| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[204] 4. вийрагаж̇аад̇агаван̣н̣анаа
[204] 4. Vīrakajātakavaṇṇanā
аби вийрага бассзсийд̇и ид̣̇ам̣ сад̇т̇аа ж̇зд̇аванз вихаранд̇о суг̇ад̇аалаяам̣ аараб̣бха гат̇зси. д̣̇звад̣̇ад̇д̇асса барисам̣ г̇ахзд̇ваа ааг̇ад̇зсу хи т̇зрзсу сад̇т̇аа ‘‘саарибуд̇д̇а, д̣̇звад̣̇ад̇д̇о д̇умхз д̣̇исваа гим̣ агаасий’’д̇и бужчид̇ваа ‘‘суг̇ад̇аалаяам̣, бханд̇з, д̣̇ассзсий’’д̇и вуд̇д̇з ‘‘на ко, саарибуд̇д̇а, ид̣̇аанзва д̣̇звад̣̇ад̇д̇о мама анугирияам̣ гаронд̇о винаасам̣ бад̇д̇о, буб̣б̣зби винаасам̣ баабун̣ий’’д̇и вад̇ваа т̇зрзна яаажид̇о ад̇ийд̇ам̣ аахари.
Api vīraka passesīti idaṃ satthā jetavane viharanto sugatālayaṃ ārabbha kathesi. Devadattassa parisaṃ gahetvā āgatesu hi theresu satthā ‘‘sāriputta, devadatto tumhe disvā kiṃ akāsī’’ti pucchitvā ‘‘sugatālayaṃ, bhante, dassesī’’ti vutte ‘‘na kho, sāriputta, idāneva devadatto mama anukiriyaṃ karonto vināsaṃ patto, pubbepi vināsaṃ pāpuṇī’’ti vatvā therena yācito atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о химаванд̇абад̣̇зсз уд̣̇агагаагаяонияам̣ ниб̣б̣ад̇д̇ид̇ваа згам̣ сарам̣ убаниссааяа васи, ‘‘вийраго’’д̇исса наамам̣ ахоси. д̇ад̣̇аа гаасирадтз д̣̇уб̣бхигкам̣ ахоси, мануссаа гаагабхад̇д̇ам̣ ваа д̣̇аад̇ум̣ яагканааг̇аб̣алигаммам̣ ваа гаад̇ум̣ наасагким̣су. чаад̇агарадтад̇о гаагаа язбхуяязна аран̃н̃ам̣ бависим̣су. д̇ад̇т̇зго б̣аараан̣асиваасий савидтаго наама гааго гаагим̣ аад̣̇ааяа вийрагасса васанадтаанам̣ г̇анд̇ваа д̇ам̣ сарам̣ ниссааяа згаманд̇з ваасам̣ габбзси. со згад̣̇ивасам̣ д̇асмим̣ сарз г̇ожарам̣ г̇ан̣ханд̇о вийрагам̣ сарам̣ од̇арид̇ваа мажчз каад̣̇ид̇ваа бажжуд̇д̇арид̇ваа сарийрам̣ сугкаабзнд̇ам̣ д̣̇исваа ‘‘имам̣ уд̣̇агагаагам̣ ниссааяа саггаа б̣ахуу мажчз лад̣̇д̇хум̣, имам̣ убадтахиссаамий’’д̇и д̇ам̣ убасан̇гамид̇ваа ‘‘гим̣, саммаа’’д̇и вуд̇д̇з ‘‘ижчаами д̇ам̣ саами убадтахид̇у’’нд̇и вад̇ваа ‘‘саад̇хуу’’д̇и д̇зна самбадижчид̇о д̇ад̇о бадтааяа убадтааси. вийрагоби д̇ад̇о бадтааяа ад̇д̇ано яаабанамад̇д̇ам̣ каад̣̇ид̇ваа мажчз уд̣̇д̇харид̇ваа савидтагасса д̣̇зд̇и. соби ад̇д̇ано яаабанамад̇д̇ам̣ каад̣̇ид̇ваа сзсам̣ гаагияаа д̣̇зд̇и.
