| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
10. вохаарагат̇ааван̣н̣анаа
10. Vohārakathāvaṇṇanā
347. ид̣̇аани вохаарагат̇аа наама ход̇и. д̇ад̇т̇а б̣уд̣̇д̇хо бхаг̇аваа логуд̇д̇арзна вохаарзна вохарад̇ийд̇и язсам̣ лад̣̇д̇хи, сзяяат̇ааби зд̇арахи анд̇хагаанам̣; д̇з санд̇хааяа бужчаа сагаваад̣̇исса, лад̣̇д̇хивасзна бадин̃н̃аа бараваад̣̇исса. логуд̇д̇арз сод̇зд̇иаад̣̇ийни д̇асса аяуд̇д̇аваад̣̇ийбхаавад̣̇ийбанад̇т̇ам̣ вуд̇д̇аани. аяан̃хзд̇т̇а ад̇хиббааяо – ‘‘сад̣̇д̣̇ааяад̇анамзва д̇з логуд̇д̇арам̣, уд̣̇ааху сод̇аад̣̇ийнибий’’д̇и.
347. Idāni vohārakathā nāma hoti. Tattha buddho bhagavā lokuttarena vohārena voharatīti yesaṃ laddhi, seyyathāpi etarahi andhakānaṃ; te sandhāya pucchā sakavādissa, laddhivasena paṭiññā paravādissa. Lokuttare sotetiādīni tassa ayuttavādībhāvadīpanatthaṃ vuttāni. Ayañhettha adhippāyo – ‘‘saddāyatanameva te lokuttaraṃ, udāhu sotādīnipī’’ti.
хан̃жи б̣уд̣̇д̇хасса бхаг̇авад̇о вохааро логияз сод̇з бадихан̃н̃ад̇ийд̇и зд̇т̇а яад̣̇и со логуд̇д̇арз бадихан̃н̃зяяа. логуд̇д̇аро сияаад̇и звамад̇т̇о на г̇ахзд̇аб̣б̣о. логияз бадихан̃н̃амаанасса бана логуд̇д̇арад̇аа наама над̇т̇ийд̇и аяамзд̇т̇аад̇хиббааяо. логиязна вин̃н̃аан̣знаад̇и зд̇т̇ааби логиязнзваад̇и ад̇т̇о. ид̇арат̇аа анзганд̇ад̇аа сияаа. логуд̇д̇аран̃хи логиязнаби н̃аан̣зна н̃ааяад̇ий. звам̣ саб̣б̣ам̣ яат̇аануруубад̇о взд̣̇ид̇аб̣б̣ам̣. саб̣б̣з д̇з маг̇г̇ам̣ бхаавзнд̇ийд̇и бан̃хзсу яз маг̇г̇ам̣ наббадилабханд̇и, д̇з санд̇хааяа бадигкибад̇и. яз бадилабханд̇и, д̇з санд̇хааяа бадиж̇аанаад̇и.
Hañci buddhassa bhagavato vohāro lokiye sote paṭihaññatīti ettha yadi so lokuttare paṭihaññeyya. Lokuttaro siyāti evamattho na gahetabbo. Lokiye paṭihaññamānassa pana lokuttaratā nāma natthīti ayametthādhippāyo. Lokiyena viññāṇenāti etthāpi lokiyenevāti attho. Itarathā anekantatā siyā. Lokuttarañhi lokiyenapi ñāṇena ñāyatī. Evaṃ sabbaṃ yathānurūpato veditabbaṃ. Sabbe te maggaṃ bhāventīti pañhesu ye maggaṃ nappaṭilabhanti, te sandhāya paṭikkhipati. Ye paṭilabhanti, te sandhāya paṭijānāti.
351. сован̣н̣амаяааяаад̇и суван̣н̣амаяааяа. ид̣̇ам̣ бараваад̣̇исса уд̣̇аахаран̣ам̣.
351. Sovaṇṇamayāyāti suvaṇṇamayāya. Idaṃ paravādissa udāharaṇaṃ.
зл̣ан̣д̣ияааяаад̇и зл̣ан̣д̣амаяааяа. ид̣̇ам̣ сагаваад̣̇исса уд̣̇аахаран̣ам̣. логияам̣ вохаранд̇асса логияод̇и аяамби згаа лад̣̇д̇хи. саа зд̇арахи згажжаанам̣ анд̇хагаанам̣ лад̣̇д̇хи. сзсамзд̇т̇а уд̇д̇аанад̇т̇амзваад̇и.
Eḷaṇḍiyāyāti eḷaṇḍamayāya. Idaṃ sakavādissa udāharaṇaṃ. Lokiyaṃ voharantassa lokiyoti ayampi ekā laddhi. Sā etarahi ekaccānaṃ andhakānaṃ laddhi. Sesamettha uttānatthamevāti.
вохаарагат̇ааван̣н̣анаа.
Vohārakathāvaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / гат̇аавад̇т̇убаал̣и • Kathāvatthupāḷi / (19) 10. вохаарагат̇аа • (19) 10. Vohārakathā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 10. вохаарагат̇ааван̣н̣анаа • 10. Vohārakathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 10. вохаарагат̇ааван̣н̣анаа • 10. Vohārakathāvaṇṇanā
