| Library / Tipiṭaka / д̇ибидага • Tipiṭaka / абад̣̇аанабаал̣и • Apadānapāḷi |
56. яасаваг̇г̇о
56. Yasavaggo
1. яасад̇т̇зраабад̣̇аанам̣
1. Yasattheraapadānaṃ
1.
1.
‘‘махаасамуд̣̇д̣̇ам̣ ог̇г̇аяха, бхаванам̣ мз суниммид̇ам̣;
‘‘Mahāsamuddaṃ oggayha, bhavanaṃ me sunimmitaṃ;
суниммид̇аа богкаран̣ий, жаггаваагуубагууж̇ид̇аа.
Sunimmitā pokkharaṇī, cakkavākūpakūjitā.
2.
2.
‘‘манд̣̇аарагзхи сан̃чаннаа, бад̣̇умуббалагзхи жа;
‘‘Mandārakehi sañchannā, padumuppalakehi ca;
над̣̇ий жа санд̣̇ад̇з д̇ад̇т̇а, субад̇ид̇т̇аа манорамаа.
Nadī ca sandate tattha, supatitthā manoramā.
3.
3.
‘‘мажчагажчабасан̃чаннаа, наанаад̣̇иж̇асамод̇т̇адаа 1;
‘‘Macchakacchapasañchannā, nānādijasamotthaṭā 2;
маяуурагон̃жаабхируд̣̇аа, гогилаад̣̇ийхи ваг̇г̇ухи.
Mayūrakoñcābhirudā, kokilādīhi vagguhi.
4.
4.
‘‘баарзвад̇аа равихам̣саа, жаггаваагаа над̣̇ийжараа;
‘‘Pārevatā ravihaṃsā, cakkavākā nadīcarā;
д̇ид̇д̇ираа саал̣игаа жзд̇т̇а, баавагаа 3 ж̇ийвам̣ж̇ийвагаа.
Tittirā sāḷikā cettha, pāvakā 4 jīvaṃjīvakā.
5.
5.
‘‘хам̣саагон̃жаабхинад̣̇ид̇аа, госияаа бин̇г̇алаа 5 б̣ахуу;
‘‘Haṃsākoñcābhinaditā, kosiyā piṅgalā 6 bahū;
сад̇д̇арад̇анасамбаннаа, ман̣имуд̇д̇абаваал̣игаа.
Sattaratanasampannā, maṇimuttapavāḷikā.
6.
6.
‘‘саб̣б̣з сон̣н̣амаяаа ругкаа, наанааканд̇хасамзрид̇аа;
‘‘Sabbe soṇṇamayā rukkhā, nānākhandhasameritā;
уж̇ж̇од̇знд̇и д̣̇иваарад̇д̇им̣, бхаванам̣ саб̣б̣агаалигам̣.
Ujjotenti divārattiṃ, bhavanaṃ sabbakālikaṃ.
7.
7.
‘‘садтид̇урияасахассаани, сааяам̣ баад̇о баваж̇ж̇арз;
‘‘Saṭṭhituriyasahassāni, sāyaṃ pāto pavajjare;
сол̣асид̇т̇исахассаани, бариваарзнд̇и мам̣ сад̣̇аа.
Soḷasitthisahassāni, parivārenti maṃ sadā.
8.
8.
‘‘абхинигкамма бхаванаа, сумзд̇хам̣ логанааяагам̣;
‘‘Abhinikkhamma bhavanā, sumedhaṃ lokanāyakaṃ;
басаннажид̇д̇о сумано, ванд̣̇аяим̣ д̇ам̣ 7 махааяасам̣.
Pasannacitto sumano, vandayiṃ taṃ 8 mahāyasaṃ.
9.
9.
‘‘самб̣уд̣̇д̇хам̣ абхиваад̣̇зд̇ваа, сасан̇гхам̣ д̇ам̣ ниманд̇аяим̣;
‘‘Sambuddhaṃ abhivādetvā, sasaṅghaṃ taṃ nimantayiṃ;
ад̇хиваасзси со д̇хийро, сумзд̇хо логанааяаго.
Adhivāsesi so dhīro, sumedho lokanāyako.
10.
10.
‘‘мама д̇хаммагат̇ам̣ гад̇ваа, уяяож̇зси махаамуни;
‘‘Mama dhammakathaṃ katvā, uyyojesi mahāmuni;
самб̣уд̣̇д̇хам̣ абхиваад̣̇зд̇ваа, бхаванам̣ мз убааг̇амим̣.
