| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
3. вид̇д̇асуд̇д̇аван̣н̣анаа
3. Vittasuttavaṇṇanā
73. д̇ад̇ияз сад̣̇д̇хийд̇ха вид̇д̇анд̇и яасмаа сад̣̇д̇хо сад̣̇д̇хааяа муд̇д̇аман̣иаад̣̇ийниби вид̇д̇аани лабхад̇и, д̇иссоби гуласамбад̣̇аа, ча гаамасаг̇г̇аани, нава б̣рахмалогз бад̇ваа барияосаанз амад̇амахааниб̣б̣аанад̣̇ассанамби лабхад̇и, д̇асмаа ман̣имуд̇д̇аад̣̇ийхи вид̇д̇зхи сад̣̇д̇хаавид̇д̇амзва сздтам̣. д̇хаммод̇и д̣̇асагусалагаммабат̇о. сукамаавахад̇ийд̇и саб̣б̣амби саасаваанаасавам̣ асам̣гилидтасукам̣ аавахад̇и. саад̣̇уд̇аранд̇и логасмим̣ лон̣амб̣илаад̣̇ийнам̣ саб̣б̣арасаанам̣ сажжамзва мад̇хурад̇арам̣. сажжасмим̣ хи тид̇аа сийгхавзг̇ам̣ над̣̇имби нивад̇д̇знд̇и, висамби ниммад̣̇д̣̇знд̇и, аг̇г̇имби бадиб̣ааханд̇и, д̣̇звамби вассаабзнд̇и, д̇асмаа д̇ам̣ саб̣б̣арасаанам̣ мад̇хурад̇аранд̇и вуд̇д̇ам̣. бан̃н̃ааж̇ийвим̣ ж̇ийвид̇амааху сздтанд̇и яо бан̃н̃ааж̇ийвий г̇ахадто самаано бан̃жасу сийлзсу бад̇идтааяа салаагабхад̇д̇аад̣̇ийни бадтабзд̇ваа бан̃н̃ааяа ж̇ийвад̇и, баб̣б̣аж̇ид̇о ваа бана д̇хаммзна уббаннз бажжаяз ‘‘ид̣̇амад̇т̇а’’нд̇и бажжавзгкид̇ваа барибхун̃ж̇анд̇о гаммадтаанам̣ аад̣̇ааяа вибассанам̣ бадтабзд̇ваа арияапалаад̇хиг̇амавасзна бан̃н̃ааяа ж̇ийвад̇и, д̇ам̣ бан̃н̃ааж̇ийвим̣ буг̇г̇алам̣ сздтам̣ ж̇ийвид̇ам̣ ж̇ийвад̇ийд̇и ааху. д̇ад̇ияам̣.
73. Tatiye saddhīdha vittanti yasmā saddho saddhāya muttamaṇiādīnipi vittāni labhati, tissopi kulasampadā, cha kāmasaggāni, nava brahmaloke patvā pariyosāne amatamahānibbānadassanampi labhati, tasmā maṇimuttādīhi vittehi saddhāvittameva seṭṭhaṃ. Dhammoti dasakusalakammapatho. Sukhamāvahatīti sabbampi sāsavānāsavaṃ asaṃkiliṭṭhasukhaṃ āvahati. Sādutaranti lokasmiṃ loṇambilādīnaṃ sabbarasānaṃ saccameva madhurataraṃ. Saccasmiṃ hi ṭhitā sīghavegaṃ nadimpi nivattenti, visampi nimmaddenti, aggimpi paṭibāhanti, devampi vassāpenti, tasmā taṃ sabbarasānaṃ madhurataranti vuttaṃ. Paññājīviṃ jīvitamāhu seṭṭhanti yo paññājīvī gahaṭṭho samāno pañcasu sīlesu patiṭṭhāya salākabhattādīni paṭṭhapetvā paññāya jīvati, pabbajito vā pana dhammena uppanne paccaye ‘‘idamattha’’nti paccavekkhitvā paribhuñjanto kammaṭṭhānaṃ ādāya vipassanaṃ paṭṭhapetvā ariyaphalādhigamavasena paññāya jīvati, taṃ paññājīviṃ puggalaṃ seṭṭhaṃ jīvitaṃ jīvatīti āhu. Tatiyaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 3. вид̇д̇асуд̇д̇ам̣ • 3. Vittasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 3. вид̇д̇асуд̇д̇аван̣н̣анаа • 3. Vittasuttavaṇṇanā
