Library / Tipiṭaka / തിപിടക • Tipiṭaka / മഹാവഗ്ഗ-അട്ഠകഥാ • Mahāvagga-aṭṭhakathā |
യാഗുമധുഗോളകാദികഥാ
Yāgumadhugoḷakādikathā
൨൮൨. ഏകത്തകോതി ഏകകോ, നത്ഥി മേ ദുതിയോതി അത്ഥോ. പഹൂതം യാഗുഞ്ച മധുഗോളകഞ്ച പടിയാദാപേത്വാതി സോ കിര സതസഹസ്സം വയം കത്വാ പടിയാദാപേസി. അനുമോദനാഗാഥാപരിയോസാനേ ‘‘പത്ഥയതം ഇച്ഛത’’ന്തി പദാനം ‘‘അലമേവ ദാതു’’ന്തി ഇമിനാ സമ്ബന്ധോ. സചേ പന ‘‘പത്ഥയതാ ഇച്ഛതാ’’തി പാഠോ അത്ഥി, സോയേവ ഗഹേതബ്ബോ.
282.Ekattakoti ekako, natthi me dutiyoti attho. Pahūtaṃ yāguñca madhugoḷakañca paṭiyādāpetvāti so kira satasahassaṃ vayaṃ katvā paṭiyādāpesi. Anumodanāgāthāpariyosāne ‘‘patthayataṃ icchata’’nti padānaṃ ‘‘alameva dātu’’nti iminā sambandho. Sace pana ‘‘patthayatā icchatā’’ti pāṭho atthi, soyeva gahetabbo.
൨൮൩. ഭോജ്ജയാഗുന്തി യാ പവാരണം ജനേതി. യദഗ്ഗേനാതി യം ആദിം കത്വാ. സഗ്ഗാ തേ ആരദ്ധാതി സഗ്ഗനിബ്ബത്തകപുഞ്ഞം ഉപചിതന്തി അത്ഥോ. യഥാധമ്മോ കാരേതബ്ബോതി പരമ്പരഭോജനേന കാരേതബ്ബോ, ഭോജ്ജയാഗുയാ ഹി പവാരണാ ഹോതീതി.
283.Bhojjayāgunti yā pavāraṇaṃ janeti. Yadaggenāti yaṃ ādiṃ katvā. Saggā te āraddhāti sagganibbattakapuññaṃ upacitanti attho. Yathādhammokāretabboti paramparabhojanena kāretabbo, bhojjayāguyā hi pavāraṇā hotīti.
൨൮൪. നാഹം തം കച്ചാനാതി തസ്മിം കിര അവസിട്ഠഗുളേ ദേവതാ സുഖുമോജം പക്ഖിപിംസു, സാ അഞ്ഞേസം പരിണാമം ന ഗച്ഛതി, തസ്മാ ഏവമാഹ. ഗിലാനസ്സ ഗുളന്തി തഥാരൂപേന ബ്യാധിനാ ഗിലാനസ്സ പച്ഛാഭത്തം ഗുളം അനുജാനാമീതി അത്ഥോ.
284.Nāhaṃ taṃ kaccānāti tasmiṃ kira avasiṭṭhaguḷe devatā sukhumojaṃ pakkhipiṃsu, sā aññesaṃ pariṇāmaṃ na gacchati, tasmā evamāha. Gilānassa guḷanti tathārūpena byādhinā gilānassa pacchābhattaṃ guḷaṃ anujānāmīti attho.
Related texts:
തിപിടക (മൂല) • Tipiṭaka (Mūla) / വിനയപിടക • Vinayapiṭaka / മഹാവഗ്ഗപാളി • Mahāvaggapāḷi
൧൭൦. യാഗുമധുഗോളകാനുജാനനാ • 170. Yāgumadhugoḷakānujānanā
൧൭൧. തരുണപസന്നമഹാമത്തവത്ഥു • 171. Taruṇapasannamahāmattavatthu
൧൭൨. ബേലട്ഠകച്ചാനവത്ഥു • 172. Belaṭṭhakaccānavatthu
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / സാരത്ഥദീപനീ-ടീകാ • Sāratthadīpanī-ṭīkā / യാഗുമധുഗോളകാദികഥാവണ്ണനാ • Yāgumadhugoḷakādikathāvaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / വജിരബുദ്ധി-ടീകാ • Vajirabuddhi-ṭīkā / യാഗുമധുഗോളകാദികഥാവണ്ണനാ • Yāgumadhugoḷakādikathāvaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / വിമതിവിനോദനീ-ടീകാ • Vimativinodanī-ṭīkā / യാഗുമധുഗോളകാദികഥാവണ്ണനാ • Yāgumadhugoḷakādikathāvaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / പാചിത്യാദിയോജനാപാളി • Pācityādiyojanāpāḷi / ൧൭൦. യാഗുമധുഗോളകാദികഥാ • 170. Yāgumadhugoḷakādikathā