| Library / Tipiṭaka / తిపిటక • Tipiṭaka / పఞ్చపకరణ-మూలటీకా • Pañcapakaraṇa-mūlaṭīkā |
౪. విముచ్చమానకథావణ్ణనా
4. Vimuccamānakathāvaṇṇanā
౩౬౬. ఝానేన విక్ఖమ్భనవిముత్తియా విముత్తం చిత్తం మగ్గక్ఖణే సముచ్ఛేదవిముత్తియా విముచ్చమానం నామ హోతీతి ఏతిస్సా లద్ధియా కో దోసోతి విచారేతబ్బం. యది విప్పకతనిద్దేసే దోసో, తత్రాపి తేన విముచ్చమానతాయ ‘‘విముత్తం విముచ్చమాన’’న్తి వుత్తం. సతి చ దోసే ఉప్పాదక్ఖణే విముత్తం, వయక్ఖణే విముచ్చమానన్తి విముత్తవిముచ్చమానవచనస్స న చోదేతబ్బం సియా, అథ ఖో విముచ్చమానవచనమేవాతి. ఏకదేసేన, ఏకదేసే వా విముచ్చమానస్స చ విముత్తకిరియాయ ఏకదేసో విసేసనం హోతీతి ‘‘భావనపుంసక’’న్తి వుత్తం. కటాదయోతి కటపటాదయో. ఏకేనేవ చిత్తేనాతి ఏకేనేవ ఫలచిత్తేనాతి అధిప్పాయో.
366. Jhānenavikkhambhanavimuttiyā vimuttaṃ cittaṃ maggakkhaṇe samucchedavimuttiyā vimuccamānaṃ nāma hotīti etissā laddhiyā ko dosoti vicāretabbaṃ. Yadi vippakataniddese doso, tatrāpi tena vimuccamānatāya ‘‘vimuttaṃ vimuccamāna’’nti vuttaṃ. Sati ca dose uppādakkhaṇe vimuttaṃ, vayakkhaṇe vimuccamānanti vimuttavimuccamānavacanassa na codetabbaṃ siyā, atha kho vimuccamānavacanamevāti. Ekadesena, ekadese vā vimuccamānassa ca vimuttakiriyāya ekadeso visesanaṃ hotīti ‘‘bhāvanapuṃsaka’’nti vuttaṃ. Kaṭādayoti kaṭapaṭādayo. Ekeneva cittenāti ekeneva phalacittenāti adhippāyo.
విముచ్చమానకథావణ్ణనా నిట్ఠితా.
Vimuccamānakathāvaṇṇanā niṭṭhitā.
Related texts:
తిపిటక (మూల) • Tipiṭaka (Mūla) / అభిధమ్మపిటక • Abhidhammapiṭaka / కథావత్థుపాళి • Kathāvatthupāḷi / (౨౪) ౪. విముచ్చమానకథా • (24) 4. Vimuccamānakathā
అట్ఠకథా • Aṭṭhakathā / అభిధమ్మపిటక (అట్ఠకథా) • Abhidhammapiṭaka (aṭṭhakathā) / పఞ్చపకరణ-అట్ఠకథా • Pañcapakaraṇa-aṭṭhakathā / ౪. విముచ్చమానకథావణ్ణనా • 4. Vimuccamānakathāvaṇṇanā
టీకా • Tīkā / అభిధమ్మపిటక (టీకా) • Abhidhammapiṭaka (ṭīkā) / పఞ్చపకరణ-అనుటీకా • Pañcapakaraṇa-anuṭīkā / ౪. విముచ్చమానకథావణ్ణనా • 4. Vimuccamānakathāvaṇṇanā
