад̇ху вад̇асса, сажз но баанийяам̣ ваа барибхож̇анийяам̣ ваа д̣̇ад̣̇зяяаа’’д̇и. д̣̇звад̇аа исийнам̣ аж̇жхаасаяам̣ вид̣̇ид̇ваа ‘‘имзсам̣ сан̇г̇ахам̣ гариссаамий’’д̇и ад̇д̇ано аанубхаавзна видабанд̇арад̇о нан̇г̇аласийсамад̇д̇ам̣ уд̣̇агад̇хаарам̣ бавад̇д̇зси. исиг̇ан̣о раж̇ад̇агканд̇хасад̣̇исам̣ уд̣̇агаваддим̣ д̣̇исваа ад̇д̇ано бхааж̇анзхи уд̣̇агам̣ г̇ахзд̇ваа барибхог̇ам̣ гад̇ваа жинд̇зси ‘‘д̣̇звад̇ааяа амхаагам̣ барибхог̇уд̣̇агам̣ д̣̇иннам̣, ид̣̇ам̣ бана аг̇аамагам̣ махааран̃н̃ам̣, саад̇ху вад̇асса, сажз но аахаарамби д̣̇ад̣̇зяяаа’’д̇и. д̣̇звад̇аа исийнам̣ убагаббанавасзна д̣̇иб̣б̣аани яааг̇укаж̇ж̇агаад̣̇ийни д̣̇ад̇ваа санд̇аббзси.

исаяо жинд̇аяим̣су ‘‘д̣̇звад̇ааяа амхаагам̣ барибхог̇уд̣̇агамби бхож̇анамби саб̣б̣ам̣ д̣̇иннам̣, саад̇ху вад̇асса , сажз но ад̇д̇аанам̣ д̣̇ассзяяаа’’д̇и. д̣̇звад̇аа д̇зсам̣ аж̇жхаасаяам̣ вид̣̇ид̇ваа убад̣дхагааяам̣ д̣̇ассзси. д̣̇звад̇з махад̇ий д̇з самбад̇д̇и, гим̣ гаммам̣ гад̇ваа имам̣ самбад̇д̇им̣ ад̇хиг̇ад̇аасийд̇и. наад̇имаханд̇ам̣ барид̇д̇агам̣ гаммам̣ гад̇ваад̇и. убад̣дхубосат̇агаммам̣ ниссааяа хи д̣̇звад̇ааяа самбад̇д̇и лад̣̇д̇хаа. анаат̇абин̣д̣игасса гира г̇зхз аяам̣ д̣̇звабуд̇д̇о гаммагааро ахоси. сздтисса хи г̇зхз убосат̇ад̣̇ивасзсу анд̇амасо д̣̇аасагаммагаарз убаад̣̇ааяа саб̣б̣о ж̇ано убосат̇иго ход̇и. згад̣̇ивасам̣ аяам̣ гаммагааро згагова баад̇о удтааяа гамманд̇ам̣ г̇ад̇о. махаасздти ниваабам̣ лабхамаанамануссз саллагкзнд̇о зд̇ассзвзгасса аран̃н̃ам̣ г̇ад̇абхаавам̣ н̃ад̇ваа асса сааяамаасад̇т̇ааяа ниваабам̣ ад̣̇ааси. бхад̇д̇агаарад̣̇аасий згассзва бхад̇д̇ам̣ бажид̇ваа аран̃н̃ад̇о ааг̇ад̇асса бхад̇д̇ам̣ вад̣дхзд̇ваа ад̣̇ааси. гаммагааро жинд̇аяи ‘‘ан̃н̃зсу д̣̇ивасзсу имасмим̣ гаалз г̇зхам̣ згасад̣̇д̣̇ам̣ ахоси, аж̇ж̇а ад̇ивияа саннисиннам̣, гим̣ ну ко зд̇а’’нд̇и. д̇асса саа аажигки ‘‘аж̇ж̇а имасмим̣ г̇зхз саб̣б̣з мануссаа убосат̇игаа, махаасздти д̇уяхзвзгасса ниваабам̣ ад̣̇аасий’’д̇и. звам̣ аммаад̇и. аама саамийд̇и. ‘‘имасмим̣ гаалз убосат̇ам̣ самаад̣̇иннасса убосат̇агаммам̣ ход̇и, на ход̇ий’’д̇и махаасздтим̣ бужча аммаад̇и. д̇ааяа г̇анд̇ваа бужчид̇о махаасздти ааха – ‘‘сагалаубосат̇агаммам̣ на ход̇и, убад̣дхагаммам̣ бана ход̇и, убосат̇иго ход̇ий’’д̇и. гаммагааро бхад̇д̇ам̣ абхун̃ж̇ид̇ваа мукам̣ вигкаалзд̇ваа убосат̇иго худ̇ваа васанадтаанам̣ г̇ахзд̇ваа нибаж̇ж̇и. д̇асса аахаарабаригкийн̣агааяасса рад̇д̇им̣ ваад̇о губби. со бажжуусасамаяз гаалам̣ гад̇ваа убад̣дхубосат̇агамманиссанд̣̇зна махаавад̇д̇аниадавид̣̇ваарз ниг̇род̇харугкад̣̇звабуд̇д̇о худ̇ваа ниб̣б̣ад̇д̇и.

