| Library / Tipiṭaka / திபிடக • Tipiṭaka / படிஸம்பி⁴தா³மக்³க³பாளி • Paṭisambhidāmaggapāḷi |
9. விபஸ்ஸனாகதா²
9. Vipassanākathā
36. ஏவங் மே ஸுதங் – ஏகங் ஸமயங் ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ ஆராமே. தத்ர கோ² ப⁴க³வா பி⁴க்கூ² ஆமந்தேஸி – ‘‘பி⁴க்க²வோ’’தி. ‘‘ப⁴த³ந்தே’’தி தே பி⁴க்கூ² ப⁴க³வதோ பச்சஸ்ஸோஸுங். ப⁴க³வா ஏதத³வோச –
36. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Tatra kho bhagavā bhikkhū āmantesi – ‘‘bhikkhavo’’ti. ‘‘Bhadante’’ti te bhikkhū bhagavato paccassosuṃ. Bhagavā etadavoca –
‘‘ஸோ வத, பி⁴க்க²வே, பி⁴க்கு² கஞ்சி 1 ஸங்கா²ரங் நிச்சதோ ஸமனுபஸ்ஸந்தோ அனுலோமிகாய க²ந்தியா ஸமன்னாக³தோ ப⁴விஸ்ஸதீதி – நேதங் டா²னங் விஜ்ஜதி; அனுலோமிகாய க²ந்தியா அஸமன்னாக³தோ ஸம்மத்தனியாமங் ஓக்கமிஸ்ஸதீதி – நேதங் டா²னங் விஜ்ஜதி; ஸம்மத்தனியாமங் அனோக்கமமானோ ஸோதாபத்திப²லங் வா ஸகதா³கா³மிப²லங் வா அனாகா³மிப²லங் வா அரஹத்தங் வா 2 ஸச்சி²கரிஸ்ஸதீதி – நேதங் டா²னங் விஜ்ஜதி.
‘‘So vata, bhikkhave, bhikkhu kañci 3 saṅkhāraṃ niccato samanupassanto anulomikāya khantiyā samannāgato bhavissatīti – netaṃ ṭhānaṃ vijjati; anulomikāya khantiyā asamannāgato sammattaniyāmaṃ okkamissatīti – netaṃ ṭhānaṃ vijjati; sammattaniyāmaṃ anokkamamāno sotāpattiphalaṃ vā sakadāgāmiphalaṃ vā anāgāmiphalaṃ vā arahattaṃ vā 4 sacchikarissatīti – netaṃ ṭhānaṃ vijjati.
‘‘ஸோ வத, பி⁴க்க²வே, பி⁴க்கு² ஸப்³ப³ஸங்கா²ரே அனிச்சதோ ஸமனுபஸ்ஸந்தோ அனுலோமிகாய க²ந்தியா ஸமன்னாக³தோ ப⁴விஸ்ஸதீதி – டா²னமேதங் விஜ்ஜதி; அனுலோமிகாய க²ந்தியா ஸமன்னாக³தோ ஸம்மத்தனியாமங் ஓக்கமிஸ்ஸதீதி – டா²னமேதங் விஜ்ஜதி, ஸம்மத்தனியாமங் ஓக்கமமானோ ஸோதாபத்திப²லங் வா ஸகதா³கா³மிப²லங் வா அனாகா³மிப²லங் வா அரஹத்தங் வா ஸச்சி²கரிஸ்ஸதீதி – டா²னமேதங் விஜ்ஜதி.
‘‘So vata, bhikkhave, bhikkhu sabbasaṅkhāre aniccato samanupassanto anulomikāya khantiyā samannāgato bhavissatīti – ṭhānametaṃ vijjati; anulomikāya khantiyā samannāgato sammattaniyāmaṃ okkamissatīti – ṭhānametaṃ vijjati, sammattaniyāmaṃ okkamamāno sotāpattiphalaṃ vā sakadāgāmiphalaṃ vā anāgāmiphalaṃ vā arahattaṃ vā sacchikarissatīti – ṭhānametaṃ vijjati.
‘‘ஸோ வத, பி⁴க்க²வே, பி⁴க்கு² கஞ்சி ஸங்கா²ரங் ஸுக²தோ ஸமனுபஸ்ஸந்தோ அனுலோமிகாய க²ந்தியா ஸமன்னாக³தோ ப⁴விஸ்ஸதீதி – நேதங் டா²னங் விஜ்ஜதி; அனுலோமிகாய க²ந்தியா அஸமன்னாக³தோ ஸம்மத்தனியாமங் ஓக்கமிஸ்ஸதீதி – நேதங் டா²னங் விஜ்ஜதி; ஸம்மத்தனியாமங் அனோக்கமமானோ ஸோதாபத்திப²லங் வா ஸகதா³கா³மிப²லங் வா அனாகா³மிப²லங் வா அரஹத்தங் வா ஸச்சி²கரிஸ்ஸதீதி – நேதங் டா²னங் விஜ்ஜதி .
‘‘So vata, bhikkhave, bhikkhu kañci saṅkhāraṃ sukhato samanupassanto anulomikāya khantiyā samannāgato bhavissatīti – netaṃ ṭhānaṃ vijjati; anulomikāya khantiyā asamannāgato sammattaniyāmaṃ okkamissatīti – netaṃ ṭhānaṃ vijjati; sammattaniyāmaṃ anokkamamāno sotāpattiphalaṃ vā sakadāgāmiphalaṃ vā anāgāmiphalaṃ vā arahattaṃ vā sacchikarissatīti – netaṃ ṭhānaṃ vijjati .
‘‘ஸோ வத, பி⁴க்க²வே, பி⁴க்கு² ஸப்³ப³ஸங்கா²ரே து³க்க²தோ ஸமனுபஸ்ஸந்தோ அனுலோமிகாய க²ந்தியா ஸமன்னாக³தோ ப⁴விஸ்ஸதீதி – டா²னமேதங் விஜ்ஜதி; அனுலோமிகாய க²ந்தியா ஸமன்னாக³தோ ஸம்மத்தனியாமங் ஓக்கமிஸ்ஸதீதி – டா²னமேதங் விஜ்ஜதி; ஸம்மத்தனியாமங் ஓக்கமமானோ ஸோதாபத்திப²லங் வா ஸகதா³கா³மிப²லங் வா அனாகா³மிப²லங் வா அரஹத்தங் வா ஸச்சி²கரிஸ்ஸதீதி – டா²னமேதங் விஜ்ஜதி.
