| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
3. яамагасуд̇д̇ам̣
3. Yamakasuttaṃ
85. згам̣ самаяам̣ ааяасмаа саарибуд̇д̇о саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна яамагасса наама бхигкуно зваруубам̣ баабагам̣ д̣̇идтиг̇ад̇ам̣ уббаннам̣ ход̇и – ‘‘д̇ат̇аахам̣ бхаг̇авад̇аа д̇хаммам̣ д̣̇зсид̇ам̣ ааж̇аанаами, яат̇аа кийн̣аасаво бхигку гааяасса бхзд̣̇аа ужчиж̇ж̇ад̇и винассад̇и, на ход̇и барам̣ маран̣аа’’д̇и.
85. Ekaṃ samayaṃ āyasmā sāriputto sāvatthiyaṃ viharati jetavane anāthapiṇḍikassa ārāme. Tena kho pana samayena yamakassa nāma bhikkhuno evarūpaṃ pāpakaṃ diṭṭhigataṃ uppannaṃ hoti – ‘‘tathāhaṃ bhagavatā dhammaṃ desitaṃ ājānāmi, yathā khīṇāsavo bhikkhu kāyassa bhedā ucchijjati vinassati, na hoti paraṃ maraṇā’’ti.
ассосум̣ ко самб̣ахулаа бхигкуу яамагасса гира наама бхигкуно зваруубам̣ баабагам̣ д̣̇идтиг̇ад̇ам̣ уббаннам̣ ход̇и – ‘‘д̇ат̇аахам̣ бхаг̇авад̇аа д̇хаммам̣ д̣̇зсид̇ам̣ ааж̇аанаами, яат̇аа кийн̣аасаво бхигку гааяасса бхзд̣̇аа ужчиж̇ж̇ад̇и винассад̇и, на ход̇и барам̣ маран̣аа’’д̇и. ат̇а ко д̇з бхигкуу язнааяасмаа яамаго д̇знубасан̇гамим̣су; убасан̇гамид̇ваа ааяасмад̇аа яамагзна сад̣̇д̇хим̣ саммод̣̇им̣су. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇им̣су. згаманд̇ам̣ нисиннаа ко д̇з бхигкуу ааяасманд̇ам̣ яамагам̣ зд̇ад̣̇авожум̣ –
Assosuṃ kho sambahulā bhikkhū yamakassa kira nāma bhikkhuno evarūpaṃ pāpakaṃ diṭṭhigataṃ uppannaṃ hoti – ‘‘tathāhaṃ bhagavatā dhammaṃ desitaṃ ājānāmi, yathā khīṇāsavo bhikkhu kāyassa bhedā ucchijjati vinassati, na hoti paraṃ maraṇā’’ti. Atha kho te bhikkhū yenāyasmā yamako tenupasaṅkamiṃsu; upasaṅkamitvā āyasmatā yamakena saddhiṃ sammodiṃsu. Sammodanīyaṃ kathaṃ sāraṇīyaṃ vītisāretvā ekamantaṃ nisīdiṃsu. Ekamantaṃ nisinnā kho te bhikkhū āyasmantaṃ yamakaṃ etadavocuṃ –
‘‘сажжам̣ гира д̇з, аавусо яамага, зваруубам̣ баабагам̣ д̣̇идтиг̇ад̇ам̣ уббаннам̣ – ‘д̇ат̇аахам̣ бхаг̇авад̇аа д̇хаммам̣ д̣̇зсид̇ам̣ ааж̇аанаами, яат̇аа кийн̣аасаво бхигку гааяасса бхзд̣̇аа ужчиж̇ж̇ад̇и винассад̇и, на ход̇и барам̣ маран̣аа’’’д̇и? ‘‘звам̣ кваахам̣, аавусо, бхаг̇авад̇аа д̇хаммам̣ д̣̇зсид̇ам̣ ааж̇аанаами – ‘кийн̣аасаво бхигку гааяасса бхзд̣̇аа ужчиж̇ж̇ад̇и винассад̇и, на ход̇и барам̣ маран̣аа’’’д̇и.
‘‘Saccaṃ kira te, āvuso yamaka, evarūpaṃ pāpakaṃ diṭṭhigataṃ uppannaṃ – ‘tathāhaṃ bhagavatā dhammaṃ desitaṃ ājānāmi, yathā khīṇāsavo bhikkhu kāyassa bhedā ucchijjati vinassati, na hoti paraṃ maraṇā’’’ti? ‘‘Evaṃ khvāhaṃ, āvuso, bhagavatā dhammaṃ desitaṃ ājānāmi – ‘khīṇāsavo bhikkhu kāyassa bhedā ucchijjati vinassati, na hoti paraṃ maraṇā’’’ti.
‘‘маа, аавусо яамага, звам̣ аважа, маа бхаг̇аванд̇ам̣ аб̣бхаажигки. на хи саад̇ху бхаг̇авад̇о аб̣бхаажигканам̣. на хи бхаг̇аваа звам̣ вад̣̇зяяа – ‘кийн̣аасаво бхигку гааяасса бхзд̣̇аа ужчиж̇ж̇ад̇и винассад̇и, на ход̇и барам̣ маран̣аа’’’д̇и. звамби ко ааяасмаа яамаго д̇зхи бхигкуухи вужжамаано д̇ат̇зва д̇ам̣ баабагам̣ д̣̇идтиг̇ад̇ам̣ т̇аамасаа бараамаасаа абхинивисса вохарад̇и – ‘‘д̇ат̇аахам̣ бхаг̇авад̇аа д̇хаммам̣ д̣̇зсид̇ам̣ ааж̇аанаами, яат̇аа кийн̣аасаво бхигку гааяасса бхзд̣̇аа ужчиж̇ж̇ад̇и винассад̇и, на ход̇и барам̣ маран̣аа’’д̇и.
‘‘Mā, āvuso yamaka, evaṃ avaca, mā bhagavantaṃ abbhācikkhi. Na hi sādhu bhagavato abbhācikkhanaṃ. Na hi bhagavā evaṃ vadeyya – ‘khīṇāsavo bhikkhu kāyassa bhedā ucchijjati vinassati, na hoti paraṃ maraṇā’’’ti. Evampi kho āyasmā yamako tehi bhikkhūhi vuccamāno tatheva taṃ pāpakaṃ diṭṭhigataṃ thāmasā parāmāsā abhinivissa voharati – ‘‘tathāhaṃ bhagavatā dhammaṃ desitaṃ ājānāmi, yathā khīṇāsavo bhikkhu kāyassa bhedā ucchijjati vinassati, na hoti paraṃ maraṇā’’ti.
яад̇о ко д̇з бхигкуу наасагким̣су ааяасманд̇ам̣ яамагам̣ зд̇асмаа баабагаа д̣̇идтиг̇ад̇аа вивзжзд̇ум̣, ат̇а ко д̇з бхигкуу удтааяаасанаа язнааяасмаа саарибуд̇д̇о д̇знубасан̇гамим̣су; убасан̇гамид̇ваа ааяасманд̇ам̣ саарибуд̇д̇ам̣ зд̇ад̣̇авожум̣ – ‘‘яамагасса наама, аавусо саарибуд̇д̇а, бхигкуно зваруубам̣ баабагам̣ д̣̇идтиг̇ад̇ам̣ уббаннам̣ – ‘д̇ат̇аахам̣ бхаг̇авад̇аа д̇хаммам̣ д̣̇зсид̇ам̣ ааж̇аанаами яат̇аа кийн̣аасаво бхигку гааяасса бхзд̣̇аа ужчиж̇ж̇ад̇и винассад̇и, на ход̇и барам̣ маран̣аа’д̇и. саад̇хааяасмаа саарибуд̇д̇о язна яамаго бхигку д̇знубасан̇гамад̇у анугамбам̣ убаад̣̇ааяаа’’д̇и. ад̇хиваасзси ко ааяасмаа саарибуд̇д̇о д̇ун̣хийбхаавзна. ат̇а ко ааяасмаа саарибуд̇д̇о сааяанхасамаяам̣ бадисаллаанаа вудтид̇о язнааяасмаа яамаго д̇знубасан̇гами; убасан̇гамид̇ваа ааяасмад̇аа яамагзна сад̣̇д̇хим̣ саммод̣̇и…бз… згаманд̇ам̣ нисинно ко ааяасмаа саарибуд̇д̇о ааяасманд̇ам̣ яамагам̣ зд̇ад̣̇авожа –
Yato kho te bhikkhū nāsakkhiṃsu āyasmantaṃ yamakaṃ etasmā pāpakā diṭṭhigatā vivecetuṃ, atha kho te bhikkhū uṭṭhāyāsanā yenāyasmā sāriputto tenupasaṅkamiṃsu; upasaṅkamitvā āyasmantaṃ sāriputtaṃ etadavocuṃ – ‘‘yamakassa nāma, āvuso sāriputta, bhikkhuno evarūpaṃ pāpakaṃ diṭṭhigataṃ uppannaṃ – ‘tathāhaṃ bhagavatā dhammaṃ desitaṃ ājānāmi yathā khīṇāsavo bhikkhu kāyassa bhedā ucchijjati vinassati, na hoti paraṃ maraṇā’ti. Sādhāyasmā sāriputto yena yamako bhikkhu tenupasaṅkamatu anukampaṃ upādāyā’’ti. Adhivāsesi kho āyasmā sāriputto tuṇhībhāvena. Atha kho āyasmā sāriputto sāyanhasamayaṃ paṭisallānā vuṭṭhito yenāyasmā yamako tenupasaṅkami; upasaṅkamitvā āyasmatā yamakena saddhiṃ sammodi…pe… ekamantaṃ nisinno kho āyasmā sāriputto āyasmantaṃ yamakaṃ etadavoca –
‘‘сажжам̣ гира д̇з, аавусо яамага, зваруубам̣ баабагам̣ д̣̇идтиг̇ад̇ам̣ уббаннам̣ – ‘д̇ат̇аахам̣ бхаг̇авад̇аа д̇хаммам̣ д̣̇зсид̇ам̣ ааж̇аанаами, яат̇аа кийн̣аасаво бхигку гааяасса бхзд̣̇аа ужчиж̇ж̇ад̇и винассад̇и, на ход̇и барам̣ маран̣аа’’’д̇и? ‘‘звам̣ кваахам̣, аавусо, бхаг̇авад̇аа д̇хаммам̣ д̣̇зсид̇ам̣ ааж̇аанаами, яат̇аа кийн̣аасаво бхигку гааяасса бхзд̣̇аа ужчиж̇ж̇ад̇и винассад̇и, на ход̇и барам̣ маран̣аа’’д̇и.
‘‘Saccaṃ kira te, āvuso yamaka, evarūpaṃ pāpakaṃ diṭṭhigataṃ uppannaṃ – ‘tathāhaṃ bhagavatā dhammaṃ desitaṃ ājānāmi, yathā khīṇāsavo bhikkhu kāyassa bhedā ucchijjati vinassati, na hoti paraṃ maraṇā’’’ti? ‘‘Evaṃ khvāhaṃ, āvuso, bhagavatā dhammaṃ desitaṃ ājānāmi, yathā khīṇāsavo bhikkhu kāyassa bhedā ucchijjati vinassati, na hoti paraṃ maraṇā’’ti.
