| Library / Tipiṭaka / तिपिटक • Tipiṭaka / जातकपाळि • Jātakapāḷi |
३४०. विसय्हजातकं (४-४-१०)
340. Visayhajātakaṃ (4-4-10)
१५७.
157.
अदासि दानानि पुरे विसय्ह, ददतो च ते खयधम्मो अहोसि।
Adāsi dānāni pure visayha, dadato ca te khayadhammo ahosi;
इतो परं चे न ददेय्य दानं, तिट्ठेय्युं ते संयमन्तस्स भोगा॥
Ito paraṃ ce na dadeyya dānaṃ, tiṭṭheyyuṃ te saṃyamantassa bhogā.
१५८.
158.
अनरियमरियेन सहस्सनेत्त, सुदुग्गतेनापि अकिच्चमाहु।
Anariyamariyena sahassanetta, suduggatenāpi akiccamāhu;
मा वो धनं तं अहु देवराज 1, यं भोगहेतु विजहेमु सद्धं॥
Mā vo dhanaṃ taṃ ahu devarāja 2, yaṃ bhogahetu vijahemu saddhaṃ.
१५९.
159.
येन एको रथो याति, याति तेनापरो रथो।
Yena eko ratho yāti, yāti tenāparo ratho;
१६०.
160.
यदि हेस्सति दस्साम, असन्ते किं ददामसे।
Yadi hessati dassāma, asante kiṃ dadāmase;
एवंभूतापि दस्साम, मा दानं पमदम्हसेति॥
Evaṃbhūtāpi dassāma, mā dānaṃ pamadamhaseti.
विसय्हजातकं दसमं।
Visayhajātakaṃ dasamaṃ.
तस्सुद्दानं –
Tassuddānaṃ –
अतिवेलपभासति जीतवरो, वनमज्झ रथेसभ जिम्हगमो।
Ativelapabhāsati jītavaro, vanamajjha rathesabha jimhagamo;
अथ जम्बु तिणासनपीठवरं, अथ तण्डुल मोर विसय्ह दसाति॥
Atha jambu tiṇāsanapīṭhavaraṃ, atha taṇḍula mora visayha dasāti.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / जातक-अट्ठकथा • Jātaka-aṭṭhakathā / [३४०] १०. विसय्हजातकवण्णना • [340] 10. Visayhajātakavaṇṇanā
