Library / Tipiṭaka / д̇ибидага • Tipiṭaka / ид̇ивуд̇д̇агабаал̣и • Itivuttakapāḷi

    2. д̣̇уд̇ияаваг̇г̇о

    2. Dutiyavaggo

    1. вид̇аггасуд̇д̇ам̣

    1. Vitakkasuttaṃ

    38. вуд̇д̇ан̃хзд̇ам̣ бхаг̇авад̇аа, вуд̇д̇амарахад̇аад̇и мз суд̇ам̣ –

    38. Vuttañhetaṃ bhagavatā, vuttamarahatāti me sutaṃ –

    ‘‘д̇ат̇ааг̇ад̇ам̣, бхигкавз, араханд̇ам̣ саммаасамб̣уд̣̇д̇хам̣ д̣̇вз вид̇аггаа б̣ахулам̣ самуд̣̇аажаранд̇и – кзмо жа вид̇агго, бавивзго жа 1. аб̣яаабаж̇жхаараамо 2, бхигкавз, д̇ат̇ааг̇ад̇о аб̣яаабаж̇жхарад̇о. д̇амзнам̣, бхигкавз, д̇ат̇ааг̇ад̇ам̣ аб̣яаабаж̇жхаараамам̣ аб̣яаабаж̇жхарад̇ам̣ зсзва вид̇агго б̣ахулам̣ самуд̣̇аажарад̇и – ‘имааяаахам̣ ирияааяа на гин̃жи б̣яааб̣аад̇хзми д̇асам̣ ваа т̇ааварам̣ ваа’д̇и.

    ‘‘Tathāgataṃ, bhikkhave, arahantaṃ sammāsambuddhaṃ dve vitakkā bahulaṃ samudācaranti – khemo ca vitakko, paviveko ca 3. Abyāpajjhārāmo 4, bhikkhave, tathāgato abyāpajjharato. Tamenaṃ, bhikkhave, tathāgataṃ abyāpajjhārāmaṃ abyāpajjharataṃ eseva vitakko bahulaṃ samudācarati – ‘imāyāhaṃ iriyāya na kiñci byābādhemi tasaṃ vā thāvaraṃ vā’ti.

    ‘‘бавивзгаараамо , бхигкавз, д̇ат̇ааг̇ад̇о бавивзгарад̇о. д̇амзнам̣, бхигкавз, д̇ат̇ааг̇ад̇ам̣ бавивзгаараамам̣ бавивзгарад̇ам̣ зсзва вид̇агго б̣ахулам̣ самуд̣̇аажарад̇и – ‘яам̣ агусалам̣ д̇ам̣ бахийна’нд̇и.

    ‘‘Pavivekārāmo , bhikkhave, tathāgato pavivekarato. Tamenaṃ, bhikkhave, tathāgataṃ pavivekārāmaṃ pavivekarataṃ eseva vitakko bahulaṃ samudācarati – ‘yaṃ akusalaṃ taṃ pahīna’nti.

    ‘‘д̇асмаад̇иха, бхигкавз, д̇умхзби аб̣яаабаж̇жхаараамаа вихарат̇а аб̣яаабаж̇жхарад̇аа. д̇зсам̣ во, бхигкавз, д̇умхаагам̣ аб̣яаабаж̇жхаараамаанам̣ вихарад̇ам̣ аб̣яаабаж̇жхарад̇аанам̣ зсзва вид̇агго б̣ахулам̣ самуд̣̇аажариссад̇и – ‘имааяа маяам̣ ирияааяа на гин̃жи б̣яааб̣аад̇хзма д̇асам̣ ваа т̇ааварам̣ ваа’д̇и.

    ‘‘Tasmātiha, bhikkhave, tumhepi abyāpajjhārāmā viharatha abyāpajjharatā. Tesaṃ vo, bhikkhave, tumhākaṃ abyāpajjhārāmānaṃ viharataṃ abyāpajjharatānaṃ eseva vitakko bahulaṃ samudācarissati – ‘imāya mayaṃ iriyāya na kiñci byābādhema tasaṃ vā thāvaraṃ vā’ti.

