| Library / Tipiṭaka / д̇ибидага • Tipiṭaka / абад̣̇аанабаал̣и • Apadānapāḷi |
8. яасод̇хараат̇зрийабад̣̇аанам̣
8. Yasodharātherīapadānaṃ
314.
314.
згасмим̣ самаяз раммз, ид̣̇д̇хз рааж̇аг̇ахз бурз;
Ekasmiṃ samaye ramme, iddhe rājagahe pure;
баб̣бхаарамхи варзгамхи, васанд̇з наранааяагз.
Pabbhāramhi varekamhi, vasante naranāyake.
315.
315.
васанд̇ияаа д̇амхи наг̇арз, раммз бхигкунубассаяз;
Vasantiyā tamhi nagare, ramme bhikkhunupassaye;
яасод̇хараабхигкунияаа, звам̣ ааси вид̇аггид̇ам̣.
Yasodharābhikkhuniyā, evaṃ āsi vitakkitaṃ.
316.
316.
‘‘суд̣̇д̇ход̣̇ано махаарааж̇аа, г̇од̇амий жа баж̇аабад̇ий;
‘‘Suddhodano mahārājā, gotamī ca pajāpatī;
абхин̃н̃аад̇аа махаат̇зраа, т̇зрияо жа махид̣̇д̇хигаа.
Abhiññātā mahātherā, theriyo ca mahiddhikā.
317.
317.
‘‘санд̇им̣ г̇ад̇аава аасум̣ д̇з, д̣̇ийбажжийва нираасаваа;
‘‘Santiṃ gatāva āsuṃ te, dīpaccīva nirāsavā;
логанаат̇з д̇харанд̇зва, ахамби жа сивам̣ бад̣̇ам̣.
Lokanāthe dharanteva, ahampi ca sivaṃ padaṃ.
318.
318.
‘‘г̇амиссаамийд̇и жинд̇зд̇ваа, бассанд̇ий ааяумад̇д̇ано;
‘‘Gamissāmīti cintetvā, passantī āyumattano;
бассид̇ваа ааяусан̇каарам̣, д̇ад̣̇ахзва каяам̣ г̇ад̇ам̣.
Passitvā āyusaṅkhāraṃ, tadaheva khayaṃ gataṃ.
319.
319.
‘‘бад̇д̇ажийварамаад̣̇ааяа, нигкамид̇ваа сагассамаа;
‘‘Pattacīvaramādāya, nikkhamitvā sakassamā;
320.
320.
‘‘махид̣̇д̇хигаа махаабан̃н̃аа, самб̣уд̣̇д̇хам̣ убасан̇гами;
‘‘Mahiddhikā mahāpaññā, sambuddhaṃ upasaṅkami;
самб̣уд̣̇д̇хам̣ абхиваад̣̇зд̇ваа, сад̇т̇уно жаггалагкан̣з;
Sambuddhaṃ abhivādetvā, satthuno cakkalakkhaṇe;
нисиннаа згаманд̇амхи, ид̣̇ам̣ важанамаб̣рави.
Nisinnā ekamantamhi, idaṃ vacanamabravi.
321.
321.
‘‘‘адтасад̇д̇ад̇ивассаахам̣, бажчимо вад̇д̇ад̇з ваяо 3;
‘‘‘Aṭṭhasattativassāhaṃ, pacchimo vattate vayo 4;
баб̣бхаарамхи ануббад̇д̇аа, аарожзми махаамуни.
Pabbhāramhi anuppattā, ārocemi mahāmuni.
322.
322.
‘‘‘барибагго ваяо маяхам̣, барид̇д̇ам̣ мама ж̇ийвид̇ам̣;
‘‘‘Paripakko vayo mayhaṃ, parittaṃ mama jīvitaṃ;
бахааяа во г̇амиссаами, гад̇ам̣ мз саран̣амад̇д̇ано.
Pahāya vo gamissāmi, kataṃ me saraṇamattano.
323.
323.
‘‘‘ваяамхи бажчимз гаалз, маран̣ам̣ убаруд̣̇д̇хад̇и;
‘‘‘Vayamhi pacchime kāle, maraṇaṃ uparuddhati;
аж̇ж̇арад̇д̇им̣ махаавийра, баабун̣иссаами ниб̣б̣уд̇им̣.
Ajjarattiṃ mahāvīra, pāpuṇissāmi nibbutiṃ.
324.
324.
‘‘‘над̇т̇и ж̇аад̇и ж̇араа б̣яаад̇хи, маран̣ан̃жа махаамунз;
‘‘‘Natthi jāti jarā byādhi, maraṇañca mahāmune;
аж̇араамаран̣ам̣ бурам̣, г̇амиссаами асан̇кад̇ам̣.
Ajarāmaraṇaṃ puraṃ, gamissāmi asaṅkhataṃ.
325.
325.
‘‘‘яаавад̇аа барисаа наама, самубаасанд̇и сад̇т̇уно;
‘‘‘Yāvatā parisā nāma, samupāsanti satthuno;
326.
326.
‘‘‘сам̣сарид̇ваа жа сам̣саарз, калид̇ан̃жз мамам̣ д̇аяи;
‘‘‘Saṃsaritvā ca saṃsāre, khalitañce mamaṃ tayi;
аарожзми махаавийра, абараад̇хам̣ камассу мз’.
