| Library / Tipiṭaka / д̇ибидага • Tipiṭaka / махааваг̇г̇а-адтагат̇аа • Mahāvagga-aṭṭhakathā |
яаанаад̣̇ибадигкзбагат̇аа
Yānādipaṭikkhepakathā
253. ид̇т̇ияуд̇д̇знаад̇и д̇хзнуяуд̇д̇зна. бурисанд̇арзнаад̇и бурисасаарат̇инаа. бурисаяуд̇д̇знаад̇и г̇он̣аяуд̇д̇зна. ид̇т̇анд̇арзнаад̇и ид̇т̇исаарат̇инаа. г̇ан̇г̇аамахияааяаад̇и г̇ан̇г̇аамахагийл̣игааяа. бурисаяуд̇д̇ам̣ хад̇т̇аваддаганд̇и зд̇т̇а бурисаяуд̇д̇ам̣ ид̇т̇исаарат̇и ваа ход̇у, бурисасаарат̇и ваа ваддад̇и. хад̇т̇аваддагам̣ бана ид̇т̇ияо ваа ваддзнд̇у бурисаа ваа, ваддад̇иязва. яаануг̇гхаад̇знаад̇и яаанам̣ абхируханд̇асса саб̣б̣о гааяо жалад̇и д̇аббажжаяаа. сивиганд̇и бийтагасивигам̣. баадан̇гинд̇и вам̣сз лаг̇г̇зд̇ваа гад̇ам̣ бадабод̇алигам̣.
253.Itthiyuttenāti dhenuyuttena. Purisantarenāti purisasārathinā. Purisayuttenāti goṇayuttena. Itthantarenāti itthisārathinā. Gaṅgāmahiyāyāti gaṅgāmahakīḷikāya. Purisayuttaṃ hatthavaṭṭakanti ettha purisayuttaṃ itthisārathi vā hotu, purisasārathi vā vaṭṭati. Hatthavaṭṭakaṃ pana itthiyo vā vaṭṭentu purisā vā, vaṭṭatiyeva. Yānugghātenāti yānaṃ abhiruhantassa sabbo kāyo calati tappaccayā. Sivikanti pīṭhakasivikaṃ. Pāṭaṅkinti vaṃse laggetvā kataṃ paṭapotalikaṃ.
254. ужжаасаяанамахаасаяананаанийд̇и зд̇т̇а ужжаасаяананд̇и бамаан̣аад̇игганд̇ам̣ ман̃жам̣. махаасаяананд̇и агаббияад̇т̇аран̣ам̣, аасанд̣̇ийаад̣̇ийсу аасанд̣̇ийд̇и бамаан̣аад̇игганд̇аасанам̣. баллан̇год̇и баад̣̇зсу ваал̣аруубаани табзд̇ваа гад̇о. г̇онагод̇и д̣̇ийгхаломаго махаагож̇аво; жад̇уран̇г̇улаад̇хигаани гира д̇асса ломаани. жид̇д̇агаад̇и ваанажид̇ро ун̣н̣аамаяад̇т̇аран̣о. бадигаад̇и ун̣н̣аамаяо сзд̇ад̇т̇аран̣о. бадалигаад̇и гханабубпаго ун̣н̣аамаяалохид̇ад̇т̇аран̣о; яо аамалагабаддод̇иби вужжад̇и. д̇уулигаад̇и багад̇ид̇уулигааязва. вигад̇игаад̇и сийхаб̣яаг̇гхаад̣̇ируубавижид̇ро ун̣н̣аамаяад̇т̇аран̣о. уд̣̇д̣̇аломийд̇и згад̇о уг̇г̇ад̇аломам̣ ун̣н̣аамаяад̇т̇аран̣ам̣; ‘‘уд̣̇д̇халомий’’д̇иби баато. зганд̇аломийд̇и убхад̇о уг̇г̇ад̇аломам̣ ун̣н̣аамаяад̇т̇аран̣ам̣. гаддиссанд̇и рад̇анабарисиб̣б̣ид̇ам̣ госзяяагаддиссамаяам̣ бажжад̇т̇аран̣ам̣ . госзяяанд̇и рад̇анабарисиб̣б̣ид̇ам̣ госияасуд̇д̇амаяам̣ бажжад̇т̇аран̣ам̣; суд̣̇д̇хагосзяяам̣ бана ваддад̇и.
254.Uccāsayanamahāsayananānīti ettha uccāsayananti pamāṇātikkantaṃ mañcaṃ. Mahāsayananti akappiyattharaṇaṃ, āsandīādīsu āsandīti pamāṇātikkantāsanaṃ. Pallaṅkoti pādesu vāḷarūpāni ṭhapetvā kato. Gonakoti dīghalomako mahākojavo; caturaṅgulādhikāni kira tassa lomāni. Cittakāti vānacitro uṇṇāmayattharaṇo. Paṭikāti uṇṇāmayo setattharaṇo. Paṭalikāti ghanapupphako uṇṇāmayalohitattharaṇo; yo āmalakapaṭṭotipi vuccati. Tūlikāti pakatitūlikāyeva. Vikatikāti sīhabyagghādirūpavicitro uṇṇāmayattharaṇo. Uddalomīti ekato uggatalomaṃ uṇṇāmayattharaṇaṃ; ‘‘uddhalomī’’tipi pāṭho. Ekantalomīti ubhato uggatalomaṃ uṇṇāmayattharaṇaṃ. Kaṭṭissanti ratanaparisibbitaṃ koseyyakaṭṭissamayaṃ paccattharaṇaṃ . Koseyyanti ratanaparisibbitaṃ kosiyasuttamayaṃ paccattharaṇaṃ; suddhakoseyyaṃ pana vaṭṭati.
гуд̇д̇аганд̇и сол̣асаннам̣ наадагид̇т̇ийнам̣ тад̇ваа нажжанаяог̇г̇ам̣ ун̣н̣аамаяаад̇т̇аран̣ам̣. хад̇т̇ад̇т̇араассад̇т̇араад̇и хад̇т̇иассабидтийсу ад̇т̇аран̣агаад̇т̇аран̣аа зва. рат̇ад̇т̇арзби зсзва наяо. аж̇инаббавзн̣ийд̇и аж̇инажаммзхи ман̃жаббамаан̣зна сиб̣б̣ид̇ваа гад̇аа бавзн̣ий. гад̣̇алиймиг̇абаварабажжад̇т̇аран̣анд̇и гад̣̇алиймиг̇ажаммам̣ наама ад̇т̇и, д̇зна гад̇ам̣ баварабажжад̇т̇аран̣ам̣, уд̇д̇амабажжад̇т̇аран̣анд̇и ад̇т̇о. д̇ам̣ гира сзд̇авад̇т̇асса убари гад̣̇алиймиг̇ажаммам̣ бад̇т̇арид̇ваа сиб̣б̣ид̇ваа гаронд̇и. сауд̇д̇аражчад̣̇анд̇и саха уд̇д̇аражчад̣̇анзна; убариб̣ад̣̇д̇хзна рад̇д̇авид̇аанзна сад̣̇д̇хинд̇и ад̇т̇о . сзд̇авид̇аанамби хздтаа агаббияабажжад̇т̇аран̣з сад̇и на ваддад̇и, асад̇и бана ваддад̇и. убхад̇олохид̇агуубад̇хаананд̇и сийсуубад̇хаанан̃жа баад̣̇уубад̇хаанан̃жаад̇и ман̃жасса убхад̇олохид̇агуубад̇хаанам̣, зд̇ам̣ на габбад̇и. яам̣ бана згамзва убад̇хаанам̣ убхосу бассзсу рад̇д̇ам̣ ваа ход̇и, бад̣̇умаван̣н̣ам̣ ваа жид̇рам̣ ваа, сажз бамаан̣аяуд̇д̇ам̣, ваддад̇и. махааубад̇хаанам̣ бана бадигкид̇д̇ам̣.
Kuttakanti soḷasannaṃ nāṭakitthīnaṃ ṭhatvā naccanayoggaṃ uṇṇāmayaattharaṇaṃ. Hatthattharaassattharāti hatthiassapiṭṭhīsu attharaṇakaattharaṇā eva. Rathattharepi eseva nayo. Ajinappaveṇīti ajinacammehi mañcappamāṇena sibbitvā katā paveṇī. Kadalīmigapavarapaccattharaṇanti kadalīmigacammaṃ nāma atthi, tena kataṃ pavarapaccattharaṇaṃ, uttamapaccattharaṇanti attho. Taṃ kira setavatthassa upari kadalīmigacammaṃ pattharitvā sibbitvā karonti. Sauttaracchadanti saha uttaracchadanena; uparibaddhena rattavitānena saddhinti attho . Setavitānampi heṭṭhā akappiyapaccattharaṇe sati na vaṭṭati, asati pana vaṭṭati. Ubhatolohitakūpadhānanti sīsūpadhānañca pādūpadhānañcāti mañcassa ubhatolohitakūpadhānaṃ, etaṃ na kappati. Yaṃ pana ekameva upadhānaṃ ubhosu passesu rattaṃ vā hoti, padumavaṇṇaṃ vā citraṃ vā, sace pamāṇayuttaṃ, vaṭṭati. Mahāupadhānaṃ pana paṭikkhittaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi
153. яаанаад̣̇ибадигкзбо • 153. Yānādipaṭikkhepo
154. ужжаасаяанамахаасаяанабадигкзбо • 154. Uccāsayanamahāsayanapaṭikkhepo
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā
яаанаад̣̇ибадигкзбагат̇ааван̣н̣анаа • Yānādipaṭikkhepakathāvaṇṇanā
ужжаасаяанамахаасаяанабадигкзбагат̇ааван̣н̣анаа • Uccāsayanamahāsayanapaṭikkhepakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / яаанаад̣̇ибадигкзбагат̇ааван̣н̣анаа • Yānādipaṭikkhepakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / аж̇жхаараамзубааханабадигкзбагат̇аад̣̇иван̣н̣анаа • Ajjhārāmeupāhanapaṭikkhepakathādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi
153. яаанаад̣̇ибадигкзбагат̇аа • 153. Yānādipaṭikkhepakathā
154. ужжаасаяанамахаасаяанабадигкзбагат̇аа • 154. Uccāsayanamahāsayanapaṭikkhepakathā
