| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
9. вийн̣обамасуд̇д̇ам̣
9. Vīṇopamasuttaṃ
246. ‘‘яасса гассажи, бхигкавз, бхигкусса ваа бхигкунияаа ваа жагкувин̃н̃зяязсу руубзсу уббаж̇ж̇зяяа чанд̣̇о ваа рааг̇о ваа д̣̇осо ваа мохо ваа бадигхам̣ вааби 1 жзд̇асо, д̇ад̇о жид̇д̇ам̣ ниваарзяяа. сабхаяо жзсо маг̇г̇о саббадибхаяо жа саган̣даго жа саг̇ахано жа уммаг̇г̇о жа гуммаг̇г̇о жа д̣̇ухид̇иго жа. асаббурисасзвид̇о жзсо маг̇г̇о, на жзсо маг̇г̇о саббурисзхи сзвид̇о. на д̇вам̣ зд̇ам̣ арахасийд̇и. д̇ад̇о жид̇д̇ам̣ ниваараяз жагкувин̃н̃зяязхи руубзхи…бз… яасса гассажи, бхигкавз, бхигкусса ваа бхигкунияаа ваа ж̇ивхаавин̃н̃зяязсу расзсу…бз… мановин̃н̃зяязсу д̇хаммзсу уббаж̇ж̇зяяа чанд̣̇о ваа рааг̇о ваа д̣̇осо ваа мохо ваа бадигхам̣ вааби жзд̇асо д̇ад̇о жид̇д̇ам̣ ниваарзяяа. сабхаяо жзсо маг̇г̇о саббадибхаяо жа саган̣даго жа саг̇ахано жа уммаг̇г̇о жа гуммаг̇г̇о жа д̣̇ухид̇иго жа. асаббурисасзвид̇о жзсо маг̇г̇о, на жзсо маг̇г̇о саббурисзхи сзвид̇о. на д̇вам̣ зд̇ам̣ арахасийд̇и. д̇ад̇о жид̇д̇ам̣ ниваараяз мановин̃н̃зяязхи д̇хаммзхи.
246. ‘‘Yassa kassaci, bhikkhave, bhikkhussa vā bhikkhuniyā vā cakkhuviññeyyesu rūpesu uppajjeyya chando vā rāgo vā doso vā moho vā paṭighaṃ vāpi 2 cetaso, tato cittaṃ nivāreyya. Sabhayo ceso maggo sappaṭibhayo ca sakaṇṭako ca sagahano ca ummaggo ca kummaggo ca duhitiko ca. Asappurisasevito ceso maggo, na ceso maggo sappurisehi sevito. Na tvaṃ etaṃ arahasīti. Tato cittaṃ nivāraye cakkhuviññeyyehi rūpehi…pe… yassa kassaci, bhikkhave, bhikkhussa vā bhikkhuniyā vā jivhāviññeyyesu rasesu…pe… manoviññeyyesu dhammesu uppajjeyya chando vā rāgo vā doso vā moho vā paṭighaṃ vāpi cetaso tato cittaṃ nivāreyya. Sabhayo ceso maggo sappaṭibhayo ca sakaṇṭako ca sagahano ca ummaggo ca kummaggo ca duhitiko ca. Asappurisasevito ceso maggo, na ceso maggo sappurisehi sevito. Na tvaṃ etaṃ arahasīti. Tato cittaṃ nivāraye manoviññeyyehi dhammehi.
‘‘сзяяат̇ааби, бхигкавз, гидтам̣ самбаннам̣. гидтаарагко 3 жа бамад̇д̇о, г̇он̣о жа гидтаад̣̇о ад̣̇ум̣ гидтам̣ од̇арид̇ваа яаавад̣̇ад̇т̇ам̣ мад̣̇ам̣ аабаж̇ж̇зяяа бамаад̣̇ам̣ аабаж̇ж̇зяяа ; звамзва ко, бхигкавз, ассуд̇аваа бут̇уж̇ж̇ано часу пассааяад̇анзсу асам̣вуд̇агаарий бан̃жасу гаамаг̇ун̣зсу яаавад̣̇ад̇т̇ам̣ мад̣̇ам̣ аабаж̇ж̇ад̇и бамаад̣̇ам̣ аабаж̇ж̇ад̇и.
‘‘Seyyathāpi, bhikkhave, kiṭṭhaṃ sampannaṃ. Kiṭṭhārakkho 4 ca pamatto, goṇo ca kiṭṭhādo aduṃ kiṭṭhaṃ otaritvā yāvadatthaṃ madaṃ āpajjeyya pamādaṃ āpajjeyya ; evameva kho, bhikkhave, assutavā puthujjano chasu phassāyatanesu asaṃvutakārī pañcasu kāmaguṇesu yāvadatthaṃ madaṃ āpajjati pamādaṃ āpajjati.
‘‘сзяяат̇ааби, бхигкавз, гидтам̣ самбаннам̣ гидтаарагко жа аббамад̇д̇о г̇он̣о жа гидтаад̣̇о ад̣̇ум̣ гидтам̣ од̇арзяяа. д̇амзнам̣ гидтаарагко наасааяам̣ суг̇г̇ахид̇ам̣ г̇ан̣хзяяа. наасааяам̣ суг̇г̇ахид̇ам̣ г̇ахзд̇ваа убаригхадааяам̣ суниг̇г̇ахид̇ам̣ ниг̇г̇ан̣хзяяа. убаригхадааяам̣ суниг̇г̇ахид̇ам̣ ниг̇г̇ахзд̇ваа д̣̇ан̣д̣зна суд̇аал̣ид̇ам̣ д̇аал̣зяяа. д̣̇ан̣д̣зна суд̇аал̣ид̇ам̣ д̇аал̣зд̇ваа осаж̇ж̇зяяа. д̣̇уд̇ияамби ко, бхигкавз …бз… д̇ад̇ияамби ко, бхигкавз, г̇он̣о гидтаад̣̇о ад̣̇ум̣ гидтам̣ од̇арзяяа. д̇амзнам̣ гидтаарагко наасааяам̣ суг̇г̇ахид̇ам̣ г̇ан̣хзяяа. наасааяам̣ суг̇г̇ахид̇ам̣ г̇ахзд̇ваа убаригхадааяам̣ суниг̇г̇ахид̇ам̣ ниг̇г̇ан̣хзяяа. убаригхадааяам̣ суниг̇г̇ахид̇ам̣ ниг̇г̇ахзд̇ваа д̣̇ан̣д̣зна суд̇аал̣ид̇ам̣ д̇аал̣зяяа. д̣̇ан̣д̣зна суд̇аал̣ид̇ам̣ д̇аал̣зд̇ваа осаж̇ж̇зяяа. зван̃хи со, бхигкавз, г̇он̣о гидтаад̣̇о г̇аамаг̇ад̇о ваа аран̃н̃аг̇ад̇о ваа, таанаб̣ахуло ваа асса нисаж̇ж̇аб̣ахуло ваа на д̇ам̣ гидтам̣ буна од̇арзяяа – д̇амзва буримам̣ д̣̇ан̣д̣асампассам̣ самануссаранд̇о. звамзва ко, бхигкавз, яад̇о ко бхигкуно часу пассааяад̇анзсу жид̇д̇ам̣ уд̣̇уж̇ид̇ам̣ ход̇и суд̣̇уж̇ид̇ам̣, аж̇жхад̇д̇амзва санд̇идтад̇и, саннисийд̣̇ад̇и, згод̣̇и ход̇и, самаад̇хияад̇и.
‘‘Seyyathāpi, bhikkhave, kiṭṭhaṃ sampannaṃ kiṭṭhārakkho ca appamatto goṇo ca kiṭṭhādo aduṃ kiṭṭhaṃ otareyya. Tamenaṃ kiṭṭhārakkho nāsāyaṃ suggahitaṃ gaṇheyya. Nāsāyaṃ suggahitaṃ gahetvā uparighaṭāyaṃ suniggahitaṃ niggaṇheyya. Uparighaṭāyaṃ suniggahitaṃ niggahetvā daṇḍena sutāḷitaṃ tāḷeyya. Daṇḍena sutāḷitaṃ tāḷetvā osajjeyya. Dutiyampi kho, bhikkhave …pe… tatiyampi kho, bhikkhave, goṇo kiṭṭhādo aduṃ kiṭṭhaṃ otareyya. Tamenaṃ kiṭṭhārakkho nāsāyaṃ suggahitaṃ gaṇheyya. Nāsāyaṃ suggahitaṃ gahetvā uparighaṭāyaṃ suniggahitaṃ niggaṇheyya. Uparighaṭāyaṃ suniggahitaṃ niggahetvā daṇḍena sutāḷitaṃ tāḷeyya. Daṇḍena sutāḷitaṃ tāḷetvā osajjeyya. Evañhi so, bhikkhave, goṇo kiṭṭhādo gāmagato vā araññagato vā, ṭhānabahulo vā assa nisajjabahulo vā na taṃ kiṭṭhaṃ puna otareyya – tameva purimaṃ daṇḍasamphassaṃ samanussaranto. Evameva kho, bhikkhave, yato kho bhikkhuno chasu phassāyatanesu cittaṃ udujitaṃ hoti sudujitaṃ, ajjhattameva santiṭṭhati, sannisīdati, ekodi hoti, samādhiyati.
‘‘сзяяат̇ааби, бхигкавз, ран̃н̃о ваа рааж̇амахаамад̇д̇асса ваа вийн̣ааяа сад̣̇д̣̇о ассуд̇абуб̣б̣о асса. со вийн̣аасад̣̇д̣̇ам̣ сун̣зяяа. со звам̣ вад̣̇зяяа – ‘амбхо, гасса 5 ну ко зсо сад̣̇д̣̇о звам̣раж̇анийяо звам̣гаманийяо звам̣мад̣̇анийяо звам̣мужчанийяо звам̣б̣анд̇ханийяо’д̇и? д̇амзнам̣ звам̣ вад̣̇зяяум̣ – ‘зсаа, ко, бханд̇з, вийн̣аа наама, яассаа зсо сад̣̇д̣̇о звам̣раж̇анийяо звам̣гаманийяо звам̣мад̣̇анийяо звам̣мужчанийяо звам̣б̣анд̇ханийяо’д̇и. со звам̣ вад̣̇зяяа – ‘г̇ажчат̇а мз, бхо, д̇ам̣ вийн̣ам̣ аахарат̇аа’д̇и. д̇асса д̇ам̣ вийн̣ам̣ аахарзяяум̣. д̇амзнам̣ звам̣ вад̣̇зяяум̣ – ‘аяам̣ ко саа, бханд̇з, вийн̣аа яассаа зсо сад̣̇д̣̇о звам̣раж̇анийяо звам̣гаманийяо звам̣мад̣̇анийяо звам̣мужчанийяо звам̣б̣анд̇ханийяо’д̇и. со звам̣ вад̣̇зяяа – ‘алам̣ мз, бхо, д̇ааяа вийн̣ааяа, д̇амзва мз сад̣̇д̣̇ам̣ аахарат̇аа’д̇и. д̇амзнам̣ звам̣ вад̣̇зяяум̣ – ‘аяам̣ ко, бханд̇з, вийн̣аа наама анзгасамбхаараа махаасамбхаараа. анзгзхи самбхаарзхи самаарад̣̇д̇хаа вад̣̇ад̇и , сзяяат̇ид̣̇ам̣ – д̣̇он̣ин̃жа бадижжа жамман̃жа бадижжа д̣̇ан̣д̣ан̃жа бадижжа убад̇хааран̣з жа бадижжа д̇анд̇ияо жа бадижжа гон̣ан̃жа бадижжа бурисасса жа д̇аж̇ж̇ам̣ вааяаамам̣ бадижжа звааяам̣, бханд̇з, вийн̣аа наама анзгасамбхаараа махаасамбхаараа. анзгзхи самбхаарзхи самаарад̣̇д̇хаа вад̣̇ад̇ий’д̇и. со д̇ам̣ вийн̣ам̣ д̣̇асад̇хаа ваа сад̇ад̇хаа ваа паалзяяа, д̣̇асад̇хаа ваа сад̇ад̇хаа ваа д̇ам̣ паалзд̇ваа сагалигам̣ сагалигам̣ гарзяяа. сагалигам̣ сагалигам̣ гарид̇ваа аг̇г̇инаа д̣ахзяяа, аг̇г̇инаа д̣ахид̇ваа масим̣ гарзяяа. масим̣ гарид̇ваа махааваад̇з ваа опунзяяа 6, над̣̇ияаа ваа сийгхасод̇ааяа баваахзяяа. со звам̣ вад̣̇зяяа – ‘асад̇ий гирааяам̣, бхо, вийн̣аа наама, яат̇звам̣ яам̣ 7 гин̃жи вийн̣аа наама зд̇т̇а жа банааяам̣ ж̇ано 8 ад̇ивзлам̣ бамад̇д̇о балал̣ид̇о’д̇и. звамзва ко, бхигкавз, бхигку руубам̣ саманвзсад̇и 9 яаавад̇аа руубасса г̇ад̇и, взд̣̇анам̣ саманвзсад̇и яаавад̇аа взд̣̇анааяа г̇ад̇и, сан̃н̃ам̣ саманвзсад̇и яаавад̇аа сан̃н̃ааяа г̇ад̇и, сан̇каарз саманвзсад̇и яаавад̇аа сан̇каараанам̣ г̇ад̇и, вин̃н̃аан̣ам̣ саманвзсад̇и яаавад̇аа вин̃н̃аан̣асса г̇ад̇и. д̇асса руубам̣ саманвзсад̇о яаавад̇аа руубасса г̇ад̇и, взд̣̇анам̣ саманвзсад̇о…бз… сан̃н̃ам̣… сан̇каарз… вин̃н̃аан̣ам̣ саманвзсад̇о яаавад̇аа вин̃н̃аан̣асса г̇ад̇и. яамбисса д̇ам̣ ход̇и аханд̇и ваа маманд̇и ваа асмийд̇и ваа д̇амби д̇асса на ход̇ий’’д̇и. навамам̣.
‘‘Seyyathāpi, bhikkhave, rañño vā rājamahāmattassa vā vīṇāya saddo assutapubbo assa. So vīṇāsaddaṃ suṇeyya. So evaṃ vadeyya – ‘ambho, kassa 10 nu kho eso saddo evaṃrajanīyo evaṃkamanīyo evaṃmadanīyo evaṃmucchanīyo evaṃbandhanīyo’ti? Tamenaṃ evaṃ vadeyyuṃ – ‘esā, kho, bhante, vīṇā nāma, yassā eso saddo evaṃrajanīyo evaṃkamanīyo evaṃmadanīyo evaṃmucchanīyo evaṃbandhanīyo’ti. So evaṃ vadeyya – ‘gacchatha me, bho, taṃ vīṇaṃ āharathā’ti. Tassa taṃ vīṇaṃ āhareyyuṃ. Tamenaṃ evaṃ vadeyyuṃ – ‘ayaṃ kho sā, bhante, vīṇā yassā eso saddo evaṃrajanīyo evaṃkamanīyo evaṃmadanīyo evaṃmucchanīyo evaṃbandhanīyo’ti. So evaṃ vadeyya – ‘alaṃ me, bho, tāya vīṇāya, tameva me saddaṃ āharathā’ti. Tamenaṃ evaṃ vadeyyuṃ – ‘ayaṃ kho, bhante, vīṇā nāma anekasambhārā mahāsambhārā. Anekehi sambhārehi samāraddhā vadati , seyyathidaṃ – doṇiñca paṭicca cammañca paṭicca daṇḍañca paṭicca upadhāraṇe ca paṭicca tantiyo ca paṭicca koṇañca paṭicca purisassa ca tajjaṃ vāyāmaṃ paṭicca evāyaṃ, bhante, vīṇā nāma anekasambhārā mahāsambhārā. Anekehi sambhārehi samāraddhā vadatī’ti. So taṃ vīṇaṃ dasadhā vā satadhā vā phāleyya, dasadhā vā satadhā vā taṃ phāletvā sakalikaṃ sakalikaṃ kareyya. Sakalikaṃ sakalikaṃ karitvā agginā ḍaheyya, agginā ḍahitvā masiṃ kareyya. Masiṃ karitvā mahāvāte vā ophuneyya 11, nadiyā vā sīghasotāya pavāheyya. So evaṃ vadeyya – ‘asatī kirāyaṃ, bho, vīṇā nāma, yathevaṃ yaṃ 12 kiñci vīṇā nāma ettha ca panāyaṃ jano 13 ativelaṃ pamatto palaḷito’ti. Evameva kho, bhikkhave, bhikkhu rūpaṃ samanvesati 14 yāvatā rūpassa gati, vedanaṃ samanvesati yāvatā vedanāya gati, saññaṃ samanvesati yāvatā saññāya gati, saṅkhāre samanvesati yāvatā saṅkhārānaṃ gati, viññāṇaṃ samanvesati yāvatā viññāṇassa gati. Tassa rūpaṃ samanvesato yāvatā rūpassa gati, vedanaṃ samanvesato…pe… saññaṃ… saṅkhāre… viññāṇaṃ samanvesato yāvatā viññāṇassa gati. Yampissa taṃ hoti ahanti vā mamanti vā asmīti vā tampi tassa na hotī’’ti. Navamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 9. вийн̣обамасуд̇д̇аван̣н̣анаа • 9. Vīṇopamasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 9. вийн̣обамасуд̇д̇аван̣н̣анаа • 9. Vīṇopamasuttavaṇṇanā