со д̇ам̣ бавад̇д̇им̣ исийнам̣ аарожзси. исаяо бужчим̣су ‘‘д̇умхзхи маяам̣ ‘б̣уд̣̇д̇хо д̇хаммо сан̇гхо’д̇и ассуд̇абуб̣б̣ам̣ саавид̇аа, уббанно ну ко логз б̣уд̣̇д̇хо’’д̇и. аама, бханд̇з, уббаннод̇и. ид̣̇аани гухим̣ васад̇ийд̇и. саавад̇т̇ияам̣ ниссааяа ж̇зд̇аванз, бханд̇зд̇и. исаяо ‘‘д̇идтат̇а д̇умхз, маяам̣ сад̇т̇аарам̣ бассиссаамаа’’д̇и хадтад̇удтаа нигкамид̇ваа анубуб̣б̣зна госамб̣ийнаг̇арам̣ самбаабун̣им̣су. махаасздтино ‘‘исаяо ааг̇ад̇аа’’д̇и бажжуг̇г̇аманам̣ гад̇ваа ‘‘свз амхаагам̣ бхигкам̣ г̇ан̣хат̇а, бханд̇з’’д̇и ниманд̇зд̇ваа бунад̣̇ивасз исиг̇ан̣асса махаад̣̇аанам̣ ад̣̇ам̣су. исаяо ‘‘бхуд̇ваава г̇ажчаамаа’’д̇и аабужчим̣су. бханд̇з, д̇умхз ан̃н̃асмим̣ гаалз згамби маасам̣ д̣̇взби д̇аяоби жад̇д̇аароби маасз васид̇ваа г̇ажчат̇а, имасмим̣ бана ваарз хияяо ааг̇анд̇ваа ‘‘аж̇ж̇зва г̇ажчаамаа’’д̇и вад̣̇ат̇а, гим̣ ид̣̇анд̇и. аама г̇ахабад̇аяо б̣уд̣̇д̇хо логз уббанно, на ко бана саггаа ж̇ийвид̇анд̇арааяо ж̇аанид̇ум̣, д̇зна маяам̣ д̇урид̇аа г̇ажчаамаад̇и . д̇зна хи, бханд̇з, маяамби ааг̇ажчаама, амхзхи сад̣̇д̇хим̣язва г̇ажчат̇аад̇и. ‘‘д̇умхз аг̇аарияаа наама махааж̇адаа, д̇идтат̇а д̇умхз, маяам̣ бурзд̇арам̣ г̇амиссаамаа’’д̇и нигкамид̇ваа згадтаанз д̣̇вз д̣̇ивасаани авасид̇ваа д̇урид̇аг̇аманзна саавад̇т̇им̣ бад̇ваа ж̇зд̇аванавихаарз сад̇т̇у санд̇игамзва аг̇амам̣су. д̇ад̇т̇а мад̇хурад̇хаммагат̇ам̣ суд̇ваа саб̣б̣зва баб̣б̣аж̇ид̇ваа арахад̇д̇ам̣ баабун̣им̣су.

