| Library / Tipiṭaka / తిపిటక • Tipiṭaka / సారత్థదీపనీ-టీకా • Sāratthadīpanī-ṭīkā |
యాగుమధుగోళకాదికథావణ్ణనా
Yāgumadhugoḷakādikathāvaṇṇanā
౨౮౨. మధుగోళకన్తి సక్కరాదిసంయుత్తపూవం. ఆయుం దేతీతి ఆయుదానం దేతి. వణ్ణన్తి సరీరవణ్ణం. సుఖన్తి కాయికచేతసికసుఖం. బలన్తి సరీరథామం. పటిభానన్తి యుత్తముత్తపటిభానం. వాతం అనులోమేతీతి వాతం అనులోమేత్వా హరతి. వత్థిం సోధేతీతి ధమనియో సుద్ధం కరోతి. ఆమావసేసం పాచేతీతి సచే ఆమావసేసకం హోతి, తం పాచేతి. అనుప్పవేచ్ఛతీతి దేతి. వాతఞ్చ బ్యపనేతీతి సమ్బన్ధితబ్బం.
282.Madhugoḷakanti sakkarādisaṃyuttapūvaṃ. Āyuṃ detīti āyudānaṃ deti. Vaṇṇanti sarīravaṇṇaṃ. Sukhanti kāyikacetasikasukhaṃ. Balanti sarīrathāmaṃ. Paṭibhānanti yuttamuttapaṭibhānaṃ. Vātaṃ anulometīti vātaṃ anulometvā harati. Vatthiṃ sodhetīti dhamaniyo suddhaṃ karoti. Āmāvasesaṃ pācetīti sace āmāvasesakaṃ hoti, taṃ pāceti. Anuppavecchatīti deti. Vātañca byapanetīti sambandhitabbaṃ.
౨౮౩. నను చ ‘‘పరమ్పరభోజనేన కారేతబ్బో’’తి కస్మా వుత్తం. పరమ్పరభోజనఞ్హి పఞ్చన్నం భోజనానం అఞ్ఞతరేన నిమన్తితస్స తం ఠపేత్వా అఞ్ఞం పఞ్చన్నం భోజనానం అఞ్ఞతరం భుఞ్జన్తస్స హోతి, ఇమే చ భిక్ఖూ భోజ్జయాగుం పరిభుఞ్జింసు, పఞ్చసు భోజనేసు అఞ్ఞతరన్తి ఆహ ‘‘భోజ్జయాగుయా హి పవారణా హోతీ’’తి. యస్మా పఞ్చన్నం భోజనానం అఞ్ఞతరం పటిక్ఖిపన్తస్స వుత్తా పవారణా భోజ్జయాగుం పటిక్ఖిపన్తస్సపి హోతియేవ, తస్మా భోజ్జయాగుపి ఓదనగతికాయేవాతి అధిప్పాయో.
283. Nanu ca ‘‘paramparabhojanena kāretabbo’’ti kasmā vuttaṃ. Paramparabhojanañhi pañcannaṃ bhojanānaṃ aññatarena nimantitassa taṃ ṭhapetvā aññaṃ pañcannaṃ bhojanānaṃ aññataraṃ bhuñjantassa hoti, ime ca bhikkhū bhojjayāguṃ paribhuñjiṃsu, pañcasu bhojanesu aññataranti āha ‘‘bhojjayāguyā hi pavāraṇā hotī’’ti. Yasmā pañcannaṃ bhojanānaṃ aññataraṃ paṭikkhipantassa vuttā pavāraṇā bhojjayāguṃ paṭikkhipantassapi hotiyeva, tasmā bhojjayāgupi odanagatikāyevāti adhippāyo.
౨౮౪. సుఖుమోజం పక్ఖిపింసూతి ‘‘భగవా పరిభుఞ్జిస్సతీ’’తి మఞ్ఞమానా పక్ఖిపింసు.
284.Sukhumojaṃpakkhipiṃsūti ‘‘bhagavā paribhuñjissatī’’ti maññamānā pakkhipiṃsu.
Related texts:
తిపిటక (మూల) • Tipiṭaka (Mūla) / వినయపిటక • Vinayapiṭaka / మహావగ్గపాళి • Mahāvaggapāḷi
౧౭౦. యాగుమధుగోళకానుజాననా • 170. Yāgumadhugoḷakānujānanā
౧౭౧. తరుణపసన్నమహామత్తవత్థు • 171. Taruṇapasannamahāmattavatthu
౧౭౨. బేలట్ఠకచ్చానవత్థు • 172. Belaṭṭhakaccānavatthu
అట్ఠకథా • Aṭṭhakathā / వినయపిటక (అట్ఠకథా) • Vinayapiṭaka (aṭṭhakathā) / మహావగ్గ-అట్ఠకథా • Mahāvagga-aṭṭhakathā / యాగుమధుగోళకాదికథా • Yāgumadhugoḷakādikathā
టీకా • Tīkā / వినయపిటక (టీకా) • Vinayapiṭaka (ṭīkā) / వజిరబుద్ధి-టీకా • Vajirabuddhi-ṭīkā / యాగుమధుగోళకాదికథావణ్ణనా • Yāgumadhugoḷakādikathāvaṇṇanā
టీకా • Tīkā / వినయపిటక (టీకా) • Vinayapiṭaka (ṭīkā) / విమతివినోదనీ-టీకా • Vimativinodanī-ṭīkā / యాగుమధుగోళకాదికథావణ్ణనా • Yāgumadhugoḷakādikathāvaṇṇanā
టీకా • Tīkā / వినయపిటక (టీకా) • Vinayapiṭaka (ṭīkā) / పాచిత్యాదియోజనాపాళి • Pācityādiyojanāpāḷi / ౧౭౦. యాగుమధుగోళకాదికథా • 170. Yāgumadhugoḷakādikathā
