| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
8. висаакасуд̇д̇ам̣
8. Visākhasuttaṃ
48. згам̣ самаяам̣ бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна ааяасмаа висаако бан̃жаалабуд̇д̇о 1 убадтаанасаалааяам̣ бхигкуу д̇хаммияаа гат̇ааяа санд̣̇ассзд̇и самаад̣̇абзд̇и самуд̇д̇зж̇зд̇и самбахам̣сзд̇и, борияаа ваажааяа виссадтааяа анзлаг̇алааяа ад̇т̇асса вин̃н̃аабанияаа барияаабаннааяа аниссид̇ааяа. ат̇а ко бхаг̇аваа сааяанхасамаяам̣ бадисаллаанаа вудтид̇о язна убадтаанасаалаа д̇знубасан̇гами; убасан̇гамид̇ваа бан̃н̃ад̇д̇з аасанз нисийд̣̇и. нисаж̇ж̇а ко бхаг̇аваа бхигкуу ааманд̇зси –
48. Ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena āyasmā visākho pañcālaputto 2 upaṭṭhānasālāyaṃ bhikkhū dhammiyā kathāya sandasseti samādapeti samuttejeti sampahaṃseti, poriyā vācāya vissaṭṭhāya anelagalāya atthassa viññāpaniyā pariyāpannāya anissitāya. Atha kho bhagavā sāyanhasamayaṃ paṭisallānā vuṭṭhito yena upaṭṭhānasālā tenupasaṅkami; upasaṅkamitvā paññatte āsane nisīdi. Nisajja kho bhagavā bhikkhū āmantesi –
‘‘го ну ко, бхигкавз, убадтаанасаалааяам̣ бхигкуу д̇хаммияаа гат̇ааяа санд̣̇ассзд̇и самаад̣̇абзд̇и самуд̇д̇зж̇зд̇и самбахам̣сзд̇и борияаа ваажааяа виссадтааяа анзлаг̇алааяа ад̇т̇асса вин̃н̃аабанияаа барияаабаннааяа аниссид̇ааяаа’’д̇и ? ‘‘ааяасмаа, бханд̇з, висаако бан̃жаалабуд̇д̇о убадтаанасаалааяам̣ бхигкуу д̇хаммияаа гат̇ааяа санд̣̇ассзд̇и самаад̣̇абзд̇и самуд̇д̇зж̇зд̇и самбахам̣сзд̇и борияаа ваажааяа виссадтааяа анзлаг̇алааяа ад̇т̇асса вин̃н̃аабанияаа барияаабаннааяа аниссид̇ааяаа’’д̇и.
‘‘Ko nu kho, bhikkhave, upaṭṭhānasālāyaṃ bhikkhū dhammiyā kathāya sandasseti samādapeti samuttejeti sampahaṃseti poriyā vācāya vissaṭṭhāya anelagalāya atthassa viññāpaniyā pariyāpannāya anissitāyā’’ti ? ‘‘Āyasmā, bhante, visākho pañcālaputto upaṭṭhānasālāyaṃ bhikkhū dhammiyā kathāya sandasseti samādapeti samuttejeti sampahaṃseti poriyā vācāya vissaṭṭhāya anelagalāya atthassa viññāpaniyā pariyāpannāya anissitāyā’’ti.
ат̇а ко бхаг̇аваа ааяасманд̇ам̣ висаакам̣ бан̃жаалабуд̇д̇ам̣ зд̇ад̣̇авожа – ‘‘саад̇ху саад̇ху, висаака! саад̇ху ко д̇вам̣, висаака, бхигкуу д̇хаммияаа гат̇ааяа санд̣̇ассзси самаад̣̇абзси самуд̇д̇зж̇зси самбахам̣сзси борияаа ваажааяа виссадтааяа анзлаг̇алааяа ад̇т̇асса вин̃н̃аабанияаа барияаабаннааяа аниссид̇ааяаад̇и.
Atha kho bhagavā āyasmantaṃ visākhaṃ pañcālaputtaṃ etadavoca – ‘‘sādhu sādhu, visākha! Sādhu kho tvaṃ, visākha, bhikkhū dhammiyā kathāya sandassesi samādapesi samuttejesi sampahaṃsesi poriyā vācāya vissaṭṭhāya anelagalāya atthassa viññāpaniyā pariyāpannāya anissitāyāti.
‘‘наабхаасамаанам̣ ж̇аананд̇и, миссам̣ б̣аалзхи бан̣д̣ид̇ам̣;
‘‘Nābhāsamānaṃ jānanti, missaṃ bālehi paṇḍitaṃ;
бхаасамаанан̃жа ж̇аананд̇и, д̣̇зсзнд̇ам̣ амад̇ам̣ бад̣̇ам̣.
Bhāsamānañca jānanti, desentaṃ amataṃ padaṃ.
‘‘бхаасаяз ж̇од̇аяз д̇хаммам̣, баг̇г̇ан̣хз исинам̣ д̇хаж̇ам̣;
‘‘Bhāsaye jotaye dhammaṃ, paggaṇhe isinaṃ dhajaṃ;
субхаасид̇ад̇хаж̇аа исаяо, д̇хаммо хи исинам̣ д̇хаж̇о’’д̇и. адтамам̣;
Subhāsitadhajā isayo, dhammo hi isinaṃ dhajo’’ti. aṭṭhamaṃ;
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 8. висаакасуд̇д̇аван̣н̣анаа • 8. Visākhasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 8. висаакасуд̇д̇аван̣н̣анаа • 8. Visākhasuttavaṇṇanā