    ‘‘бавивзгаараамаа, бхигкавз, вихарат̇а бавивзгарад̇аа. д̇зсам̣ во, бхигкавз, д̇умхаагам̣ бавивзгаараамаанам̣ вихарад̇ам̣ бавивзгарад̇аанам̣ зсзва вид̇агго б̣ахулам̣ самуд̣̇аажариссад̇и – ‘гим̣ агусалам̣, гим̣ аббахийнам̣, гим̣ баж̇ахаамаа’’’д̇и. зд̇амад̇т̇ам̣ бхаг̇аваа авожа. д̇ад̇т̇зд̇ам̣ ид̇и вужжад̇и –

    ‘‘Pavivekārāmā, bhikkhave, viharatha pavivekaratā. Tesaṃ vo, bhikkhave, tumhākaṃ pavivekārāmānaṃ viharataṃ pavivekaratānaṃ eseva vitakko bahulaṃ samudācarissati – ‘kiṃ akusalaṃ, kiṃ appahīnaṃ, kiṃ pajahāmā’’’ti. Etamatthaṃ bhagavā avoca. Tatthetaṃ iti vuccati –

    ‘‘д̇ат̇ааг̇ад̇ам̣ б̣уд̣̇д̇хамасаяхасаахинам̣, д̣̇увз вид̇аггаа самуд̣̇аажаранд̇и нам̣;

    ‘‘Tathāgataṃ buddhamasayhasāhinaṃ, duve vitakkā samudācaranti naṃ;

    кзмо вид̇агго батамо уд̣̇ийрид̇о, д̇ад̇о вивзго д̣̇уд̇ияо багаасид̇о.

    Khemo vitakko paṭhamo udīrito, tato viveko dutiyo pakāsito.

    ‘‘д̇амонуд̣̇ам̣ баараг̇ад̇ам̣ махзсим̣, д̇ам̣ бад̇д̇ибад̇д̇ам̣ васимам̣ анаасавам̣;

    ‘‘Tamonudaṃ pāragataṃ mahesiṃ, taṃ pattipattaṃ vasimaṃ anāsavaṃ;

    висанд̇арам̣ 5 д̇ан̣хагкаяз вимуд̇д̇ам̣, д̇ам̣ вз муним̣ анд̇имад̣̇зхад̇хаарим̣;

    Visantaraṃ 6 taṇhakkhaye vimuttaṃ, taṃ ve muniṃ antimadehadhāriṃ;

    мааран̃ж̇ахам̣ 7 б̣рууми ж̇арааяа баараг̇ум̣.

    Mārañjahaṃ 8 brūmi jarāya pāraguṃ.

    ‘‘сзлз яат̇аа баб̣б̣ад̇амуд̣̇д̇ханидтид̇о, яат̇ааби бассз ж̇анад̇ам̣ саманд̇ад̇о;

    ‘‘Sele yathā pabbatamuddhaniṭṭhito, yathāpi passe janataṃ samantato;

    д̇ат̇уубамам̣ д̇хаммамаяам̣ сумзд̇хо, баасаад̣̇амааруяха саманд̇ажагку;

    Tathūpamaṃ dhammamayaṃ sumedho, pāsādamāruyha samantacakkhu;

    согаавад̇ин̣н̣ам̣ ж̇анад̇амабзд̇асого, авзгкад̇и ж̇аад̇иж̇араабхибхууд̇а’’нд̇и.

    Sokāvatiṇṇaṃ janatamapetasoko, avekkhati jātijarābhibhūta’’nti.

    аяамби ад̇т̇о вуд̇д̇о бхаг̇авад̇аа, ид̇и мз суд̇анд̇и. батамам̣.

    Ayampi attho vutto bhagavatā, iti me sutanti. Paṭhamaṃ.




    Next: 2. д̣̇зсанаасуд̇д̇ам̣ • 2. Desanāsuttaṃ




    Footnotes:
    1. вивзго жа (сяаа.)
    2. аб̣яаабаж̇ж̇аараамо (га.), аб̣яааб̣аж̇жхаараамо (?)
    3. viveko ca (syā.)
    4. abyāpajjārāmo (ka.), abyābajjhārāmo (?)
    5. взсанд̇арам̣ (сий. га.), виссанд̇арам̣ (бий.)
    6. vesantaraṃ (sī. ka.), vissantaraṃ (pī.)
    7. маараж̇ахам̣ (сяаа.), маанаж̇ахам̣ (сий. га.), маанам̣ ж̇ахам̣ (бий.)
    8. mārajahaṃ (syā.), mānajahaṃ (sī. ka.), mānaṃ jahaṃ (pī.)



    Related texts:



    адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / ид̇ивуд̇д̇ага-адтагат̇аа • Itivuttaka-aṭṭhakathā / 1. вид̇аггасуд̇д̇аван̣н̣анаа • 1. Vitakkasuttavaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact