| Library / Tipiṭaka / તિપિટક • Tipiṭaka / અઙ્ગુત્તરનિકાય (ટીકા) • Aṅguttaranikāya (ṭīkā) |
૬-૮. વિનિબન્ધસુત્તાદિવણ્ણના
6-8. Vinibandhasuttādivaṇṇanā
૨૦૬-૮. છટ્ઠે પવત્તિતું અપ્પદાનવસેન કુસલચિત્તં વિનિબન્ધન્તીતિ ચેતસોવિનિબન્ધા. તં પન વિનિબન્ધન્તા મુટ્ઠિગ્ગાહં ગણ્હન્તા વિય હોન્તીતિ આહ ‘‘ચિત્તં વિનિબન્ધિત્વા’’તિઆદિ. કામગિદ્ધો પુગ્ગલો વત્થુકામેપિ કિલેસકામેપિ અસ્સાદેતિ અભિનન્દતીતિ વુત્તં ‘‘વત્થુકામેપિ કિલેસકામેપી’’તિ. અત્તનો કાયેતિ અત્તનો નામકાયે, અત્તભાવે વા. બહિદ્ધારૂપેતિ પરેસં કાયે અનિન્દ્રિયબદ્ધરૂપે ચ. ઉદરં અવદિહતિ ઉપચિનોતિ પૂરેતીતિ ઉદરાવદેહકં. સેય્યસુખન્તિ સેય્યાય સયનવસેન ઉપ્પજ્જનકસુખં. સમ્પરિવત્તકન્તિ સમ્પરિવત્તિત્વા. પણિધાયાતિ તણ્હાવસેનેવ પણિદહિત્વા. ઇતિ પઞ્ચવિધોપિ લોભવિસેસો એવ ‘‘ચેતોવિનિબન્ધો’’તિ વુત્તોતિ વેદિતબ્બો. સત્તમટ્ઠમેસુ નત્થિ વત્તબ્બં.
206-8. Chaṭṭhe pavattituṃ appadānavasena kusalacittaṃ vinibandhantīti cetasovinibandhā. Taṃ pana vinibandhantā muṭṭhiggāhaṃ gaṇhantā viya hontīti āha ‘‘cittaṃ vinibandhitvā’’tiādi. Kāmagiddho puggalo vatthukāmepi kilesakāmepi assādeti abhinandatīti vuttaṃ ‘‘vatthukāmepi kilesakāmepī’’ti. Attano kāyeti attano nāmakāye, attabhāve vā. Bahiddhārūpeti paresaṃ kāye anindriyabaddharūpe ca. Udaraṃ avadihati upacinoti pūretīti udarāvadehakaṃ. Seyyasukhanti seyyāya sayanavasena uppajjanakasukhaṃ. Samparivattakanti samparivattitvā. Paṇidhāyāti taṇhāvaseneva paṇidahitvā. Iti pañcavidhopi lobhaviseso eva ‘‘cetovinibandho’’ti vuttoti veditabbo. Sattamaṭṭhamesu natthi vattabbaṃ.
વિનિબન્ધસુત્તાદિવણ્ણના નિટ્ઠિતા.
Vinibandhasuttādivaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / અઙ્ગુત્તરનિકાય • Aṅguttaranikāya
૬. વિનિબન્ધસુત્તં • 6. Vinibandhasuttaṃ
૭. યાગુસુત્તં • 7. Yāgusuttaṃ
૮. દન્તકટ્ઠસુત્તં • 8. Dantakaṭṭhasuttaṃ
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / અઙ્ગુત્તરનિકાય (અટ્ઠકથા) • Aṅguttaranikāya (aṭṭhakathā)
૬. વિનિબન્ધસુત્તવણ્ણના • 6. Vinibandhasuttavaṇṇanā
૭-૮. યાગુસુત્તાદિવણ્ણના • 7-8. Yāgusuttādivaṇṇanā