‘‘д̇ам̣ гим̣ ман̃н̃аси, аавусо яамага, руубам̣ нижжам̣ ваа анижжам̣ ваа’’д̇и? ‘‘анижжам̣, аавусо’’. ‘‘взд̣̇анаа нижжаа… сан̃н̃аа… сан̇каараа… вин̃н̃аан̣ам̣ нижжам̣ ваа анижжам̣ ваа’’д̇и? ‘‘анижжам̣, аавусо’’. д̇асмаад̇иха…бз… звам̣ бассам̣…бз… наабарам̣ ид̇т̇ад̇д̇ааяаад̇и баж̇аанаад̇ий’’д̇и.
‘‘Taṃ kiṃ maññasi, āvuso yamaka, rūpaṃ niccaṃ vā aniccaṃ vā’’ti? ‘‘Aniccaṃ, āvuso’’. ‘‘Vedanā niccā… saññā… saṅkhārā… viññāṇaṃ niccaṃ vā aniccaṃ vā’’ti? ‘‘Aniccaṃ, āvuso’’. Tasmātiha…pe… evaṃ passaṃ…pe… nāparaṃ itthattāyāti pajānātī’’ti.
‘‘д̇ам̣ гим̣ ман̃н̃аси, аавусо яамага, руубам̣ д̇ат̇ааг̇ад̇од̇и саманубассасий’’д̇и? ‘‘но хзд̇ам̣, аавусо’’ … ‘‘взд̣̇анам̣ д̇ат̇ааг̇ад̇од̇и саманубассасий’’д̇и? ‘‘но хзд̇ам̣, аавусо’’… ‘‘сан̃н̃ам̣… сан̇каарз… вин̃н̃аан̣ам̣ д̇ат̇ааг̇ад̇од̇и саманубассасий’’д̇и? ‘‘но хзд̇ам̣, аавусо’’.
‘‘Taṃ kiṃ maññasi, āvuso yamaka, rūpaṃ tathāgatoti samanupassasī’’ti? ‘‘No hetaṃ, āvuso’’ … ‘‘vedanaṃ tathāgatoti samanupassasī’’ti? ‘‘No hetaṃ, āvuso’’… ‘‘saññaṃ… saṅkhāre… viññāṇaṃ tathāgatoti samanupassasī’’ti? ‘‘No hetaṃ, āvuso’’.
‘‘д̇ам̣ гим̣ ман̃н̃аси, аавусо яамага, руубасмим̣ д̇ат̇ааг̇ад̇од̇и саманубассасий’’д̇и? ‘‘но хзд̇ам̣, аавусо’’. ‘‘ан̃н̃ад̇ра руубаа д̇ат̇ааг̇ад̇од̇и саманубассасий’’д̇и? ‘‘но хзд̇ам̣, аавусо’’. ‘‘взд̣̇анааяа… ан̃н̃ад̇ра взд̣̇анааяа…бз… сан̃н̃ааяа… ан̃н̃ад̇ра сан̃н̃ааяа… сан̇каарзсу… ан̃н̃ад̇ра сан̇каарзхи… вин̃н̃аан̣асмим̣ д̇ат̇ааг̇ад̇од̇и саманубассасий’’д̇и? ‘‘но хзд̇ам̣, аавусо’’. ‘‘ан̃н̃ад̇ра вин̃н̃аан̣аа д̇ат̇ааг̇ад̇од̇и саманубассасий’’д̇и? ‘‘но хзд̇ам̣, аавусо’’.
‘‘Taṃ kiṃ maññasi, āvuso yamaka, rūpasmiṃ tathāgatoti samanupassasī’’ti? ‘‘No hetaṃ, āvuso’’. ‘‘Aññatra rūpā tathāgatoti samanupassasī’’ti? ‘‘No hetaṃ, āvuso’’. ‘‘Vedanāya… aññatra vedanāya…pe… saññāya… aññatra saññāya… saṅkhāresu… aññatra saṅkhārehi… viññāṇasmiṃ tathāgatoti samanupassasī’’ti? ‘‘No hetaṃ, āvuso’’. ‘‘Aññatra viññāṇā tathāgatoti samanupassasī’’ti? ‘‘No hetaṃ, āvuso’’.
‘‘д̇ам̣ гим̣ ман̃н̃аси, аавусо яамага, руубам̣… взд̣̇анам̣… сан̃н̃ам̣… сан̇каарз… вин̃н̃аан̣ам̣ д̇ат̇ааг̇ад̇од̇и саманубассасий’’д̇и? ‘‘но хзд̇ам̣, аавусо’’.
‘‘Taṃ kiṃ maññasi, āvuso yamaka, rūpaṃ… vedanaṃ… saññaṃ… saṅkhāre… viññāṇaṃ tathāgatoti samanupassasī’’ti? ‘‘No hetaṃ, āvuso’’.
‘‘д̇ам̣ гим̣ ман̃н̃аси, аавусо яамага, аяам̣ со аруубий… авзд̣̇ано… асан̃н̃ий… асан̇кааро… авин̃н̃аан̣о д̇ат̇ааг̇ад̇од̇и саманубассасий’’д̇и? ‘‘но хзд̇ам̣, аавусо’’. ‘‘зд̇т̇а жа д̇з, аавусо яамага, д̣̇идтзва д̇хаммз сажжад̇о т̇зд̇ад̇о 1 д̇ат̇ааг̇ад̇з анубалаб̣бхияамаанз 2, галлам̣ ну д̇з д̇ам̣ взяяаагаран̣ам̣ – ‘д̇ат̇аахам̣ бхаг̇авад̇аа д̇хаммам̣ д̣̇зсид̇ам̣ ааж̇аанаами, яат̇аа кийн̣аасаво бхигку гааяасса бхзд̣̇аа ужчиж̇ж̇ад̇и винассад̇и, на ход̇и барам̣ маран̣аа’’’д̇и?
