| Library / Tipiṭaka / တိပိဋက • Tipiṭaka / သာရတ္ထဒီပနီ-ဋီကာ • Sāratthadīpanī-ṭīkā |
ယာဂုမဓုဂောဠကာဒိကထာဝဏ္ဏနာ
Yāgumadhugoḷakādikathāvaṇṇanā
၂၈၂. မဓုဂောဠကန္တိ သက္ကရာဒိသံယုတ္တပူဝံ။ အာယုံ ဒေတီတိ အာယုဒာနံ ဒေတိ။ ဝဏ္ဏန္တိ သရီရဝဏ္ဏံ။ သုခန္တိ ကာယိကစေတသိကသုခံ။ ဗလန္တိ သရီရထာမံ။ ပဋိဘာနန္တိ ယုတ္တမုတ္တပဋိဘာနံ။ ဝာတံ အနုလောမေတီတိ ဝာတံ အနုလောမေတ္ဝာ ဟရတိ။ ဝတ္ထိံ သောဓေတီတိ ဓမနိယော သုဒ္ဓံ ကရောတိ။ အာမာဝသေသံ ပာစေတီတိ သစေ အာမာဝသေသကံ ဟောတိ, တံ ပာစေတိ။ အနုပ္ပဝေစ္ဆတီတိ ဒေတိ။ ဝာတဉ္စ ဗ္ယပနေတီတိ သမ္ဗန္ဓိတဗ္ဗံ။
282.Madhugoḷakanti sakkarādisaṃyuttapūvaṃ. Āyuṃ detīti āyudānaṃ deti. Vaṇṇanti sarīravaṇṇaṃ. Sukhanti kāyikacetasikasukhaṃ. Balanti sarīrathāmaṃ. Paṭibhānanti yuttamuttapaṭibhānaṃ. Vātaṃ anulometīti vātaṃ anulometvā harati. Vatthiṃ sodhetīti dhamaniyo suddhaṃ karoti. Āmāvasesaṃ pācetīti sace āmāvasesakaṃ hoti, taṃ pāceti. Anuppavecchatīti deti. Vātañca byapanetīti sambandhitabbaṃ.
၂၈၃. နနု စ ‘‘ပရမ္ပရဘောဇနေန ကာရေတဗ္ဗော’’တိ ကသ္မာ ဝုတ္တံ။ ပရမ္ပရဘောဇနဉ္ဟိ ပဉ္စန္နံ ဘောဇနာနံ အညတရေန နိမန္တိတသ္သ တံ ဌပေတ္ဝာ အညံ ပဉ္စန္နံ ဘောဇနာနံ အညတရံ ဘုဉ္ဇန္တသ္သ ဟောတိ, ဣမေ စ ဘိက္ခူ ဘောဇ္ဇယာဂုံ ပရိဘုဉ္ဇိံသု, ပဉ္စသု ဘောဇနေသု အညတရန္တိ အာဟ ‘‘ဘောဇ္ဇယာဂုယာ ဟိ ပဝာရဏာ ဟောတီ’’တိ။ ယသ္မာ ပဉ္စန္နံ ဘောဇနာနံ အညတရံ ပဋိက္ခိပန္တသ္သ ဝုတ္တာ ပဝာရဏာ ဘောဇ္ဇယာဂုံ ပဋိက္ခိပန္တသ္သပိ ဟောတိယေဝ, တသ္မာ ဘောဇ္ဇယာဂုပိ ဩဒနဂတိကာယေဝာတိ အဓိပ္ပာယော။
283. Nanu ca ‘‘paramparabhojanena kāretabbo’’ti kasmā vuttaṃ. Paramparabhojanañhi pañcannaṃ bhojanānaṃ aññatarena nimantitassa taṃ ṭhapetvā aññaṃ pañcannaṃ bhojanānaṃ aññataraṃ bhuñjantassa hoti, ime ca bhikkhū bhojjayāguṃ paribhuñjiṃsu, pañcasu bhojanesu aññataranti āha ‘‘bhojjayāguyā hi pavāraṇā hotī’’ti. Yasmā pañcannaṃ bhojanānaṃ aññataraṃ paṭikkhipantassa vuttā pavāraṇā bhojjayāguṃ paṭikkhipantassapi hotiyeva, tasmā bhojjayāgupi odanagatikāyevāti adhippāyo.
၂၈၄. သုခုမောဇံ ပက္ခိပိံသူတိ ‘‘ဘဂဝာ ပရိဘုဉ္ဇိသ္သတီ’’တိ မညမာနာ ပက္ခိပိံသု။
284.Sukhumojaṃpakkhipiṃsūti ‘‘bhagavā paribhuñjissatī’’ti maññamānā pakkhipiṃsu.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / မဟာဝဂ္ဂပာဠိ • Mahāvaggapāḷi
၁၇၀. ယာဂုမဓုဂောဠကာနုဇာနနာ • 170. Yāgumadhugoḷakānujānanā
၁၇၁. တရုဏပသန္နမဟာမတ္တဝတ္ထု • 171. Taruṇapasannamahāmattavatthu
၁၇၂. ဗေလဋ္ဌကစ္စာနဝတ္ထု • 172. Belaṭṭhakaccānavatthu
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / မဟာဝဂ္ဂ-အဋ္ဌကထာ • Mahāvagga-aṭṭhakathā / ယာဂုမဓုဂောဠကာဒိကထာ • Yāgumadhugoḷakādikathā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā / ယာဂုမဓုဂောဠကာဒိကထာဝဏ္ဏနာ • Yāgumadhugoḷakādikathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / ယာဂုမဓုဂောဠကာဒိကထာဝဏ္ဏနာ • Yāgumadhugoḷakādikathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi / ၁၇၀. ယာဂုမဓုဂောဠကာဒိကထာ • 170. Yāgumadhugoḷakādikathā
