| Library / Tipiṭaka / திபிடக • Tipiṭaka / பஞ்சபகரண-அட்ட²கதா² • Pañcapakaraṇa-aṭṭhakathā |
8. விதக்கவிப்பா²ரஸத்³த³கதா²வண்ணனா
8. Vitakkavipphārasaddakathāvaṇṇanā
563. இதா³னி விதக்கவிப்பா²ரஸத்³த³கதா² நாம ஹோதி. தத்த² யஸ்மா ‘‘விதக்கவிசாரா வசீஸங்கா²ரா’’தி வுத்தா, தஸ்மா ஸப்³ப³ஸோ விதக்கயதோ விசாரயதோ அந்தமஸோ மனோதா⁴துபவத்திகாலேபி விதக்கவிப்பா²ரோ ஸத்³தோ³யேவாதி யேஸங் லத்³தி⁴, ஸெய்யதா²பி புப்³ப³ஸேலியானங்; தே ஸந்தா⁴ய ஸப்³ப³ஸோதி புச்சா² ஸகவாதி³ஸ்ஸ படிஞ்ஞா இதரஸ்ஸ. அத² நங் யதி³ விதக்கவிப்பா²ரமத்தங் ஸத்³தோ³, ப²ஸ்ஸாதி³விப்பா²ரோபி ஸத்³தோ³ ப⁴வெய்யாதி சோதே³துங் ஸப்³ப³ஸோ பு²ஸயதோதிஆதி³மாஹ. இதரோ தாதி³ஸங் ஸுத்தலேஸங் அபஸ்ஸந்தோ படிக்கி²பதி. விதக்கவிப்பா²ரோ ஸத்³தோ³ ஸோதவிஞ்ஞெய்யோதி விதக்கஸ்ஸ விப்பா²ரமத்தமேவ ஸத்³தோ³தி கத்வா புச்ச²தி, ந விதக்கவிப்பா²ரஸமுட்டி²தங் ஸுத்தபமத்தானங் ஸத்³த³ங், இதரோ படிக்கி²பதி. நனு விதக்கவிப்பா²ரஸத்³தோ³ ந ஸோதவிஞ்ஞெய்யோதி இத³ங் தஸ்ஸேவ லத்³தி⁴யா த³ஸ்ஸேதி. ஸோ ஹி விதக்கவிப்பா²ரமத்தமேவ ஸத்³த³ங் வத³தி, ஸோ ந ஸோதவிஞ்ஞெய்யோதி. இதரோ பன ‘‘விதக்கவிப்பா²ரஸத்³த³ங் ஸுத்வா ஆதி³ஸதீ’’ தி (தீ³॰ நி॰ 3.148) வசனதோ ஸோதவிஞ்ஞெய்யோவாதி வத³தி.
563. Idāni vitakkavipphārasaddakathā nāma hoti. Tattha yasmā ‘‘vitakkavicārā vacīsaṅkhārā’’ti vuttā, tasmā sabbaso vitakkayato vicārayato antamaso manodhātupavattikālepi vitakkavipphāro saddoyevāti yesaṃ laddhi, seyyathāpi pubbaseliyānaṃ; te sandhāya sabbasoti pucchā sakavādissa paṭiññā itarassa. Atha naṃ yadi vitakkavipphāramattaṃ saddo, phassādivipphāropi saddo bhaveyyāti codetuṃ sabbaso phusayatotiādimāha. Itaro tādisaṃ suttalesaṃ apassanto paṭikkhipati. Vitakkavipphāro saddo sotaviññeyyoti vitakkassa vipphāramattameva saddoti katvā pucchati, na vitakkavipphārasamuṭṭhitaṃ suttapamattānaṃ saddaṃ, itaro paṭikkhipati. Nanu vitakkavipphārasaddo na sotaviññeyyoti idaṃ tasseva laddhiyā dasseti. So hi vitakkavipphāramattameva saddaṃ vadati, so na sotaviññeyyoti. Itaro pana ‘‘vitakkavipphārasaddaṃ sutvā ādisatī’’ ti (dī. ni. 3.148) vacanato sotaviññeyyovāti vadati.
விதக்கவிப்பா²ரஸத்³த³கதா²வண்ணனா.
Vitakkavipphārasaddakathāvaṇṇanā.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / கதா²வத்து²பாளி • Kathāvatthupāḷi / (91) 8. விதக்கவிப்பா²ரஸத்³த³கதா² • (91) 8. Vitakkavipphārasaddakathā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-மூலடீகா • Pañcapakaraṇa-mūlaṭīkā / 8. விதக்கவிப்பா²ரஸத்³த³கதா²வண்ணனா • 8. Vitakkavipphārasaddakathāvaṇṇanā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-அனுடீகா • Pañcapakaraṇa-anuṭīkā / 8. விதக்கவிப்பா²ரஸத்³த³கதா²வண்ணனா • 8. Vitakkavipphārasaddakathāvaṇṇanā