‘‘So vata, bhikkhave, bhikkhu sabbasaṅkhāre dukkhato samanupassanto anulomikāya khantiyā samannāgato bhavissatīti – ṭhānametaṃ vijjati; anulomikāya khantiyā samannāgato sammattaniyāmaṃ okkamissatīti – ṭhānametaṃ vijjati; sammattaniyāmaṃ okkamamāno sotāpattiphalaṃ vā sakadāgāmiphalaṃ vā anāgāmiphalaṃ vā arahattaṃ vā sacchikarissatīti – ṭhānametaṃ vijjati.
‘‘ஸோ வத, பி⁴க்க²வே, பி⁴க்கு² கஞ்சி த⁴ம்மங் அத்ததோ ஸமனுபஸ்ஸந்தோ அனுலோமிகாய க²ந்தியா ஸமன்னாக³தோ ப⁴விஸ்ஸதீதி – நேதங் டா²னங் விஜ்ஜதி; அனுலோமிகாய க²ந்தியா அஸமன்னாக³தோ ஸம்மத்தனியாமங் ஓக்கமிஸ்ஸதீதி – நேதங் டா²னங் விஜ்ஜதி; ஸம்மத்தனியாமங் அனோக்கமமானோ ஸோதாபத்திப²லங் வா ஸகதா³கா³மிப²லங் வா அனாகா³மிப²லங் வா அரஹத்தங் வா ஸச்சி²கரிஸ்ஸதீதி – நேதங் டா²னங் விஜ்ஜதி.
‘‘So vata, bhikkhave, bhikkhu kañci dhammaṃ attato samanupassanto anulomikāya khantiyā samannāgato bhavissatīti – netaṃ ṭhānaṃ vijjati; anulomikāya khantiyā asamannāgato sammattaniyāmaṃ okkamissatīti – netaṃ ṭhānaṃ vijjati; sammattaniyāmaṃ anokkamamāno sotāpattiphalaṃ vā sakadāgāmiphalaṃ vā anāgāmiphalaṃ vā arahattaṃ vā sacchikarissatīti – netaṃ ṭhānaṃ vijjati.
‘‘ஸோ வத, பி⁴க்க²வே, பி⁴க்கு² ஸப்³ப³த⁴ம்மே 5 அனத்ததோ ஸமனுபஸ்ஸந்தோ அனுலோமிகாய க²ந்தியா ஸமன்னாக³தோ ப⁴விஸ்ஸதீதி – டா²னமேதங் விஜ்ஜதி; அனுலோமிகாய க²ந்தியா ஸமன்னாக³தோ ஸம்மத்தனியாமங் ஓக்கமிஸ்ஸதீதி – டா²னமேதங் விஜ்ஜதி; ஸம்மத்தனியாமங் ஓக்கமமானோ ஸோதாபத்திப²லங் வா ஸகதா³கா³மிப²லங் வா அனாகா³மிப²லங் வா அரஹத்தங் வா ஸச்சி²கரிஸ்ஸதீதி – டா²னமேதங் விஜ்ஜதி.
‘‘So vata, bhikkhave, bhikkhu sabbadhamme 6 anattato samanupassanto anulomikāya khantiyā samannāgato bhavissatīti – ṭhānametaṃ vijjati; anulomikāya khantiyā samannāgato sammattaniyāmaṃ okkamissatīti – ṭhānametaṃ vijjati; sammattaniyāmaṃ okkamamāno sotāpattiphalaṃ vā sakadāgāmiphalaṃ vā anāgāmiphalaṃ vā arahattaṃ vā sacchikarissatīti – ṭhānametaṃ vijjati.
‘‘ஸோ வத, பி⁴க்க²வே, பி⁴க்கு² நிப்³பா³னங் து³க்க²தோ ஸமனுபஸ்ஸந்தோ அனுலோமிகாய க²ந்தியா ஸமன்னாக³தோ ப⁴விஸ்ஸதீதி – நேதங் டா²னங் விஜ்ஜதி; அனுலோமிகாய க²ந்தியா அஸமன்னாக³தோ ஸம்மத்தனியாமங் ஓக்கமிஸ்ஸதீதி – நேதங் டா²னங் விஜ்ஜதி; ஸம்மத்தனியாமங் அனோக்கமமானோ ஸோதாபத்திப²லங் வா ஸகதா³கா³மிப²லங் வா அனாகா³மிப²லங் வா அரஹத்தங் வா ஸச்சி²கரிஸ்ஸதீதி – நேதங் டா²னங் விஜ்ஜதி.
‘‘So vata, bhikkhave, bhikkhu nibbānaṃ dukkhato samanupassanto anulomikāya khantiyā samannāgato bhavissatīti – netaṃ ṭhānaṃ vijjati; anulomikāya khantiyā asamannāgato sammattaniyāmaṃ okkamissatīti – netaṃ ṭhānaṃ vijjati; sammattaniyāmaṃ anokkamamāno sotāpattiphalaṃ vā sakadāgāmiphalaṃ vā anāgāmiphalaṃ vā arahattaṃ vā sacchikarissatīti – netaṃ ṭhānaṃ vijjati.
‘‘ஸோ வத, பி⁴க்க²வே, பி⁴க்கு² நிப்³பா³னங் ஸுக²தோ ஸமனுபஸ்ஸந்தோ அனுலோமிகாய க²ந்தியா ஸமன்னாக³தோ ப⁴விஸ்ஸதீதி – டா²னமேதங் விஜ்ஜதி; அனுலோமிகாய க²ந்தியா ஸமன்னாக³தோ ஸம்மத்தனியாமங் ஓக்கமிஸ்ஸதீதி – டா²னமேதங் விஜ்ஜதி; ஸம்மத்தனியாமங் ஓக்கமமானோ ஸோதாபத்திப²லங் வா ஸகதா³கா³மிப²லங் வா அனாகா³மிப²லங் வா அரஹத்தங் வா ஸச்சி²கரிஸ்ஸதீதி – டா²னமேதங் விஜ்ஜதி’’.