‘‘Taṃ kiṃ maññasi, āvuso yamaka, ayaṃ so arūpī… avedano… asaññī… asaṅkhāro… aviññāṇo tathāgatoti samanupassasī’’ti? ‘‘No hetaṃ, āvuso’’. ‘‘Ettha ca te, āvuso yamaka, diṭṭheva dhamme saccato thetato 3 tathāgate anupalabbhiyamāne 4, kallaṃ nu te taṃ veyyākaraṇaṃ – ‘tathāhaṃ bhagavatā dhammaṃ desitaṃ ājānāmi, yathā khīṇāsavo bhikkhu kāyassa bhedā ucchijjati vinassati, na hoti paraṃ maraṇā’’’ti?
‘‘аху ко мз д̇ам̣, аавусо саарибуд̇д̇а, буб̣б̣з авид̣̇д̣̇асуно баабагам̣ д̣̇идтиг̇ад̇ам̣; ид̣̇ан̃жа банааяасмад̇о саарибуд̇д̇асса д̇хаммад̣̇зсанам̣ суд̇ваа д̇ан̃жзва баабагам̣ д̣̇идтиг̇ад̇ам̣ бахийнам̣, д̇хаммо жа мз абхисамид̇о’’д̇и.
‘‘Ahu kho me taṃ, āvuso sāriputta, pubbe aviddasuno pāpakaṃ diṭṭhigataṃ; idañca panāyasmato sāriputtassa dhammadesanaṃ sutvā tañceva pāpakaṃ diṭṭhigataṃ pahīnaṃ, dhammo ca me abhisamito’’ti.
‘‘сажз д̇ам̣, аавусо яамага, звам̣ бужчзяяум̣ – ‘яо со, аавусо яамага, бхигку арахам̣ кийн̣аасаво со гааяасса бхзд̣̇аа барам̣ маран̣аа гим̣ ход̇ий’д̇и? звам̣ будто д̇вам̣, аавусо яамага, гинд̇и б̣яаагарзяяаасий’’д̇и? ‘‘сажз мам̣, аавусо, звам̣ бужчзяяум̣ – ‘яо со, аавусо яамага, бхигку арахам̣ кийн̣аасаво со гааяасса бхзд̣̇аа барам̣ маран̣аа гим̣ ход̇ий’д̇и? звам̣ будтохам̣, аавусо, звам̣ б̣яаагарзяяам̣ – ‘руубам̣ ко, аавусо, анижжам̣. яад̣̇анижжам̣ д̇ам̣ д̣̇угкам̣; яам̣ д̣̇угкам̣ д̇ам̣ нируд̣̇д̇хам̣ д̇ад̣̇ад̇т̇ан̇г̇ад̇ам̣. взд̣̇анаа… сан̃н̃аа… сан̇каараа… вин̃н̃аан̣ам̣ анижжам̣. яад̣̇анижжам̣ д̇ам̣ д̣̇угкам̣; яам̣ д̣̇угкам̣ д̇ам̣ нируд̣̇д̇хам̣ д̇ад̣̇ад̇т̇ан̇г̇ад̇а’нд̇и. звам̣ будтохам̣ , аавусо, звам̣ б̣яаагарзяяа’’нд̇и.
‘‘Sace taṃ, āvuso yamaka, evaṃ puccheyyuṃ – ‘yo so, āvuso yamaka, bhikkhu arahaṃ khīṇāsavo so kāyassa bhedā paraṃ maraṇā kiṃ hotī’ti? Evaṃ puṭṭho tvaṃ, āvuso yamaka, kinti byākareyyāsī’’ti? ‘‘Sace maṃ, āvuso, evaṃ puccheyyuṃ – ‘yo so, āvuso yamaka, bhikkhu arahaṃ khīṇāsavo so kāyassa bhedā paraṃ maraṇā kiṃ hotī’ti? Evaṃ puṭṭhohaṃ, āvuso, evaṃ byākareyyaṃ – ‘rūpaṃ kho, āvuso, aniccaṃ. Yadaniccaṃ taṃ dukkhaṃ; yaṃ dukkhaṃ taṃ niruddhaṃ tadatthaṅgataṃ. Vedanā… saññā… saṅkhārā… viññāṇaṃ aniccaṃ. Yadaniccaṃ taṃ dukkhaṃ; yaṃ dukkhaṃ taṃ niruddhaṃ tadatthaṅgata’nti. Evaṃ puṭṭhohaṃ , āvuso, evaṃ byākareyya’’nti.
