| Library / Tipiṭaka / တိပိဋက • Tipiṭaka / ပာစိတ္ယာဒိယောဇနာပာဠိ • Pācityādiyojanāpāḷi |
၁၇၀. ယာဂုမဓုဂောဠကာဒိကထာ
170. Yāgumadhugoḷakādikathā
၂၈၂. ဧကကောတိ ဧတ္ထ ဧကတော အသဟာယတ္ထေ ကပစ္စယောတိ အာဟ ‘‘နတ္ထိ မေ ဒုတိယော’’တိ။ သောတိ ဗ္ရာဟ္မဏော။ ဝယံ ကတ္ဝာတိ ပရိဗ္ဗယံ ကတ္ဝာ, ပဋိယာဒာပေသိ ကိရာတိ ယောဇနာ။ အနုမောဒနဂာထာယာတိ အနုမောဒနပကာသကာယ ဂာထာယ။ ‘‘ပတ္ထယတံ ဣစ္ဆတ’’န္တိ ပဒာနံ အလမတ္ထပယောဂေ သမ္ပဒာနတ္တာ ဝုတ္တံ ‘‘အလမေဝ ဒာတုန္တိ ဣမိနာ သမ္ဗန္ဓော’’တိ။ သောယေဝ ဂဟေတဗ္ဗောတိ ‘‘ဒာတု’’န္တိဘာဝသ္သ ကတ္တုဘာဝေန သော ဧဝ ပာဌော ဂဟေတဗ္ဗောတိ အတ္ထော။
282.Ekakoti ettha ekato asahāyatthe kapaccayoti āha ‘‘natthi me dutiyo’’ti. Soti brāhmaṇo. Vayaṃ katvāti paribbayaṃ katvā, paṭiyādāpesi kirāti yojanā. Anumodanagāthāyāti anumodanapakāsakāya gāthāya. ‘‘Patthayataṃ icchata’’nti padānaṃ alamatthapayoge sampadānattā vuttaṃ ‘‘alameva dātunti iminā sambandho’’ti. Soyeva gahetabboti ‘‘dātu’’ntibhāvassa kattubhāvena so eva pāṭho gahetabboti attho.
၂၈၃. ယာ ယာဂု ပဝာရဏံ ဇနေတိ, သာ ယာဂု ဘောဇ္ဇယာဂု နာမာတိ ယောဇနာ။ ယန္တိ ကာလံ။ ‘‘အာဒိံ ကတ္ဝာ’’တိ ဣမိနာ ယဒဂ္ဂေနာတိ ဧတ္ထ အဂ္ဂသဒ္ဒော အာဒ္ယတ္ထော ကိရိယာဝိသေသနတ္ထေ ကရဏဝစနန္တိ ဒသ္သေတိ။ ‘‘သဂ္ဂနိဗ္ဗတ္တကပုည’’န္တိ ဣမိနာ သဂ္ဂာတိ ဧတ္ထ ဖလူပစာရံ ဒသ္သေတိ။ သောတိ ဂုဠော။
283. Yā yāgu pavāraṇaṃ janeti, sā yāgu bhojjayāgu nāmāti yojanā. Yanti kālaṃ. ‘‘Ādiṃ katvā’’ti iminā yadaggenāti ettha aggasaddo ādyattho kiriyāvisesanatthe karaṇavacananti dasseti. ‘‘Sagganibbattakapuñña’’nti iminā saggāti ettha phalūpacāraṃ dasseti. Soti guḷo.
၂၈၄. တထာရူပေနာတိ တထာသဘာဝေန။ ဂုဠသ္သ အနုရူပသဘာဝေနာတိ အတ္ထော။
284.Tathārūpenāti tathāsabhāvena. Guḷassa anurūpasabhāvenāti attho.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / မဟာဝဂ္ဂပာဠိ • Mahāvaggapāḷi
၁၇၀. ယာဂုမဓုဂောဠကာနုဇာနနာ • 170. Yāgumadhugoḷakānujānanā
၁၇၁. တရုဏပသန္နမဟာမတ္တဝတ္ထု • 171. Taruṇapasannamahāmattavatthu
၁၇၂. ဗေလဋ္ဌကစ္စာနဝတ္ထု • 172. Belaṭṭhakaccānavatthu
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / မဟာဝဂ္ဂ-အဋ္ဌကထာ • Mahāvagga-aṭṭhakathā / ယာဂုမဓုဂောဠကာဒိကထာ • Yāgumadhugoḷakādikathā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā / ယာဂုမဓုဂောဠကာဒိကထာဝဏ္ဏနာ • Yāgumadhugoḷakādikathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā / ယာဂုမဓုဂောဠကာဒိကထာဝဏ္ဏနာ • Yāgumadhugoḷakādikathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / ယာဂုမဓုဂောဠကာဒိကထာဝဏ္ဏနာ • Yāgumadhugoḷakādikathāvaṇṇanā
