| Library / Tipiṭaka / တိပိဋက • Tipiṭaka / ဓာတုကထာပာဠိ • Dhātukathāpāḷi |
၈. အဋ္ဌမနယော
8. Aṭṭhamanayo
၈. ဝိပ္ပယုတ္တေနသမ္ပယုတ္တပဒနိဒ္ဒေသော
8. Vippayuttenasampayuttapadaniddeso
၃၁၇. ရူပက္ခန္ဓေန ယေ ဓမ္မာ ဝိပ္ပယုတ္တာ, တေ ဓမ္မာ ကတိဟိ ခန္ဓေဟိ ကတိဟာယတနေဟိ ကတိဟိ ဓာတူဟိ သမ္ပယုတ္တာတိ? နတ္ထိ။
317. Rūpakkhandhena ye dhammā vippayuttā, te dhammā katihi khandhehi katihāyatanehi katihi dhātūhi sampayuttāti? Natthi.
၃၁၈. ဝေဒနာက္ခန္ဓေန ယေ ဓမ္မာ။ သညာက္ခန္ဓေန ယေ ဓမ္မာ။ သင္ခာရက္ခန္ဓေန ယေ ဓမ္မာ။ ဝိညာဏက္ခန္ဓေန ယေ ဓမ္မာ။ပေ.။ သရဏေဟိ ဓမ္မေဟိ ယေ ဓမ္မာ။ အရဏေဟိ ဓမ္မေဟိ ယေ ဓမ္မာ ဝိပ္ပယုတ္တာ, တေ ဓမ္မာ ကတိဟိ ခန္ဓေဟိ ကတိဟာယတနေဟိ ကတိဟိ ဓာတူဟိ သမ္ပယုတ္တာတိ? နတ္ထိ။
318. Vedanākkhandhena ye dhammā… saññākkhandhena ye dhammā… saṅkhārakkhandhena ye dhammā… viññāṇakkhandhena ye dhammā…pe… saraṇehi dhammehi ye dhammā… araṇehi dhammehi ye dhammā vippayuttā, te dhammā katihi khandhehi katihāyatanehi katihi dhātūhi sampayuttāti? Natthi.
ဓမ္မာယတနံ ဓမ္မဓာတု၊ အထ ဇီဝိတံ နာမရူပံ။
Dhammāyatanaṃ dhammadhātu, atha jīvitaṃ nāmarūpaṃ;
သဠာယတနံ ဇာတိဇရာမတံ၊ ဒ္ဝေ စ တိကေ န လဗ္ဘရေ။
Saḷāyatanaṃ jātijarāmataṃ, dve ca tike na labbhare.
ပဌမန္တရေ သတ္တ စ၊ ဂောစ္ဆကေ ဒသ အပရန္တေ။
Paṭhamantare satta ca, gocchake dasa aparante;
စုဒ္ဒသ ဆ စ မတ္ထကေ၊ ဣစ္စေတေ သတ္တစတ္တာလီသ ဓမ္မာ။
Cuddasa cha ca matthake, iccete sattacattālīsa dhammā;
သမုစ္ဆေဒေ န လဗ္ဘန္တိ၊ မောဃပုစ္ဆကေန စာတိ။
Samucchede na labbhanti, moghapucchakena cāti.
ဝိပ္ပယုတ္တေနသမ္ပယုတ္တပဒနိဒ္ဒေသော အဋ္ဌမော။
Vippayuttenasampayuttapadaniddeso aṭṭhamo.
Related texts:
အဋ္ဌကထာ • Aṭṭhakathā / အဘိဓမ္မပိဋက (အဋ္ဌကထာ) • Abhidhammapiṭaka (aṭṭhakathā) / ပဉ္စပကရဏ-အဋ္ဌကထာ • Pañcapakaraṇa-aṭṭhakathā / ၈. အဋ္ဌမနယော ဝိပ္ပယုတ္တေနသမ္ပယုတ္တပဒဝဏ္ဏနာ • 8. Aṭṭhamanayo vippayuttenasampayuttapadavaṇṇanā
ဋီကာ • Tīkā / အဘိဓမ္မပိဋက (ဋီကာ) • Abhidhammapiṭaka (ṭīkā) / ပဉ္စပကရဏ-မူလဋီကာ • Pañcapakaraṇa-mūlaṭīkā / ၈. အဋ္ဌမနယော ဝိပ္ပယုတ္တေနသမ္ပယုတ္တပဒဝဏ္ဏနာ • 8. Aṭṭhamanayo vippayuttenasampayuttapadavaṇṇanā
ဋီကာ • Tīkā / အဘိဓမ္မပိဋက (ဋီကာ) • Abhidhammapiṭaka (ṭīkā) / ပဉ္စပကရဏ-အနုဋီကာ • Pañcapakaraṇa-anuṭīkā / ၈. အဋ္ဌမနယော ဝိပ္ပယုတ္တေနသမ္ပယုတ္တပဒဝဏ္ဏနာ • 8. Aṭṭhamanayo vippayuttenasampayuttapadavaṇṇanā