‘‘So vata, bhikkhave, bhikkhu nibbānaṃ sukhato samanupassanto anulomikāya khantiyā samannāgato bhavissatīti – ṭhānametaṃ vijjati; anulomikāya khantiyā samannāgato sammattaniyāmaṃ okkamissatīti – ṭhānametaṃ vijjati; sammattaniyāmaṃ okkamamāno sotāpattiphalaṃ vā sakadāgāmiphalaṃ vā anāgāmiphalaṃ vā arahattaṃ vā sacchikarissatīti – ṭhānametaṃ vijjati’’.
37. கதிஹாகாரேஹி அனுலோமிகங் க²ந்திங் படிலப⁴தி, கதிஹாகாரேஹி ஸம்மத்தனியாமங் ஓக்கமதி? சத்தாரீஸாய ஆகாரேஹி அனுலோமிகங் க²ந்திங் படிலப⁴தி, சத்தாரீஸாய ஆகாரேஹி ஸம்மத்தனியாமங் ஓக்கமதி.
37. Katihākārehi anulomikaṃ khantiṃ paṭilabhati, katihākārehi sammattaniyāmaṃ okkamati? Cattārīsāya ākārehi anulomikaṃ khantiṃ paṭilabhati, cattārīsāya ākārehi sammattaniyāmaṃ okkamati.
கதமேஹி சத்தாரீஸாய ஆகாரேஹி அனுலோமிகங் க²ந்திங் படிலப⁴தி, கதமஹி சத்தாரீஸாய ஆகாரேஹி ஸம்மத்தனியாமங் ஓக்கமதி? பஞ்சக்க²ந்தே⁴ அனிச்சதோ து³க்க²தோ ரோக³தோ க³ண்ட³தோ ஸல்லதோ அக⁴தோ ஆபா³த⁴தோ பரதோ பலோகதோ ஈதிதோ உபத்³த³வதோ ப⁴யதோ உபஸக்³க³தோ சலதோ பப⁴ங்கு³தோ 7 அத்³து⁴வதோ அதாணதோ 8 அலேணதோ அஸரணதோ ரித்ததோ துச்ச²தோ ஸுஞ்ஞதோ அனத்ததோ ஆதீ³னவதோ விபரிணாமத⁴ம்மதோ அஸாரகதோ அக⁴மூலதோ வத⁴கதோ விப⁴வதோ ஸாஸவதோ ஸங்க²ததோ மாராமிஸதோ ஜாதித⁴ம்மதோ ஜராத⁴ம்மதோ ப்³யாதி⁴த⁴ம்மதோ மரணத⁴ம்மதோ ஸோகத⁴ம்மதோ பரிதே³வத⁴ம்மதோ உபாயாஸத⁴ம்மதோ ஸங்கிலேஸிகத⁴ம்மதோ.
Katamehi cattārīsāya ākārehi anulomikaṃ khantiṃ paṭilabhati, katamahi cattārīsāya ākārehi sammattaniyāmaṃ okkamati? Pañcakkhandhe aniccato dukkhato rogato gaṇḍato sallato aghato ābādhato parato palokato ītito upaddavato bhayato upasaggato calato pabhaṅguto 9 addhuvato atāṇato 10 aleṇato asaraṇato rittato tucchato suññato anattato ādīnavato vipariṇāmadhammato asārakato aghamūlato vadhakato vibhavato sāsavato saṅkhatato mārāmisato jātidhammato jarādhammato byādhidhammato maraṇadhammato sokadhammato paridevadhammato upāyāsadhammato saṃkilesikadhammato.
38. பஞ்சக்க²ந்தே⁴ அனிச்சதோ பஸ்ஸந்தோ அனுலோமிகங் க²ந்திங் படிலப⁴தி. பஞ்சன்னங் க²ந்தா⁴னங் நிரோதோ⁴ நிச்சங் நிப்³பா³னந்தி பஸ்ஸந்தோ ஸம்மத்தனியாமங் ஓக்கமதி. பஞ்சக்க²ந்தே⁴ து³க்க²தோ பஸ்ஸந்தோ அனுலோமிகங் க²ந்திங் படிலப⁴தி. பஞ்சன்னங் க²ந்தா⁴னங் நிரோதோ⁴ ஸுக²ங் நிப்³பா³னந்தி பஸ்ஸந்தோ ஸம்மத்தனியாமங் ஓக்கமதி. பஞ்சக்க²ந்தே⁴ ரோக³தோ பஸ்ஸந்தோ அனுலோமிகங் க²ந்திங் படிலப⁴தி. பஞ்சன்னங் க²ந்தா⁴னங் நிரோதோ⁴ ஆரொக்³யங் நிப்³பா³னந்தி பஸ்ஸந்தோ ஸம்மத்தனியாமங் ஓக்கமதி. பஞ்சக்க²ந்தே⁴ க³ண்ட³தோ பஸ்ஸந்தோ அனுலோமிகங் க²ந்திங் படிலப⁴தி. பஞ்சன்னங் க²ந்தா⁴னங் நிரோதோ⁴ அக³ண்ட³ங் 11 நிப்³பா³னந்தி பஸ்ஸந்தோ ஸம்மத்தனியாமங் ஓக்கமதி. பஞ்சக்க²ந்தே⁴ ஸல்லதோ பஸ்ஸந்தோ அனுலோமிகங் க²ந்திங் படிலப⁴தி. பஞ்சன்னங் க²ந்தா⁴னங் நிரோதோ⁴ விஸல்லங் 12 நிப்³பா³னந்தி பஸ்ஸந்தோ ஸம்மத்தனியாமங் ஓக்கமதி.
