| Library / Tipiṭaka / д̇ибидага • Tipiṭaka / махаавибхан̇г̇а-адтагат̇аа • Mahāvibhaṅga-aṭṭhakathā |
3. вигаалаг̇аамаббависанасигкаабад̣̇аван̣н̣анаа
3. Vikālagāmappavisanasikkhāpadavaṇṇanā
508. д̇ад̇ияз – д̇иражчаанагат̇анд̇и арияамаг̇г̇асса д̇иражчаанабхууд̇ам̣ гат̇ам̣. рааж̇агат̇анд̇и рааж̇абадисам̣яуд̇д̇а гат̇ам̣. жорагат̇аад̣̇ийсуби зсзва наяо.
508. Tatiye – tiracchānakathanti ariyamaggassa tiracchānabhūtaṃ kathaṃ. Rājakathanti rājapaṭisaṃyutta kathaṃ. Corakathādīsupi eseva nayo.
512. санд̇ам̣ бхигкунд̇и зд̇т̇а яам̣ вад̇д̇аб̣б̣ам̣ , д̇ам̣ жаарид̇д̇асигкаабад̣̇з вуд̇д̇амзва. сажз самб̣ахулаа гзнажи гаммзна г̇аамам̣ бависанд̇и, ‘‘вигаалз г̇аамаббавзсанам̣ аабужчаамий’’д̇и саб̣б̣зхи ан̃н̃аман̃н̃ам̣ аабужчид̇аб̣б̣ам̣. д̇асмим̣ г̇аамз д̇ам̣ гаммам̣ на самбаж̇ж̇ад̇ийд̇и ан̃н̃ам̣ г̇аамам̣ г̇ажчанд̇и, г̇аамасад̇амби ход̇у, буна аабужчанагижжам̣ над̇т̇и. сажз бана уссаахам̣ бадиббассамбхзд̇ваа вихаарам̣ г̇ажчанд̇аа анд̇араа ан̃н̃ам̣ г̇аамам̣ бависид̇угаамаа хонд̇и, буна аабужчид̇аб̣б̣амзва.
512.Santaṃ bhikkhunti ettha yaṃ vattabbaṃ , taṃ cārittasikkhāpade vuttameva. Sace sambahulā kenaci kammena gāmaṃ pavisanti, ‘‘vikāle gāmappavesanaṃ āpucchāmī’’ti sabbehi aññamaññaṃ āpucchitabbaṃ. Tasmiṃ gāme taṃ kammaṃ na sampajjatīti aññaṃ gāmaṃ gacchanti, gāmasatampi hotu, puna āpucchanakiccaṃ natthi. Sace pana ussāhaṃ paṭippassambhetvā vihāraṃ gacchantā antarā aññaṃ gāmaṃ pavisitukāmā honti, puna āpucchitabbameva.
гулагхарз ваа аасанасаалааяа ваа бхад̇д̇агижжам̣ гад̇ваа д̇злабхигкааяа ваа саббибхигкааяа ваа жарид̇угаамо ход̇и, сажз бассз бхигку ад̇т̇и, аабужчид̇ваа г̇анд̇аб̣б̣ам̣. асанд̇з над̇т̇ийд̇и г̇анд̇аб̣б̣ам̣. вийт̇им̣ од̇арид̇ваа бхигкум̣ бассад̇и, аабужчанагижжам̣ над̇т̇и, анаабужчид̇вааби жарид̇аб̣б̣амзва. г̇аамамаж̇жхзна маг̇г̇о ход̇и, д̇зна г̇ажчанд̇асса д̇злаад̣̇ибхигкааяа жариссаамийд̇и жид̇д̇з уббаннз сажз бассз бхигку ад̇т̇и, аабужчид̇ваа жарид̇аб̣б̣ам̣. маг̇г̇аа аноггамма бхигкааяа жаранд̇асса бана аабужчанагижжам̣ над̇т̇и, абаригкид̇д̇асса г̇аамасса убажааро ад̣̇иннаад̣̇аанз вуд̇д̇анаязнзва взд̣̇ид̇аб̣б̣о.
