| Library / Tipiṭaka / තිපිටක • Tipiṭaka / ථෙරීගාථා-අට්‌ඨකථා • Therīgāthā-aṭṭhakathā |
13. විසාඛාථෙරීගාථාවණ්‌ණනා
13. Visākhātherīgāthāvaṇṇanā
කරොථ බුද්‌ධසාසනන්‌ති විසාඛාය ථෙරියා ගාථා. තස්‌සා වත්‌ථු ධීරාථෙරියාවත්‌ථුසදිසමෙව. සා අරහත්‌තං පත්‌වා විමුත්‌තිසුඛෙන වීතිනාමෙන්‌තී –
Karothabuddhasāsananti visākhāya theriyā gāthā. Tassā vatthu dhīrātheriyāvatthusadisameva. Sā arahattaṃ patvā vimuttisukhena vītināmentī –
13.
13.
‘‘කරොථ බුද්‌ධසාසනං, යං කත්‌වා නානුතප්‌පති;
‘‘Karotha buddhasāsanaṃ, yaṃ katvā nānutappati;
ඛිප්‌පං පාදානි ධොවිත්‌වා, එකමන්‌තෙ නිසීදථා’’ති. –
Khippaṃ pādāni dhovitvā, ekamante nisīdathā’’ti. –
ඉමාය ගාථාය අඤ්‌ඤං බ්‍යාකාසි.
Imāya gāthāya aññaṃ byākāsi.
තත්‌ථ කරොථ බුද්‌ධසාසනන්‌ති බුද්‌ධසාසනං ඔවාදඅනුසිට්‌ඨිං කරොථ, යථානුසිට්‌ඨං පටිපජ්‌ජථාති අත්‌ථො. යං කත්‌වා නානුතප්‌පතීති අනුසිට්‌ඨිං කත්‌වා කරණහෙතු න අනුතප්‌පති තක්‌කරස්‌ස සම්‌මදෙව අධිප්‌පායානං සමිජ්‌ඣනතො. ඛිප්‌පං පාදානි ධොවිත්‌වා, එකමන්‌තෙ නිසීදථාති ඉදං යස්‌මා සයං පච්‌ඡාභත්‌තං පිණ්‌ඩපාතපටික්‌කන්‌තා ආචරියුපජ්‌ඣායානං වත්‌තං දස්‌සෙත්‌වා අත්‌තනො දිවාට්‌ඨානෙ පාදෙ ධොවිත්‌වා රහො නිසින්‌නා සදත්‌ථං මත්‌ථකං පාපෙසි, තස්‌මා තත්‌ථ අඤ්‌ඤෙපි නියොජෙන්‌තී අවොච.
Tattha karotha buddhasāsananti buddhasāsanaṃ ovādaanusiṭṭhiṃ karotha, yathānusiṭṭhaṃ paṭipajjathāti attho. Yaṃ katvā nānutappatīti anusiṭṭhiṃ katvā karaṇahetu na anutappati takkarassa sammadeva adhippāyānaṃ samijjhanato. Khippaṃ pādāni dhovitvā, ekamante nisīdathāti idaṃ yasmā sayaṃ pacchābhattaṃ piṇḍapātapaṭikkantā ācariyupajjhāyānaṃ vattaṃ dassetvā attano divāṭṭhāne pāde dhovitvā raho nisinnā sadatthaṃ matthakaṃ pāpesi, tasmā tattha aññepi niyojentī avoca.
විසාඛාථෙරීගාථාවණ්‌ණනා නිට්‌ඨිතා.
Visākhātherīgāthāvaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / ඛුද්‌දකනිකාය • Khuddakanikāya / ථෙරීගාථාපාළි • Therīgāthāpāḷi / 13.විසාඛාථෙරීගාථා • 13.Visākhātherīgāthā
