| Library / Tipiṭaka / д̇ибидага • Tipiṭaka / ид̇ивуд̇д̇ага-адтагат̇аа • Itivuttaka-aṭṭhakathā |
3. виж̇ж̇аасуд̇д̇аван̣н̣анаа
3. Vijjāsuttavaṇṇanā
40. д̇ад̇ияз буб̣б̣ан̇г̇амаад̇и сахаж̇аад̇авасзна, убаниссаяавасзна жаад̇и д̣̇вийхи аагаарзхи буб̣б̣ан̇г̇амаа бурассараа бад̇хаанагааран̣ам̣. на хи авиж̇ж̇ааяа винаа агусалуббад̇д̇и ад̇т̇и. самаабад̇д̇ияаад̇и самаабаж̇ж̇анааяа сабхаавабадилаабхааяа, бавад̇д̇ияаад̇и ад̇т̇о. д̇ад̇т̇а агусалаббавад̇д̇ияаа аад̣̇ийнаваббадижчаад̣̇анзна аяонисоманасигаарасса бажжаяабхаавзна аббахийнабхаавзна жа агусалад̇хаммаанам̣ убаниссаяабхааво д̣̇иссад̇и.
40. Tatiye pubbaṅgamāti sahajātavasena, upanissayavasena cāti dvīhi ākārehi pubbaṅgamā purassarā padhānakāraṇaṃ. Na hi avijjāya vinā akusaluppatti atthi. Samāpattiyāti samāpajjanāya sabhāvapaṭilābhāya, pavattiyāti attho. Tattha akusalappavattiyā ādīnavappaṭicchādanena ayonisomanasikārassa paccayabhāvena appahīnabhāvena ca akusaladhammānaṃ upanissayabhāvo dissati.
звам̣ б̣яаад̇химаран̣аад̣̇ид̣̇угкасса ад̇хидтаанабхаавад̇о саб̣б̣ааби г̇ад̇ияо ид̇ха д̣̇уг̇г̇ад̇ияо. ат̇а ваа рааг̇аад̣̇игилзсзхи д̣̇уусид̇аа г̇ад̇ияо гааяаважийжид̇д̇аанам̣ бавад̇д̇ияод̇и д̣̇уг̇г̇ад̇ияо, гааяаважийманод̣̇ужжарид̇аани. асмим̣ логзд̇и ид̇ха логз мануссаг̇ад̇ияам̣ ваа. барамхи жаад̇и д̇ад̇о ан̃н̃аасу г̇ад̇ийсу. авиж̇ж̇аамуулигаа саб̣б̣аад̇и д̇аа саб̣б̣ааби д̣̇ужжарид̇асса вибад̇д̇ияо вуд̇д̇анаязна авиж̇ж̇аабуб̣б̣ан̇г̇амад̇д̇аа авиж̇ж̇аамуулигаа зва. ижчаалобхасамуссаяаад̇и асамбад̇д̇ависаяабариязсаналагкан̣ааяа ижчааяа, самбад̇д̇ависаяалуб̣бханалагкан̣зна лобхзна жа самуссид̇аа убажид̇аад̇и ижчаалобхасамуссаяаа.
Evaṃ byādhimaraṇādidukkhassa adhiṭṭhānabhāvato sabbāpi gatiyo idha duggatiyo. Atha vā rāgādikilesehi dūsitā gatiyo kāyavacīcittānaṃ pavattiyoti duggatiyo, kāyavacīmanoduccaritāni. Asmiṃ loketi idha loke manussagatiyaṃ vā. Paramhi cāti tato aññāsu gatīsu. Avijjāmūlikā sabbāti tā sabbāpi duccaritassa vipattiyo vuttanayena avijjāpubbaṅgamattā avijjāmūlikā eva. Icchālobhasamussayāti asampattavisayapariyesanalakkhaṇāya icchāya, sampattavisayalubbhanalakkhaṇena lobhena ca samussitā upacitāti icchālobhasamussayā.