‘‘саад̇ху саад̇ху, аавусо яамага! д̇зна хаавусо, яамага, убамам̣ д̇з гариссаами зд̇ассзва ад̇т̇асса бхияяосомад̇д̇ааяа н̃аан̣ааяа. сзяяат̇ааби, аавусо яамага, г̇ахабад̇и ваа г̇ахабад̇ибуд̇д̇о ваа ад̣дхо махад̣̇д̇хано махаабхог̇о; со жа аарагкасамбанно. д̇асса гожид̣̇зва бурисо уббаж̇ж̇зяяа анад̇т̇агаамо ахид̇агаамо аяог̇агкзмагаамо ж̇ийвид̇аа воробзд̇угаамо. д̇асса звамасса – ‘аяам̣ ко г̇ахабад̇и ваа г̇ахабад̇ибуд̇д̇о ваа ад̣дхо махад̣̇д̇хано махаабхог̇о; со жа аарагкасамбанно; нааяам̣ 5 сугаро басаяха ж̇ийвид̇аа воробзд̇ум̣. яам̣нуунаахам̣ анубакаж̇ж̇а ж̇ийвид̇аа воробзяяа’нд̇и. со д̇ам̣ г̇ахабад̇им̣ ваа г̇ахабад̇ибуд̇д̇ам̣ ваа убасан̇гамид̇ваа звам̣ вад̣̇зяяа – ‘убадтахзяяам̣ д̇ам̣, бханд̇з’д̇и. д̇амзнам̣ со г̇ахабад̇и ваа г̇ахабад̇ибуд̇д̇о ваа убадтаабзяяа. со убадтахзяяа буб̣б̣удтааяий бажчаанибаад̇ий гим̣гаарабадиссаавий манаабажаарий бияаваад̣̇ий. д̇асса со г̇ахабад̇и ваа г̇ахабад̇ибуд̇д̇о ваа мид̇д̇ад̇оби нам̣ сад̣̇д̣̇ахзяяа 6; сухаж̇ж̇ад̇оби нам̣ сад̣̇д̣̇ахзяяа; д̇асмин̃жа виссаасам̣ аабаж̇ж̇зяяа. яад̣̇аа ко, аавусо, д̇асса бурисасса звамасса – ‘сам̣виссад̇т̇о ко мяааяам̣ г̇ахабад̇и ваа г̇ахабад̇ибуд̇д̇о ваа’д̇и, ат̇а нам̣ рахог̇ад̇ам̣ вид̣̇ид̇ваа д̇ин̣хзна сад̇т̇зна ж̇ийвид̇аа воробзяяа.
‘‘Sādhu sādhu, āvuso yamaka! Tena hāvuso, yamaka, upamaṃ te karissāmi etasseva atthassa bhiyyosomattāya ñāṇāya. Seyyathāpi, āvuso yamaka, gahapati vā gahapatiputto vā aḍḍho mahaddhano mahābhogo; so ca ārakkhasampanno. Tassa kocideva puriso uppajjeyya anatthakāmo ahitakāmo ayogakkhemakāmo jīvitā voropetukāmo. Tassa evamassa – ‘ayaṃ kho gahapati vā gahapatiputto vā aḍḍho mahaddhano mahābhogo; so ca ārakkhasampanno; nāyaṃ 7 sukaro pasayha jīvitā voropetuṃ. Yaṃnūnāhaṃ anupakhajja jīvitā voropeyya’nti. So taṃ gahapatiṃ vā gahapatiputtaṃ vā upasaṅkamitvā evaṃ vadeyya – ‘upaṭṭhaheyyaṃ taṃ, bhante’ti. Tamenaṃ so gahapati vā gahapatiputto vā upaṭṭhāpeyya. So upaṭṭhaheyya pubbuṭṭhāyī pacchānipātī kiṃkārapaṭissāvī manāpacārī piyavādī. Tassa so gahapati vā gahapatiputto vā mittatopi naṃ saddaheyya 8; suhajjatopi naṃ saddaheyya; tasmiñca vissāsaṃ āpajjeyya. Yadā kho, āvuso, tassa purisassa evamassa – ‘saṃvissattho kho myāyaṃ gahapati vā gahapatiputto vā’ti, atha naṃ rahogataṃ viditvā tiṇhena satthena jīvitā voropeyya.
‘‘д̇ам̣ гим̣ ман̃н̃аси, аавусо яамага, яад̣̇аа хи со бурисо амум̣ г̇ахабад̇им̣ ваа г̇ахабад̇ибуд̇д̇ам̣ ваа убасан̇гамид̇ваа звам̣ ааха – ‘убадтахзяяам̣ д̇ам̣, бханд̇з’д̇и, д̇ад̣̇ааби со вад̇хагова. вад̇хаган̃жа бана санд̇ам̣ на ан̃н̃ааси – ‘вад̇хаго мз’д̇и. яад̣̇ааби со убадтахад̇и буб̣б̣удтааяий бажчаанибаад̇ий гим̣гаарабадиссаавий манаабажаарий бияаваад̣̇ий, д̇ад̣̇ааби со вад̇хагова. вад̇хаган̃жа бана санд̇ам̣ на ан̃н̃ааси – ‘вад̇хаго мз’д̇и. яад̣̇ааби нам̣ рахог̇ад̇ам̣ вид̣̇ид̇ваа д̇ин̣хзна сад̇т̇зна ж̇ийвид̇аа воробзд̇и, д̇ад̣̇ааби со вад̇хагова. вад̇хаган̃жа бана санд̇ам̣ на ан̃н̃ааси – ‘вад̇хаго мз’’’д̇и. ‘‘звамаавусо’’д̇и. ‘‘звамзва ко, аавусо, ассуд̇аваа бут̇уж̇ж̇ано арияаанам̣ ад̣̇ассаавий арияад̇хаммасса аговид̣̇о арияад̇хаммз авинийд̇о, саббурисаанам̣ ад̣̇ассаавий саббурисад̇хаммасса аговид̣̇о саббурисад̇хаммз авинийд̇о руубам̣ ад̇д̇ад̇о саманубассад̇и, руубаванд̇ам̣ ваа ад̇д̇аанам̣; ад̇д̇ани ваа руубам̣, руубасмим̣ ваа ад̇д̇аанам̣. взд̣̇анам̣… сан̃н̃ам̣… сан̇каарз… вин̃н̃аан̣ам̣ ад̇д̇ад̇о саманубассад̇и, вин̃н̃аан̣аванд̇ам̣ ваа ад̇д̇аанам̣; ад̇д̇ани ваа вин̃н̃аан̣ам̣, вин̃н̃аан̣асмим̣ ваа ад̇д̇аанам̣’’.
‘‘Taṃ kiṃ maññasi, āvuso yamaka, yadā hi so puriso amuṃ gahapatiṃ vā gahapatiputtaṃ vā upasaṅkamitvā evaṃ āha – ‘upaṭṭhaheyyaṃ taṃ, bhante’ti, tadāpi so vadhakova. Vadhakañca pana santaṃ na aññāsi – ‘vadhako me’ti. Yadāpi so upaṭṭhahati pubbuṭṭhāyī pacchānipātī kiṃkārapaṭissāvī manāpacārī piyavādī, tadāpi so vadhakova. Vadhakañca pana santaṃ na aññāsi – ‘vadhako me’ti. Yadāpi naṃ rahogataṃ viditvā tiṇhena satthena jīvitā voropeti, tadāpi so vadhakova. Vadhakañca pana santaṃ na aññāsi – ‘vadhako me’’’ti. ‘‘Evamāvuso’’ti. ‘‘Evameva kho, āvuso, assutavā puthujjano ariyānaṃ adassāvī ariyadhammassa akovido ariyadhamme avinīto, sappurisānaṃ adassāvī sappurisadhammassa akovido sappurisadhamme avinīto rūpaṃ attato samanupassati, rūpavantaṃ vā attānaṃ; attani vā rūpaṃ, rūpasmiṃ vā attānaṃ. Vedanaṃ… saññaṃ… saṅkhāre… viññāṇaṃ attato samanupassati, viññāṇavantaṃ vā attānaṃ; attani vā viññāṇaṃ, viññāṇasmiṃ vā attānaṃ’’.
‘‘со анижжам̣ руубам̣ ‘анижжам̣ рууба’нд̇и яат̇аабхууд̇ам̣ наббаж̇аанаад̇и. анижжам̣ взд̣̇анам̣ ‘анижжаа взд̣̇анаа’д̇и яат̇аабхууд̇ам̣ наббаж̇аанаад̇и. анижжам̣ сан̃н̃ам̣ ‘анижжаа сан̃н̃аа’д̇и яат̇аабхууд̇ам̣ наббаж̇аанаад̇и. анижжз сан̇каарз ‘анижжаа сан̇каараа’д̇и яат̇аабхууд̇ам̣ наббаж̇аанаад̇и. анижжам̣ вин̃н̃аан̣ам̣ ‘анижжам̣ вин̃н̃аан̣а’нд̇и яат̇аабхууд̇ам̣ наббаж̇аанаад̇и.
‘‘So aniccaṃ rūpaṃ ‘aniccaṃ rūpa’nti yathābhūtaṃ nappajānāti. Aniccaṃ vedanaṃ ‘aniccā vedanā’ti yathābhūtaṃ nappajānāti. Aniccaṃ saññaṃ ‘aniccā saññā’ti yathābhūtaṃ nappajānāti. Anicce saṅkhāre ‘aniccā saṅkhārā’ti yathābhūtaṃ nappajānāti. Aniccaṃ viññāṇaṃ ‘aniccaṃ viññāṇa’nti yathābhūtaṃ nappajānāti.
‘‘д̣̇угкам̣ руубам̣ ‘д̣̇угкам̣ рууба’нд̇и яат̇аабхууд̇ам̣ наббаж̇аанаад̇и. д̣̇угкам̣ взд̣̇анам̣… д̣̇угкам̣ сан̃н̃ам̣… д̣̇угкз сан̇каарз… д̣̇угкам̣ вин̃н̃аан̣ам̣ ‘д̣̇угкам̣ вин̃н̃аан̣а’нд̇и яат̇аабхууд̇ам̣ наббаж̇аанаад̇и.
‘‘Dukkhaṃ rūpaṃ ‘dukkhaṃ rūpa’nti yathābhūtaṃ nappajānāti. Dukkhaṃ vedanaṃ… dukkhaṃ saññaṃ… dukkhe saṅkhāre… dukkhaṃ viññāṇaṃ ‘dukkhaṃ viññāṇa’nti yathābhūtaṃ nappajānāti.
‘‘анад̇д̇ам̣ руубам̣ ‘анад̇д̇аа рууба’нд̇и яат̇аабхууд̇ам̣ наббаж̇аанаад̇и. анад̇д̇ам̣ взд̣̇анам̣… анад̇д̇ам̣ сан̃н̃ам̣… анад̇д̇з сан̇каарз… анад̇д̇ам̣ вин̃н̃аан̣ам̣ ‘анад̇д̇ам̣ вин̃н̃аан̣а’нд̇и яат̇аабхууд̇ам̣ наббаж̇аанаад̇и.
‘‘Anattaṃ rūpaṃ ‘anattā rūpa’nti yathābhūtaṃ nappajānāti. Anattaṃ vedanaṃ… anattaṃ saññaṃ… anatte saṅkhāre… anattaṃ viññāṇaṃ ‘anattaṃ viññāṇa’nti yathābhūtaṃ nappajānāti.
‘‘сан̇кад̇ам̣ руубам̣ ‘сан̇кад̇ам̣ рууба’нд̇и яат̇аабхууд̇ам̣ наббаж̇аанаад̇и. сан̇кад̇ам̣ взд̣̇анам̣… сан̇кад̇ам̣ сан̃н̃ам̣… сан̇кад̇з сан̇каарз… сан̇кад̇ам̣ вин̃н̃аан̣ам̣ ‘сан̇кад̇ам̣ вин̃н̃аан̣а’нд̇и яат̇аабхууд̇ам̣ наббаж̇аанаад̇и.
‘‘Saṅkhataṃ rūpaṃ ‘saṅkhataṃ rūpa’nti yathābhūtaṃ nappajānāti. Saṅkhataṃ vedanaṃ… saṅkhataṃ saññaṃ… saṅkhate saṅkhāre… saṅkhataṃ viññāṇaṃ ‘saṅkhataṃ viññāṇa’nti yathābhūtaṃ nappajānāti.
‘‘вад̇хагам̣ руубам̣ ‘вад̇хагам̣ рууба’нд̇и яат̇аабхууд̇ам̣ наббаж̇аанаад̇и. вад̇хагам̣ взд̣̇анам̣ ‘вад̇хагаа взд̣̇анаа’д̇и… вад̇хагам̣ сан̃н̃ам̣ ‘вад̇хагаа сан̃н̃аа’д̇и… вад̇хагз сан̇каарз ‘вад̇хагаа сан̇каараа’д̇и яат̇аабхууд̇ам̣ наббаж̇аанаад̇и. вад̇хагам̣ вин̃н̃аан̣ам̣ ‘вад̇хагам̣ вин̃н̃аан̣а’нд̇и яат̇аабхууд̇ам̣ наббаж̇аанаад̇и.
‘‘Vadhakaṃ rūpaṃ ‘vadhakaṃ rūpa’nti yathābhūtaṃ nappajānāti. Vadhakaṃ vedanaṃ ‘vadhakā vedanā’ti… vadhakaṃ saññaṃ ‘vadhakā saññā’ti… vadhake saṅkhāre ‘vadhakā saṅkhārā’ti yathābhūtaṃ nappajānāti. Vadhakaṃ viññāṇaṃ ‘vadhakaṃ viññāṇa’nti yathābhūtaṃ nappajānāti.
‘‘со руубам̣ убзд̇и убаад̣̇ияад̇и ад̇хидтаад̇и ‘ад̇д̇аа мз’д̇и. взд̣̇анам̣… сан̃н̃ам̣… сан̇каарз… вин̃н̃аан̣ам̣ убзд̇и убаад̣̇ияад̇и ад̇хидтаад̇и ‘ад̇д̇аа мз’д̇и. д̇ассимз бан̃жубаад̣̇аанагканд̇хаа убзд̇аа убаад̣̇иннаа д̣̇ийгхарад̇д̇ам̣ ахид̇ааяа д̣̇угкааяа сам̣вад̇д̇анд̇и.
‘‘So rūpaṃ upeti upādiyati adhiṭṭhāti ‘attā me’ti. Vedanaṃ… saññaṃ… saṅkhāre… viññāṇaṃ upeti upādiyati adhiṭṭhāti ‘attā me’ti. Tassime pañcupādānakkhandhā upetā upādinnā dīgharattaṃ ahitāya dukkhāya saṃvattanti.
‘‘суд̇аваа жа ко, аавусо, арияасааваго арияаанам̣ д̣̇ассаавий…бз… саббурисад̇хаммз сувинийд̇о на руубам̣ ад̇д̇ад̇о саманубассад̇и, на руубаванд̇ам̣ ад̇д̇аанам̣; на ад̇д̇ани руубам̣, на руубасмим̣ ад̇д̇аанам̣. на взд̣̇анам̣… на сан̃н̃ам̣… на сан̇каарз… на вин̃н̃аан̣ам̣ ад̇д̇ад̇о саманубассад̇и, на вин̃н̃аан̣аванд̇ам̣ ад̇д̇аанам̣; на ад̇д̇ани вин̃н̃аан̣ам̣, на вин̃н̃аан̣асмим̣ ад̇д̇аанам̣.
‘‘Sutavā ca kho, āvuso, ariyasāvako ariyānaṃ dassāvī…pe… sappurisadhamme suvinīto na rūpaṃ attato samanupassati, na rūpavantaṃ attānaṃ; na attani rūpaṃ, na rūpasmiṃ attānaṃ. Na vedanaṃ… na saññaṃ… na saṅkhāre… na viññāṇaṃ attato samanupassati, na viññāṇavantaṃ attānaṃ; na attani viññāṇaṃ, na viññāṇasmiṃ attānaṃ.
‘‘со анижжам̣ руубам̣ ‘анижжам̣ рууба’нд̇и яат̇аабхууд̇ам̣ баж̇аанаад̇и. анижжам̣ взд̣̇анам̣ … анижжам̣ сан̃н̃ам̣… анижжз сан̇каарз … анижжам̣ вин̃н̃аан̣ам̣ ‘анижжам̣ вин̃н̃аан̣а’нд̇и яат̇аабхууд̇ам̣ баж̇аанаад̇и.
‘‘So aniccaṃ rūpaṃ ‘aniccaṃ rūpa’nti yathābhūtaṃ pajānāti. Aniccaṃ vedanaṃ … aniccaṃ saññaṃ… anicce saṅkhāre … aniccaṃ viññāṇaṃ ‘aniccaṃ viññāṇa’nti yathābhūtaṃ pajānāti.
‘‘д̣̇угкам̣ руубам̣ ‘д̣̇угкам̣ рууба’нд̇и яат̇аабхууд̇ам̣ баж̇аанаад̇и. д̣̇угкам̣ взд̣̇анам̣… д̣̇угкам̣ сан̃н̃ам̣… д̣̇угкз сан̇каарз… д̣̇угкам̣ вин̃н̃аан̣ам̣ ‘д̣̇угкам̣ вин̃н̃аан̣а’нд̇и яат̇аабхууд̇ам̣ баж̇аанаад̇и.
