| Library / Tipiṭaka / д̇ибидага • Tipiṭaka / бан̃жабагаран̣а-анудийгаа • Pañcapakaraṇa-anuṭīkā |
6. вид̇аггад̇д̇игаван̣н̣анаа
6. Vitakkattikavaṇṇanā
22. вид̇аггад̇д̇игз сад̇д̇асу муулагзсууд̇и ‘‘савид̇аггасавижаарам̣ д̇хаммам̣ бадижжаа’’д̇иаад̣̇инаа ааг̇ад̇аани д̇ийн̣и згагаани, д̇ийн̣и д̣̇угаани, згам̣ д̇иганд̇и звам̣ згамуулагаани яаани сад̇д̇амуулагаани, д̇зсу. яат̇ааггаманд̇и баал̣ияам̣ ааг̇ад̇аануггамзна. сад̇д̇аад̇и батамз згагз сад̇д̇а. бан̃жаад̇и д̣̇уд̇ияз бан̃жа. д̇аанимаани хзд̇убажжаяз вуд̇д̇анаязна взд̣̇ид̇аб̣б̣аани. ид̇ха бана бавад̇д̇ивасзнзва яож̇зд̇аб̣б̣ам̣. д̇ийн̣ийд̇иаад̣̇ийсу д̇ад̇ияз д̇ийн̣и, жад̇уд̇т̇з згам̣, бан̃жамз д̇ийн̣и, чадтзби д̇ийн̣и, сад̇д̇амз згам̣. д̇аани бана яат̇ааггамам̣ д̇ад̇ияабад̣̇ам̣ бадижжа д̇ад̇ияабад̣̇ад̣̇уд̇ияабад̣̇ад̇ад̣̇убхаяавасзна, батамабад̣̇ад̇ад̇ияабад̣̇аани бадижжа д̇ад̇ияабад̣̇авасзна, батамабад̣̇ад̣̇уд̇ияабад̣̇аани бадижжа батамабад̣̇ад̇ад̇ияабад̣̇ад̇ад̣̇убхаяавасзна, д̣̇уд̇ияабад̣̇ад̇ад̇ияабад̣̇аани бадижжа батамабад̣̇ад̇ад̇ияабад̣̇ад̇ад̣̇убхаяавасзна, батамад̣̇уд̇ияад̇ад̇ияабад̣̇аани бадижжа д̇ад̇ияабад̣̇авасзнзва взд̣̇ид̇аб̣б̣аани. ан̃н̃аман̃н̃з адтавийсаад̇иаад̣̇ийсуби иминаава наязна г̇ан̣анаа взд̣̇ид̇аб̣б̣аа. званд̇и яат̇аавуд̇д̇ам̣ г̇ан̣анам̣ бажжаамасад̇и. д̣̇уд̇ияад̇ад̇ияамуулагзсу згам̣ зганд̇и д̣̇уд̇ияамуулагз згам̣, д̇ад̇ияамуулагз зганд̇и яож̇зд̇аб̣б̣ам̣. д̇ат̇аа аасзванзд̇и яат̇аа бурзж̇аад̇з згаад̣̇аса, д̇ат̇аа аасзванзд̇и ад̇т̇о. ан̃н̃аанийд̇и ад̇хибад̇иан̃н̃аман̃н̃абурзж̇аад̇аасзванад̇о ан̃н̃зсу бажжаязсу г̇ан̣анаани. хзд̇уаарамман̣асад̣̇исаанийд̇и хзд̇уаарамман̣абажжаязсу г̇ан̣анаасад̣̇исаани.
22. Vitakkattike sattasu mūlakesūti ‘‘savitakkasavicāraṃ dhammaṃ paṭiccā’’tiādinā āgatāni tīṇi ekakāni, tīṇi dukāni, ekaṃ tikanti evaṃ ekamūlakāni yāni sattamūlakāni, tesu. Yathākkamanti pāḷiyaṃ āgatānukkamena. Sattāti paṭhame ekake satta. Pañcāti dutiye pañca. Tānimāni hetupaccaye vuttanayena veditabbāni. Idha pana pavattivaseneva yojetabbaṃ. Tīṇītiādīsu tatiye tīṇi, catutthe ekaṃ, pañcame tīṇi, chaṭṭhepi tīṇi, sattame ekaṃ. Tāni pana yathākkamaṃ tatiyapadaṃ paṭicca tatiyapadadutiyapadatadubhayavasena, paṭhamapadatatiyapadāni paṭicca tatiyapadavasena, paṭhamapadadutiyapadāni paṭicca paṭhamapadatatiyapadatadubhayavasena, dutiyapadatatiyapadāni paṭicca paṭhamapadatatiyapadatadubhayavasena, paṭhamadutiyatatiyapadāni paṭicca tatiyapadavaseneva veditabbāni. Aññamaññe aṭṭhavīsātiādīsupi imināva nayena gaṇanā veditabbā. Evanti yathāvuttaṃ gaṇanaṃ paccāmasati. Dutiyatatiyamūlakesu ekaṃ ekanti dutiyamūlake ekaṃ, tatiyamūlake ekanti yojetabbaṃ. Tathā āsevaneti yathā purejāte ekādasa, tathā āsevaneti attho. Aññānīti adhipatiaññamaññapurejātāsevanato aññesu paccayesu gaṇanāni. Hetuārammaṇasadisānīti hetuārammaṇapaccayesu gaṇanāsadisāni.
31. ависзсзнаад̇и ‘‘вибаага’’нд̇и висзсанам̣ агад̇ваа на бана виссаж̇ж̇анам̣ гад̇анд̇и яож̇анаа. д̇ад̇т̇а гааран̣ам̣ вад̇д̇ум̣ ‘‘гасмаа’’д̇иаад̣̇имааха. ид̇арзсанд̇и логияавибаагаанам̣. д̇з висум̣ нид̣̇д̇хаарзд̇ваа вуд̇д̇аад̇и д̇з яат̇аавуд̇д̇алогияавибаагаа авид̇аггавижаарамад̇д̇асааман̃н̃ад̇о висум̣ нийхарид̇ваа вуд̇д̇аа. ‘‘авид̇аггавижаарамад̇д̇з канд̇хз бадижжа авид̇аггавижаарамад̇д̇аа ад̇хибад̇ий’’д̇и вуд̇д̇арааси буримагодтаасо.
31. Avisesenāti ‘‘vipāka’’nti visesanaṃ akatvā na pana vissajjanaṃ katanti yojanā. Tattha kāraṇaṃ vattuṃ ‘‘kasmā’’tiādimāha. Itaresanti lokiyavipākānaṃ. Te visuṃ niddhāretvā vuttāti te yathāvuttalokiyavipākā avitakkavicāramattasāmaññato visuṃ nīharitvā vuttā. ‘‘Avitakkavicāramatte khandhe paṭicca avitakkavicāramattā adhipatī’’ti vuttarāsi purimakoṭṭhāso.
38. зд̇анд̇и ‘‘авид̇аггавижаарамад̇д̇ам̣ авид̇агга…бз… саха г̇ажчанд̇знаа’’д̇и ааг̇ад̇абаал̣ибад̣̇ам̣. д̇асса ад̇т̇ам̣ д̣̇ассзд̇ум̣ ‘‘муулам̣…бз… вуд̇д̇ам̣ ход̇ий’’д̇и ааха. д̇ад̇т̇а авид̇агга…бз… яож̇знд̇знаад̇и авид̇аггзхи авид̇аггабарияааязна вуд̇д̇зхи авид̇аггавижаарамад̇д̇аавид̇аггаавижаарабад̣̇зхи саха муулабад̣̇ам̣ , аасзванамуулагамзва ваа г̇ажчанд̇зна яож̇знд̇зна набурзж̇аад̇асад̣̇исам̣ наасзванз баал̣иг̇аманам̣ гаад̇аб̣б̣ам̣, батид̇аб̣б̣анд̇и ад̇т̇о. бод̇т̇агзсу бана ‘‘авид̇аггавижаарамад̇д̇ам̣ вибаагзна саха г̇ажчанд̇знаа’’д̇и д̣̇иссад̇и, вибаагзна висзсанабхууд̇зна саха яож̇знд̇знаад̇и ад̇т̇о. д̇знзвааха ‘‘вибаагам̣ авид̇аггавижаарамад̇д̇анд̇иаад̣̇и яож̇зд̇аб̣б̣а’’нд̇и.
38. Etanti ‘‘avitakkavicāramattaṃ avitakka…pe… saha gacchantenā’’ti āgatapāḷipadaṃ. Tassa atthaṃ dassetuṃ ‘‘mūlaṃ…pe… vuttaṃ hotī’’ti āha. Tattha avitakka…pe… yojentenāti avitakkehi avitakkapariyāyena vuttehi avitakkavicāramattaavitakkaavicārapadehi saha mūlapadaṃ , āsevanamūlakameva vā gacchantena yojentena napurejātasadisaṃ nāsevane pāḷigamanaṃ kātabbaṃ, paṭhitabbanti attho. Potthakesu pana ‘‘avitakkavicāramattaṃ vipākena saha gacchantenā’’ti dissati, vipākena visesanabhūtena saha yojentenāti attho. Tenevāha ‘‘vipākaṃ avitakkavicāramattantiādi yojetabba’’nti.
згамуулагз баал̣ияам̣ яож̇ид̇амзваад̇и ‘‘д̣̇умуулагзсу батамз’’д̇и вуд̇д̇ам̣.
Ekamūlake pāḷiyaṃ yojitamevāti ‘‘dumūlakesu paṭhame’’ti vuttaṃ.
49. муулабад̣̇амзва авасаанабхаавзнаад̇и ‘‘савид̇аггасавижаарам̣ д̇хаммам̣ бажжаяаа савид̇аггасавижааро д̇хаммо уббаж̇ж̇ад̇и нахзд̇убажжаяаа’’д̇иаад̣̇инаа муулабад̣̇амзва авасаанабхаавзна яож̇ид̇ам̣. сад̇д̇а мохаа уд̣̇д̇харид̇аб̣б̣аад̇и ид̣̇ам̣ нахзд̇убажжаяам̣ санд̇хааяа вуд̇д̇ам̣. бадижжаваарз хи ахзд̇угамохо д̇игкад̇д̇умзва ааг̇ад̇о. ид̇ха бана ‘‘вад̇т̇ум̣ бажжаяаа’’д̇иаад̣̇инаа жад̇уусуби муулагзсу ааг̇ад̇о, д̇асмаа сад̇д̇агкад̇д̇ум̣ ааг̇аманам̣ санд̇хааяа ‘‘сад̇д̇а мохаа’’д̇и вуд̇д̇анд̇и взд̣̇ид̇аб̣б̣ам̣.
49. Mūlapadameva avasānabhāvenāti ‘‘savitakkasavicāraṃ dhammaṃ paccayā savitakkasavicāro dhammo uppajjati nahetupaccayā’’tiādinā mūlapadameva avasānabhāvena yojitaṃ. Satta mohā uddharitabbāti idaṃ nahetupaccayaṃ sandhāya vuttaṃ. Paṭiccavāre hi ahetukamoho tikkhattumeva āgato. Idha pana ‘‘vatthuṃ paccayā’’tiādinā catūsupi mūlakesu āgato, tasmā sattakkhattuṃ āgamanaṃ sandhāya ‘‘satta mohā’’ti vuttanti veditabbaṃ.
убаниссаязна сан̇г̇ахид̇ад̇д̇аад̇и убаниссаяабажжаязнзва гаммабажжаяасса сан̇г̇ахид̇ад̇д̇аа. саб̣б̣ассаби руубааруубааважарагаммасса б̣алавабхаавад̇о убаниссаяад̇д̇аабхааво над̇т̇и, яад̇о д̇ам̣ ‘‘г̇аруу’’д̇и вужжад̇и, гаммагкаяагарасса бана гаммасса б̣алавабхаавз вад̇д̇аб̣б̣амзва над̇т̇ийд̇и имамад̇т̇ам̣ баал̣ияаа зва вибхаавзд̇ум̣ вуд̇д̇ам̣ ‘‘убаад̣̇иннад̇д̇игабан̃хааваарабажжанийяз хи…бз… вин̃н̃ааяад̇ий’’д̇и.
Upanissayena saṅgahitattāti upanissayapaccayeneva kammapaccayassa saṅgahitattā. Sabbassapi rūpārūpāvacarakammassa balavabhāvato upanissayattābhāvo natthi, yato taṃ ‘‘garū’’ti vuccati, kammakkhayakarassa pana kammassa balavabhāve vattabbameva natthīti imamatthaṃ pāḷiyā eva vibhāvetuṃ vuttaṃ ‘‘upādinnattikapañhāvārapaccanīye hi…pe… viññāyatī’’ti.
вид̇аггад̇д̇игаван̣н̣анаа нидтид̇аа.
Vitakkattikavaṇṇanā niṭṭhitā.
Related texts:
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 6. вид̇аггад̇д̇игаван̣н̣анаа • 6. Vitakkattikavaṇṇanā