яад̇од̇и яасмаа авиж̇ж̇аахзд̇у авиж̇ж̇ааяа нивуд̇о худ̇ваа. баабижчод̇и авиж̇ж̇ааяа бадижчаад̣̇ид̇ад̇д̇аа баабижчад̇ааяа аад̣̇ийнавз абассанд̇о асанд̇аг̇ун̣асамбхааванавасзна гохан̃н̃аад̣̇ийни гаронд̇о баабижчо, лобхзнзва ад̇рижчад̇ааби г̇ахид̇аад̇и д̣̇адтаб̣б̣аа. анаад̣̇арод̇и логаад̇хибад̇ино од̇д̇аббасса абхаавзна саб̣рахмажаарийсу аад̣̇арарахид̇о. д̇ад̇од̇и д̇асмаа авиж̇ж̇аабаабижчад̇ааахиригаанод̇д̇аббахзд̇у . басавад̇ийд̇и гааяад̣̇ужжарид̇аад̣̇ибхзд̣̇ам̣ баабам̣ убажинад̇и. абааяам̣ д̇зна г̇ажчад̇ийд̇и д̇зна д̇ат̇аа басуд̇зна баабзна нираяаад̣̇ибхзд̣̇ам̣ абааяам̣ г̇ажчад̇и убабаж̇ж̇ад̇и.
Yatoti yasmā avijjāhetu avijjāya nivuto hutvā. Pāpicchoti avijjāya paṭicchāditattā pāpicchatāya ādīnave apassanto asantaguṇasambhāvanavasena kohaññādīni karonto pāpiccho, lobheneva atricchatāpi gahitāti daṭṭhabbā. Anādaroti lokādhipatino ottappassa abhāvena sabrahmacārīsu ādararahito. Tatoti tasmā avijjāpāpicchatāahirikānottappahetu . Pasavatīti kāyaduccaritādibhedaṃ pāpaṃ upacinati. Apāyaṃ tena gacchatīti tena tathā pasutena pāpena nirayādibhedaṃ apāyaṃ gacchati upapajjati.
д̇асмаад̇и яасмаа зд̇з звам̣ саб̣б̣ад̣̇ужжарид̇амуулабхууд̇аа саб̣б̣ад̣̇уг̇г̇ад̇ибариггилзсахзд̇убхууд̇аа жа авиж̇ж̇аад̣̇аяо, д̇асмаа ижчан̃жа, лобхан̃жа, авиж̇ж̇ан̃жа, жасад̣̇д̣̇зна ахиригаанод̇д̇аббан̃жа вирааж̇аяам̣ самужчзд̣̇авасзна баж̇ахам̣. гат̇ам̣ вирааж̇зд̇ийд̇и ааха? виж̇ж̇ам̣ уббаад̣̇аяанд̇и, вибассанаабадибаадияаа жа, маг̇г̇абадибаадияаа жа, уссаггид̇ваа арахад̇д̇амаг̇г̇авиж̇ж̇ам̣ ад̇д̇ано санд̇аанз уббаад̣̇аяанд̇о. саб̣б̣аа д̣̇уг̇г̇ад̇ияод̇и саб̣б̣ааби д̣̇ужжарид̇асан̇каад̇аа д̣̇уг̇г̇ад̇ияо, ваддад̣̇угкасса ваа ад̇хидтаанабхаавад̇о д̣̇угкаа, саб̣б̣аа бан̃жаби г̇ад̇ияо ж̇ахз баж̇ахзяяа самад̇иггамзяяа. гилзсаваддаббахаанзнзва хи гаммаваддам̣ вибаагаваддан̃жа бахийнам̣ ход̇ийд̇и.
Tasmāti yasmā ete evaṃ sabbaduccaritamūlabhūtā sabbaduggatiparikkilesahetubhūtā ca avijjādayo, tasmā icchañca, lobhañca, avijjañca, casaddena ahirikānottappañca virājayaṃ samucchedavasena pajahaṃ. Kathaṃ virājetīti āha? Vijjaṃ uppādayanti, vipassanāpaṭipāṭiyā ca, maggapaṭipāṭiyā ca, ussakkitvā arahattamaggavijjaṃ attano santāne uppādayanto. Sabbā duggatiyoti sabbāpi duccaritasaṅkhātā duggatiyo, vaṭṭadukkhassa vā adhiṭṭhānabhāvato dukkhā, sabbā pañcapi gatiyo jahe pajaheyya samatikkameyya. Kilesavaṭṭappahāneneva hi kammavaṭṭaṃ vipākavaṭṭañca pahīnaṃ hotīti.
д̇ад̇ияасуд̇д̇аван̣н̣анаа нидтид̇аа.
Tatiyasuttavaṇṇanā niṭṭhitā.
батамабхаан̣аваараван̣н̣анаа нидтид̇аа.
Paṭhamabhāṇavāravaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ид̇ивуд̇д̇агабаал̣и • Itivuttakapāḷi / 3. виж̇ж̇аасуд̇д̇ам̣ • 3. Vijjāsuttaṃ
