| Library / Tipiṭaka / д̇ибидага • Tipiṭaka / бан̃жабагаран̣а-мууладийгаа • Pañcapakaraṇa-mūlaṭīkā |
3. вибаагад̇д̇игаван̣н̣анаа
3. Vipākattikavaṇṇanā
1-23. вибаагад̇д̇игз вибаагад̇хаммам̣ бадижжаад̇и вибаагам̣ д̇хаммам̣ бадижжа. самаасзнаби хи соязвад̇т̇о вуд̇д̇од̇и баал̣ияам̣ самаасам̣ гад̇ваа ликид̇ам̣.
1-23. Vipākattike vipākadhammaṃ paṭiccāti vipākaṃ dhammaṃ paṭicca. Samāsenapi hi soyevattho vuttoti pāḷiyaṃ samāsaṃ katvā likhitaṃ.
24-52. ‘‘нзвавибааганавибаагад̇хаммад̇хаммам̣ бадижжа нзвавибааганавибаагад̇хаммад̇хаммо уббаж̇ж̇ад̇и навибаагабажжаяаа’’д̇и зд̇асса вибхан̇г̇з ‘‘махаабхууд̇з бадижжа жид̇д̇асамудтаанам̣ руубам̣ убаад̣̇аарууба’’нд̇и зд̇д̇агамзва вуд̇д̇ам̣, на вуд̇д̇ам̣ ‘‘гадад̇д̇аарууба’’нд̇и. д̇ам̣ канд̇хз бадижжа уббаж̇ж̇амаанасса махаабхууд̇з бадижжа уббад̇д̇ид̣̇ассанад̇т̇ад̇д̇аа на вуд̇д̇ам̣. на хзд̇т̇а гадад̇д̇ааруубасса канд̇хз бадижжа уббад̇д̇и ад̇т̇и, яасса махаабхууд̇з бадижжа уббад̇д̇и вад̇д̇аб̣б̣аа сияаа. бавад̇д̇ияам̣ бана гадад̇д̇ааруубам̣ ‘‘асан̃н̃асад̇д̇аанам̣…бз… махаабхууд̇з бадижжа гадад̇д̇ааруубам̣ убаад̣̇аарууба’’нд̇и зд̇знзва д̣̇ассид̇ам̣ ход̇и. зван̃жа гад̇ваа асан̃н̃асад̇д̇аанам̣ руубасамаанаг̇ад̇игад̇д̇аа наахаарабажжаяз жа бавад̇д̇ияам̣ гадад̇д̇ааруубам̣ на уд̣̇д̇хадам̣. д̇амби хи уббаад̣̇агкан̣з аахаарабажжаязна винаа уббаж̇ж̇ад̇ийд̇и уд̣̇д̇харид̇аб̣б̣ам̣ сияаад̇и.
24-52. ‘‘Nevavipākanavipākadhammadhammaṃpaṭicca nevavipākanavipākadhammadhammo uppajjati navipākapaccayā’’ti etassa vibhaṅge ‘‘mahābhūte paṭicca cittasamuṭṭhānaṃ rūpaṃ upādārūpa’’nti ettakameva vuttaṃ, na vuttaṃ ‘‘kaṭattārūpa’’nti. Taṃ khandhe paṭicca uppajjamānassa mahābhūte paṭicca uppattidassanatthattā na vuttaṃ. Na hettha kaṭattārūpassa khandhe paṭicca uppatti atthi, yassa mahābhūte paṭicca uppatti vattabbā siyā. Pavattiyaṃ pana kaṭattārūpaṃ ‘‘asaññasattānaṃ…pe… mahābhūte paṭicca kaṭattārūpaṃ upādārūpa’’nti eteneva dassitaṃ hoti. Evañca katvā asaññasattānaṃ rūpasamānagatikattā nāhārapaccaye ca pavattiyaṃ kaṭattārūpaṃ na uddhaṭaṃ. Tampi hi uppādakkhaṇe āhārapaccayena vinā uppajjatīti uddharitabbaṃ siyāti.
вибаагад̇д̇игаван̣н̣анаа нидтид̇аа.
Vipākattikavaṇṇanā niṭṭhitā.
Related texts:
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 3. вибаагад̇д̇игаван̣н̣анаа • 3. Vipākattikavaṇṇanā
