| Library / Tipiṭaka / ತಿಪಿಟಕ • Tipiṭaka / ವಜಿರಬುದ್ಧಿ-ಟೀಕಾ • Vajirabuddhi-ṭīkā |
೬. ಸೇನಾಸನಕ್ಖನ್ಧಕವಣ್ಣನಾ
6. Senāsanakkhandhakavaṇṇanā
ವಿಹಾರಾನುಜಾನನಕಥಾವಣ್ಣನಾ
Vihārānujānanakathāvaṇṇanā
೨೯೪. ನಿಲೀಯನ್ತಿ ಭಿಕ್ಖೂ ಏತ್ಥಾತಿ ವಿಹಾರಾದಯೋ ಲೇಣಾನಿ ನಾಮ। ಆಗತ-ವಚನೇನ ತಸ್ಸಾಗತಸಙ್ಘೋವ ಸಾಮೀ, ನ ಅನಾಗತೋತಿ ಕೇಚಿ, ತಂ ನ ಯುಜ್ಜತಿ ಸಮಾನಲಾಭಕತಿಕಾಯ ಸಿದ್ಧತ್ತಾ।
294. Nilīyanti bhikkhū etthāti vihārādayo leṇāni nāma. Āgata-vacanena tassāgatasaṅghova sāmī, na anāgatoti keci, taṃ na yujjati samānalābhakatikāya siddhattā.
೨೯೬-೭. ದೀಪಿನಙ್ಗುಟ್ಠೇನಾತಿ ಏತ್ಥ ‘‘ದೀಪಿನಾ ಅಕಪ್ಪಿಯಚಮ್ಮಂ ದಸ್ಸೇತೀ’’ತಿ ಲಿಖಿತಂ। ಥಮ್ಭಕವಾತಪಾನಂ ನಾಮ ತಿರಿಯಂ ದಾರೂನಿ ಅದತ್ವಾ ಉಜುಕಂ ಠಿತೇಹೇವ ದಾರೂಹಿ ಕತ್ತಬ್ಬಂ। ಭಿಸೀನಂ ಅನುಞ್ಞಾತಂ ವಟ್ಟತೀತಿ ಬಿಮ್ಬೋಹನೇ ವಟ್ಟತೀತಿ ಅತ್ಥೋ। ತೂಲಪೂರಿತಂ ಭಿಸಿಂ ಅಪಸ್ಸಯಿತುಂ ನ ವಟ್ಟತಿ ಉಣ್ಣಾದೀನಂಯೇವ ಅನುಞ್ಞಾತತ್ತಾ। ನಿಸೀದನನಿಪಜ್ಜನಂ ಸನ್ಧಾಯ ವುತ್ತಂ, ತಸ್ಮಾ ಅಪಸ್ಸಯಿತುಂ ವಟ್ಟತೀತಿ ಚೇ? ಅಕಪ್ಪಿಯನ್ತಿ ನ ವಟ್ಟತೀತಿ ಕೇಚಿ। ಯದಿ ಏವಂ ಅಕಪ್ಪಿಯಮಞ್ಚಞ್ಚ ಅಪಸ್ಸಯಿತುಂ ನ ವಟ್ಟೇಯ್ಯ। ಯಸ್ಮಾ ವಟ್ಟತಿ, ತಸ್ಮಾ ದೋಸೋ ನತ್ಥಿ। ಅಪಿಚ ಗಿಲಾನಸ್ಸ ಬಿಮ್ಬೋಹನಂ ನಿಪಜ್ಜಿತುಮ್ಪಿ ಅನುಞ್ಞಾತಂ, ತಸ್ಮಾ ಭಿಸಿಪಿ ವಟ್ಟತಿ ಅಪಸ್ಸಯಿತುಂ। ಆಚರಿಯಾ ಚ ಅನುಜಾನನ್ತಿ, ವಳಞ್ಜೇನ್ತಿ ಚಾತಿ ಏಕೇ। ಸಿಮ್ಬಲಿತೂಲಸುತ್ತೇನ ಸಿಬ್ಬಿತಂ ಚೀವರಂ ವಟ್ಟತಿ। ಕಸ್ಮಾ? ಕಪ್ಪಾಸಸ್ಸ ಅನುಲೋಮತೋ। ‘‘ಅಕ್ಕಫಲಸುತ್ತಮಯಮ್ಪಿ ಅಕ್ಕವಾಕಮಯಮೇವ ಪಟಿಕ್ಖಿತ್ತ’’ನ್ತಿ ತೇ ಏವ ವದನ್ತಿ।
296-7.Dīpinaṅguṭṭhenāti ettha ‘‘dīpinā akappiyacammaṃ dassetī’’ti likhitaṃ. Thambhakavātapānaṃ nāma tiriyaṃ dārūni adatvā ujukaṃ ṭhiteheva dārūhi kattabbaṃ. Bhisīnaṃ anuññātaṃ vaṭṭatīti bimbohane vaṭṭatīti attho. Tūlapūritaṃ bhisiṃ apassayituṃ na vaṭṭati uṇṇādīnaṃyeva anuññātattā. Nisīdananipajjanaṃ sandhāya vuttaṃ, tasmā apassayituṃ vaṭṭatīti ce? Akappiyanti na vaṭṭatīti keci. Yadi evaṃ akappiyamañcañca apassayituṃ na vaṭṭeyya. Yasmā vaṭṭati, tasmā doso natthi. Apica gilānassa bimbohanaṃ nipajjitumpi anuññātaṃ, tasmā bhisipi vaṭṭati apassayituṃ. Ācariyā ca anujānanti, vaḷañjenti cāti eke. Simbalitūlasuttena sibbitaṃ cīvaraṃ vaṭṭati. Kasmā? Kappāsassa anulomato. ‘‘Akkaphalasuttamayampi akkavākamayameva paṭikkhitta’’nti te eva vadanti.
೨೯೮. ಅನಿಬನ್ಧನೀಯೋ ಅಲಗ್ಗೋ। ಪಟಿಬಾಹೇತ್ವಾತಿ ಮಟ್ಠಂ ಕತ್ವಾ। ‘‘ಸೇತವಣ್ಣಾದೀನಂ ಯಥಾಸಙ್ಖ್ಯಂ ಇಕ್ಕಾಸಾದಯೋ ಬನ್ಧನತ್ಥಂ ವುತ್ತಾ’’ತಿ ಲಿಖಿತಂ।
298.Anibandhanīyo alaggo. Paṭibāhetvāti maṭṭhaṃ katvā. ‘‘Setavaṇṇādīnaṃ yathāsaṅkhyaṃ ikkāsādayo bandhanatthaṃ vuttā’’ti likhitaṃ.
೩೦೦. ಪಕುಟ್ಟಂ ಸಮನ್ತತೋ ಆವಿದ್ಧಪಮುಖಂ।
300.Pakuṭṭaṃ samantato āviddhapamukhaṃ.
೩೦೩. ಸುಧಾಲೇಪೋತಿ ಸುಧಾಮತ್ತಿಕಾಲೇಪೋ।
303.Sudhālepoti sudhāmattikālepo.
೩೦೫. ಆಸತ್ತಿ ತಣ್ಹಾ। ಸನ್ತಿಂ ಅದರಂ।
305.Āsatti taṇhā. Santiṃ adaraṃ.
೩೦೭. ಕೇತುನ್ತಿ ಕಯೇನ ಗಹೇತುಂ।
307.Ketunti kayena gahetuṃ.
೩೦೮. ಚಿತಾತಿ ಇಟ್ಠಕಾಯೋ ಕಬಳೇನ ನಿದ್ಧಮನವಸೇನ ಛಿನ್ದಿತ್ವಾ ಕತಾತಿ ಅತ್ಥೋ।
308.Citāti iṭṭhakāyo kabaḷena niddhamanavasena chinditvā katāti attho.
೩೧೦. ಛಬ್ಬಗ್ಗಿಯಾನಂ ಭಿಕ್ಖೂನಂ ಅನ್ತೇವಾಸಿಕಾತಿ ಏತ್ಥ ವೀಸತಿವಸ್ಸಂ ಅತಿಕ್ಕಮಿತ್ವಾ ಛಬ್ಬಗ್ಗಿಯಾ ಉಪ್ಪನ್ನಾ। ‘‘ಆರಾಧಯಿಂಸು ಮೇ ಭಿಕ್ಖೂ ಚಿತ್ತ’’ನ್ತಿ (ಮ॰ ನಿ॰ ೧.೨೨೫) ವುತ್ತತ್ತಾ ಅಞ್ಞಸ್ಮಿಂ ಕಾಲೇ ಸಾವತ್ಥಿಗಮನೇ ಉಪ್ಪನ್ನಂ ವತ್ಥುಂ ಇಧ ಆಪತ್ತಿದಸ್ಸನತ್ಥಂ ಆಹರಿತ್ವಾ ವುತ್ತನ್ತಿ ಯುತ್ತಂ ವಿಯ, ವಿಚಾರೇತ್ವಾ ಗಹೇತಬ್ಬಂ। ವುದ್ಧನ್ತಿ ವುದ್ಧತರಂ।
310.Chabbaggiyānaṃbhikkhūnaṃ antevāsikāti ettha vīsativassaṃ atikkamitvā chabbaggiyā uppannā. ‘‘Ārādhayiṃsu me bhikkhū citta’’nti (ma. ni. 1.225) vuttattā aññasmiṃ kāle sāvatthigamane uppannaṃ vatthuṃ idha āpattidassanatthaṃ āharitvā vuttanti yuttaṃ viya, vicāretvā gahetabbaṃ. Vuddhanti vuddhataraṃ.
