| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[232] 2. вийн̣аат̇уун̣аж̇аад̇агаван̣н̣анаа
[232] 2. Vīṇāthūṇajātakavaṇṇanā
згажинд̇ид̇ояамад̇т̇од̇и ид̣̇ам̣ сад̇т̇аа ж̇зд̇аванз вихаранд̇о ан̃н̃ад̇арам̣ гумааригам̣ аараб̣бха гат̇зси. саа гирзгаа саавад̇т̇ияам̣ сздтид̇хийд̇аа ад̇д̇ано г̇зхз усабхарааж̇асса саггаарам̣ гаяирамаанам̣ д̣̇исваа д̇хаад̇им̣ бужчи – ‘‘амма, го наамзса звам̣ саггаарам̣ лабхад̇ий’’д̇и. ‘‘усабхарааж̇аа наама, аммаа’’д̇и. буна саа згад̣̇ивасам̣ баасаад̣̇з тад̇ваа анд̇аравийт̇им̣ ологзнд̇ий згам̣ куж̇ж̇ам̣ д̣̇исваа жинд̇зси – ‘‘г̇уннам̣ анд̇арз ж̇здтагасса бидтияам̣ гагуд̇хам̣ ход̇и, мануссаж̇здтагассаби д̇зна бхавид̇аб̣б̣ам̣, аяам̣ мануссзсу бурисуусабхо бхависсад̇и, зд̇асса маяаа баад̣̇абарижааригааяа бхавид̇ум̣ ваддад̇ий’’д̇и. саа д̣̇аасим̣ бзсзд̇ваа ‘‘сздтид̇хийд̇аа д̇аяаа сад̣̇д̇хим̣ г̇анд̇угаамаа, асугадтаанам̣ гира г̇анд̇ваа д̇идтаа’’д̇и д̇асса аарожзд̇ваа саарабхан̣д̣агам̣ аад̣̇ааяа ан̃н̃аад̇агавзсзна баасаад̣̇аа од̇арид̇ваа д̇зна сад̣̇д̇хим̣ балааяи. абарабхааг̇з д̇ам̣ гаммам̣ наг̇арз жа бхигкусан̇гхз жа баагадам̣ ж̇аад̇ам̣. д̇хаммасабхааяам̣ бхигкуу гат̇ам̣ самудтаабзсум̣ – ‘‘аавусо, асугаа гира сздтид̇хийд̇аа куж̇ж̇зна сад̣̇д̇хим̣ балаад̇аа’’д̇и. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з сад̇т̇аа ‘‘на, бхигкавз, ид̣̇аанзвзсаа куж̇ж̇ам̣ гаамзд̇и, буб̣б̣зби гаамзсиязваа’’д̇и вад̇ваа ад̇ийд̇ам̣ аахари.
Ekacintitoyamatthoti idaṃ satthā jetavane viharanto aññataraṃ kumārikaṃ ārabbha kathesi. Sā kirekā sāvatthiyaṃ seṭṭhidhītā attano gehe usabharājassa sakkāraṃ kayiramānaṃ disvā dhātiṃ pucchi – ‘‘amma, ko nāmesa evaṃ sakkāraṃ labhatī’’ti. ‘‘Usabharājā nāma, ammā’’ti. Puna sā ekadivasaṃ pāsāde ṭhatvā antaravīthiṃ olokentī ekaṃ khujjaṃ disvā cintesi – ‘‘gunnaṃ antare jeṭṭhakassa piṭṭhiyaṃ kakudhaṃ hoti, manussajeṭṭhakassapi tena bhavitabbaṃ, ayaṃ manussesu purisūsabho bhavissati, etassa mayā pādaparicārikāya bhavituṃ vaṭṭatī’’ti. Sā dāsiṃ pesetvā ‘‘seṭṭhidhītā tayā saddhiṃ gantukāmā, asukaṭṭhānaṃ kira gantvā tiṭṭhā’’ti tassa ārocetvā sārabhaṇḍakaṃ ādāya aññātakavesena pāsādā otaritvā tena saddhiṃ palāyi. Aparabhāge taṃ kammaṃ nagare ca bhikkhusaṅghe ca pākaṭaṃ jātaṃ. Dhammasabhāyaṃ bhikkhū kathaṃ samuṭṭhāpesuṃ – ‘‘āvuso, asukā kira seṭṭhidhītā khujjena saddhiṃ palātā’’ti. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte satthā ‘‘na, bhikkhave, idānevesā khujjaṃ kāmeti, pubbepi kāmesiyevā’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о згасмим̣ ниг̇амаг̇аамз сздтигулз ниб̣б̣ад̇д̇ид̇ваа ваяаббад̇д̇о гхарааваасам̣ васанд̇о буд̇д̇ад̇хийд̇аахи вад̣дхамаано ад̇д̇ано буд̇д̇асса б̣аараан̣асийсздтисса д̇хийд̇арам̣ ваарзд̇ваа д̣̇ивасам̣ табзси. сздтид̇хийд̇аа ад̇д̇ано г̇зхз усабхасса саггаарасаммаанам̣ д̣̇исваа ‘‘го наамзсо’’д̇и д̇хаад̇им̣ бужчид̇ваа ‘‘усабхо’’д̇и суд̇ваа анд̇аравийт̇ияаа г̇ажчанд̇ам̣ згам̣ куж̇ж̇ам̣ д̣̇исваа ‘‘аяам̣ бурисуусабхо бхависсад̇ий’’д̇и саарабхан̣д̣агам̣ г̇ахзд̇ваа д̇зна сад̣̇д̇хим̣ балааяи. б̣од̇хисад̇д̇оби ко ‘‘сздтид̇хийд̇арам̣ г̇зхам̣ аанзссаамий’’д̇и маханд̇зна бариваарзна б̣аараан̣асим̣ г̇ажчанд̇о д̇амзва маг̇г̇ам̣ бадибаж̇ж̇и. д̇з убхоби саб̣б̣арад̇д̇им̣ маг̇г̇ам̣ аг̇амам̣су. ат̇а куж̇ж̇асса саб̣б̣арад̇д̇им̣ сийд̇аасихад̇асса арун̣од̣̇аяз сарийрз ваад̇о губби, маханд̇аа взд̣̇анаа вад̇д̇анд̇и. со маг̇г̇аа оггамма взд̣̇анааббад̇д̇о худ̇ваа вийн̣аад̣̇ан̣д̣аго вияа сам̣гудид̇о нибаж̇ж̇и, сздтид̇хийд̇аабисса баад̣̇амуулз нисийд̣̇и. б̣од̇хисад̇д̇о сздтид̇хийд̇арам̣ куж̇ж̇асса баад̣̇амуулз нисиннам̣ д̣̇исваа сан̃ж̇аанид̇ваа убасан̇гамид̇ваа сздтид̇хийд̇ааяа сад̣̇д̇хим̣ саллабанд̇о батамам̣ г̇аат̇амааха –
Atīte bārāṇasiyaṃ brahmadatte rajjaṃ kārente bodhisatto ekasmiṃ nigamagāme seṭṭhikule nibbattitvā vayappatto gharāvāsaṃ vasanto puttadhītāhi vaḍḍhamāno attano puttassa bārāṇasīseṭṭhissa dhītaraṃ vāretvā divasaṃ ṭhapesi. Seṭṭhidhītā attano gehe usabhassa sakkārasammānaṃ disvā ‘‘ko nāmeso’’ti dhātiṃ pucchitvā ‘‘usabho’’ti sutvā antaravīthiyā gacchantaṃ ekaṃ khujjaṃ disvā ‘‘ayaṃ purisūsabho bhavissatī’’ti sārabhaṇḍakaṃ gahetvā tena saddhiṃ palāyi. Bodhisattopi kho ‘‘seṭṭhidhītaraṃ gehaṃ ānessāmī’’ti mahantena parivārena bārāṇasiṃ gacchanto tameva maggaṃ paṭipajji. Te ubhopi sabbarattiṃ maggaṃ agamaṃsu. Atha khujjassa sabbarattiṃ sītāsihatassa aruṇodaye sarīre vāto kuppi, mahantā vedanā vattanti. So maggā okkamma vedanāppatto hutvā vīṇādaṇḍako viya saṃkuṭito nipajji, seṭṭhidhītāpissa pādamūle nisīdi. Bodhisatto seṭṭhidhītaraṃ khujjassa pādamūle nisinnaṃ disvā sañjānitvā upasaṅkamitvā seṭṭhidhītāya saddhiṃ sallapanto paṭhamaṃ gāthamāha –
163.
163.
‘‘згажинд̇ид̇ояамад̇т̇о , б̣аало абарин̣ааяаго;
‘‘Ekacintitoyamattho , bālo apariṇāyako;
на хи куж̇ж̇зна ваамзна, бход̇и сан̇г̇анд̇умарахасий’’д̇и.
Na hi khujjena vāmena, bhoti saṅgantumarahasī’’ti.
