| Library / Tipiṭaka / д̇ибидага • Tipiṭaka / абад̣̇аанабаал̣и • Apadānapāḷi |
4. кад̇д̇ияааваг̇г̇о
4. Khattiyāvaggo
1. яасавад̇ийбамукаадтаарасабхигкунийсахассаабад̣̇аанам̣
1. Yasavatīpamukhaaṭṭhārasabhikkhunīsahassaapadānaṃ
1.
1.
‘‘бхаваа саб̣б̣з баригкийн̣аа, бхаваа санд̇и виможид̇аа;
‘‘Bhavā sabbe parikkhīṇā, bhavā santi vimocitā;
саб̣б̣аасаваа жа но над̇т̇и, аарожзма махаамунз.
Sabbāsavā ca no natthi, ārocema mahāmune.
2.
2.
‘‘буримам̣ гусалам̣ гаммам̣ 1, яам̣ гин̃жи саад̇хубад̇т̇ид̇ам̣;
‘‘Purimaṃ kusalaṃ kammaṃ 2, yaṃ kiñci sādhupatthitaṃ;
барибхог̇амаяам̣ д̣̇иннам̣, д̇уяхад̇т̇ааяа махаамунз.
Paribhogamayaṃ dinnaṃ, tuyhatthāya mahāmune.
3.
3.
‘‘б̣уд̣̇д̇хабажжзгаб̣уд̣̇д̇хаанам̣, саавагаанан̃жа бад̇т̇ид̇ам̣ 3;
‘‘Buddhapaccekabuddhānaṃ, sāvakānañca patthitaṃ 4;
барибхог̇амаяам̣ д̣̇иннам̣, д̇уяхад̇т̇ааяа махаамунз.
Paribhogamayaṃ dinnaṃ, tuyhatthāya mahāmune.
4.
4.
‘‘ужжанийжамаяам̣ гаммам̣, бхигкуунам̣ саад̇хубад̇т̇ид̇ам̣;
‘‘Uccanīcamayaṃ kammaṃ, bhikkhūnaṃ sādhupatthitaṃ;
5.
5.
‘‘д̇знзва суггамуулзна, жод̣̇ид̇аа гаммасамбад̣̇аа;
‘‘Teneva sukkamūlena, coditā kammasampadā;
маанусигамад̇игганд̇аа, ж̇ааяим̣су кад̇д̇ияз гулз.
Mānusikamatikkantā, jāyiṃsu khattiye kule.
6.
6.
‘‘уббад̇д̇з жа гад̇з гаммз, ж̇аад̇ияаа вааби згад̇о;
‘‘Uppatte ca kate kamme, jātiyā vāpi ekato;
бажчимз згад̇о ж̇аад̇аа, кад̇д̇ияаа гуласамбхаваа.
Pacchime ekato jātā, khattiyā kulasambhavā.
7.
7.
‘‘руубавад̇ий бхог̇авад̇ий, лаабхасаггаарабууж̇ид̇аа;
‘‘Rūpavatī bhogavatī, lābhasakkārapūjitā;
анд̇збурз махаавийра, д̣̇зваанам̣ вияа нанд̣̇анз.
Antepure mahāvīra, devānaṃ viya nandane.
8.
8.
‘‘ниб̣б̣инд̣̇ид̇ваа аг̇аарамхаа, баб̣б̣аж̇имханаг̇аарияам̣;
‘‘Nibbinditvā agāramhā, pabbajimhanagāriyaṃ;
гад̇ибаахам̣ убаад̣̇ааяа, саб̣б̣аа бад̇д̇аамха ниб̣б̣уд̇им̣.
Katipāhaṃ upādāya, sabbā pattāmha nibbutiṃ.
9.
9.
‘‘жийварам̣ бин̣д̣абаад̇ан̃жа, бажжаяам̣ саяанаасанам̣;
‘‘Cīvaraṃ piṇḍapātañca, paccayaṃ sayanāsanaṃ;
убанзнд̇и б̣ахуу амхз, сад̣̇аа саггад̇абууж̇ид̇аа.
Upanenti bahū amhe, sadā sakkatapūjitā.
10.
10.
‘‘гилзсаа жхаабид̇аа амхам̣, бхаваа саб̣б̣з самуухад̇аа;
‘‘Kilesā jhāpitā amhaṃ, bhavā sabbe samūhatā;
нааг̇ийва б̣анд̇ханам̣ чзд̇ваа, вихараама анаасаваа.
Nāgīva bandhanaṃ chetvā, viharāma anāsavā.
11.
11.
‘‘свааг̇ад̇ам̣ вад̇а но ааси, мама б̣уд̣̇д̇хасса санд̇игз;
‘‘Svāgataṃ vata no āsi, mama buddhassa santike;
д̇иссо виж̇ж̇аа ануббад̇д̇аа, гад̇ам̣ б̣уд̣̇д̇хасса саасанам̣.
Tisso vijjā anuppattā, kataṃ buddhassa sāsanaṃ.
12.
12.
‘‘бадисамбхид̣̇аа жад̇ассо, вимогкааби жа адтимз;
‘‘Paṭisambhidā catasso, vimokkhāpi ca aṭṭhime;
чал̣абхин̃н̃аа сажчигад̇аа, гад̇ам̣ б̣уд̣̇д̇хасса саасанам̣’’.
Chaḷabhiññā sacchikatā, kataṃ buddhassa sāsanaṃ’’.
ид̇т̇ам̣ суд̣̇ам̣ яасавад̇ийбамукаани кад̇д̇ияаган̃н̃аабхигкунияо адтаарасасахассаани бхаг̇авад̇о саммукаа имаа г̇аат̇ааяо абхаасид̇т̇аад̇и.
Itthaṃ sudaṃ yasavatīpamukhāni khattiyakaññābhikkhuniyo aṭṭhārasasahassāni bhagavato sammukhā imā gāthāyo abhāsitthāti.
яасавад̇ийбамукаадтаарасабхигкунийсахассаабад̣̇аанам̣ батамам̣.
Yasavatīpamukhaaṭṭhārasabhikkhunīsahassāpadānaṃ paṭhamaṃ.
Footnotes:
