| Library / Tipiṭaka / ತಿಪಿಟಕ • Tipiṭaka / ಅಙ್ಗುತ್ತರನಿಕಾಯ • Aṅguttaranikāya |
೫. ವಿಸಾರದಸುತ್ತಂ
5. Visāradasuttaṃ
೨೧೫. ‘‘ದಸಹಿ , ಭಿಕ್ಖವೇ, ಧಮ್ಮೇಹಿ ಸಮನ್ನಾಗತಾ ಉಪಾಸಿಕಾ ಅವಿಸಾರದಾ ಅಗಾರಂ ಅಜ್ಝಾವಸತಿ। ಕತಮೇಹಿ ದಸಹಿ? ಪಾಣಾತಿಪಾತಿನೀ ಹೋತಿ… ಅದಿನ್ನಾದಾಯಿನೀ ಹೋತಿ… ಕಾಮೇಸುಮಿಚ್ಛಾಚಾರಿನೀ ಹೋತಿ… ಮುಸಾವಾದಿನೀ ಹೋತಿ… ಪಿಸುಣಾವಾಚಾ ಹೋತಿ… ಫರುಸವಾಚಾ ಹೋತಿ… ಸಮ್ಫಪ್ಪಲಾಪಿನೀ ಹೋತಿ… ಅಭಿಜ್ಝಾಲುನೀ ಹೋತಿ… ಬ್ಯಾಪನ್ನಚಿತ್ತಾ ಹೋತಿ… ಮಿಚ್ಛಾದಿಟ್ಠಿಕಾ ಹೋತಿ…। ಇಮೇಹಿ ಖೋ, ಭಿಕ್ಖವೇ, ದಸಹಿ ಧಮ್ಮೇಹಿ ಸಮನ್ನಾಗತಾ ಉಪಾಸಿಕಾ ಅವಿಸಾರದಾ ಅಗಾರಂ ಅಜ್ಝಾವಸತಿ।
215. ‘‘Dasahi , bhikkhave, dhammehi samannāgatā upāsikā avisāradā agāraṃ ajjhāvasati. Katamehi dasahi? Pāṇātipātinī hoti… adinnādāyinī hoti… kāmesumicchācārinī hoti… musāvādinī hoti… pisuṇāvācā hoti… pharusavācā hoti… samphappalāpinī hoti… abhijjhālunī hoti… byāpannacittā hoti… micchādiṭṭhikā hoti…. Imehi kho, bhikkhave, dasahi dhammehi samannāgatā upāsikā avisāradā agāraṃ ajjhāvasati.
‘‘ದಸಹಿ, ಭಿಕ್ಖವೇ, ಧಮ್ಮೇಹಿ ಸಮನ್ನಾಗತಾ ಉಪಾಸಿಕಾ ವಿಸಾರದಾ ಅಗಾರಂ ಅಜ್ಝಾವಸತಿ। ಕತಮೇಹಿ ದಸಹಿ? ಪಾಣಾತಿಪಾತಾ ಪಟಿವಿರತಾ ಹೋತಿ… ಅದಿನ್ನಾದಾನಾ ಪಟಿವಿರತಾ ಹೋತಿ… ಕಾಮೇಸುಮಿಚ್ಛಾಚಾರಾ ಪಟಿವಿರತಾ ಹೋತಿ… ಮುಸಾವಾದಾ ಪಟಿವಿರತಾ ಹೋತಿ… ಪಿಸುಣಾಯ ವಾಚಾಯ ಪಟಿವಿರತಾ ಹೋತಿ… ಫರುಸಾಯ ವಾಚಾಯ ಪಟಿವಿರತಾ ಹೋತಿ… ಸಮ್ಫಪ್ಪಲಾಪಾ ಪಟಿವಿರತಾ ಹೋತಿ… ಅನಭಿಜ್ಝಾಲುನೀ ಹೋತಿ… ಅಬ್ಯಾಪನ್ನಚಿತ್ತಾ ಹೋತಿ… ಸಮ್ಮಾದಿಟ್ಠಿಕಾ ಹೋತಿ…। ಇಮೇಹಿ ಖೋ, ಭಿಕ್ಖವೇ, ದಸಹಿ ಧಮ್ಮೇಹಿ ಸಮನ್ನಾಗತಾ ಉಪಾಸಿಕಾ ವಿಸಾರದಾ ಅಗಾರಂ ಅಜ್ಝಾವಸತೀ’’ತಿ। ಪಞ್ಚಮಂ।
‘‘Dasahi, bhikkhave, dhammehi samannāgatā upāsikā visāradā agāraṃ ajjhāvasati. Katamehi dasahi? Pāṇātipātā paṭiviratā hoti… adinnādānā paṭiviratā hoti… kāmesumicchācārā paṭiviratā hoti… musāvādā paṭiviratā hoti… pisuṇāya vācāya paṭiviratā hoti… pharusāya vācāya paṭiviratā hoti… samphappalāpā paṭiviratā hoti… anabhijjhālunī hoti… abyāpannacittā hoti… sammādiṭṭhikā hoti…. Imehi kho, bhikkhave, dasahi dhammehi samannāgatā upāsikā visāradā agāraṃ ajjhāvasatī’’ti. Pañcamaṃ.
Related texts:
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಅಙ್ಗುತ್ತರನಿಕಾಯ (ಟೀಕಾ) • Aṅguttaranikāya (ṭīkā) / ೧-೫೩೬. ಪಠಮನಿರಯಸಗ್ಗಸುತ್ತಾದಿವಣ್ಣನಾ • 1-536. Paṭhamanirayasaggasuttādivaṇṇanā