Kulaghare vā āsanasālāya vā bhattakiccaṃ katvā telabhikkhāya vā sappibhikkhāya vā caritukāmo hoti, sace passe bhikkhu atthi, āpucchitvā gantabbaṃ. Asante natthīti gantabbaṃ. Vīthiṃ otaritvā bhikkhuṃ passati, āpucchanakiccaṃ natthi, anāpucchitvāpi caritabbameva. Gāmamajjhena maggo hoti, tena gacchantassa telādibhikkhāya carissāmīti citte uppanne sace passe bhikkhu atthi, āpucchitvā caritabbaṃ. Maggā anokkamma bhikkhāya carantassa pana āpucchanakiccaṃ natthi, aparikkhittassa gāmassa upacāro adinnādāne vuttanayeneva veditabbo.
515. анд̇араарааманд̇иаад̣̇ийсу на гзвалам̣ анаабужчаа гааяаб̣анд̇ханам̣ аб̣анд̇хид̇ваа сан̇гхаадим̣ абаарубид̇ваа г̇ажчанд̇ассаби анаабад̇д̇и. аабад̣̇аасууд̇и сийхо ваа б̣яаг̇гхо ваа ааг̇ажчад̇и, мзгхо ваа удтзд̇и, ан̃н̃о ваа гожи убад̣̇д̣̇аво уббаж̇ж̇ад̇и, анаабад̇д̇и. зваруубаасу аабад̣̇аасу б̣ахиг̇аамад̇о анд̇ог̇аамам̣ бависид̇ум̣ ваддад̇и. сзсамзд̇т̇а уд̇д̇аанамзва.
515.Antarārāmantiādīsu na kevalaṃ anāpucchā kāyabandhanaṃ abandhitvā saṅghāṭiṃ apārupitvā gacchantassapi anāpatti. Āpadāsūti sīho vā byaggho vā āgacchati, megho vā uṭṭheti, añño vā koci upaddavo uppajjati, anāpatti. Evarūpāsu āpadāsu bahigāmato antogāmaṃ pavisituṃ vaṭṭati. Sesamettha uttānameva.
гат̇инасамудтаанам̣ – гааяаваажад̇о гааяаваажаажид̇д̇ад̇о жа самудтаад̇и, гирияаагирияам̣, носан̃н̃аавимогкам̣, ажид̇д̇агам̣, бан̣н̣ад̇д̇иваж̇ж̇ам̣, гааяагаммам̣, важийгаммам̣, д̇ижид̇д̇ам̣, д̇ивзд̣̇ананд̇и.
Kathinasamuṭṭhānaṃ – kāyavācato kāyavācācittato ca samuṭṭhāti, kiriyākiriyaṃ, nosaññāvimokkhaṃ, acittakaṃ, paṇṇattivajjaṃ, kāyakammaṃ, vacīkammaṃ, ticittaṃ, tivedananti.
вигаалаг̇аамаббависанасигкаабад̣̇ам̣ д̇ад̇ияам̣.
Vikālagāmappavisanasikkhāpadaṃ tatiyaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 9. рад̇анаваг̇г̇о • 9. Ratanavaggo
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 3. вигаалаг̇аамаббависанасигкаабад̣̇аван̣н̣анаа • 3. Vikālagāmappavisanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 3. вигаалаг̇аамаббависанасигкаабад̣̇аван̣н̣анаа • 3. Vikālagāmappavisanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 3. вигаалаг̇аамаббависанасигкаабад̣̇аван̣н̣анаа • 3. Vikālagāmappavisanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 3. вигаалаг̇аамаббависанасигкаабад̣̇ам̣ • 3. Vikālagāmappavisanasikkhāpadaṃ