Sambuddhaṃ abhivādetvā, bhavanaṃ me upāgamiṃ.
11.
11.
‘‘ааманд̇аяим̣ бариж̇анам̣, саб̣б̣з саннибад̇ум̣ д̇ад̣̇аа;
‘‘Āmantayiṃ parijanaṃ, sabbe sannipatuṃ tadā;
‘буб̣б̣ан̣хасамаяам̣ б̣уд̣̇д̇хо, бхаванам̣ ааг̇амиссад̇и’.
‘Pubbaṇhasamayaṃ buddho, bhavanaṃ āgamissati’.
12.
12.
‘‘‘лаабхаа амхам̣ сулад̣̇д̇хаа но, яз васаама д̇аванд̇игз;
‘‘‘Lābhā amhaṃ suladdhā no, ye vasāma tavantike;
маяамби б̣уд̣̇д̇хасздтасса, бууж̇аяиссаама сад̇т̇уно’.
Mayampi buddhaseṭṭhassa, pūjayissāma satthuno’.
13.
13.
‘‘аннам̣ баанам̣ бадтабзд̇ваа, гаалам̣ аарожаяим̣ ахам̣;
‘‘Annaṃ pānaṃ paṭṭhapetvā, kālaṃ ārocayiṃ ahaṃ;
васийсад̇асахассзхи, убзси логанааяаго.
Vasīsatasahassehi, upesi lokanāyako.
14.
14.
‘‘бан̃жан̇г̇игзхи д̇уриязхи, бажжуг̇г̇амамагаасахам̣;
‘‘Pañcaṅgikehi turiyehi, paccuggamamakāsahaṃ;
саб̣б̣асон̣н̣амаяз бийтз, нисийд̣̇и бурисуд̇д̇амо.
Sabbasoṇṇamaye pīṭhe, nisīdi purisuttamo.
15.
15.
‘‘убарижчад̣̇анам̣ ааси, саб̣б̣асон̣н̣амаяам̣ д̇ад̣̇аа;
‘‘Uparicchadanaṃ āsi, sabbasoṇṇamayaṃ tadā;
б̣ийж̇анийяо бавааяанд̇и, бхигкусан̇гхам̣ ануд̇д̇арам̣.
Bījanīyo pavāyanti, bhikkhusaṅghaṃ anuttaraṃ.
16.
16.
‘‘бахууд̇знаннабаанзна, бхигкусан̇гхам̣ ад̇аббаяим̣;
‘‘Pahūtenannapānena, bhikkhusaṅghaṃ atappayiṃ;
бажжзгад̣̇уссаяуг̇алз, бхигкусан̇гхассад̣̇аасахам̣.
Paccekadussayugale, bhikkhusaṅghassadāsahaṃ.
17.
17.
‘‘яам̣ вад̣̇зд̇и сумзд̇хо со, аахуд̇ийнам̣ бадиг̇г̇ахо;
‘‘Yaṃ vadeti sumedho so, āhutīnaṃ paṭiggaho;
бхигкусан̇гхз нисийд̣̇ид̇ваа, имаа г̇аат̇аа абхаасат̇а.
Bhikkhusaṅghe nisīditvā, imā gāthā abhāsatha.
18.
18.
‘‘‘яо мам̣ аннзна баанзна, саб̣б̣з имз жа д̇аббаяи;
‘‘‘Yo maṃ annena pānena, sabbe ime ca tappayi;
д̇амахам̣ гид̇д̇аяиссаами, сун̣аат̇а мама бхаасад̇о.
Tamahaṃ kittayissāmi, suṇātha mama bhāsato.
19.
19.
‘‘‘адтаарасз габбасад̇з, д̣̇звалогз рамиссад̇и;
‘‘‘Aṭṭhārase kappasate, devaloke ramissati;
сахассагкад̇д̇ум̣ рааж̇ааяам̣, жаггавад̇д̇ий бхависсад̇и.
Sahassakkhattuṃ rājāyaṃ, cakkavattī bhavissati.
20.
20.
‘‘‘убаг̇ажчад̇и яам̣ яоним̣, д̣̇звад̇д̇ам̣ ат̇а маанусам̣;
‘‘‘Upagacchati yaṃ yoniṃ, devattaṃ atha mānusaṃ;
саб̣б̣асон̣н̣амаяам̣ д̇асса, чад̣̇анам̣ д̇хаараяиссад̇и.
Sabbasoṇṇamayaṃ tassa, chadanaṃ dhārayissati.
21.
21.
‘‘‘д̇им̣сагаббасахассамхи, оггаагагуласамбхаво;
‘‘‘Tiṃsakappasahassamhi, okkākakulasambhavo;
г̇од̇амо наама г̇од̇д̇зна, сад̇т̇аа логз бхависсад̇и.
Gotamo nāma gottena, satthā loke bhavissati.
22.
22.
‘‘‘д̇асса д̇хаммзсу д̣̇ааяаад̣̇о, орасо д̇хамманиммид̇о;
‘‘‘Tassa dhammesu dāyādo, oraso dhammanimmito;
саб̣б̣аасавз барин̃н̃ааяа, ниб̣б̣ааяиссад̇инаасаво.
Sabbāsave pariññāya, nibbāyissatināsavo.
23.
23.
‘‘‘бхигкусан̇гхз нисийд̣̇ид̇ваа, сийханаад̣̇ам̣ над̣̇иссад̇и’;
‘‘‘Bhikkhusaṅghe nisīditvā, sīhanādaṃ nadissati’;
жид̇агз чад̇д̇ам̣ д̇хаарзнд̇и, хздтаа чад̇д̇амхи д̣аяхат̇а.
Citake chattaṃ dhārenti, heṭṭhā chattamhi ḍayhatha.
24.
24.
‘‘сааман̃н̃ам̣ мз ануббад̇д̇ам̣, гилзсаа жхаабид̇аа маяаа;
‘‘Sāmaññaṃ me anuppattaṃ, kilesā jhāpitā mayā;
ман̣д̣абз ругкамуулз ваа, санд̇аасо мз на виж̇ж̇ад̇и.
Maṇḍape rukkhamūle vā, santāso me na vijjati.
25.
25.
‘‘д̇им̣сагаббасахассамхи, яам̣ д̣̇аанамад̣̇ад̣̇им̣ д̇ад̣̇аа;
‘‘Tiṃsakappasahassamhi, yaṃ dānamadadiṃ tadā;
д̣̇уг̇г̇ад̇им̣ наабхиж̇аанаами, саб̣б̣ад̣̇аанассид̣̇ам̣ палам̣.
Duggatiṃ nābhijānāmi, sabbadānassidaṃ phalaṃ.
26.
26.
‘‘гилзсаа жхаабид̇аа маяхам̣, бхаваа саб̣б̣з самуухад̇аа;
‘‘Kilesā jhāpitā mayhaṃ, bhavā sabbe samūhatā;
нааг̇ова б̣анд̇ханам̣ чзд̇ваа, вихараами анаасаво.
Nāgova bandhanaṃ chetvā, viharāmi anāsavo.
27.
27.
‘‘свааг̇ад̇ам̣ вад̇а мз ааси, мама б̣уд̣̇д̇хасса санд̇игз;
‘‘Svāgataṃ vata me āsi, mama buddhassa santike;
д̇иссо виж̇ж̇аа ануббад̇д̇аа, гад̇ам̣ б̣уд̣̇д̇хасса саасанам̣.
Tisso vijjā anuppattā, kataṃ buddhassa sāsanaṃ.
28.
28.
‘‘бадисамбхид̣̇аа жад̇ассо, вимогкааби жа адтимз;
‘‘Paṭisambhidā catasso, vimokkhāpi ca aṭṭhime;
чал̣абхин̃н̃аа сажчигад̇аа, гад̇ам̣ б̣уд̣̇д̇хасса саасанам̣’’.
Chaḷabhiññā sacchikatā, kataṃ buddhassa sāsanaṃ’’.
ид̇т̇ам̣ суд̣̇ам̣ ааяасмаа яасо т̇зро имаа г̇аат̇ааяо абхаасид̇т̇аад̇и.
Itthaṃ sudaṃ āyasmā yaso thero imā gāthāyo abhāsitthāti.
яасад̇т̇зрассаабад̣̇аанам̣ батамам̣.
Yasattherassāpadānaṃ paṭhamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / абад̣̇аана-адтагат̇аа • Apadāna-aṭṭhakathā / 1. яасад̇т̇зраабад̣̇аанаван̣н̣анаа • 1. Yasattheraapadānavaṇṇanā
