| Library / Tipiṭaka / திபிடக • Tipiṭaka / பஞ்சபகரண-மூலடீகா • Pañcapakaraṇa-mūlaṭīkā |
3. விபாகத்திகவண்ணனா
3. Vipākattikavaṇṇanā
1-23. விபாகத்திகே விபாகத⁴ம்மங் படிச்சாதி விபாகங் த⁴ம்மங் படிச்ச. ஸமாஸேனபி ஹி ஸோயேவத்தோ² வுத்தோதி பாளியங் ஸமாஸங் கத்வா லிகி²தங்.
1-23. Vipākattike vipākadhammaṃ paṭiccāti vipākaṃ dhammaṃ paṭicca. Samāsenapi hi soyevattho vuttoti pāḷiyaṃ samāsaṃ katvā likhitaṃ.
24-52. ‘‘நேவவிபாகனவிபாகத⁴ம்மத⁴ம்மங் படிச்ச நேவவிபாகனவிபாகத⁴ம்மத⁴ம்மோ உப்பஜ்ஜதி நவிபாகபச்சயா’’தி ஏதஸ்ஸ விப⁴ங்கே³ ‘‘மஹாபூ⁴தே படிச்ச சித்தஸமுட்டா²னங் ரூபங் உபாதா³ரூப’’ந்தி எத்தகமேவ வுத்தங், ந வுத்தங் ‘‘கடத்தாரூப’’ந்தி. தங் க²ந்தே⁴ படிச்ச உப்பஜ்ஜமானஸ்ஸ மஹாபூ⁴தே படிச்ச உப்பத்தித³ஸ்ஸனத்த²த்தா ந வுத்தங். ந ஹெத்த² கடத்தாரூபஸ்ஸ க²ந்தே⁴ படிச்ச உப்பத்தி அத்தி², யஸ்ஸ மஹாபூ⁴தே படிச்ச உப்பத்தி வத்தப்³பா³ ஸியா. பவத்தியங் பன கடத்தாரூபங் ‘‘அஸஞ்ஞஸத்தானங்…பே॰… மஹாபூ⁴தே படிச்ச கடத்தாரூபங் உபாதா³ரூப’’ந்தி ஏதேனேவ த³ஸ்ஸிதங் ஹோதி. ஏவஞ்ச கத்வா அஸஞ்ஞஸத்தானங் ரூபஸமானக³திகத்தா நாஹாரபச்சயே ச பவத்தியங் கடத்தாரூபங் ந உத்³த⁴டங். தம்பி ஹி உப்பாத³க்க²ணே ஆஹாரபச்சயேன வினா உப்பஜ்ஜதீதி உத்³த⁴ரிதப்³ப³ங் ஸியாதி.
24-52. ‘‘Nevavipākanavipākadhammadhammaṃpaṭicca nevavipākanavipākadhammadhammo uppajjati navipākapaccayā’’ti etassa vibhaṅge ‘‘mahābhūte paṭicca cittasamuṭṭhānaṃ rūpaṃ upādārūpa’’nti ettakameva vuttaṃ, na vuttaṃ ‘‘kaṭattārūpa’’nti. Taṃ khandhe paṭicca uppajjamānassa mahābhūte paṭicca uppattidassanatthattā na vuttaṃ. Na hettha kaṭattārūpassa khandhe paṭicca uppatti atthi, yassa mahābhūte paṭicca uppatti vattabbā siyā. Pavattiyaṃ pana kaṭattārūpaṃ ‘‘asaññasattānaṃ…pe… mahābhūte paṭicca kaṭattārūpaṃ upādārūpa’’nti eteneva dassitaṃ hoti. Evañca katvā asaññasattānaṃ rūpasamānagatikattā nāhārapaccaye ca pavattiyaṃ kaṭattārūpaṃ na uddhaṭaṃ. Tampi hi uppādakkhaṇe āhārapaccayena vinā uppajjatīti uddharitabbaṃ siyāti.
விபாகத்திகவண்ணனா நிட்டி²தா.
Vipākattikavaṇṇanā niṭṭhitā.
Related texts:
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-அனுடீகா • Pañcapakaraṇa-anuṭīkā / 3. விபாகத்திகவண்ணனா • 3. Vipākattikavaṇṇanā
