| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
9. ванасам̣яуд̇д̇ам̣
9. Vanasaṃyuttaṃ
1. вивзгасуд̇д̇аван̣н̣анаа
1. Vivekasuttavaṇṇanā
221. ванасам̣яуд̇д̇асса батамз госалзсу вихарад̇ийд̇и сад̇т̇у санд̇игз гаммадтаанам̣ г̇ахзд̇ваа д̇асса ж̇анабад̣̇асса сулабхабхигкад̇ааяа д̇ад̇т̇а г̇анд̇ваа вихарад̇и. сам̣взж̇зд̇угаамаад̇и вивзгам̣ бадибаж̇ж̇аабзд̇угаамаа. вивзгагаамод̇и д̇аяо вивзгз бад̇т̇аяанд̇о. нижчарад̇ий б̣ахид̣̇д̇хаад̇и б̣аахирзсу бут̇уд̇д̇аарамман̣зсу жарад̇и. ж̇ано ж̇анасминд̇и д̇вам̣ ж̇ано ан̃н̃асмим̣ ж̇анз чанд̣̇арааг̇ам̣ винаяассу. баж̇ахаасийд̇и баж̇аха. бхаваасийд̇и бхава. сад̇ам̣ д̇ам̣ саараяаамасзд̇и сад̇иманд̇ам̣ бан̣д̣ид̇ам̣ д̇ам̣ маяамби саараяаама, сад̇ам̣ ваа д̇хаммам̣ маяам̣ д̇ам̣ саараяаамаад̇и ад̇т̇о. баад̇аалараж̇од̇и аббад̇идтадтзна баад̇ааласан̇каад̇о гилзсараж̇о. маа д̇ам̣ гаамараж̇од̇и аяам̣ гаамарааг̇араж̇о д̇ам̣ маа авахари, абааяамзва маа нзд̇ууд̇и ад̇т̇о. бам̣сугунт̇ид̇од̇и бам̣сумагкид̇о. вид̇хунанд̇и вид̇хунанд̇о. сид̇ам̣ раж̇анд̇и сарийралаг̇г̇ам̣ раж̇ам̣. сам̣взг̇амаабаад̣̇ийд̇и д̣̇звад̇ааби наама мам̣ звам̣ саарзд̇ийд̇и вивзгамаабанно, уд̇д̇амавийрияам̣ ваа баг̇г̇аяха барамавивзгам̣ маг̇г̇амзва бадибаннод̇и. батамам̣.
221. Vanasaṃyuttassa paṭhame kosalesu viharatīti satthu santike kammaṭṭhānaṃ gahetvā tassa janapadassa sulabhabhikkhatāya tattha gantvā viharati. Saṃvejetukāmāti vivekaṃ paṭipajjāpetukāmā. Vivekakāmoti tayo viveke patthayanto. Niccharatī bahiddhāti bāhiresu puthuttārammaṇesu carati. Jano janasminti tvaṃ jano aññasmiṃ jane chandarāgaṃ vinayassu. Pajahāsīti pajaha. Bhavāsīti bhava. Sataṃ taṃ sārayāmaseti satimantaṃ paṇḍitaṃ taṃ mayampi sārayāma, sataṃ vā dhammaṃ mayaṃ taṃ sārayāmāti attho. Pātālarajoti appatiṭṭhaṭṭhena pātālasaṅkhāto kilesarajo. Mā taṃ kāmarajoti ayaṃ kāmarāgarajo taṃ mā avahari, apāyameva mā netūti attho. Paṃsukunthitoti paṃsumakkhito. Vidhunanti vidhunanto. Sitaṃ rajanti sarīralaggaṃ rajaṃ. Saṃvegamāpādīti devatāpi nāma maṃ evaṃ sāretīti vivekamāpanno, uttamavīriyaṃ vā paggayha paramavivekaṃ maggameva paṭipannoti. Paṭhamaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 1. вивзгасуд̇д̇ам̣ • 1. Vivekasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 1. вивзгасуд̇д̇аван̣н̣анаа • 1. Vivekasuttavaṇṇanā
