| Library / Tipiṭaka / д̇ибидага • Tipiṭaka / т̇зрийг̇аат̇аа-адтагат̇аа • Therīgāthā-aṭṭhakathā |
16. вуд̣дхабаб̣б̣аж̇ид̇асуманаат̇зрийг̇аат̇ааван̣н̣анаа
16. Vuḍḍhapabbajitasumanātherīgāthāvaṇṇanā
сукам̣ д̇вам̣ вуд̣дхигз сзхийд̇и суманааяа вуд̣дхабаб̣б̣аж̇ид̇ааяа г̇аат̇аа. аяамби буримаб̣уд̣̇д̇хзсу гад̇аад̇хигаараа д̇ад̇т̇а д̇ад̇т̇а бхавз гусалам̣ убажинид̇ваа имасмим̣ б̣уд̣̇д̇хуббаад̣̇з саавад̇т̇ияам̣ махаагосаларан̃н̃о бхаг̇иний худ̇ваа ниб̣б̣ад̇д̇и. саа сад̇т̇аараа ран̃н̃о басзнад̣̇исса госаласса ‘‘жад̇д̇ааро ко мз, махаарааж̇а, д̣̇ахараад̇и на ун̃н̃аад̇аб̣б̣аа’’д̇иаад̣̇инаа (сам̣. ни. 1.112) д̣̇зсид̇ам̣ д̇хаммам̣ суд̇ваа лад̣̇д̇хаббасаад̣̇аа саран̣зсу жа сийлзсу жа бад̇идтааяа баб̣б̣аж̇ид̇угаамааби ‘‘аяяигам̣ бадиж̇аг̇г̇иссаамий’’д̇и жирагаалам̣ вийд̇инаамзд̇ваа абарабхааг̇з аяяигааяа гаалан̇гад̇ааяа ран̃н̃аа сад̣̇д̇хим̣ махаг̇гхаани ад̇т̇аран̣абаавуран̣аани г̇аахаабзд̇ваа вихаарам̣ г̇анд̇ваа сан̇гхасса д̣̇аабзд̇ваа сад̇т̇у санд̇игз д̇хаммам̣ суд̇ваа анааг̇аамипалз бад̇идтид̇аа баб̣б̣аж̇ж̇ам̣ яаажи. сад̇т̇аа д̇ассаа н̃аан̣абарибаагам̣ д̣̇исваа –
Sukhaṃ tvaṃ vuḍḍhike sehīti sumanāya vuḍḍhapabbajitāya gāthā. Ayampi purimabuddhesu katādhikārā tattha tattha bhave kusalaṃ upacinitvā imasmiṃ buddhuppāde sāvatthiyaṃ mahākosalarañño bhaginī hutvā nibbatti. Sā satthārā rañño pasenadissa kosalassa ‘‘cattāro kho me, mahārāja, daharāti na uññātabbā’’tiādinā (saṃ. ni. 1.112) desitaṃ dhammaṃ sutvā laddhappasādā saraṇesu ca sīlesu ca patiṭṭhāya pabbajitukāmāpi ‘‘ayyikaṃ paṭijaggissāmī’’ti cirakālaṃ vītināmetvā aparabhāge ayyikāya kālaṅkatāya raññā saddhiṃ mahagghāni attharaṇapāvuraṇāni gāhāpetvā vihāraṃ gantvā saṅghassa dāpetvā satthu santike dhammaṃ sutvā anāgāmiphale patiṭṭhitā pabbajjaṃ yāci. Satthā tassā ñāṇaparipākaṃ disvā –
16.
16.
‘‘сукам̣ д̇вам̣ вуд̣дхигз сзхи, гад̇ваа жол̣зна бааруд̇аа;
‘‘Sukhaṃ tvaṃ vuḍḍhike sehi, katvā coḷena pārutā;
убасанд̇о хи д̇з рааг̇о, сийд̇ибхууд̇ааси ниб̣б̣уд̇аа’’д̇и. –
Upasanto hi te rāgo, sītibhūtāsi nibbutā’’ti. –
имам̣ г̇аат̇ам̣ абхааси. саа г̇аат̇аабарияосаанз саха бадисамбхид̣̇аахи арахад̇д̇ам̣ бад̇ваа уд̣̇аанавасзна д̇амзва г̇аат̇ам̣ абхааси. ид̣̇амзва жассаа ан̃н̃ааб̣яаагаран̣ам̣ ахоси, саа д̇аавад̣̇зва баб̣б̣аж̇и. г̇аат̇ааяа бана вуд̣дхигзд̇и вуд̣дхз, ваяовуд̣дхзд̇и ад̇т̇о. аяам̣ бана сийлаад̣̇иг̇ун̣зхиби вуд̣дхаа, т̇зрияаа вуд̇д̇аг̇аат̇ааяа жад̇уд̇т̇абаад̣̇з сийд̇ибхууд̇ааси ниб̣б̣уд̇аад̇и яож̇зд̇аб̣б̣ам̣. сзсам̣ вуд̇д̇анаяамзва.
Imaṃ gāthaṃ abhāsi. Sā gāthāpariyosāne saha paṭisambhidāhi arahattaṃ patvā udānavasena tameva gāthaṃ abhāsi. Idameva cassā aññābyākaraṇaṃ ahosi, sā tāvadeva pabbaji. Gāthāya pana vuḍḍhiketi vuḍḍhe, vayovuḍḍheti attho. Ayaṃ pana sīlādiguṇehipi vuḍḍhā, theriyā vuttagāthāya catutthapāde sītibhūtāsi nibbutāti yojetabbaṃ. Sesaṃ vuttanayameva.
вуд̣дхабаб̣б̣аж̇ид̇асуманаат̇зрийг̇аат̇ааван̣н̣анаа нидтид̇аа.
Vuḍḍhapabbajitasumanātherīgāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зрийг̇аат̇аабаал̣и • Therīgāthāpāḷi / 16. вуд̣дхабаб̣б̣аж̇ид̇асуманаат̇зрийг̇аат̇аа • 16. Vuḍḍhapabbajitasumanātherīgāthā