38. Pañcakkhandhe aniccato passanto anulomikaṃ khantiṃ paṭilabhati. Pañcannaṃ khandhānaṃ nirodho niccaṃ nibbānanti passanto sammattaniyāmaṃ okkamati. Pañcakkhandhe dukkhato passanto anulomikaṃ khantiṃ paṭilabhati. Pañcannaṃ khandhānaṃ nirodho sukhaṃ nibbānanti passanto sammattaniyāmaṃ okkamati. Pañcakkhandhe rogato passanto anulomikaṃ khantiṃ paṭilabhati. Pañcannaṃ khandhānaṃ nirodho ārogyaṃ nibbānanti passanto sammattaniyāmaṃ okkamati. Pañcakkhandhe gaṇḍato passanto anulomikaṃ khantiṃ paṭilabhati. Pañcannaṃ khandhānaṃ nirodho agaṇḍaṃ 13 nibbānanti passanto sammattaniyāmaṃ okkamati. Pañcakkhandhe sallato passanto anulomikaṃ khantiṃ paṭilabhati. Pañcannaṃ khandhānaṃ nirodho visallaṃ 14 nibbānanti passanto sammattaniyāmaṃ okkamati.
பஞ்சக்க²ந்தே⁴ அக⁴தோ பஸ்ஸந்தோ அனுலோமிகங் க²ந்திங் படிலப⁴தி. பஞ்சன்னங் க²ந்தா⁴னங் நிரோதோ⁴ அனகோ⁴ நிப்³பா³னந்தி பஸ்ஸந்தோ ஸம்மத்தனியாமங் ஓக்கமதி. பஞ்சக்க²ந்தே⁴ ஆபா³த⁴தோ பஸ்ஸந்தோ அனுலோமிகங் க²ந்திங் படிலப⁴தி. பஞ்சன்னங் க²ந்தா⁴னங் நிரோதோ⁴ அனாபா³தோ⁴ நிப்³பா³னந்தி பஸ்ஸந்தோ ஸம்மத்தனியாமங் ஓக்கமதி. பஞ்சக்க²ந்தே⁴ பரதோ பஸ்ஸந்தோ அனுலோமிகங் க²ந்திங் படிலப⁴தி. பஞ்சன்னங் க²ந்தா⁴னங் நிரோதோ⁴ அபரப்பச்சயங் நிப்³பா³னந்தி பஸ்ஸந்தோ ஸம்மத்தனியாமங் ஓக்கமதி. பஞ்சக்க²ந்தே⁴ பலோகதோ பஸ்ஸந்தோ அனுலோமிகங் க²ந்திங் படிலப⁴தி. பஞ்சன்னங் க²ந்தா⁴னங் நிரோதோ⁴ அபலோகத⁴ம்மோ நிப்³பா³னந்தி பஸ்ஸந்தோ ஸம்மத்தனியாமங் ஓக்கமதி. பஞ்சக்க²ந்தே⁴ ஈதிதோ பஸ்ஸந்தோ அனுலோமிகங் க²ந்திங் படிலப⁴தி. பஞ்சன்னங் க²ந்தா⁴னங் நிரோதோ⁴ அனீதிகங் நிப்³பா³னந்தி பஸ்ஸந்தோ ஸம்மத்தனியாமங் ஓக்கமதி.
Pañcakkhandhe aghato passanto anulomikaṃ khantiṃ paṭilabhati. Pañcannaṃ khandhānaṃ nirodho anagho nibbānanti passanto sammattaniyāmaṃ okkamati. Pañcakkhandhe ābādhato passanto anulomikaṃ khantiṃ paṭilabhati. Pañcannaṃ khandhānaṃ nirodho anābādho nibbānanti passanto sammattaniyāmaṃ okkamati. Pañcakkhandhe parato passanto anulomikaṃ khantiṃ paṭilabhati. Pañcannaṃ khandhānaṃ nirodho aparappaccayaṃ nibbānanti passanto sammattaniyāmaṃ okkamati. Pañcakkhandhe palokato passanto anulomikaṃ khantiṃ paṭilabhati. Pañcannaṃ khandhānaṃ nirodho apalokadhammo nibbānanti passanto sammattaniyāmaṃ okkamati. Pañcakkhandhe ītito passanto anulomikaṃ khantiṃ paṭilabhati. Pañcannaṃ khandhānaṃ nirodho anītikaṃ nibbānanti passanto sammattaniyāmaṃ okkamati.
பஞ்சக்க²ந்தே⁴ உபத்³த³வதோ பஸ்ஸந்தோ அனுலோமிகங் க²ந்திங் படிலப⁴தி. பஞ்சன்னங் க²ந்தா⁴னங் நிரோதோ⁴ அனுபத்³த³வங் நிப்³பா³னந்தி பஸ்ஸந்தோ ஸம்மத்தனியாமங் ஓக்கமதி. பஞ்சக்க²ந்தே⁴ ப⁴யதோ பஸ்ஸந்தோ அனுலோமிகங் க²ந்திங் படிலப⁴தி. பஞ்சன்னங் க²ந்தா⁴னங் நிரோதோ⁴ அப⁴யங் நிப்³பா³னந்தி பஸ்ஸந்தோ ஸம்மத்தனியாமங் ஓக்கமதி. பஞ்சக்க²ந்தே⁴ உபஸக்³க³தோ பஸ்ஸந்தோ அனுலோமிகங் க²ந்திங் படிலப⁴தி. பஞ்சன்னங் க²ந்தா⁴னங் நிரோதோ⁴ அனுபஸக்³க³ங் நிப்³பா³னந்தி பஸ்ஸந்தோ ஸம்மத்தனியாமங் ஓக்கமதி. பஞ்சக்க²ந்தே⁴ சலதோ பஸ்ஸந்தோ அனுலோமிகங் க²ந்திங் படிலப⁴தி. பஞ்சன்னங் க²ந்தா⁴னங் நிரோதோ⁴ அசலங் நிப்³பா³னந்தி பஸ்ஸந்தோ ஸம்மத்தனியாமங் ஓக்கமதி. பஞ்சக்க²ந்தே⁴ பப⁴ங்கு³தோ பஸ்ஸந்தோ அனுலோமிகங் க²ந்திங் படிலப⁴தி. பஞ்சன்னங் க²ந்தா⁴னங் நிரோதோ⁴ அபப⁴ங்கு³ 15 நிப்³பா³னந்தி பஸ்ஸந்தோ ஸம்மத்தனியாமங் ஓக்கமதி.
Pañcakkhandhe upaddavato passanto anulomikaṃ khantiṃ paṭilabhati. Pañcannaṃ khandhānaṃ nirodho anupaddavaṃ nibbānanti passanto sammattaniyāmaṃ okkamati. Pañcakkhandhe bhayato passanto anulomikaṃ khantiṃ paṭilabhati. Pañcannaṃ khandhānaṃ nirodho abhayaṃ nibbānanti passanto sammattaniyāmaṃ okkamati. Pañcakkhandhe upasaggato passanto anulomikaṃ khantiṃ paṭilabhati. Pañcannaṃ khandhānaṃ nirodho anupasaggaṃ nibbānanti passanto sammattaniyāmaṃ okkamati. Pañcakkhandhe calato passanto anulomikaṃ khantiṃ paṭilabhati. Pañcannaṃ khandhānaṃ nirodho acalaṃ nibbānanti passanto sammattaniyāmaṃ okkamati. Pañcakkhandhe pabhaṅguto passanto anulomikaṃ khantiṃ paṭilabhati. Pañcannaṃ khandhānaṃ nirodho apabhaṅgu 16 nibbānanti passanto sammattaniyāmaṃ okkamati.
பஞ்சக்க²ந்தே⁴ அத்³து⁴வதோ பஸ்ஸந்தோ அனுலோமிகங் க²ந்திங் படிலப⁴தி. பஞ்சன்னங் க²ந்தா⁴னங் நிரோதோ⁴ து⁴வங் நிப்³பா³னந்தி பஸ்ஸந்தோ ஸம்மத்தனியாமங் ஓக்கமதி. பஞ்சக்க²ந்தே⁴ அதாணதோ பஸ்ஸந்தோ அனுலோமிகங் க²ந்திங் படிலப⁴தி. பஞ்சன்னங் க²ந்தா⁴னங் நிரோதோ⁴ தாணங் நிப்³பா³னந்தி பஸ்ஸந்தோ ஸம்மத்தனியாமங் ஓக்கமதி. பஞ்சக்க²ந்தே⁴ அலேணதோ பஸ்ஸந்தோ அனுலோமிகங் க²ந்திங் படிலப⁴தி. பஞ்சன்னங் க²ந்தா⁴னங் நிரோதோ⁴ லேணங் நிப்³பா³னந்தி பஸ்ஸந்தோ ஸம்மத்தனியாமங் ஓக்கமதி. பஞ்சக்க²ந்தே⁴ அஸரணதோ பஸ்ஸந்தோ அனுலோமிகங் க²ந்திங் படிலப⁴தி. பஞ்சன்னங் க²ந்தா⁴னங் நிரோதோ⁴ ஸரணங் நிப்³பா³னந்தி பஸ்ஸந்தோ ஸம்மத்தனியாமங் ஓக்கமதி. பஞ்சக்க²ந்தே⁴ ரித்ததோ பஸ்ஸந்தோ அனுலோமிகங் க²ந்திங் படிலப⁴தி. பஞ்சன்னங் க²ந்தா⁴னங் நிரோதோ⁴ அரித்தங் நிப்³பா³னந்தி பஸ்ஸந்தோ ஸம்மத்தனியாமங் ஓக்கமதி.
Pañcakkhandhe addhuvato passanto anulomikaṃ khantiṃ paṭilabhati. Pañcannaṃ khandhānaṃ nirodho dhuvaṃ nibbānanti passanto sammattaniyāmaṃ okkamati. Pañcakkhandhe atāṇato passanto anulomikaṃ khantiṃ paṭilabhati. Pañcannaṃ khandhānaṃ nirodho tāṇaṃ nibbānanti passanto sammattaniyāmaṃ okkamati. Pañcakkhandhe aleṇato passanto anulomikaṃ khantiṃ paṭilabhati. Pañcannaṃ khandhānaṃ nirodho leṇaṃ nibbānanti passanto sammattaniyāmaṃ okkamati. Pañcakkhandhe asaraṇato passanto anulomikaṃ khantiṃ paṭilabhati. Pañcannaṃ khandhānaṃ nirodho saraṇaṃ nibbānanti passanto sammattaniyāmaṃ okkamati. Pañcakkhandhe rittato passanto anulomikaṃ khantiṃ paṭilabhati. Pañcannaṃ khandhānaṃ nirodho arittaṃ nibbānanti passanto sammattaniyāmaṃ okkamati.
பஞ்சக்க²ந்தே⁴ துச்ச²தோ பஸ்ஸந்தோ அனுலோமிகங் க²ந்திங் படிலப⁴தி. பஞ்சன்னங் க²ந்தா⁴னங் நிரோதோ⁴ அதுச்ச²ங் நிப்³பா³னந்தி பஸ்ஸந்தோ ஸம்மத்தனியாமங் ஓக்கமதி. பஞ்சக்க²ந்தே⁴ ஸுஞ்ஞதோ பஸ்ஸந்தோ அனுலோமிகங் க²ந்திங் படிலப⁴தி. பஞ்சன்னங் க²ந்தா⁴னங் நிரோதோ⁴ பரமஸுஞ்ஞங் நிப்³பா³னந்தி பஸ்ஸந்தோ ஸம்மத்தனியாமங் ஓக்கமதி. பஞ்சக்க²ந்தே⁴ அனத்ததோ பஸ்ஸந்தோ அனுலோமிகங் க²ந்திங் படிலப⁴தி. பஞ்சன்னங் க²ந்தா⁴னங் நிரோதோ⁴ பரமத்த²ங் நிப்³பா³னந்தி பஸ்ஸந்தோ ஸம்மத்தனியாமங் ஓக்கமதி. பஞ்சக்க²ந்தே⁴ ஆதீ³னவதோ பஸ்ஸந்தோ அனுலோமிகங் க²ந்திங் படிலப⁴தி. பஞ்சன்னங் க²ந்தா⁴னங் நிரோதோ⁴ அனாதீ³னவங் நிப்³பா³னந்தி பஸ்ஸந்தோ ஸம்மத்தனியாமங் ஓக்கமதி. பஞ்சக்க²ந்தே⁴ விபரிணாமத⁴ம்மதோ பஸ்ஸந்தோ அனுலோமிகங் க²ந்திங் படிலப⁴தி. பஞ்சன்னங் க²ந்தா⁴னங் நிரோதோ⁴ அவிபரிணாமத⁴ம்மங் நிப்³பா³னந்தி பஸ்ஸந்தோ ஸம்மத்தனியாமங் ஓக்கமதி.