Atīte bārāṇasiyaṃ brahmadatte rajjaṃ kārente bodhisatto himavantapadese udakakākayoniyaṃ nibbattitvā ekaṃ saraṃ upanissāya vasi, ‘‘vīrako’’tissa nāmaṃ ahosi. Tadā kāsiraṭṭhe dubbhikkhaṃ ahosi, manussā kākabhattaṃ vā dātuṃ yakkhanāgabalikammaṃ vā kātuṃ nāsakkhiṃsu. Chātakaraṭṭhato kākā yebhuyyena araññaṃ pavisiṃsu. Tattheko bārāṇasivāsī saviṭṭhako nāma kāko kākiṃ ādāya vīrakassa vasanaṭṭhānaṃ gantvā taṃ saraṃ nissāya ekamante vāsaṃ kappesi. So ekadivasaṃ tasmiṃ sare gocaraṃ gaṇhanto vīrakaṃ saraṃ otaritvā macche khāditvā paccuttaritvā sarīraṃ sukkhāpentaṃ disvā ‘‘imaṃ udakakākaṃ nissāya sakkā bahū macche laddhuṃ, imaṃ upaṭṭhahissāmī’’ti taṃ upasaṅkamitvā ‘‘kiṃ, sammā’’ti vutte ‘‘icchāmi taṃ sāmi upaṭṭhahitu’’nti vatvā ‘‘sādhū’’ti tena sampaṭicchito tato paṭṭhāya upaṭṭhāsi. Vīrakopi tato paṭṭhāya attano yāpanamattaṃ khāditvā macche uddharitvā saviṭṭhakassa deti. Sopi attano yāpanamattaṃ khāditvā sesaṃ kākiyā deti.
д̇асса абарабхааг̇з маано уббаж̇ж̇и – ‘‘аяамби уд̣̇агагааго гаал̣аго, ахамби гаал̣аго, агкид̇ун̣д̣абаад̣̇зхиби зд̇асса жа маяхан̃жа наанаагаран̣ам̣ над̇т̇и, ид̇о бадтааяа иминаа г̇ахид̇амажчзхи маяхам̣ гаммам̣ над̇т̇и, ахамзва г̇ан̣хиссаамий’’д̇и. со вийрагам̣ убасан̇гамид̇ваа ‘‘самма, ид̇о бадтааяа ахамзва сарам̣ од̇арид̇ваа мажчз г̇ан̣хиссаамий’’д̇и вад̇ваа ‘‘на д̇вам̣, самма, уд̣̇агам̣ од̇арид̇ваа мажчз г̇ан̣ханагагулз ниб̣б̣ад̇д̇о, маа нассий’’д̇и д̇зна ваарияамааноби важанам̣ анаад̣̇ияид̇ваа сарам̣ оруяха уд̣̇агам̣ бависид̇ваа уммуж̇ж̇амаано сзваалам̣ чинд̣̇ид̇ваа нигкамид̇ум̣ наасагки, сзвааланд̇арз лаг̇г̇и, аг̇г̇ад̇ун̣д̣амзва бан̃н̃ааяи. со нирассаасо анд̇оуд̣̇агзязва ж̇ийвид̇агкаяам̣ баабун̣и. ат̇асса бхарияаа ааг̇аманам̣ абассамаанаа д̇ам̣ бавад̇д̇им̣ ж̇аананад̇т̇ам̣ вийрагасса санд̇игам̣ г̇анд̇ваа ‘‘саами, савидтаго на бан̃н̃ааяад̇и, гахам̣ ну ко со’’д̇и бужчамаанаа батамам̣ г̇аат̇амааха –
Tassa aparabhāge māno uppajji – ‘‘ayampi udakakāko kāḷako, ahampi kāḷako, akkhituṇḍapādehipi etassa ca mayhañca nānākaraṇaṃ natthi, ito paṭṭhāya iminā gahitamacchehi mayhaṃ kammaṃ natthi, ahameva gaṇhissāmī’’ti. So vīrakaṃ upasaṅkamitvā ‘‘samma, ito paṭṭhāya ahameva saraṃ otaritvā macche gaṇhissāmī’’ti vatvā ‘‘na tvaṃ, samma, udakaṃ otaritvā macche gaṇhanakakule nibbatto, mā nassī’’ti tena vāriyamānopi vacanaṃ anādiyitvā saraṃ oruyha udakaṃ pavisitvā ummujjamāno sevālaṃ chinditvā nikkhamituṃ nāsakkhi, sevālantare laggi, aggatuṇḍameva paññāyi. So nirassāso antoudakeyeva jīvitakkhayaṃ pāpuṇi. Athassa bhariyā āgamanaṃ apassamānā taṃ pavattiṃ jānanatthaṃ vīrakassa santikaṃ gantvā ‘‘sāmi, saviṭṭhako na paññāyati, kahaṃ nu kho so’’ti pucchamānā paṭhamaṃ gāthamāha –
107.
