| Library / Tipiṭaka / તિપિટક • Tipiṭaka / સારત્થદીપની-ટીકા • Sāratthadīpanī-ṭīkā |
યાગુમધુગોળકાદિકથાવણ્ણના
Yāgumadhugoḷakādikathāvaṇṇanā
૨૮૨. મધુગોળકન્તિ સક્કરાદિસંયુત્તપૂવં. આયું દેતીતિ આયુદાનં દેતિ. વણ્ણન્તિ સરીરવણ્ણં. સુખન્તિ કાયિકચેતસિકસુખં. બલન્તિ સરીરથામં. પટિભાનન્તિ યુત્તમુત્તપટિભાનં. વાતં અનુલોમેતીતિ વાતં અનુલોમેત્વા હરતિ. વત્થિં સોધેતીતિ ધમનિયો સુદ્ધં કરોતિ. આમાવસેસં પાચેતીતિ સચે આમાવસેસકં હોતિ, તં પાચેતિ. અનુપ્પવેચ્છતીતિ દેતિ. વાતઞ્ચ બ્યપનેતીતિ સમ્બન્ધિતબ્બં.
282.Madhugoḷakanti sakkarādisaṃyuttapūvaṃ. Āyuṃ detīti āyudānaṃ deti. Vaṇṇanti sarīravaṇṇaṃ. Sukhanti kāyikacetasikasukhaṃ. Balanti sarīrathāmaṃ. Paṭibhānanti yuttamuttapaṭibhānaṃ. Vātaṃ anulometīti vātaṃ anulometvā harati. Vatthiṃ sodhetīti dhamaniyo suddhaṃ karoti. Āmāvasesaṃ pācetīti sace āmāvasesakaṃ hoti, taṃ pāceti. Anuppavecchatīti deti. Vātañca byapanetīti sambandhitabbaṃ.
૨૮૩. નનુ ચ ‘‘પરમ્પરભોજનેન કારેતબ્બો’’તિ કસ્મા વુત્તં. પરમ્પરભોજનઞ્હિ પઞ્ચન્નં ભોજનાનં અઞ્ઞતરેન નિમન્તિતસ્સ તં ઠપેત્વા અઞ્ઞં પઞ્ચન્નં ભોજનાનં અઞ્ઞતરં ભુઞ્જન્તસ્સ હોતિ, ઇમે ચ ભિક્ખૂ ભોજ્જયાગું પરિભુઞ્જિંસુ, પઞ્ચસુ ભોજનેસુ અઞ્ઞતરન્તિ આહ ‘‘ભોજ્જયાગુયા હિ પવારણા હોતી’’તિ. યસ્મા પઞ્ચન્નં ભોજનાનં અઞ્ઞતરં પટિક્ખિપન્તસ્સ વુત્તા પવારણા ભોજ્જયાગું પટિક્ખિપન્તસ્સપિ હોતિયેવ, તસ્મા ભોજ્જયાગુપિ ઓદનગતિકાયેવાતિ અધિપ્પાયો.
283. Nanu ca ‘‘paramparabhojanena kāretabbo’’ti kasmā vuttaṃ. Paramparabhojanañhi pañcannaṃ bhojanānaṃ aññatarena nimantitassa taṃ ṭhapetvā aññaṃ pañcannaṃ bhojanānaṃ aññataraṃ bhuñjantassa hoti, ime ca bhikkhū bhojjayāguṃ paribhuñjiṃsu, pañcasu bhojanesu aññataranti āha ‘‘bhojjayāguyā hi pavāraṇā hotī’’ti. Yasmā pañcannaṃ bhojanānaṃ aññataraṃ paṭikkhipantassa vuttā pavāraṇā bhojjayāguṃ paṭikkhipantassapi hotiyeva, tasmā bhojjayāgupi odanagatikāyevāti adhippāyo.
૨૮૪. સુખુમોજં પક્ખિપિંસૂતિ ‘‘ભગવા પરિભુઞ્જિસ્સતી’’તિ મઞ્ઞમાના પક્ખિપિંસુ.
284.Sukhumojaṃpakkhipiṃsūti ‘‘bhagavā paribhuñjissatī’’ti maññamānā pakkhipiṃsu.
Related texts:
તિપિટક (મૂલ) • Tipiṭaka (Mūla) / વિનયપિટક • Vinayapiṭaka / મહાવગ્ગપાળિ • Mahāvaggapāḷi
૧૭૦. યાગુમધુગોળકાનુજાનના • 170. Yāgumadhugoḷakānujānanā
૧૭૧. તરુણપસન્નમહામત્તવત્થુ • 171. Taruṇapasannamahāmattavatthu
૧૭૨. બેલટ્ઠકચ્ચાનવત્થુ • 172. Belaṭṭhakaccānavatthu
અટ્ઠકથા • Aṭṭhakathā / વિનયપિટક (અટ્ઠકથા) • Vinayapiṭaka (aṭṭhakathā) / મહાવગ્ગ-અટ્ઠકથા • Mahāvagga-aṭṭhakathā / યાગુમધુગોળકાદિકથા • Yāgumadhugoḷakādikathā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વજિરબુદ્ધિ-ટીકા • Vajirabuddhi-ṭīkā / યાગુમધુગોળકાદિકથાવણ્ણના • Yāgumadhugoḷakādikathāvaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વિમતિવિનોદની-ટીકા • Vimativinodanī-ṭīkā / યાગુમધુગોળકાદિકથાવણ્ણના • Yāgumadhugoḷakādikathāvaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / પાચિત્યાદિયોજનાપાળિ • Pācityādiyojanāpāḷi / ૧૭૦. યાગુમધુગોળકાદિકથા • 170. Yāgumadhugoḷakādikathā