Pañcakkhandhe tucchato passanto anulomikaṃ khantiṃ paṭilabhati. Pañcannaṃ khandhānaṃ nirodho atucchaṃ nibbānanti passanto sammattaniyāmaṃ okkamati. Pañcakkhandhe suññato passanto anulomikaṃ khantiṃ paṭilabhati. Pañcannaṃ khandhānaṃ nirodho paramasuññaṃ nibbānanti passanto sammattaniyāmaṃ okkamati. Pañcakkhandhe anattato passanto anulomikaṃ khantiṃ paṭilabhati. Pañcannaṃ khandhānaṃ nirodho paramatthaṃ nibbānanti passanto sammattaniyāmaṃ okkamati. Pañcakkhandhe ādīnavato passanto anulomikaṃ khantiṃ paṭilabhati. Pañcannaṃ khandhānaṃ nirodho anādīnavaṃ nibbānanti passanto sammattaniyāmaṃ okkamati. Pañcakkhandhe vipariṇāmadhammato passanto anulomikaṃ khantiṃ paṭilabhati. Pañcannaṃ khandhānaṃ nirodho avipariṇāmadhammaṃ nibbānanti passanto sammattaniyāmaṃ okkamati.
பஞ்சக்க²ந்தே⁴ அஸாரகதோ பஸ்ஸந்தோ அனுலோமிகங் க²ந்திங் படிலப⁴தி. பஞ்சன்னங் க²ந்தா⁴னங் நிரோதோ⁴ ஸாரங் நிப்³பா³னந்தி பஸ்ஸந்தோ ஸம்மத்தனியாமங் ஓக்கமதி. பஞ்சக்க²ந்தே⁴ அக⁴மூலதோ பஸ்ஸந்தோ அனுலோமிகங் க²ந்திங் படிலப⁴தி. பஞ்சன்னங் க²ந்தா⁴னங் நிரோதோ⁴ அனக⁴மூலங் நிப்³பா³னந்தி பஸ்ஸந்தோ ஸம்மத்தனியாமங் ஓக்கமதி. பஞ்சக்க²ந்தே⁴ வத⁴கதோ பஸ்ஸந்தோ அனுலோமிகங் க²ந்திங் படிலப⁴தி. பஞ்சன்னங் க²ந்தா⁴னங் நிரோதோ⁴ அவத⁴கங் நிப்³பா³னந்தி பஸ்ஸந்தோ ஸம்மத்தனியாமங் ஓக்கமதி. பஞ்சக்க²ந்தே⁴ விப⁴வதோ பஸ்ஸந்தோ அனுலோமிகங் க²ந்திங் படிலப⁴தி. பஞ்சன்னங் க²ந்தா⁴னங் நிரோதோ⁴ அவிப⁴வங் நிப்³பா³னந்தி பஸ்ஸந்தோ ஸம்மத்தனியாமங் ஓக்கமதி. பஞ்சக்க²ந்தே⁴ ஸாஸவதோ பஸ்ஸந்தோ அனுலோமிகங் க²ந்திங் படிலப⁴தி. பஞ்சன்னங் க²ந்தா⁴னங் நிரோதோ⁴ அனாஸவங் நிப்³பா³னந்தி பஸ்ஸந்தோ ஸம்மத்தனியாமங் ஓக்கமதி.
Pañcakkhandhe asārakato passanto anulomikaṃ khantiṃ paṭilabhati. Pañcannaṃ khandhānaṃ nirodho sāraṃ nibbānanti passanto sammattaniyāmaṃ okkamati. Pañcakkhandhe aghamūlato passanto anulomikaṃ khantiṃ paṭilabhati. Pañcannaṃ khandhānaṃ nirodho anaghamūlaṃ nibbānanti passanto sammattaniyāmaṃ okkamati. Pañcakkhandhe vadhakato passanto anulomikaṃ khantiṃ paṭilabhati. Pañcannaṃ khandhānaṃ nirodho avadhakaṃ nibbānanti passanto sammattaniyāmaṃ okkamati. Pañcakkhandhe vibhavato passanto anulomikaṃ khantiṃ paṭilabhati. Pañcannaṃ khandhānaṃ nirodho avibhavaṃ nibbānanti passanto sammattaniyāmaṃ okkamati. Pañcakkhandhe sāsavato passanto anulomikaṃ khantiṃ paṭilabhati. Pañcannaṃ khandhānaṃ nirodho anāsavaṃ nibbānanti passanto sammattaniyāmaṃ okkamati.
பஞ்சக்க²ந்தே⁴ ஸங்க²ததோ பஸ்ஸந்தோ அனுலோமிகங் க²ந்திங் படிலப⁴தி. பஞ்சன்னங் க²ந்தா⁴னங் நிரோதோ⁴ அஸங்க²தங் நிப்³பா³னந்தி பஸ்ஸந்தோ ஸம்மத்தனியாமங் ஓக்கமதி. பஞ்சக்க²ந்தே⁴ மாராமிஸதோ பஸ்ஸந்தோ அனுலோமிகங் க²ந்திங் படிலப⁴தி. பஞ்சன்னங் க²ந்தா⁴னங் நிரோதோ⁴ நிராமிஸங் நிப்³பா³னந்தி பஸ்ஸந்தோ ஸம்மத்தனியாமங் ஓக்கமதி. பஞ்சக்க²ந்தே⁴ ஜாதித⁴ம்மதோ பஸ்ஸந்தோ அனுலோமிகங் க²ந்திங் படிலப⁴தி. பஞ்சன்னங் க²ந்தா⁴னங் நிரோதோ⁴ அஜாதங் நிப்³பா³னந்தி பஸ்ஸந்தோ ஸம்மத்தனியாமங் ஓக்கமதி. பஞ்சக்க²ந்தே⁴ ஜராத⁴ம்மதோ பஸ்ஸந்தோ அனுலோமிகங் க²ந்திங் படிலப⁴தி. பஞ்சன்னங் க²ந்தா⁴னங் நிரோதோ⁴ அஜரங் நிப்³பா³னந்தி பஸ்ஸந்தோ ஸம்மத்தனியாமங் ஓக்கமதி. பஞ்சக்க²ந்தே⁴ ப்³யாதி⁴த⁴ம்மதோ பஸ்ஸந்தோ அனுலோமிகங் க²ந்திங் படிலப⁴தி. பஞ்சன்னங் க²ந்தா⁴னங் நிரோதோ⁴ அப்³யாதி⁴ 17 நிப்³பா³னந்தி பஸ்ஸந்தோ ஸம்மத்தனியாமங் ஓக்கமதி.