д̇ад̇т̇а згажинд̇ид̇ояамад̇т̇од̇и амма, яам̣ д̇вам̣ ад̇т̇ам̣ жинд̇зд̇ваа иминаа куж̇ж̇зна сад̣̇д̇хим̣ балаад̇аа, аяам̣ д̇аяаа згигааяа зва жинд̇ид̇о бхависсад̇и. б̣аало абарин̣ааяагод̇и аяам̣ куж̇ж̇о б̣аало, д̣̇уббан̃н̃абхаавзна махаллагоби б̣аалова, ан̃н̃асмим̣ г̇ахзд̇ваа г̇ажчанд̇з асад̇и г̇анд̇ум̣ асамад̇т̇ад̇ааяа абарин̣ааяаго. на хи куж̇ж̇зна ваамзна, бход̇и сан̇г̇анд̇умарахасийд̇и иминаа хи куж̇ж̇зна вааманад̇д̇аа ваамзна бход̇и д̇вам̣ махаагулз ж̇аад̇аа абхируубаа д̣̇ассанийяаа сан̇г̇анд̇ум̣ саха г̇анд̇ум̣ наарахасийд̇и.
Tattha ekacintitoyamatthoti amma, yaṃ tvaṃ atthaṃ cintetvā iminā khujjena saddhiṃ palātā, ayaṃ tayā ekikāya eva cintito bhavissati. Bālo apariṇāyakoti ayaṃ khujjo bālo, duppaññabhāvena mahallakopi bālova, aññasmiṃ gahetvā gacchante asati gantuṃ asamatthatāya apariṇāyako. Na hi khujjena vāmena, bhoti saṅgantumarahasīti iminā hi khujjena vāmanattā vāmena bhoti tvaṃ mahākule jātā abhirūpā dassanīyā saṅgantuṃ saha gantuṃ nārahasīti.
ат̇асса д̇ам̣ важанам̣ суд̇ваа сздтид̇хийд̇аа д̣̇уд̇ияам̣ г̇аат̇амааха –
Athassa taṃ vacanaṃ sutvā seṭṭhidhītā dutiyaṃ gāthamāha –
164.
164.
‘‘бурисуусабхам̣ ман̃н̃амаанаа, ахам̣ куж̇ж̇амагаамаяим̣;
‘‘Purisūsabhaṃ maññamānā, ahaṃ khujjamakāmayiṃ;
сояам̣ сам̣гудид̇о сзд̇и, чиннад̇анд̇и яат̇аа т̇ун̣аа’’д̇и.
Soyaṃ saṃkuṭito seti, chinnatanti yathā thuṇā’’ti.
д̇ассад̇т̇о – ахам̣, аяяа, згам̣ усабхам̣ д̣̇исваа ‘‘г̇уннам̣ ж̇здтагасса бидтияам̣ гагуд̇хам̣ ход̇и, имассаби д̇ам̣ ад̇т̇и, иминааби бурисуусабхзна бхавид̇аб̣б̣а’’нд̇и звамахам̣ куж̇ж̇ам̣ бурисуусабхам̣ ман̃н̃амаанаа агаамаяим̣. сояам̣ яат̇аа наама чиннад̇анд̇и сад̣̇он̣иго вийн̣аад̣̇ан̣д̣аго, звам̣ сам̣гудид̇о сзд̇ийд̇и.
Tassattho – ahaṃ, ayya, ekaṃ usabhaṃ disvā ‘‘gunnaṃ jeṭṭhakassa piṭṭhiyaṃ kakudhaṃ hoti, imassapi taṃ atthi, imināpi purisūsabhena bhavitabba’’nti evamahaṃ khujjaṃ purisūsabhaṃ maññamānā akāmayiṃ. Soyaṃ yathā nāma chinnatanti sadoṇiko vīṇādaṇḍako, evaṃ saṃkuṭito setīti.
б̣од̇хисад̇д̇о д̇ассаа ан̃н̃аад̇агавзсзна нигканд̇абхаавамзва н̃ад̇ваа д̇ам̣ нхаабзд̇ваа алан̇гарид̇ваа рат̇ам̣ ааробзд̇ваа г̇зхамзва аг̇амааси.
Bodhisatto tassā aññātakavesena nikkhantabhāvameva ñatvā taṃ nhāpetvā alaṅkaritvā rathaṃ āropetvā gehameva agamāsi.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа аяамзва сздтид̇хийд̇аа ахоси, б̣аараан̣асийсздти бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā ayameva seṭṭhidhītā ahosi, bārāṇasīseṭṭhi pana ahameva ahosi’’nti.
вийн̣аат̇уун̣аж̇аад̇агаван̣н̣анаа д̣̇уд̇ияаа.
Vīṇāthūṇajātakavaṇṇanā dutiyā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 232. вийн̣ааг̇ун̣аж̇аад̇агам̣ • 232. Vīṇāguṇajātakaṃ
