| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
20. виббаяуд̇д̇абажжаяанид̣̇д̣̇зсаван̣н̣анаа
20. Vippayuttapaccayaniddesavaṇṇanā
20. виббаяуд̇д̇абажжаяанид̣̇д̣̇зсз руубино д̇хаммаа аруубийнанд̇и ид̣̇ам̣ д̇аава хад̣̇аяавад̇т̇уно жзва жагкунд̣̇рияаад̣̇ийнан̃жа васзна взд̣̇ид̇аб̣б̣ам̣. руубад̇хаммзсу хи зд̇зязва ча годтаасаа аруубагканд̇хаанам̣ виббаяуд̇д̇абажжаязна бажжаяаа хонд̇и. руубааяад̇анаад̣̇аяо бана аарамман̣ад̇хаммаа гин̃жааби виббаяуд̇д̇ад̇хаммаа, виббаяуд̇д̇абажжаяаа бана на хонд̇и. гим̣ гааран̣аа? самбаяог̇аасан̇гааяа абхаавад̇о. аруубино хи канд̇хаа жагкаад̣̇ийнам̣ вад̇т̇уунам̣ аб̣бханд̇арад̇о нигкаманд̇аа вияа уббаж̇ж̇анд̇и. д̇ад̇т̇а аасан̇гаа ход̇и – ‘‘гим̣ ну ко зд̇з зд̇зхи самбаяуд̇д̇аа, уд̣̇ааху виббаяуд̇д̇аа’’д̇и. аарамман̣ад̇хаммаа бана вад̇т̇униссаязна уббаж̇ж̇амаанаанам̣ аарамман̣амад̇д̇аа хонд̇ийд̇и над̇т̇и д̇зсу самбаяог̇аасан̇гаа. ид̇и самбаяог̇аасан̇гааяа абхаавад̇о на д̇з виббаяуд̇д̇абажжаяаа. хад̣̇аяавад̇т̇уаад̣̇ийсу зва банааяам̣ виббаяуд̇д̇абажжаяад̇аа взд̣̇ид̇аб̣б̣аа. вуд̇д̇амби жзд̇ам̣ бан̃хааваарз – вад̇т̇у гусалаанам̣ канд̇хаанам̣ виббаяуд̇д̇абажжаязна бажжаяо. вад̇т̇у агусалаанам̣ канд̇хаанам̣ виббаяуд̇д̇абажжаязна бажжаяо. жагкааяад̇анам̣ жагкувин̃н̃аан̣асса виббаяуд̇д̇абажжаязна бажжаяо. сод̇а… гхаана… ж̇ивхаа… гааяааяад̇анам̣ гааяавин̃н̃аан̣асса виббаяуд̇д̇абажжаязна бажжаяо. вад̇т̇у вибаагааб̣яаагад̇аанам̣ гирияааб̣яаагад̇аанам̣ канд̇хаанам̣ виббаяуд̇д̇абажжаязна бажжаяод̇и.
20. Vippayuttapaccayaniddese rūpino dhammā arūpīnanti idaṃ tāva hadayavatthuno ceva cakkhundriyādīnañca vasena veditabbaṃ. Rūpadhammesu hi eteyeva cha koṭṭhāsā arūpakkhandhānaṃ vippayuttapaccayena paccayā honti. Rūpāyatanādayo pana ārammaṇadhammā kiñcāpi vippayuttadhammā, vippayuttapaccayā pana na honti. Kiṃ kāraṇā? Sampayogāsaṅkāya abhāvato. Arūpino hi khandhā cakkhādīnaṃ vatthūnaṃ abbhantarato nikkhamantā viya uppajjanti. Tattha āsaṅkā hoti – ‘‘kiṃ nu kho ete etehi sampayuttā, udāhu vippayuttā’’ti. Ārammaṇadhammā pana vatthunissayena uppajjamānānaṃ ārammaṇamattā hontīti natthi tesu sampayogāsaṅkā. Iti sampayogāsaṅkāya abhāvato na te vippayuttapaccayā. Hadayavatthuādīsu eva panāyaṃ vippayuttapaccayatā veditabbā. Vuttampi cetaṃ pañhāvāre – vatthu kusalānaṃ khandhānaṃ vippayuttapaccayena paccayo. Vatthu akusalānaṃ khandhānaṃ vippayuttapaccayena paccayo. Cakkhāyatanaṃ cakkhuviññāṇassa vippayuttapaccayena paccayo. Sota… ghāna… jivhā… kāyāyatanaṃ kāyaviññāṇassa vippayuttapaccayena paccayo. Vatthu vipākābyākatānaṃ kiriyābyākatānaṃ khandhānaṃ vippayuttapaccayena paccayoti.
