| Library / Tipiṭaka / திபிடக • Tipiṭaka / வஜிரபு³த்³தி⁴-டீகா • Vajirabuddhi-ṭīkā |
வினீதவத்து²வண்ணனா
Vinītavatthuvaṇṇanā
225-6. து³க்கர ஆகா³ர ஆவடகாம அபி⁴ரதிவத்தூ²ஸு ‘‘யதி³ உல்லபனாதி⁴ப்பாயோ ப⁴வெய்ய, பாராஜிக’’ந்தி வத³ந்தி, காரணங் பன து³த்³த³ஸங், து²ல்லச்சயங் வுத்தங் விய, வீமங்ஸிதப்³ப³ங். யானேன வா இத்³தி⁴யா வா க³ச்ச²ந்தோபி பாராஜிகங் நாபஜ்ஜதீதி பத³ஸா க³மனவஸேனேவ கதிகாய கதாய யுஜ்ஜதி. ‘‘அபுப்³ப³ங்அசரிமங் க³ச்ச²ந்தோதி ஹத்த²பாஸங் அவிஜஹித்வா அஞ்ஞமஞ்ஞஸ்ஸ ஹத்த²ங் க³ண்ஹந்தோ விய க³ச்ச²ந்தோ’’தி வுத்தங். உட்டே²த² ஏத² க³ச்சா²மாதி ஏவங் ஸஹக³மனே புப்³பா³பரா க³ச்ச²ந்தோபி நாபஜ்ஜதீதி ஆசரியஸ்ஸ தக்கோ. வஸந்தஸ்ஸாதி ததா² வஸந்தோ சே உபாஸகேன தி³ஸ்ஸதி, பாராஜிகோ ஹோதி. ‘‘ரத்திங் வஸித்வா க³ச்ச²ந்தோ ந பாராஜிகோ’’தி வுத்தங். நானாவேரஜ்ஜகாதி நானாஜனபத³வாஸினோ. ஸங்க⁴லாபோ⁴தி யதா²வுட்³ட⁴ங் அத்தனோ பாபுணனகொட்டா²ஸோ.
225-6. Dukkara āgāra āvaṭakāma abhirativatthūsu ‘‘yadi ullapanādhippāyo bhaveyya, pārājika’’nti vadanti, kāraṇaṃ pana duddasaṃ, thullaccayaṃ vuttaṃ viya, vīmaṃsitabbaṃ. Yānena vā iddhiyā vā gacchantopi pārājikaṃ nāpajjatīti padasā gamanavaseneva katikāya katāya yujjati. ‘‘Apubbaṃacarimaṃ gacchantoti hatthapāsaṃ avijahitvā aññamaññassa hatthaṃ gaṇhanto viya gacchanto’’ti vuttaṃ. Uṭṭhetha etha gacchāmāti evaṃ sahagamane pubbāparā gacchantopi nāpajjatīti ācariyassa takko. Vasantassāti tathā vasanto ce upāsakena dissati, pārājiko hoti. ‘‘Rattiṃ vasitvā gacchanto na pārājiko’’ti vuttaṃ. Nānāverajjakāti nānājanapadavāsino. Saṅghalābhoti yathāvuḍḍhaṃ attano pāpuṇanakoṭṭhāso.
228. இதா⁴தி ‘‘கோ நு கோ²’’திஆதி³னா வுத்தே பஞ்ஹாகம்மே. த⁴ம்மதா⁴து ஸப்³ப³ஞ்ஞுதஞ்ஞாணங்.
228.Idhāti ‘‘ko nu kho’’tiādinā vutte pañhākamme. Dhammadhātu sabbaññutaññāṇaṃ.
232. ந உப்படிபாடியாதி ந ஸீஹோக்கந்தவஸேன அனுஸ்ஸரி. தஸ்மா அந்தராப⁴வபூ⁴தா ஏகா ஏவ ஜாதீதி படிவிஜ்ஜ²தீதி அத்தோ².
232.Nauppaṭipāṭiyāti na sīhokkantavasena anussari. Tasmā antarābhavabhūtā ekā eva jātīti paṭivijjhatīti attho.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவிப⁴ங்க³ • Mahāvibhaṅga / 4. சதுத்த²பாராஜிகங் • 4. Catutthapārājikaṃ
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவிப⁴ங்க³-அட்ட²கதா² • Mahāvibhaṅga-aṭṭhakathā / 4. சதுத்த²பாராஜிகங் • 4. Catutthapārājikaṃ
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / வினீதவத்து²வண்ணனா • Vinītavatthuvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / வினீதவத்து²வண்ணனா • Vinītavatthuvaṇṇanā