107.
‘‘аби вийрага бассзси, сагун̣ам̣ ман̃ж̇убхаан̣агам̣;
‘‘Api vīraka passesi, sakuṇaṃ mañjubhāṇakaṃ;
маяуураг̇ийвасан̇гаасам̣, бад̇им̣ маяхам̣ савидтага’’нд̇и.
Mayūragīvasaṅkāsaṃ, patiṃ mayhaṃ saviṭṭhaka’’nti.
д̇ад̇т̇а аби, вийрага, бассзсийд̇и, саами вийрага, аби бассаси. ман̃ж̇убхаан̣аганд̇и ман̃ж̇убхаан̣инам̣. саа хи рааг̇авасзна ‘‘мад̇хурассаро мз бад̇ий’’д̇и ман̃н̃ад̇и, д̇асмаа звамааха. маяуураг̇ийвасан̇гаасанд̇и мораг̇ийвасамаанаван̣н̣ам̣.
Tattha api, vīraka, passesīti, sāmi vīraka, api passasi. Mañjubhāṇakanti mañjubhāṇinaṃ. Sā hi rāgavasena ‘‘madhurassaro me patī’’ti maññati, tasmā evamāha. Mayūragīvasaṅkāsanti moragīvasamānavaṇṇaṃ.
д̇ам̣ суд̇ваа вийраго ‘‘аама, ж̇аанаами д̇з саамигасса г̇ад̇адтаана’’нд̇и вад̇ваа д̣̇уд̇ияам̣ г̇аат̇амааха –
Taṃ sutvā vīrako ‘‘āma, jānāmi te sāmikassa gataṭṭhāna’’nti vatvā dutiyaṃ gāthamāha –
108.
108.
‘‘уд̣̇агат̇алажарасса багкино, нижжам̣ аамагамажчабхож̇ино;
‘‘Udakathalacarassa pakkhino, niccaṃ āmakamacchabhojino;
д̇ассаанугарам̣ савидтаго, сзваалз балиг̇ун̣тид̇о мад̇о’’д̇и.
Tassānukaraṃ saviṭṭhako, sevāle paliguṇṭhito mato’’ti.
д̇ад̇т̇а уд̣̇агат̇алажарассаад̇и уд̣̇агз жа т̇алз жа жарид̇ум̣ самад̇т̇асса. багкинод̇и ад̇д̇аанам̣ санд̇хааяа вад̣̇ад̇и. д̇ассаанугаранд̇и д̇асса анугаронд̇о. сзваалз балиг̇ун̣тид̇о мад̇од̇и уд̣̇агам̣ бависид̇ваа сзваалам̣ чинд̣̇ид̇ваа нигкамид̇ум̣ асаггонд̇о сзваалабарияонад̣̇д̇хо анд̇оуд̣̇агзязва мад̇о, басса, зд̇асса д̇ун̣д̣ам̣ д̣̇иссад̇ийд̇и. д̇ам̣ суд̇ваа гаагий барид̣̇звид̇ваа б̣аараан̣асимзва аг̇амааси.
Tattha udakathalacarassāti udake ca thale ca carituṃ samatthassa. Pakkhinoti attānaṃ sandhāya vadati. Tassānukaranti tassa anukaronto. Sevāle paliguṇṭhito matoti udakaṃ pavisitvā sevālaṃ chinditvā nikkhamituṃ asakkonto sevālapariyonaddho antoudakeyeva mato, passa, etassa tuṇḍaṃ dissatīti. Taṃ sutvā kākī paridevitvā bārāṇasimeva agamāsi.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа савидтаго д̣̇звад̣̇ад̇д̇о ахоси, вийраго бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā saviṭṭhako devadatto ahosi, vīrako pana ahameva ahosi’’nti.
вийрагаж̇аад̇агаван̣н̣анаа жад̇уд̇т̇аа.
Vīrakajātakavaṇṇanā catutthā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 204. вийрагаж̇аад̇агам̣ • 204. Vīrakajātakaṃ