аруубино д̇хаммаа руубийнанд̇и ид̣̇ам̣ бана жад̇уннам̣ канд̇хаанам̣ васзна взд̣̇ид̇аб̣б̣ам̣. аруубад̇хаммзсу хи жад̇д̇ааро канд̇хаава сахаж̇аад̇абурзж̇аад̇аанам̣ руубад̇хаммаанам̣ виббаяуд̇д̇абажжаяаа хонд̇и, ниб̣б̣аанам̣ бана аруубамби самаанам̣ руубасса виббаяуд̇д̇абажжаяо на ход̇и. ‘‘жад̇уухи самбаяог̇о жад̇уухи виббаяог̇о’’д̇и хи вуд̇д̇ам̣. ид̇и жад̇уннам̣ аруубагканд̇хаанам̣язва виббаяуд̇д̇абажжаяад̇аа взд̣̇ид̇аб̣б̣аа. вуд̇д̇амби жзд̇ам̣ бан̃хааваарз – сахаж̇аад̇аа гусалаа канд̇хаа жид̇д̇асамудтаанаанам̣ руубаанам̣ виббаяуд̇д̇абажжаязна бажжаяо. бажчааж̇аад̇аа гусалаа канд̇хаа бурзж̇аад̇асса имасса гааяасса виббаяуд̇д̇абажжаязна бажжаяо. бадисанд̇хигкан̣з вибаагааб̣яаагад̇аа канд̇хаа гадад̇д̇ааруубаанам̣ виббаяуд̇д̇абажжаязна бажжаяо, канд̇хаа вад̇т̇уссаад̇и. звам̣ д̇аавзд̇т̇а баал̣иван̣н̣анаа взд̣̇ид̇аб̣б̣аа.
Arūpinodhammā rūpīnanti idaṃ pana catunnaṃ khandhānaṃ vasena veditabbaṃ. Arūpadhammesu hi cattāro khandhāva sahajātapurejātānaṃ rūpadhammānaṃ vippayuttapaccayā honti, nibbānaṃ pana arūpampi samānaṃ rūpassa vippayuttapaccayo na hoti. ‘‘Catūhi sampayogo catūhi vippayogo’’ti hi vuttaṃ. Iti catunnaṃ arūpakkhandhānaṃyeva vippayuttapaccayatā veditabbā. Vuttampi cetaṃ pañhāvāre – sahajātā kusalā khandhā cittasamuṭṭhānānaṃ rūpānaṃ vippayuttapaccayena paccayo. Pacchājātā kusalā khandhā purejātassa imassa kāyassa vippayuttapaccayena paccayo. Paṭisandhikkhaṇe vipākābyākatā khandhā kaṭattārūpānaṃ vippayuttapaccayena paccayo, khandhā vatthussāti. Evaṃ tāvettha pāḷivaṇṇanā veditabbā.
аяам̣ бана виббаяуд̇д̇абажжаяо наама сан̇кзбад̇о бан̃жавогаарабхавз вад̇д̇амаанаа руубааруубад̇хаммаа. д̇зсу руубам̣ вад̇т̇уно жагкаад̣̇ийнан̃жа васзна чад̇хаа бхиннам̣, аруубам̣ бан̃жавогаарабхавз уббаннагусалаагусалавибаагагирияавасзна жад̇уд̇хаа бхиннам̣. д̇асса бхуумид̇о гаамааважараад̣̇ивасзна жад̇уд̇хаа, згад̇хаа, д̇ид̇хаа, д̇ид̇хаад̇и згад̣̇асад̇хаа бхзд̣̇о ход̇и. ааруббавибааган̃хи виббаяуд̇д̇абажжаяо на ход̇ийд̇и звамзд̇т̇а наанаббагаарабхзд̣̇ад̇о вин̃н̃аад̇аб̣б̣о винижчаяо.
Ayaṃ pana vippayuttapaccayo nāma saṅkhepato pañcavokārabhave vattamānā rūpārūpadhammā. Tesu rūpaṃ vatthuno cakkhādīnañca vasena chadhā bhinnaṃ, arūpaṃ pañcavokārabhave uppannakusalākusalavipākakiriyavasena catudhā bhinnaṃ. Tassa bhūmito kāmāvacarādivasena catudhā, ekadhā, tidhā, tidhāti ekadasadhā bhedo hoti. Āruppavipākañhi vippayuttapaccayo na hotīti evamettha nānappakārabhedato viññātabbo vinicchayo.
звам̣ бхиннз банзд̇т̇а бан̃жавогаарабхавз уббаннам̣ жад̇убхуумагамби гусалам̣ агусалан̃жа ад̇д̇анаа самудтаабид̇ажид̇д̇асамудтаанаруубасса сахаж̇аад̇авиббаяуд̇д̇абажжаязна бажжаяо ход̇и. уббаад̣̇агкан̣ам̣ бана ад̇иггамид̇ваа тид̇игкан̣ам̣ бад̇д̇асса бурзж̇аад̇асса жад̇усамудтаанигад̇исамудтаанигаруубагааяасса бажчааж̇аад̇авиббаяуд̇д̇абажжаязна бажжаяо ход̇и. зд̇т̇а жа д̇исамудтаанигагааяод̇и аахаарасамудтаанасса абхаавад̇о б̣рахмабаарисаж̇ж̇аад̣̇ийнам̣ гааяо взд̣̇ид̇аб̣б̣о. гаамааважараруубааважаравибаагам̣ бана бавад̇д̇з жид̇д̇асамудтаанаруубасса, бадисанд̇хияам̣ гадад̇д̇ааруубасса жа сахаж̇аад̇авиббаяуд̇д̇абажжаязна бажжаяо ход̇и. логуд̇д̇аравибаагам̣ жид̇д̇асамудтаанаруубассзва. д̇ивид̇хамби банзд̇ам̣ бурзж̇аад̇асса жад̇усамудтаанигад̇исамудтаанигагааяасса бажчааж̇аад̇авиббаяуд̇д̇абажжаязна бажжаяо. д̇збхуумагамби гирияам̣ жид̇д̇асамудтаанасса сахаж̇аад̇авиббаяуд̇д̇абажжаязна бажжаяо, бурзж̇аад̇асса жад̇усамудтаанигад̇исамудтаанигагааяасса бажчааж̇аад̇авиббаяуд̇д̇абажжаязна бажжаяо. чад̇хаа тид̇зсу бана руубзсу вад̇т̇уруубам̣ бадисанд̇хигкан̣з гаамааважараруубааважаравибаагаанам̣ сахаж̇аад̇авиббаяуд̇д̇абажжаязна бажжаяо, бавад̇д̇з уббаж̇ж̇амаанаанам̣ жад̇убхуумагагусалаанам̣ агусалаанам̣ д̣̇вибан̃жавин̃н̃аан̣аваж̇ж̇аанам̣ д̇збхуумагавибаагаанам̣ д̇збхуумагагирияаанан̃жа бурзж̇аад̇авиббаяуд̇д̇абажжаязна бажжаяо. жагкааяад̇анаад̣̇ийни жагкувин̃н̃аан̣аад̣̇ийнам̣ бурзж̇аад̇авиббаяуд̇д̇абажжаязна бажжаяод̇и звамзд̇т̇а бажжаяуббаннад̇оби вин̃н̃аад̇аб̣б̣о винижчаяод̇и.
Evaṃ bhinne panettha pañcavokārabhave uppannaṃ catubhūmakampi kusalaṃ akusalañca attanā samuṭṭhāpitacittasamuṭṭhānarūpassa sahajātavippayuttapaccayena paccayo hoti. Uppādakkhaṇaṃ pana atikkamitvā ṭhitikkhaṇaṃ pattassa purejātassa catusamuṭṭhānikatisamuṭṭhānikarūpakāyassa pacchājātavippayuttapaccayena paccayo hoti. Ettha ca tisamuṭṭhānikakāyoti āhārasamuṭṭhānassa abhāvato brahmapārisajjādīnaṃ kāyo veditabbo. Kāmāvacararūpāvacaravipākaṃ pana pavatte cittasamuṭṭhānarūpassa, paṭisandhiyaṃ kaṭattārūpassa ca sahajātavippayuttapaccayena paccayo hoti. Lokuttaravipākaṃ cittasamuṭṭhānarūpasseva. Tividhampi panetaṃ purejātassa catusamuṭṭhānikatisamuṭṭhānikakāyassa pacchājātavippayuttapaccayena paccayo. Tebhūmakampi kiriyaṃ cittasamuṭṭhānassa sahajātavippayuttapaccayena paccayo, purejātassa catusamuṭṭhānikatisamuṭṭhānikakāyassa pacchājātavippayuttapaccayena paccayo. Chadhā ṭhitesu pana rūpesu vatthurūpaṃ paṭisandhikkhaṇe kāmāvacararūpāvacaravipākānaṃ sahajātavippayuttapaccayena paccayo, pavatte uppajjamānānaṃ catubhūmakakusalānaṃ akusalānaṃ dvipañcaviññāṇavajjānaṃ tebhūmakavipākānaṃ tebhūmakakiriyānañca purejātavippayuttapaccayena paccayo. Cakkhāyatanādīni cakkhuviññāṇādīnaṃ purejātavippayuttapaccayena paccayoti evamettha paccayuppannatopi viññātabbo vinicchayoti.
виббаяуд̇д̇абажжаяанид̣̇д̣̇зсаван̣н̣анаа.
Vippayuttapaccayaniddesavaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / бадтаанабаал̣и • Paṭṭhānapāḷi / (2) бажжаяанид̣̇д̣̇зсо • (2) Paccayaniddeso