д̇зби д̇аяо сздтино бан̃жахи бан̃жахи сагадасад̇зхи саббимад̇хупаан̣ид̇аад̣̇ийни жзва баддун̣н̣ад̣̇угуулаад̣̇ийни жа аад̣̇ааяа госамб̣ид̇о нигкамид̇ваа анубуб̣б̣зна саавад̇т̇им̣ бад̇ваа ж̇зд̇аванасааманд̇з канд̇хааваарам̣ б̣анд̇хид̇ваа сад̇т̇у санд̇игам̣ г̇анд̇ваа ванд̣̇ид̇ваа бадисант̇аарам̣ гад̇ваа згаманд̇ам̣ нисийд̣̇им̣су. сад̇т̇аа д̇ин̣н̣амби сахааяаанам̣ мад̇хурад̇хаммагат̇ам̣ гат̇зси. д̇з б̣алавасоманассаж̇аад̇аа сад̇т̇аарам̣ ниманд̇зд̇ваа бунад̣̇ивасз махаад̣̇аанам̣ ад̣̇ам̣су, буна ниманд̇зд̇ваа бунад̣̇ивасзд̇и звам̣ ад̣дхамаасам̣ д̣̇аанам̣ д̣̇ад̇ваа ‘‘бханд̇з, амхаагам̣ ж̇анабад̣̇ам̣ ааг̇аманааяа бадин̃н̃ам̣ д̣̇зт̇аа’’д̇и баад̣̇амуулз нибаж̇ж̇им̣су. бхаг̇аваа ‘‘сун̃н̃ааг̇аарз ко г̇ахабад̇аяо д̇ат̇ааг̇ад̇аа абхираманд̇ий’’д̇и ааха. ‘‘зд̇д̇аавад̇аа бадин̃н̃аа д̣̇иннаа наама ход̇ий’’д̇и г̇ахабад̇аяо саллагкзд̇ваа ‘‘д̣̇иннаа но бхаг̇авад̇аа бадин̃н̃аа’’д̇и баад̣̇амуулз нибаж̇ж̇ид̇ваа д̣̇асаб̣алам̣ ванд̣̇ид̇ваа нигкамид̇ваа анд̇араамаг̇г̇з яож̇анз яож̇анз вихаарам̣ гаарзд̇ваа анубуб̣б̣зна госамб̣им̣ бад̇ваа ‘‘логз б̣уд̣̇д̇хо уббанно’’д̇и гат̇аяим̣су. д̇аяо ж̇анаа ад̇д̇ано ад̇д̇ано аараамз маханд̇ам̣ д̇ханабарижжааг̇ам̣ гад̇ваа бхаг̇авад̇о вихаарз гаараабзсум̣. д̇ад̇т̇а гуггудасздтинаа гаарид̇о гуггудаараамо наама ахоси. баавааригасздтинаа амб̣аванз гаарид̇о баавааригамб̣аванам̣ наама. гхосид̇зна гаарид̇о гхосид̇аараамо наама ахоси. д̇ам̣ санд̇хааяа вуд̇д̇ам̣ ‘‘гхосид̇анаамагзна гира сздтинаа со гаарид̇о’’д̇и.

яо абхинигкаманагаалз сад̣̇д̇хим̣ нигканд̇о, яасса жа сад̇т̇аараа бариниб̣б̣аанагаалз б̣рахмад̣̇ан̣д̣о аан̣ад̇д̇о, д̇ам̣ санд̇хааяааха ‘‘б̣од̇хисад̇д̇агаалз убадтаагачаннассаа’’д̇и. иминаа жа яо маж̇жхиманигааяз чанноваад̣̇асуд̇д̇з (ма. ни. 3.389 аад̣̇аяо) г̇илаано худ̇ваа д̇хаммасзнаабад̇инаа овад̣̇ияамааноби мааран̣анд̇игавзд̣̇анам̣ ад̇хиваасзд̇ум̣ асаггонд̇о д̇ин̣хзна сад̇т̇зна ган̣танаал̣им̣ чинд̣̇ид̇ваа маран̣абхаяз уббаннз г̇ад̇инимид̇д̇з жа убадтид̇з ад̇д̇ано бут̇уж̇ж̇анабхаавам̣ н̃ад̇ваа сам̣виг̇г̇о вибассанам̣ бадтабзд̇ваа сан̇каарз бариг̇г̇ан̣ханд̇о арахад̇д̇ам̣ бад̇ваа самасийсий худ̇ваа бариниб̣б̣ааяи, аяам̣ со на ход̇ийд̇и д̣̇ассзд̇и. бууж̇ааважанаббаяог̇з гад̇д̇ари саамиважанассаби ижчид̇ад̇д̇аа ааха ‘‘г̇аамасса ваа бууж̇ид̇а’’нд̇и. лагкан̣ам̣ банзд̇т̇а сад̣̇д̣̇асад̇т̇аанусаарад̇о взд̣̇ид̇аб̣б̣ам̣. згзго годтаасод̇и згзго бхааг̇о.

366. гирияад̇о самудтаанабхаавод̇и гзвалам̣ гирияаамад̇д̇ад̇о самудтаанабхаавам̣ бадигкибад̇и, вад̇т̇уно бана ад̣̇зсанааяа гудигаран̣агирияааяа жа самудтаанад̇о гирияаагирияад̇о самудтаад̇ийд̇и взд̣̇ид̇аб̣б̣ам̣ . имасмим̣ сигкаабад̣̇з бхигкуу ваа анабхинзяяаад̇и зд̇т̇а ваа-сад̣̇д̣̇о ‘‘аяам̣ ваа со махаанааг̇о’’д̇иаад̣̇ийсу вияа авад̇хааран̣ад̇т̇од̇и д̣̇адтаб̣б̣о.

вихаарагаарасигкаабад̣̇аван̣н̣анаа нидтид̇аа.