‘‘Dukkhaṃ rūpaṃ ‘dukkhaṃ rūpa’nti yathābhūtaṃ pajānāti. Dukkhaṃ vedanaṃ… dukkhaṃ saññaṃ… dukkhe saṅkhāre… dukkhaṃ viññāṇaṃ ‘dukkhaṃ viññāṇa’nti yathābhūtaṃ pajānāti.
‘‘анад̇д̇ам̣ руубам̣ ‘анад̇д̇аа рууба’нд̇и яат̇аабхууд̇ам̣ баж̇аанаад̇и. анад̇д̇ам̣ взд̣̇анам̣… анад̇д̇ам̣ сан̃н̃ам̣… анад̇д̇з сан̇каарз… анад̇д̇ам̣ вин̃н̃аан̣ам̣ ‘анад̇д̇аа вин̃н̃аан̣а’нд̇и яат̇аабхууд̇ам̣ баж̇аанаад̇и.
‘‘Anattaṃ rūpaṃ ‘anattā rūpa’nti yathābhūtaṃ pajānāti. Anattaṃ vedanaṃ… anattaṃ saññaṃ… anatte saṅkhāre… anattaṃ viññāṇaṃ ‘anattā viññāṇa’nti yathābhūtaṃ pajānāti.
‘‘сан̇кад̇ам̣ руубам̣ ‘сан̇кад̇ам̣ рууба’нд̇и яат̇аабхууд̇ам̣ баж̇аанаад̇и. сан̇кад̇ам̣ взд̣̇анам̣… сан̇кад̇ам̣ сан̃н̃ам̣… сан̇кад̇з сан̇каарз… сан̇кад̇ам̣ вин̃н̃аан̣ам̣ ‘сан̇кад̇ам̣ вин̃н̃аан̣а’нд̇и яат̇аабхууд̇ам̣ баж̇аанаад̇и.
‘‘Saṅkhataṃ rūpaṃ ‘saṅkhataṃ rūpa’nti yathābhūtaṃ pajānāti. Saṅkhataṃ vedanaṃ… saṅkhataṃ saññaṃ… saṅkhate saṅkhāre… saṅkhataṃ viññāṇaṃ ‘saṅkhataṃ viññāṇa’nti yathābhūtaṃ pajānāti.
‘‘вад̇хагам̣ руубам̣ ‘вад̇хагам̣ рууба’нд̇и яат̇аабхууд̇ам̣ баж̇аанаад̇и. вад̇хагам̣ взд̣̇анам̣… вад̇хагам̣ сан̃н̃ам̣… вад̇хагз сан̇каарз ‘‘вад̇хагаа сан̇каараа’’д̇и яат̇аабхууд̇ам̣ баж̇аанаад̇и. вад̇хагам̣ вин̃н̃аан̣ам̣ ‘вад̇хагам̣ вин̃н̃аан̣а’нд̇и яат̇аабхууд̇ам̣ баж̇аанаад̇и.
‘‘Vadhakaṃ rūpaṃ ‘vadhakaṃ rūpa’nti yathābhūtaṃ pajānāti. Vadhakaṃ vedanaṃ… vadhakaṃ saññaṃ… vadhake saṅkhāre ‘‘vadhakā saṅkhārā’’ti yathābhūtaṃ pajānāti. Vadhakaṃ viññāṇaṃ ‘vadhakaṃ viññāṇa’nti yathābhūtaṃ pajānāti.
‘‘со руубам̣ на убзд̇и, на убаад̣̇ияад̇и, наад̇хидтаад̇и – ‘ад̇д̇аа мз’д̇и. взд̣̇анам̣… сан̃н̃ам̣… сан̇каарз… вин̃н̃аан̣ам̣ на убзд̇и, на убаад̣̇ияад̇и, наад̇хидтаад̇и – ‘ад̇д̇аа мз’д̇и. д̇ассимз бан̃жубаад̣̇аанагканд̇хаа анубзд̇аа анубаад̣̇иннаа д̣̇ийгхарад̇д̇ам̣ хид̇ааяа сукааяа сам̣вад̇д̇анд̇ий’’д̇и. ‘‘звамзд̇ам̣, аавусо саарибуд̇д̇а, ход̇и язсам̣ ааяасманд̇аанам̣ д̇аад̣̇исаа саб̣рахмажаарино анугамбагаа ад̇т̇агаамаа оваад̣̇агаа анусаасагаа. ид̣̇ан̃жа бана мз ааяасмад̇о саарибуд̇д̇асса д̇хаммад̣̇зсанам̣ суд̇ваа анубаад̣̇ааяа аасавзхи жид̇д̇ам̣ вимуд̇д̇а’’нд̇и. д̇ад̇ияам̣.
‘‘So rūpaṃ na upeti, na upādiyati, nādhiṭṭhāti – ‘attā me’ti. Vedanaṃ… saññaṃ… saṅkhāre… viññāṇaṃ na upeti, na upādiyati, nādhiṭṭhāti – ‘attā me’ti. Tassime pañcupādānakkhandhā anupetā anupādinnā dīgharattaṃ hitāya sukhāya saṃvattantī’’ti. ‘‘Evametaṃ, āvuso sāriputta, hoti yesaṃ āyasmantānaṃ tādisā sabrahmacārino anukampakā atthakāmā ovādakā anusāsakā. Idañca pana me āyasmato sāriputtassa dhammadesanaṃ sutvā anupādāya āsavehi cittaṃ vimutta’’nti. Tatiyaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 3. яамагасуд̇д̇аван̣н̣анаа • 3. Yamakasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 3. яамагасуд̇д̇аван̣н̣анаа • 3. Yamakasuttavaṇṇanā
