A World of Knowledge
    Library / Tipiṭaka / д̇ибидага • Tipiṭaka / куд̣̇д̣̇асигкаа-мууласигкаа • Khuddasikkhā-mūlasikkhā

    31. вигаббанаанид̣̇д̣̇зсаван̣н̣анаа

    31. Vikappanāniddesavaṇṇanā

    221. саммукаа бараммукаад̇и сасса мукам̣, барасса муканд̇и виг̇г̇ахо, саммукзна бараммукзнаад̇и ад̇т̇о. саммукаавигаббанаа бараммукаавигаббанаад̇и бхзд̣̇аа д̣̇увз вигаббанаа вуд̇д̇аад̇и яож̇анаа . бхзд̣̇аад̇и висзсад̇о. ат̇а ваа сасса мукам̣ мукасамб̣анд̇хиважанам̣ ассаа вигаббанааяаад̇и самаасо. д̇ат̇аа бараммукаа. саммукаа жа бараммукаа жа, д̇ассаа бхзд̣̇о, д̇ад̇о. саммукааяа саммукавигаббанааяа. б̣яад̇д̇ассаад̇и вигаббанавид̇хаанам̣ бажжуд̣̇д̇хааравид̇хаанан̃жа ж̇аананд̇асса.

    221.Sammukhā parammukhāti sassa mukhaṃ, parassa mukhanti viggaho, sammukhena parammukhenāti attho. Sammukhāvikappanā parammukhāvikappanāti bhedā duve vikappanā vuttāti yojanā . Bhedāti visesato. Atha vā sassa mukhaṃ mukhasambandhivacanaṃ assā vikappanāyāti samāso. Tathā parammukhā. Sammukhā ca parammukhā ca, tassā bhedo, tato. Sammukhāya sammukhavikappanāya. Byattassāti vikappanavidhānaṃ paccuddhāravidhānañca jānantassa.

    222. д̇знаад̇и яасса санд̇игз вигаббзд̇и, д̇зна бхигкунаа. барибхог̇аад̣̇иганд̇и барибхог̇ам̣ виссаж̇ж̇анам̣ ад̇хидтаанан̃жа.

    222.Tenāti yassa santike vikappeti, tena bhikkhunā. Paribhogādikanti paribhogaṃ vissajjanaṃ adhiṭṭhānañca.

    224-5. абараа саммукаавзгаад̇и зд̇т̇а ваа-сад̣̇д̣̇о багканд̇арз, ат̇а ваад̇и ад̇т̇о, аби-сад̣̇д̣̇ад̇т̇о ваа ваа-сад̣̇д̣̇о, со абараа-сад̣̇д̣̇ад̇о барам̣ д̣̇адтаб̣б̣о, абарааби згаа саммукаавигаббанаа ад̇т̇ийд̇и ад̇т̇о. гат̇анд̇и ааха ‘‘бхигкуссаа’’д̇иаад̣̇и. ‘‘бан̃жаннам̣ сахад̇хаммийна’’нд̇и вуд̇д̇ад̇д̇аа ‘‘д̇иссасса бхигкуно’’д̇иаад̣̇ийсу д̇иссааяа бхигкунияаа д̇иссааяа сигкамаанааяа д̇иссааяа сааман̣зрияаа д̇иссасса сааман̣зрассаад̇иби вин̃н̃аад̇аб̣б̣ам̣.

    224-5.Aparāsammukhāvekāti ettha -saddo pakkhantare, atha vāti attho, api-saddattho vā -saddo, so aparā-saddato paraṃ daṭṭhabbo, aparāpi ekā sammukhāvikappanā atthīti attho. Kathanti āha ‘‘bhikkhussā’’tiādi. ‘‘Pañcannaṃ sahadhammīna’’nti vuttattā ‘‘tissassa bhikkhuno’’tiādīsu tissāya bhikkhuniyā tissāya sikkhamānāya tissāya sāmaṇeriyā tissassa sāmaṇerassātipi viññātabbaṃ.

    226. бараммукаавигаббанаад̇и бараммукзна вигаббанзна, бараммукаавигаббанаад̇и ваа г̇ахзд̇аб̣б̣ам̣, бараммукаавигаббанаа гат̇анд̇и ад̇т̇о.

    226.Parammukhāvikappanāti parammukhena vikappanena, parammukhāvikappanāti vā gahetabbaṃ, parammukhāvikappanā kathanti attho.

    227. мид̇д̇од̇и д̣̇ал̣хамид̇д̇о. санд̣̇идтод̇и д̣̇идтамад̇д̇амид̇д̇о. зд̇т̇а бана д̣̇виннам̣ вигаббанаанам̣ гим̣ наанаагаран̣анд̇и? саммукаавигаббанааяа д̇аава саяам̣ вигаббзд̇ваа барзна бажжуд̣̇д̇хараабзд̇и, д̇знзва саа саммукаавигаббанаа наама ж̇аад̇аа. бараммукаавигаббанааяа барзнзва вигаббаабзд̇ваа барзнзва бажжуд̣̇д̇хараабзд̇и, д̇знзва саа бараммукаавигаббанаа наама ж̇аад̇аад̇и ид̣̇амзд̇т̇а наанаагаран̣анд̇и.

    227.Mittoti daḷhamitto. Sandiṭṭhoti diṭṭhamattamitto. Ettha pana dvinnaṃ vikappanānaṃ kiṃ nānākaraṇanti? Sammukhāvikappanāya tāva sayaṃ vikappetvā parena paccuddharāpeti, teneva sā sammukhāvikappanā nāma jātā. Parammukhāvikappanāya pareneva vikappāpetvā pareneva paccuddharāpeti, teneva sā parammukhāvikappanā nāma jātāti idamettha nānākaraṇanti.

    228. д̣̇уурасанд̇игад̇д̇згад̇д̇анд̇и зд̇т̇а аасаннад̣̇уурабхааво ад̇хидтаанз вуд̇д̇анаязнзва взд̣̇ид̇аб̣б̣о.

    228.Dūrasantikattekattanti ettha āsannadūrabhāvo adhiṭṭhāne vuttanayeneva veditabbo.

    229. д̣̇асаахам̣…бз… бажжаасааяа сад̇и маасагам̣ наад̇хидтид̇авигаббид̇ам̣ ниссаг̇г̇им̣ нуббаад̣̇аяад̇ийд̇и самб̣анд̇хо. д̣̇аса ахаани самаахадаани д̣̇асаахам̣. саб̣б̣ад̇т̇а ажжанд̇асам̣яог̇з д̣̇уд̇ияаа. д̇ад̇т̇а яам̣ д̣̇ивасам̣ жийварам̣ уббаннам̣, д̇асса яо арун̣о, со уббаннад̣̇ивасаниссид̇о, д̇асмаа жийваруббаад̣̇ад̣̇ивасзна сад̣̇д̇хим̣ згаад̣̇асз арун̣уг̇г̇аманз ниссаг̇г̇ияам̣ ход̇ийд̇и ааха ‘‘д̣̇асааха’’нд̇и. маасамзгам̣ ваад̇и ‘‘анад̇т̇ад̇з гат̇инз згам̣ бажчимагад̇д̇игамааса’’нд̇и (баараа. 649 ад̇т̇ад̇о самаанам̣) вуд̇д̇ад̇д̇аа гат̇инад̇т̇ад̇з бан̃жа маасзд̇и лаб̣бхад̇и. гат̇инам̣ ад̇т̇ад̇ам̣ яасмим̣ вихаарзд̇и самаасо. баарибуурад̇т̇анд̇и баарибуури ад̇т̇о яассаад̇и виг̇г̇ахо. гирияаависзсанам̣, баарибууриббаяож̇анам̣ гад̇ваад̇и ад̇т̇о. уунассаад̇и яад̇д̇агзна гаяирамаанам̣ ад̇хидтаанам̣ жийварам̣ баход̇и, д̇ад̇д̇агад̇аабхаавад̇о уунасса згаад̣̇асамаасасад̇д̇амаасасан̇каад̇з бидтисамаяз уббаннасса муулажийварасса. бажжаасаа сад̇ийд̇и ‘‘сан̇гхаад̣̇ид̇о яад̇о гуд̇ожи лажчаамий’’д̇и звам̣ сад̇ияаа бажжаасааяаад̇и ад̇т̇о. убхаяамби яа-гааралобзна нид̣̇д̣̇идтам̣. сад̇ийд̇и ваа нибаад̇о, лин̇г̇авибаллаасзна вааха. зд̇т̇а бана б̣яад̇ирзгавасзна д̣̇асаахаад̇иггаманаад̣̇ийсу ниссаг̇г̇ияам̣ баажид̇д̇ияам̣ взд̣̇ид̇аб̣б̣анд̇и.

    229. Dasāhaṃ…pe… paccāsāya sati māsakaṃ nādhiṭṭhitavikappitaṃ nissaggiṃ nuppādayatīti sambandho. Dasa ahāni samāhaṭāni dasāhaṃ. Sabbattha accantasaṃyoge dutiyā. Tattha yaṃ divasaṃ cīvaraṃ uppannaṃ, tassa yo aruṇo, so uppannadivasanissito, tasmā cīvaruppādadivasena saddhiṃ ekādase aruṇuggamane nissaggiyaṃ hotīti āha ‘‘dasāha’’nti. Māsamekaṃ vāti ‘‘anatthate kathine ekaṃ pacchimakattikamāsa’’nti (pārā. 649 atthato samānaṃ) vuttattā kathinatthate pañca māseti labbhati. Kathinaṃ atthataṃ yasmiṃ vihāreti samāso. Pāripūratthanti pāripūri attho yassāti viggaho. Kiriyāvisesanaṃ, pāripūrippayojanaṃ katvāti attho. Ūnassāti yattakena kayiramānaṃ adhiṭṭhānaṃ cīvaraṃ pahoti, tattakatābhāvato ūnassa ekādasamāsasattamāsasaṅkhāte piṭṭhisamaye uppannassa mūlacīvarassa. Paccāsā satīti ‘‘saṅghādito yato kutoci lacchāmī’’ti evaṃ satiyā paccāsāyāti attho. Ubhayampi ya-kāralopena niddiṭṭhaṃ. Satīti vā nipāto, liṅgavipallāsena vāha. Ettha pana byatirekavasena dasāhātikkamanādīsu nissaggiyaṃ pācittiyaṃ veditabbanti.

    вигаббанаанид̣̇д̣̇зсаван̣н̣анаа нидтид̇аа.

    Vikappanāniddesavaṇṇanā niṭṭhitā.





    © 1991-2025 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact