| Library / Tipiṭaka / ਤਿਪਿਟਕ • Tipiṭaka / ਜਾਤਕਪਾਲ਼ਿ • Jātakapāḷi |
੩੯੧. વਿਜ੍ਜਾਧਰਜਾਤਕਂ (੬-੨-੬)
391. Vijjādharajātakaṃ (6-2-6)
੧੦੮.
108.
ਦੁਬ੍ਬਣ੍ਣਰੂਪਂ ਤੁવਮਰਿਯવਣ੍ਣੀ, ਪੁਰਕ੍ਖਤ੍વਾ 1 ਪਞ੍ਜਲਿਕੋ ਨਮਸ੍ਸਸਿ।
Dubbaṇṇarūpaṃ tuvamariyavaṇṇī, purakkhatvā 2 pañjaliko namassasi;
ਸੇਯ੍ਯੋ ਨੁ ਤੇ ਸੋ ਉਦવਾ 3 ਸਰਿਕ੍ਖੋ, ਨਾਮਂ ਪਰਸ੍ਸਤ੍ਤਨੋ ਚਾਪਿ ਬ੍ਰੂਹਿ॥
Seyyo nu te so udavā 4 sarikkho, nāmaṃ parassattano cāpi brūhi.
੧੦੯.
109.
ਨ ਨਾਮਗੋਤ੍ਤਂ ਗਣ੍ਹਨ੍ਤਿ ਰਾਜ, ਸਮ੍ਮਗ੍ਗਤਾਨੁਜ੍ਜੁਗਤਾਨ 5 ਦੇવਾ।
Na nāmagottaṃ gaṇhanti rāja, sammaggatānujjugatāna 6 devā;
ਅਹਞ੍ਚ ਤੇ ਨਾਮਧੇਯ੍ਯਂ વਦਾਮਿ, ਸਕ੍ਕੋਹਮਸ੍ਮੀ ਤਿਦਸਾਨਮਿਨ੍ਦੋ॥
Ahañca te nāmadheyyaṃ vadāmi, sakkohamasmī tidasānamindo.
੧੧੦.
110.
ਯੋ ਦਿਸ੍વਾ ਭਿਕ੍ਖੁਂ ਚਰਣੂਪਪਨ੍ਨਂ, ਪੁਰਕ੍ਖਤ੍વਾ ਪਞ੍ਜਲਿਕੋ ਨਮਸ੍ਸਤਿ।
Yo disvā bhikkhuṃ caraṇūpapannaṃ, purakkhatvā pañjaliko namassati;
ਪੁਚ੍ਛਾਮਿ ਤਂ ਦੇવਰਾਜੇਤਮਤ੍ਥਂ, ਇਤੋ ਚੁਤੋ ਕਿਂ ਲਭਤੇ ਸੁਖਂ ਸੋ॥
Pucchāmi taṃ devarājetamatthaṃ, ito cuto kiṃ labhate sukhaṃ so.
੧੧੧.
111.
ਯੋ ਦਿਸ੍વਾ ਭਿਕ੍ਖੁਂ ਚਰਣੂਪਪਨ੍ਨਂ, ਪੁਰਕ੍ਖਤ੍વਾ ਪਞ੍ਜਲਿਕੋ ਨਮਸ੍ਸਤਿ।
Yo disvā bhikkhuṃ caraṇūpapannaṃ, purakkhatvā pañjaliko namassati;
ਦਿਟ੍ਠੇવ ਧਮ੍ਮੇ ਲਭਤੇ ਪਸਂਸਂ, ਸਗ੍ਗਞ੍ਚ ਸੋ ਯਾਤਿ ਸਰੀਰਭੇਦਾ॥
Diṭṭheva dhamme labhate pasaṃsaṃ, saggañca so yāti sarīrabhedā.
੧੧੨.
112.
ਲਕ੍ਖੀ વਤ ਮੇ ਉਦਪਾਦਿ ਅਜ੍ਜ, ਯਂ વਾਸવਂ ਭੂਤਪਤਿਦ੍ਦਸਾਮ।
Lakkhī vata me udapādi ajja, yaṃ vāsavaṃ bhūtapatiddasāma;
ਭਿਕ੍ਖੁਞ੍ਚ ਦਿਸ੍વਾਨ ਤੁવਞ੍ਚ ਸਕ੍ਕ, ਕਾਹਾਮਿ ਪੁਞ੍ਞਾਨਿ ਅਨਪ੍ਪਕਾਨਿ॥
Bhikkhuñca disvāna tuvañca sakka, kāhāmi puññāni anappakāni.
੧੧੩.
113.
ਅਦ੍ਧਾ ਹવੇ ਸੇવਿਤਬ੍ਬਾ ਸਪਞ੍ਞਾ, ਬਹੁਸ੍ਸੁਤਾ ਯੇ ਬਹੁਠਾਨਚਿਨ੍ਤਿਨੋ।
Addhā have sevitabbā sapaññā, bahussutā ye bahuṭhānacintino;
ਭਿਕ੍ਖੁਞ੍ਚ ਦਿਸ੍વਾਨ ਮਮਞ੍ਚ ਰਾਜ, ਕਰੋਹਿ ਪੁਞ੍ਞਾਨਿ ਅਨਪ੍ਪਕਾਨਿ॥
Bhikkhuñca disvāna mamañca rāja, karohi puññāni anappakāni.
੧੧੪.
114.
ਅਕ੍ਕੋਧਨੋ ਨਿਚ੍ਚਪਸਨ੍ਨਚਿਤ੍ਤੋ, ਸਬ੍ਬਾਤਿਥੀਯਾਚਯੋਗੋ ਭવਿਤ੍વਾ।
Akkodhano niccapasannacitto, sabbātithīyācayogo bhavitvā;
ਨਿਹਚ੍ਚ ਮਾਨਂ ਅਭਿવਾਦਯਿਸ੍ਸਂ, ਸੁਤ੍વਾਨ ਦੇવਿਨ੍ਦ ਸੁਭਾਸਿਤਾਨੀਤਿ॥
Nihacca mānaṃ abhivādayissaṃ, sutvāna devinda subhāsitānīti.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਖੁਦ੍ਦਕਨਿਕਾਯ (ਅਟ੍ਠਕਥਾ) • Khuddakanikāya (aṭṭhakathā) / ਜਾਤਕ-ਅਟ੍ਠਕਥਾ • Jātaka-aṭṭhakathā / [੩੯੧] ੬. વਿਜ੍ਜਾਧਰਜਾਤਕવਣ੍ਣਨਾ • [391] 6. Vijjādharajātakavaṇṇanā