Pañcakkhandhe saṅkhatato passanto anulomikaṃ khantiṃ paṭilabhati. Pañcannaṃ khandhānaṃ nirodho asaṅkhataṃ nibbānanti passanto sammattaniyāmaṃ okkamati. Pañcakkhandhe mārāmisato passanto anulomikaṃ khantiṃ paṭilabhati. Pañcannaṃ khandhānaṃ nirodho nirāmisaṃ nibbānanti passanto sammattaniyāmaṃ okkamati. Pañcakkhandhe jātidhammato passanto anulomikaṃ khantiṃ paṭilabhati. Pañcannaṃ khandhānaṃ nirodho ajātaṃ nibbānanti passanto sammattaniyāmaṃ okkamati. Pañcakkhandhe jarādhammato passanto anulomikaṃ khantiṃ paṭilabhati. Pañcannaṃ khandhānaṃ nirodho ajaraṃ nibbānanti passanto sammattaniyāmaṃ okkamati. Pañcakkhandhe byādhidhammato passanto anulomikaṃ khantiṃ paṭilabhati. Pañcannaṃ khandhānaṃ nirodho abyādhi 18 nibbānanti passanto sammattaniyāmaṃ okkamati.
பஞ்சக்க²ந்தே⁴ மரணத⁴ம்மதோ பஸ்ஸந்தோ அனுலோமிகங் க²ந்திங் படிலப⁴தி. பஞ்சன்னங் க²ந்தா⁴னங் நிரோதோ⁴ அமதங் நிப்³பா³னந்தி பஸ்ஸந்தோ ஸம்மத்தனியாமங் ஓக்கமதி. பஞ்சக்க²ந்தே⁴ ஸோகத⁴ம்மதோ பஸ்ஸந்தோ அனுலோமிகங் க²ந்திங் படிலப⁴தி. பஞ்சன்னங் க²ந்தா⁴னங் நிரோதோ⁴ அஸோகங் நிப்³பா³னந்தி பஸ்ஸந்தோ ஸம்மத்தனியாமங் ஓக்கமதி. பஞ்சக்க²ந்தே⁴ பரிதே³வத⁴ம்மதோ பஸ்ஸந்தோ அனுலோமிகங் க²ந்திங் படிலப⁴தி. பஞ்சன்னங் க²ந்தா⁴னங் நிரோதோ⁴ அபரிதே³வங் நிப்³பா³னந்தி பஸ்ஸந்தோ ஸம்மத்தனியாமங் ஓக்கமதி. பஞ்சக்க²ந்தே⁴ உபாயாஸத⁴ம்மதோ பஸ்ஸந்தோ அனுலோமிகங் க²ந்திங் படிலப⁴தி. பஞ்சன்னங் க²ந்தா⁴னங் நிரோதோ⁴ அனுபாயாஸங் நிப்³பா³னந்தி பஸ்ஸந்தோ ஸம்மத்தனியாமங் ஓக்கமதி. பஞ்சக்க²ந்தே⁴ ஸங்கிலேஸிகத⁴ம்மதோ பஸ்ஸந்தோ அனுலோமிகங் க²ந்திங் படிலப⁴தி. பஞ்சன்னங் க²ந்தா⁴னங் நிரோதோ⁴ அஸங்கிலிட்ட²ங் நிப்³பா³னந்தி பஸ்ஸந்தோ ஸம்மத்தனியாமங் ஓக்கமதி.
Pañcakkhandhe maraṇadhammato passanto anulomikaṃ khantiṃ paṭilabhati. Pañcannaṃ khandhānaṃ nirodho amataṃ nibbānanti passanto sammattaniyāmaṃ okkamati. Pañcakkhandhe sokadhammato passanto anulomikaṃ khantiṃ paṭilabhati. Pañcannaṃ khandhānaṃ nirodho asokaṃ nibbānanti passanto sammattaniyāmaṃ okkamati. Pañcakkhandhe paridevadhammato passanto anulomikaṃ khantiṃ paṭilabhati. Pañcannaṃ khandhānaṃ nirodho aparidevaṃ nibbānanti passanto sammattaniyāmaṃ okkamati. Pañcakkhandhe upāyāsadhammato passanto anulomikaṃ khantiṃ paṭilabhati. Pañcannaṃ khandhānaṃ nirodho anupāyāsaṃ nibbānanti passanto sammattaniyāmaṃ okkamati. Pañcakkhandhe saṃkilesikadhammato passanto anulomikaṃ khantiṃ paṭilabhati. Pañcannaṃ khandhānaṃ nirodho asaṃkiliṭṭhaṃ nibbānanti passanto sammattaniyāmaṃ okkamati.
39. அனிச்சதோதி, அனிச்சானுபஸ்ஸனா. து³க்க²தோதி, து³க்கா²னுபஸ்ஸனா. ரோக³தோதி , து³க்கா²னுபஸ்ஸனா. க³ண்ட³தோதி, து³க்கா²னுபஸ்ஸனா. ஸல்லதோதி, து³க்கா²னுபஸ்ஸனா. அக⁴தோதி, து³க்கா²னுபஸ்ஸனா. ஆபா³த⁴தோதி, து³க்கா²னுபஸ்ஸனா. பரதோதி, அனத்தானுபஸ்ஸனா. பலோகதோதி, அனிச்சானுபஸ்ஸனா. ஈதிதோதி, து³க்கா²னுபஸ்ஸனா.
39. Aniccatoti, aniccānupassanā. Dukkhatoti, dukkhānupassanā. Rogatoti , dukkhānupassanā. Gaṇḍatoti, dukkhānupassanā. Sallatoti, dukkhānupassanā. Aghatoti, dukkhānupassanā. Ābādhatoti, dukkhānupassanā. Paratoti, anattānupassanā. Palokatoti, aniccānupassanā. Ītitoti, dukkhānupassanā.
உபத்³த³வதோதி, து³க்கா²னுபஸ்ஸனா. ப⁴யதோதி, து³க்கா²னுபஸ்ஸனா . உபஸக்³க³தோதி, து³க்கா²னுபஸ்ஸனா. சலதோதி, அனிச்சானுபஸ்ஸனா. பப⁴ங்கு³தோதி, அனிச்சானுபஸ்ஸனா. அத்³து⁴வதோதி, அனிச்சானுபஸ்ஸனா. அதாணதோதி, து³க்கா²னுபஸ்ஸனா. அலேணதோதி, து³க்கா²னுபஸ்ஸனா. அஸரணதோதி, து³க்கா²னுபஸ்ஸனா. ரித்ததோதி, அனத்தானுபஸ்ஸனா.
Upaddavatoti, dukkhānupassanā. Bhayatoti, dukkhānupassanā . Upasaggatoti, dukkhānupassanā. Calatoti, aniccānupassanā. Pabhaṅgutoti, aniccānupassanā. Addhuvatoti, aniccānupassanā. Atāṇatoti, dukkhānupassanā. Aleṇatoti, dukkhānupassanā. Asaraṇatoti, dukkhānupassanā. Rittatoti, anattānupassanā.
துச்ச²தோதி, அனத்தானுபஸ்ஸனா. ஸுஞ்ஞதோதி, அனத்தானுபஸ்ஸனா. அனத்ததோதி , அனத்தானுபஸ்ஸனா. ஆதீ³னவதோதி, து³க்கா²னுபஸ்ஸனா. விபரிணாமத⁴ம்மதோதி, அனிச்சானுபஸ்ஸனா. அஸாரகதோதி, அனத்தானுபஸ்ஸனா. அக⁴மூலதோதி , து³க்கா²னுபஸ்ஸனா. வத⁴கதோதி, து³க்கா²னுபஸ்ஸனா. விப⁴வதோதி, அனிச்சானுபஸ்ஸனா. ஸாஸவதோதி, து³க்கா²னுபஸ்ஸனா.
Tucchatoti, anattānupassanā. Suññatoti, anattānupassanā. Anattatoti , anattānupassanā. Ādīnavatoti, dukkhānupassanā. Vipariṇāmadhammatoti, aniccānupassanā. Asārakatoti, anattānupassanā. Aghamūlatoti , dukkhānupassanā. Vadhakatoti, dukkhānupassanā. Vibhavatoti, aniccānupassanā. Sāsavatoti, dukkhānupassanā.
ஸங்க²ததோதி, அனிச்சானுபஸ்ஸனா. மாராமிஸதோதி, து³க்கா²னுபஸ்ஸனா. ஜாதித⁴ம்மதோதி, து³க்கா²னுபஸ்ஸனா. ஜராத⁴ம்மதோதி, து³க்கா²னுபஸ்ஸனா. ப்³யாதி⁴த⁴ம்மதோதி, து³க்கா²னுபஸ்ஸனா. மரணத⁴ம்மதோதி, அனிச்சானுபஸ்ஸனா. ஸோகத⁴ம்மதோதி, து³க்கா²னுபஸ்ஸனா. பரிதே³வத⁴ம்மதோதி, து³க்கா²னுபஸ்ஸனா. உபாயாஸத⁴ம்மதோதி, து³க்கா²னுபஸ்ஸனா. ஸங்கிலேஸிகத⁴ம்மதோதி, து³க்கா²னுபஸ்ஸனா.
Saṅkhatatoti, aniccānupassanā. Mārāmisatoti, dukkhānupassanā. Jātidhammatoti, dukkhānupassanā. Jarādhammatoti, dukkhānupassanā. Byādhidhammatoti, dukkhānupassanā. Maraṇadhammatoti, aniccānupassanā. Sokadhammatoti, dukkhānupassanā. Paridevadhammatoti, dukkhānupassanā. Upāyāsadhammatoti, dukkhānupassanā. Saṃkilesikadhammatoti, dukkhānupassanā.
இமேஹி சத்தாலீஸாய ஆகாரேஹி அனுலோமிகங் க²ந்திங் படிலப⁴தி. இமேஹி சத்தாலீஸாய ஆகாரேஹி ஸம்மத்தனியாமங் ஓக்கமதி.
Imehi cattālīsāya ākārehi anulomikaṃ khantiṃ paṭilabhati. Imehi cattālīsāya ākārehi sammattaniyāmaṃ okkamati.
இமேஹி சத்தாலீஸாய ஆகாரேஹி அனுலோமிகங் க²ந்திங் படிலப⁴ந்தஸ்ஸ, இமேஹி சத்தாலீஸாய ஆகாரேஹி ஸம்மத்தனியாமங் ஓக்கமந்தஸ்ஸ கதி அனிச்சானுபஸ்ஸனா, கதி து³க்கா²னுபஸ்ஸனா, கதி அனத்தானுபஸ்ஸனா?
Imehi cattālīsāya ākārehi anulomikaṃ khantiṃ paṭilabhantassa, imehi cattālīsāya ākārehi sammattaniyāmaṃ okkamantassa kati aniccānupassanā, kati dukkhānupassanā, kati anattānupassanā?
பஞ்சவீஸதி அனத்தானுபஸ்ஸனா, பஞ்ஞாஸ அனிச்சானுபஸ்ஸனா;
Pañcavīsati anattānupassanā, paññāsa aniccānupassanā;
ஸதங் பஞ்சவீஸதி சேவ, யானி து³க்கே² பவுச்சரேதி.
Sataṃ pañcavīsati ceva, yāni dukkhe pavuccareti.
விபஸ்ஸனாகதா² நிட்டி²தா.
Vipassanākathā niṭṭhitā.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / படிஸம்பி⁴தா³மக்³க³-அட்ட²கதா² • Paṭisambhidāmagga-aṭṭhakathā / விபஸ்ஸனாகதா²வண்ணனா • Vipassanākathāvaṇṇanā