೩೧೩. ಸನ್ಥರೇತಿ ತಿಣಸನ್ಥರಾದಯೋ।
313.Santhareti tiṇasantharādayo.
Related texts:
ತಿಪಿಟಕ (ಮೂಲ) • Tipiṭaka (Mūla) / ವಿನಯಪಿಟಕ • Vinayapiṭaka / ಚೂಳವಗ್ಗಪಾಳಿ • Cūḷavaggapāḷi
ವಿಹಾರಾನುಜಾನನಂ • Vihārānujānanaṃ
ಮಞ್ಚಪೀಠಾದಿಅನುಜಾನನಂ • Mañcapīṭhādianujānanaṃ
ಸೇತವಣ್ಣಾದಿಅನುಜಾನನಂ • Setavaṇṇādianujānanaṃ
ಇಟ್ಠಕಾಚಯಾದಿಅನುಜಾನನಂ • Iṭṭhakācayādianujānanaṃ
ಆರಾಮಪರಿಕ್ಖೇಪಅನುಜಾನನಂ • Ārāmaparikkhepaanujānanaṃ
ಅನಾಥಪಿಣ್ಡಿಕವತ್ಥು • Anāthapiṇḍikavatthu
ನವಕಮ್ಮದಾನಂ • Navakammadānaṃ
ಅಗ್ಗಾಸನಾದಿಅನುಜಾನನಂ • Aggāsanādianujānanaṃ
ಆಸನಪ್ಪಟಿಬಾಹನಪಟಿಕ್ಖೇಪಂ • Āsanappaṭibāhanapaṭikkhepaṃ
ಅಟ್ಠಕಥಾ • Aṭṭhakathā / ವಿನಯಪಿಟಕ (ಅಟ್ಠಕಥಾ) • Vinayapiṭaka (aṭṭhakathā) / ಚೂಳವಗ್ಗ-ಅಟ್ಠಕಥಾ • Cūḷavagga-aṭṭhakathā / ವಿಹಾರಾನುಜಾನನಕಥಾ • Vihārānujānanakathā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ಸಾರತ್ಥದೀಪನೀ-ಟೀಕಾ • Sāratthadīpanī-ṭīkā
ವಿಹಾರಾನುಜಾನನಕಥಾವಣ್ಣನಾ • Vihārānujānanakathāvaṇṇanā
ಮಞ್ಚಪೀಠಾದಿಅನುಜಾನನಕಥಾವಣ್ಣನಾ • Mañcapīṭhādianujānanakathāvaṇṇanā
ಇಟ್ಠಕಾಚಯಾದಿಅನುಜಾನನಕಥಾವಣ್ಣನಾ • Iṭṭhakācayādianujānanakathāvaṇṇanā
ಅನಾಥಪಿಣ್ಡಿಕವತ್ಥುಕಥಾವಣ್ಣನಾ • Anāthapiṇḍikavatthukathāvaṇṇanā
ಅಗ್ಗಾಸನಾದಿಅನುಜಾನನಕಥಾವಣ್ಣನಾ • Aggāsanādianujānanakathāvaṇṇanā
ಆಸನಪ್ಪಟಿಬಾಹನಾದಿಕಥಾವಣ್ಣನಾ • Āsanappaṭibāhanādikathāvaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ವಿಮತಿವಿನೋದನೀ-ಟೀಕಾ • Vimativinodanī-ṭīkā / ವಿಹಾರಾನುಜಾನನಕಥಾವಣ್ಣನಾ • Vihārānujānanakathāvaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ಪಾಚಿತ್ಯಾದಿಯೋಜನಾಪಾಳಿ • Pācityādiyojanāpāḷi / ವಿಹಾರಾನುಜಾನನಕಥಾ • Vihārānujānanakathā