Ārocemi mahāvīra, aparādhaṃ khamassu me’.
327.
327.
‘‘суд̇ваана важанам̣ д̇ассаа, мунинд̣̇о ид̣̇амаб̣рави;
‘‘Sutvāna vacanaṃ tassā, munindo idamabravi;
‘гимуд̇д̇арам̣ д̇з вагкаами, ниб̣б̣аанааяа важ̇анд̇ияаа.
‘Kimuttaraṃ te vakkhāmi, nibbānāya vajantiyā.
328.
328.
‘‘‘ид̣̇д̇хин̃жааби нид̣̇ассзхи, мама саасанагааригз;
‘‘‘Iddhiñcāpi nidassehi, mama sāsanakārike;
барисаанан̃жа саб̣б̣аасам̣, ган̇кам̣ чинд̣̇ассу яаавад̇аа’.
Parisānañca sabbāsaṃ, kaṅkhaṃ chindassu yāvatā’.
329.
329.
‘‘суд̇ваа д̇ам̣ мунино ваажам̣, бхигкуний саа яасод̇хараа;
‘‘Sutvā taṃ munino vācaṃ, bhikkhunī sā yasodharā;
ванд̣̇ид̇ваа мунирааж̇ам̣ д̇ам̣, ид̣̇ам̣ важанамаб̣рави.
Vanditvā munirājaṃ taṃ, idaṃ vacanamabravi.
330.
330.
‘‘‘яасод̇хараа ахам̣ вийра, аг̇аарз д̇з баж̇аабад̇и;
‘‘‘Yasodharā ahaṃ vīra, agāre te pajāpati;
саагияамхи гулз ж̇аад̇аа, ид̇т̇иан̇г̇з бад̇идтид̇аа.
Sākiyamhi kule jātā, itthiaṅge patiṭṭhitā.
331.
331.
‘‘‘т̇ийнам̣ сад̇асахассаанам̣, навуд̇ийнам̣ чад̣̇уд̇д̇ари;
‘‘‘Thīnaṃ satasahassānaṃ, navutīnaṃ chaduttari;
аг̇аарз д̇з ахам̣ вийра, баамогкаа саб̣б̣аа иссараа.
Agāre te ahaṃ vīra, pāmokkhā sabbā issarā.
332.
332.
‘‘‘руубаажаараг̇ун̣уубзд̇аа , яоб̣б̣анадтаа бияам̣вад̣̇аа;
‘‘‘Rūpācāraguṇūpetā , yobbanaṭṭhā piyaṃvadā;
саб̣б̣аа мам̣ абажааяанд̇и, д̣̇звад̇аа вияа маанусаа.
Sabbā maṃ apacāyanti, devatā viya mānusā.
333.
333.
‘‘‘ган̃н̃аасад̇асахассабамукаа, сагяабуд̇д̇анивзсанз;
‘‘‘Kaññāsatasahassapamukhā, sakyaputtanivesane;
самаанасукад̣̇угкад̇аа, д̣̇звад̇аа вияа нанд̣̇анз.
Samānasukhadukkhatā, devatā viya nandane.
334.
334.
‘‘‘гаамад̇хаад̇умад̇иггамма 7, сан̣тид̇аа руубад̇хаад̇уяаа;
‘‘‘Kāmadhātumatikkamma 8, saṇṭhitā rūpadhātuyā;
руубзна сад̣̇исаа над̇т̇и, табзд̇ваа логанааяагам̣.
Rūpena sadisā natthi, ṭhapetvā lokanāyakaṃ.
335.
335.
‘‘‘самб̣уд̣̇д̇хам̣ абхиваад̣̇зд̇ваа, ид̣̇д̇хим̣ д̣̇ассзси сад̇т̇уно;
‘‘‘Sambuddhaṃ abhivādetvā, iddhiṃ dassesi satthuno;
нзгаа наанаавид̇хаагаараа, махааид̣̇д̇хийби д̣̇ассаяий 9.
Nekā nānāvidhākārā, mahāiddhīpi dassayī 10.
336.
336.
‘‘‘жаггаваал̣асамам̣ гааяам̣, сийсам̣ уд̇д̇арад̇о гуру;
‘‘‘Cakkavāḷasamaṃ kāyaṃ, sīsaṃ uttarato kuru;
убхо багкаа д̣̇увз д̣̇ийбаа, ж̇амб̣уд̣̇ийбам̣ сарийрад̇о.
Ubho pakkhā duve dīpā, jambudīpaṃ sarīrato.
337.
337.
‘‘‘д̣̇агкин̣ан̃жа сарам̣ бин̃чам̣, наанаасаакаа д̇у бад̇д̇агаа;
‘‘‘Dakkhiṇañca saraṃ piñchaṃ, nānāsākhā tu pattakā;
жанд̣̇ан̃жа суурияан̃жагки, мзрубаб̣б̣ад̇ад̇о сикам̣.
Candañca sūriyañcakkhi, merupabbatato sikhaṃ.
338.
338.
‘‘‘жаггаваалаг̇ирим̣ д̇ун̣д̣ам̣, ж̇амб̣уругкам̣ самуулагам̣;
‘‘‘Cakkavālagiriṃ tuṇḍaṃ, jamburukkhaṃ samūlakaṃ;
б̣ийж̇амаанаа убааг̇анд̇ваа, ванд̣̇анд̇ий логанааяагам̣.
Bījamānā upāgantvā, vandantī lokanāyakaṃ.
339.
339.
‘‘‘хад̇т̇иван̣н̣ам̣ д̇ат̇звассам̣, баб̣б̣ад̇ам̣ ж̇алад̇хим̣ д̇ат̇аа;
‘‘‘Hatthivaṇṇaṃ tathevassaṃ, pabbataṃ jaladhiṃ tathā;
жанд̣̇имам̣ суурияам̣ мзрум̣, саггаван̣н̣ан̃жа д̣̇ассаяи.
Candimaṃ sūriyaṃ meruṃ, sakkavaṇṇañca dassayi.
340.
340.
‘‘‘яасод̇хараа ахам̣ вийра, баад̣̇з ванд̣̇аами жагкума;
‘‘‘Yasodharā ahaṃ vīra, pāde vandāmi cakkhuma;
сахассалогад̇хаад̇уунам̣, пуллабад̣̇мзна чаад̣̇аяи.
Sahassalokadhātūnaṃ, phullapadmena chādayi.
341.
341.
‘‘‘б̣рахмаван̣н̣ан̃жа маабзд̇ваа, д̇хаммам̣ д̣̇зсзси сун̃н̃ад̇ам̣;
‘‘‘Brahmavaṇṇañca māpetvā, dhammaṃ desesi suññataṃ;
яасод̇хараа ахам̣ вийра, баад̣̇з ванд̣̇аами жагкума.
Yasodharā ahaṃ vīra, pāde vandāmi cakkhuma.
342.
342.
‘‘‘ид̣̇д̇хийсу жа васий хоми, д̣̇иб̣б̣ааяа сод̇ад̇хаад̇уяаа;
‘‘‘Iddhīsu ca vasī homi, dibbāya sotadhātuyā;
жзд̇обарияан̃аан̣асса, васий хоми махаамуни.
Cetopariyañāṇassa, vasī homi mahāmuni.
343.
343.
‘‘‘буб̣б̣зниваасам̣ ж̇аанаами, д̣̇иб̣б̣ажагку висод̇хид̇ам̣;
‘‘‘Pubbenivāsaṃ jānāmi, dibbacakkhu visodhitaṃ;
саб̣б̣аасавабаригкийн̣аа, над̇т̇и д̣̇аани бунаб̣бхаво.
Sabbāsavaparikkhīṇā, natthi dāni punabbhavo.
344.
344.
‘‘‘ад̇т̇ад̇хамманируд̇д̇ийсу, бадибхаанз д̇ат̇зва жа;
‘‘‘Atthadhammaniruttīsu, paṭibhāne tatheva ca;
н̃аан̣ам̣ маяхам̣ махаавийра, уббаннам̣ д̇ава санд̇игз.
Ñāṇaṃ mayhaṃ mahāvīra, uppannaṃ tava santike.
345.
345.
‘‘‘буб̣б̣аанам̣ логанаат̇аанам̣, сан̇г̇амам̣ д̇з нид̣̇ассид̇ам̣ 11;
‘‘‘Pubbānaṃ lokanāthānaṃ, saṅgamaṃ te nidassitaṃ 12;
ад̇хигаарам̣ б̣ахум̣ маяхам̣, д̇уяхад̇т̇ааяа махаамунз.
Adhikāraṃ bahuṃ mayhaṃ, tuyhatthāya mahāmune.
346.
346.
‘‘‘яам̣ маяхам̣ буурид̇ам̣ гаммам̣, гусалам̣ сарасз мунз;
‘‘‘Yaṃ mayhaṃ pūritaṃ kammaṃ, kusalaṃ sarase mune;
д̇уяхад̇т̇ааяа махаавийра, бун̃н̃ам̣ убажид̇ам̣ маяаа.
Tuyhatthāya mahāvīra, puññaṃ upacitaṃ mayā.
347.
347.
‘‘‘абхаб̣б̣адтаанз важ̇ж̇зд̇ваа, ваараяид̇ваа анаажарам̣;
‘‘‘Abhabbaṭṭhāne vajjetvā, vārayitvā anācaraṃ;
д̇уяхад̇т̇ааяа махаавийра, сан̃жад̇д̇ам̣ ж̇ийвид̇ам̣ маяаа.
Tuyhatthāya mahāvīra, sañcattaṃ jīvitaṃ mayā.
348.
348.
‘‘‘нзгагодисахассаани , бхарияад̇т̇ааяад̣̇ааси мам̣;
‘‘‘Nekakoṭisahassāni , bhariyatthāyadāsi maṃ;
на д̇ад̇т̇а виманаа хоми, д̇уяхад̇т̇ааяа махаамуни.
Na tattha vimanā homi, tuyhatthāya mahāmuni.
349.
349.
‘‘‘нзгагодисахассаани, убагаарааяад̣̇ааси мам̣;
‘‘‘Nekakoṭisahassāni, upakārāyadāsi maṃ;
на д̇ад̇т̇а виманаа хоми, д̇уяхад̇т̇ааяа махаамуни.
Na tattha vimanā homi, tuyhatthāya mahāmuni.
350.
350.
‘‘‘нзгагодисахассаани, бхож̇анад̇т̇ааяад̣̇ааси мам̣;
‘‘‘Nekakoṭisahassāni, bhojanatthāyadāsi maṃ;
на д̇ад̇т̇а виманаа хоми, д̇уяхад̇т̇ааяа махаамуни.
Na tattha vimanā homi, tuyhatthāya mahāmuni.
351.
351.
‘‘‘нзгагодисахассаани, ж̇ийвид̇аани барижжаж̇им̣;
‘‘‘Nekakoṭisahassāni, jīvitāni pariccajiṃ;
бхаяамогкам̣ гариссанд̇и, д̣̇ад̣̇аами мама ж̇ийвид̇ам̣.
Bhayamokkhaṃ karissanti, dadāmi mama jīvitaṃ.
352.
352.
‘‘‘ан̇г̇аг̇ад̇з 13 алан̇гаарз, вад̇т̇з наанаавид̇хз б̣ахуу;
‘‘‘Aṅgagate 14 alaṅkāre, vatthe nānāvidhe bahū;
ид̇т̇иман̣д̣з на г̇уухаами, д̇уяхад̇т̇ааяа махаамуни.
Itthimaṇḍe na gūhāmi, tuyhatthāya mahāmuni.
353.
353.
‘‘‘д̇ханад̇хан̃н̃абарижжааг̇ам̣ , г̇аамаани ниг̇амаани жа;
‘‘‘Dhanadhaññapariccāgaṃ , gāmāni nigamāni ca;
кзд̇д̇ам̣ буд̇д̇аа жа д̇хийд̇аа жа, барижжад̇д̇аа махаамуни.
Khettaṃ puttā ca dhītā ca, pariccattā mahāmuni.
354.
354.
‘‘‘хад̇т̇ий ассаа г̇аваа жааби, д̣̇аасияо барижааригаа;
‘‘‘Hatthī assā gavā cāpi, dāsiyo paricārikā;
д̇уяхад̇т̇ааяа махаавийра, барижжад̇д̇аа асан̇кияаа.
Tuyhatthāya mahāvīra, pariccattā asaṅkhiyā.
355.
355.
‘‘‘яам̣ маяхам̣ бадиманд̇зси 15, д̣̇аанам̣ д̣̇ассаами яаажагз;
‘‘‘Yaṃ mayhaṃ paṭimantesi 16, dānaṃ dassāmi yācake;
виманам̣ мз на бассаами, д̣̇ад̣̇ад̇о д̣̇аанамуд̇д̇амам̣.
Vimanaṃ me na passāmi, dadato dānamuttamaṃ.
356.
356.
‘‘‘наанаавид̇хам̣ б̣ахум̣ д̣̇угкам̣, сам̣саарз жа б̣ахуб̣б̣ид̇хз;
‘‘‘Nānāvidhaṃ bahuṃ dukkhaṃ, saṃsāre ca bahubbidhe;
д̇уяхад̇т̇ааяа махаавийра, анубхуд̇д̇ам̣ асан̇кияам̣.
Tuyhatthāya mahāvīra, anubhuttaṃ asaṅkhiyaṃ.
357.
357.
‘‘‘сукаббад̇д̇аанумод̣̇аами, на жа д̣̇угкзсу д̣̇умманаа;
‘‘‘Sukhappattānumodāmi, na ca dukkhesu dummanā;
саб̣б̣ад̇т̇а д̇улид̇аа хоми, д̇уяхад̇т̇ааяа махаамуни.
Sabbattha tulitā homi, tuyhatthāya mahāmuni.
358.
358.
‘‘‘анумаг̇г̇зна самб̣уд̣̇д̇хо, яам̣ д̇хаммам̣ абхинийхари;
‘‘‘Anumaggena sambuddho, yaṃ dhammaṃ abhinīhari;
анубход̇ваа сукам̣ д̣̇угкам̣, бад̇д̇о б̣од̇хим̣ махаамуни.
Anubhotvā sukhaṃ dukkhaṃ, patto bodhiṃ mahāmuni.
359.
359.
‘‘‘б̣рахмад̣̇зван̃жа самб̣уд̣̇д̇хам̣, г̇од̇амам̣ логанааяагам̣;
‘‘‘Brahmadevañca sambuddhaṃ, gotamaṃ lokanāyakaṃ;
ан̃н̃зсам̣ логанаат̇аанам̣, сан̇г̇амам̣ д̇з б̣ахум̣ маяаа.
Aññesaṃ lokanāthānaṃ, saṅgamaṃ te bahuṃ mayā.
360.
360.
‘‘‘ад̇хигаарам̣ б̣ахум̣ маяхам̣, д̇уяхад̇т̇ааяа махаамуни;
‘‘‘Adhikāraṃ bahuṃ mayhaṃ, tuyhatthāya mahāmuni;
г̇авзсад̇о б̣уд̣̇д̇хад̇хаммз, ахам̣ д̇з барижааригаа.
Gavesato buddhadhamme, ahaṃ te paricārikā.
361.
361.
‘‘‘габбз жа сад̇асахассз, жад̇уро жа асан̇кияз;
‘‘‘Kappe ca satasahasse, caturo ca asaṅkhiye;
д̣̇ийбан̇гаро махаавийро, уббаж̇ж̇и логанааяаго.
Dīpaṅkaro mahāvīro, uppajji lokanāyako.
362.
362.
‘‘‘бажжанд̇ад̣̇зсависаяз, ниманд̇зд̇ваа д̇ат̇ааг̇ад̇ам̣;
‘‘‘Paccantadesavisaye, nimantetvā tathāgataṃ;
д̇асса ааг̇аманам̣ маг̇г̇ам̣, сод̇хзнд̇и д̇удтамаанасаа.
Tassa āgamanaṃ maggaṃ, sodhenti tuṭṭhamānasā.
363.
363.
‘‘‘д̇зна гаалзна со ааси, сумзд̇хо наама б̣раахман̣о;
‘‘‘Tena kālena so āsi, sumedho nāma brāhmaṇo;
364.
364.
‘‘‘д̇зна гаалзнахам̣ аасим̣, ган̃н̃аа б̣раахман̣асамбхаваа;
‘‘‘Tena kālenahaṃ āsiṃ, kaññā brāhmaṇasambhavā;
сумид̇д̇аанаама наамзна, убаг̇ажчим̣ самааг̇амам̣.
Sumittānāma nāmena, upagacchiṃ samāgamaṃ.
365.
365.
‘‘‘адта уббалахад̇т̇аани, бууж̇анад̇т̇ааяа сад̇т̇уно;
‘‘‘Aṭṭha uppalahatthāni, pūjanatthāya satthuno;
аад̣̇ааяа ж̇анасам̣маж̇жхз, ад̣̇д̣̇асам̣ иси муг̇г̇ад̇ам̣.
Ādāya janasaṃmajjhe, addasaṃ isi muggataṃ.
366.
366.
‘‘‘жираануг̇ад̇ам̣ д̣̇аяид̇ам̣ 19, ад̇игганд̇ам̣ манохарам̣;
‘‘‘Cirānugataṃ dayitaṃ 20, atikkantaṃ manoharaṃ;
д̣̇исваа д̇ад̣̇аа аман̃н̃иссам̣, сапалам̣ ж̇ийвид̇ам̣ мама.
Disvā tadā amaññissaṃ, saphalaṃ jīvitaṃ mama.
367.
367.
‘‘‘бараггамам̣ д̇ам̣ сапалам̣, ад̣̇д̣̇асам̣ исино д̇ад̣̇аа;
‘‘‘Parakkamaṃ taṃ saphalaṃ, addasaṃ isino tadā;
буб̣б̣агаммзна самб̣уд̣̇д̇хз, жид̇д̇ан̃жааби басийд̣̇и мз.
Pubbakammena sambuddhe, cittañcāpi pasīdi me.
368.
368.
‘‘‘бхияяо жид̇д̇ам̣ басаад̣̇зсим̣, исз уг̇г̇ад̇амаанасз;
‘‘‘Bhiyyo cittaṃ pasādesiṃ, ise uggatamānase;
д̣̇зяяам̣ ан̃н̃ам̣ на бассаами, д̣̇зми бубпаани д̇з иси.
Deyyaṃ aññaṃ na passāmi, demi pupphāni te isi.
369.
369.
‘‘‘бан̃жахад̇т̇аа д̇ава хонд̇у, д̇аяо хонд̇у мамам̣ исз;
‘‘‘Pañcahatthā tava hontu, tayo hontu mamaṃ ise;
д̇зна сад̣̇д̇хим̣ самаа хонд̇у, б̣од̇хад̇т̇ааяа д̇авам̣ исз’.
Tena saddhiṃ samā hontu, bodhatthāya tavaṃ ise’.
жад̇уд̇т̇ам̣ бхаан̣аваарам̣.
Catutthaṃ bhāṇavāraṃ.
370.
370.
‘‘иси г̇ахзд̇ваа бубпаани, ааг̇ажчанд̇ам̣ махааяасам̣;
‘‘Isi gahetvā pupphāni, āgacchantaṃ mahāyasaṃ;
бууж̇зси ж̇анасам̣маж̇жхз, б̣од̇хад̇т̇ааяа махааиси.
Pūjesi janasaṃmajjhe, bodhatthāya mahāisi.
371.
371.
‘‘бассид̇ваа ж̇анасам̣маж̇жхз, д̣̇ийбан̇гаро махаамуни;
‘‘Passitvā janasaṃmajjhe, dīpaṅkaro mahāmuni;
вияаагааси махаавийро, иси муг̇г̇ад̇амаанасам̣.
Viyākāsi mahāvīro, isi muggatamānasaṃ.
372.
372.
‘‘абаримзяяз ид̇о габбз, д̣̇ийбан̇гаро махаамуни;
‘‘Aparimeyye ito kappe, dīpaṅkaro mahāmuni;
мама гаммам̣ вияаагааси, уж̇убхаавам̣ махаамуни.
Mama kammaṃ viyākāsi, ujubhāvaṃ mahāmuni.
373.
373.
‘‘‘самажид̇д̇аа самагаммаа, самагаарий бхависсад̇и;
‘‘‘Samacittā samakammā, samakārī bhavissati;
374.
374.
‘‘‘суд̣̇ассанаа субияаа жа, манаабаа бияаваад̣̇иний;
‘‘‘Sudassanā supiyā ca, manāpā piyavādinī;
д̇асса д̇хаммзсу д̣̇ааяаад̣̇аа, вихариссад̇и ид̣̇д̇хигаа.
Tassa dhammesu dāyādā, viharissati iddhikā.
375.
375.
‘‘‘яат̇ааби бхан̣д̣асаамуг̇г̇ам̣, анурагкад̇и саамино;
‘‘‘Yathāpi bhaṇḍasāmuggaṃ, anurakkhati sāmino;
звам̣ гусалад̇хаммаанам̣, анурагкиссад̇з аяам̣.
Evaṃ kusaladhammānaṃ, anurakkhissate ayaṃ.
376.
376.
‘‘‘д̇асса д̇з 23 анугамбанд̇ий, буураяиссад̇и баарамий;
‘‘‘Tassa te 24 anukampantī, pūrayissati pāramī;
сийхова бан̃ж̇арам̣ бхзд̇ваа 25, баабун̣иссад̇и б̣од̇хияам̣’.
Sīhova pañjaraṃ bhetvā 26, pāpuṇissati bodhiyaṃ’.
377.
377.
‘‘абаримзяяз ид̇о габбз, яам̣ мам̣ б̣уд̣̇д̇хо вияаагарий;
‘‘Aparimeyye ito kappe, yaṃ maṃ buddho viyākarī;
д̇ам̣ ваажам̣ анумод̣̇знд̇ий, звам̣гаарий бхавим̣ ахам̣.
Taṃ vācaṃ anumodentī, evaṃkārī bhaviṃ ahaṃ.
378.
378.
‘‘д̇асса гаммасса сугад̇асса, д̇ад̇т̇а жид̇д̇ам̣ басаад̣̇аяим̣;
‘‘Tassa kammassa sukatassa, tattha cittaṃ pasādayiṃ;
д̣̇звамануссагам̣ яоним̣, анубход̇ваа асан̇кияам̣.
Devamanussakaṃ yoniṃ, anubhotvā asaṅkhiyaṃ.
379.
379.
‘‘сукад̣̇угкзнубход̇ваахам̣, д̣̇звзсу маанусзсу жа;
‘‘Sukhadukkhenubhotvāhaṃ, devesu mānusesu ca;
бажчимз бхавз самбад̇д̇з, аж̇ааяим̣ саагияз гулз.
Pacchime bhave sampatte, ajāyiṃ sākiye kule.
380.
380.
‘‘руубавад̇ий бхог̇авад̇ий, яасасийлавад̇ий д̇ад̇о;
‘‘Rūpavatī bhogavatī, yasasīlavatī tato;
саб̣б̣ан̇г̇асамбад̣̇аа хоми, гулзсу абхисаггад̇аа.
Sabbaṅgasampadā homi, kulesu abhisakkatā.
381.
381.
‘‘лаабхам̣ силогам̣ саггаарам̣, логад̇хаммасамааг̇амам̣;
‘‘Lābhaṃ silokaṃ sakkāraṃ, lokadhammasamāgamaṃ;
жид̇д̇ан̃жа д̣̇угкид̇ам̣ над̇т̇и, васаами агуд̇обхаяаа.
Cittañca dukkhitaṃ natthi, vasāmi akutobhayā.
382.
382.
‘‘вуд̇д̇ан̃хзд̇ам̣ бхаг̇авад̇аа, ран̃н̃о анд̇збурз д̇ад̣̇аа;
‘‘Vuttañhetaṃ bhagavatā, rañño antepure tadā;
кад̇д̇ияаанам̣ бурз вийра, убагааран̃жа нид̣̇д̣̇иси.
Khattiyānaṃ pure vīra, upakārañca niddisi.
383.
383.
‘‘убагаараа жа яаа наарий, яаа жа наарий сукз д̣̇укз;
‘‘Upakārā ca yā nārī, yā ca nārī sukhe dukhe;
ад̇т̇агкааяий жа яаа наарий, яаа жа наарийнугамбигаа.
Atthakkhāyī ca yā nārī, yā ca nārīnukampikā.
384.
384.
‘‘бан̃жагодисад̇аа б̣уд̣̇д̇хаа, навагодисад̇аани жа;
‘‘Pañcakoṭisatā buddhā, navakoṭisatāni ca;
зд̇зсам̣ д̣̇звад̣̇зваанам̣, махаад̣̇аанам̣ бавад̇д̇аяим̣.
Etesaṃ devadevānaṃ, mahādānaṃ pavattayiṃ.
385.
385.
‘‘ад̇хигаарам̣ махаа 27 маяхам̣, д̇хаммарааж̇а сун̣охи мз;
‘‘Adhikāraṃ mahā 28 mayhaṃ, dhammarāja suṇohi me;
згаад̣̇асагодисад̇аа, б̣уд̣̇д̇хаа д̣̇ваад̣̇аса годияо 29.
Ekādasakoṭisatā, buddhā dvādasa koṭiyo 30.
386.
386.
‘‘зд̇зсам̣ д̣̇звад̣̇зваанам̣, махаад̣̇аанам̣ бавад̇д̇аяим̣;
‘‘Etesaṃ devadevānaṃ, mahādānaṃ pavattayiṃ;
ад̇хигаарам̣ махаа маяхам̣, д̇хаммарааж̇а сун̣охи мз.
Adhikāraṃ mahā mayhaṃ, dhammarāja suṇohi me.
387.
387.
‘‘‘вийсагодисад̇аа б̣уд̣̇д̇хаа, д̇им̣сагодисад̇аани жа;
‘‘‘Vīsakoṭisatā buddhā, tiṃsakoṭisatāni ca;
зд̇зсам̣ д̣̇звад̣̇зваанам̣, махаад̣̇аанам̣ бавад̇д̇аяим̣.
Etesaṃ devadevānaṃ, mahādānaṃ pavattayiṃ.
388.
388.
‘‘‘ад̇хигаарам̣ махаа маяхам̣, д̇хаммарааж̇а сун̣охи мз;
‘‘‘Adhikāraṃ mahā mayhaṃ, dhammarāja suṇohi me;
жад̇д̇аалийсагодисад̇аа, бан̃н̃ааса годисад̇аани жа.
Cattālīsakoṭisatā, paññāsa koṭisatāni ca.
389.
389.
‘‘‘зд̇зсам̣ д̣̇звад̣̇зваанам̣, махаад̣̇аанам̣ бавад̇д̇аяим̣;
‘‘‘Etesaṃ devadevānaṃ, mahādānaṃ pavattayiṃ;
ад̇хигаарам̣ махаа маяхам̣, д̇хаммарааж̇а сун̣охи мз.
Adhikāraṃ mahā mayhaṃ, dhammarāja suṇohi me.
390.
390.
‘‘‘садтигодисад̇аа б̣уд̣̇д̇хаа, сад̇д̇ад̇игодисад̇аани жа;
‘‘‘Saṭṭhikoṭisatā buddhā, sattatikoṭisatāni ca;
зд̇зсам̣ д̣̇звад̣̇зваанам̣, махаад̣̇аанам̣ бавад̇д̇аяим̣.
Etesaṃ devadevānaṃ, mahādānaṃ pavattayiṃ.
391.
391.
‘‘‘ад̇хигаарам̣ махаа маяхам̣, д̇хаммарааж̇а сун̣охи мз;
‘‘‘Adhikāraṃ mahā mayhaṃ, dhammarāja suṇohi me;
асийд̇игодисад̇аа б̣уд̣̇д̇хаа, навуд̇игодисад̇аани жа.
Asītikoṭisatā buddhā, navutikoṭisatāni ca.
392.
392.
‘‘‘зд̇зсам̣ д̣̇звад̣̇зваанам̣, махаад̣̇аанам̣ бавад̇д̇аяим̣;
‘‘‘Etesaṃ devadevānaṃ, mahādānaṃ pavattayiṃ;
ад̇хигаарам̣ махаа маяхам̣, д̇хаммарааж̇а сун̣охи мз.
Adhikāraṃ mahā mayhaṃ, dhammarāja suṇohi me.
393.
393.
‘‘‘годисад̇асахассаани, хонд̇и логаг̇г̇анааяагаа;
‘‘‘Koṭisatasahassāni, honti lokagganāyakā;
зд̇зсам̣ д̣̇звад̣̇зваанам̣, махаад̣̇аанам̣ бавад̇д̇аяим̣.
Etesaṃ devadevānaṃ, mahādānaṃ pavattayiṃ.
394.
394.
‘‘‘ад̇хигаарам̣ махаа маяхам̣, д̇хаммарааж̇а сун̣охи мз;
‘‘‘Adhikāraṃ mahā mayhaṃ, dhammarāja suṇohi me;
навагодисахассаани, абарз логанааяагаа.
Navakoṭisahassāni, apare lokanāyakā.
395.
395.
‘‘‘зд̇зсам̣ д̣̇звад̣̇зваанам̣, махаад̣̇аанам̣ бавад̇д̇аяим̣;
‘‘‘Etesaṃ devadevānaṃ, mahādānaṃ pavattayiṃ;
ад̇хигаарам̣ махаа маяхам̣, д̇хаммарааж̇а сун̣охи мз.
Adhikāraṃ mahā mayhaṃ, dhammarāja suṇohi me.
396.
396.
‘‘‘годисад̇асахассаани, бан̃жаасийд̇имахзсинам̣;
‘‘‘Koṭisatasahassāni, pañcāsītimahesinaṃ;
бан̃жаасийд̇игодисад̇аа, сад̇д̇ад̇им̣саа жа годияо.
Pañcāsītikoṭisatā, sattatiṃsā ca koṭiyo.
397.
397.
‘‘‘зд̇зсам̣ д̣̇звад̣̇зваанам̣, махаад̣̇аанам̣ бавад̇д̇аяим̣;
‘‘‘Etesaṃ devadevānaṃ, mahādānaṃ pavattayiṃ;
ад̇хигаарам̣ махаа маяхам̣, д̇хаммарааж̇а сун̣охи мз.
Adhikāraṃ mahā mayhaṃ, dhammarāja suṇohi me.
398.
398.
ад̇хигаарам̣ махаа маяхам̣, д̇хаммарааж̇а сун̣охи мз.
Adhikāraṃ mahā mayhaṃ, dhammarāja suṇohi me.
399.
399.
‘‘‘кийн̣аасаваа вийд̇амалаа, асан̇кияаа б̣уд̣̇д̇хасаавагаа;
‘‘‘Khīṇāsavā vītamalā, asaṅkhiyā buddhasāvakā;
ад̇хигаарам̣ махаа маяхам̣, д̇хаммарааж̇а сун̣охи мз.
Adhikāraṃ mahā mayhaṃ, dhammarāja suṇohi me.
400.
400.
‘‘‘звам̣ д̇хаммз сужин̣н̣аанам̣, сад̣̇аа д̇хаммасса жааринам̣;
‘‘‘Evaṃ dhamme suciṇṇānaṃ, sadā dhammassa cārinaṃ;
д̇хаммажаарий сукам̣ сзд̇и, асмим̣ логз барамхи жа.
Dhammacārī sukhaṃ seti, asmiṃ loke paramhi ca.
401.
401.
‘‘‘д̇хаммам̣ жарз сужарид̇ам̣, на нам̣ д̣̇ужжарид̇ам̣ жарз;
‘‘‘Dhammaṃ care sucaritaṃ, na naṃ duccaritaṃ care;
д̇хаммажаарий сукам̣ сзд̇и, асмим̣ логз барамхи жа.
Dhammacārī sukhaṃ seti, asmiṃ loke paramhi ca.
402.
402.
‘‘‘ниб̣б̣инд̣̇ид̇ваана сам̣саарз, баб̣б̣аж̇им̣ анаг̇аарияам̣;
‘‘‘Nibbinditvāna saṃsāre, pabbajiṃ anagāriyaṃ;
сахассабариваарзна, баб̣б̣аж̇ид̇ваа агин̃жанаа.
Sahassaparivārena, pabbajitvā akiñcanā.
403.
403.
‘‘‘аг̇аарам̣ виж̇ахид̇ваана, баб̣б̣аж̇им̣ анаг̇аарияам̣;
‘‘‘Agāraṃ vijahitvāna, pabbajiṃ anagāriyaṃ;
ад̣дхамаасз асамбад̇д̇з, жад̇усажжамабаабун̣им̣.
Aḍḍhamāse asampatte, catusaccamapāpuṇiṃ.
404.
404.
‘‘‘жийварам̣ бин̣д̣абаад̇ан̃жа, бажжаяам̣ саяанаасанам̣;
‘‘‘Cīvaraṃ piṇḍapātañca, paccayaṃ sayanāsanaṃ;
убанзнд̇и б̣ахуу ж̇анаа, сааг̇арзязва уумияо.
Upanenti bahū janā, sāgareyeva ūmiyo.
405.
405.
‘‘‘гилзсаа жхаабид̇аа маяхам̣…бз… вихараами анаасаваа.
‘‘‘Kilesā jhāpitā mayhaṃ…pe… viharāmi anāsavā.
406.
406.
‘‘‘свааг̇ад̇ам̣ вад̇а мз ааси…бз… гад̇ам̣ б̣уд̣̇д̇хасса саасанам̣.
‘‘‘Svāgataṃ vata me āsi…pe… kataṃ buddhassa sāsanaṃ.
407.
407.
‘‘‘бадисамбхид̣̇аа жад̇ассо…бз… гад̇ам̣ б̣уд̣̇д̇хасса саасанам̣’.
‘‘‘Paṭisambhidā catasso…pe… kataṃ buddhassa sāsanaṃ’.
408.
408.
‘‘звам̣ б̣ахувид̇хам̣ д̣̇угкам̣, самбад̇д̇ий жа б̣ахуб̣б̣ид̇хаа;
‘‘Evaṃ bahuvidhaṃ dukkhaṃ, sampattī ca bahubbidhā;
висуд̣̇д̇хибхаавам̣ самбад̇д̇аа, лабхаами саб̣б̣асамбад̣̇аа.
Visuddhibhāvaṃ sampattā, labhāmi sabbasampadā.
409.
409.
‘‘яаа д̣̇ад̣̇аад̇и сагад̇д̇аанам̣, бун̃н̃ад̇т̇ааяа махзсино;
‘‘Yā dadāti sakattānaṃ, puññatthāya mahesino;
сахааяасамбад̣̇аа хонд̇и, ниб̣б̣аанабад̣̇амасан̇кад̇ам̣.
Sahāyasampadā honti, nibbānapadamasaṅkhataṃ.
410.
410.
‘‘баригкийн̣ам̣ ад̇ийд̇ан̃жа, бажжуббаннам̣ анааг̇ад̇ам̣;
‘‘Parikkhīṇaṃ atītañca, paccuppannaṃ anāgataṃ;
саб̣б̣агаммам̣ мамам̣ кийн̣ам̣, баад̣̇з ванд̣̇аами жагкума’’.
Sabbakammaṃ mamaṃ khīṇaṃ, pāde vandāmi cakkhuma’’.
ид̇т̇ам̣ суд̣̇ам̣ яасод̇хараа бхигкуний бхаг̇авад̇о саммукаа имаа г̇аат̇ааяо абхаасид̇т̇аад̇и.
Itthaṃ sudaṃ yasodharā bhikkhunī bhagavato sammukhā imā gāthāyo abhāsitthāti.
яасод̇хараат̇зрияаабад̣̇аанам̣ адтамам̣.
Yasodharātheriyāpadānaṃ aṭṭhamaṃ.
Footnotes:
