| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
11. яавагалаабисуд̇д̇ам̣
11. Yavakalāpisuttaṃ
248. ‘‘сзяяат̇ааби , бхигкавз, яавагалаабий жаад̇умахаабат̇з нигкид̇д̇аа асса. ат̇а ча бурисаа ааг̇ажчзяяум̣ б̣яаабхан̇г̇ихад̇т̇аа. д̇з яавагалаабим̣ чахи б̣яаабхан̇г̇ийхи ханзяяум̣. зван̃хи саа, бхигкавз, яавагалаабий сухад̇аа асса чахи б̣яаабхан̇г̇ийхи хан̃н̃амаанаа. ат̇а сад̇д̇амо бурисо ааг̇ажчзяяа б̣яаабхан̇г̇ихад̇т̇о. со д̇ам̣ яавагалаабим̣ сад̇д̇амааяа б̣яаабхан̇г̇ияаа ханзяяа. зван̃хи саа бхигкавз, яавагалаабий сухад̇ад̇араа асса, сад̇д̇амааяа б̣яаабхан̇г̇ияаа хан̃н̃амаанаа. звамзва ко, бхигкавз, ассуд̇аваа бут̇уж̇ж̇ано жагкусмим̣ хан̃н̃ад̇и манаабааманаабзхи руубзхи…бз… ж̇ивхааяа хан̃н̃ад̇и манаабааманаабзхи расзхи…бз… манасмим̣ хан̃н̃ад̇и манаабааманаабзхи д̇хаммзхи. сажз со, бхигкавз, ассуд̇аваа бут̇уж̇ж̇ано ааяад̇им̣ бунаб̣бхавааяа жзд̇зд̇и, зван̃хи со, бхигкавз, могхабурисо сухад̇ад̇аро ход̇и, сзяяат̇ааби саа яавагалаабий сад̇д̇амааяа б̣яаабхан̇г̇ияаа хан̃н̃амаанаа.
248. ‘‘Seyyathāpi , bhikkhave, yavakalāpī cātumahāpathe nikkhittā assa. Atha cha purisā āgaccheyyuṃ byābhaṅgihatthā. Te yavakalāpiṃ chahi byābhaṅgīhi haneyyuṃ. Evañhi sā, bhikkhave, yavakalāpī suhatā assa chahi byābhaṅgīhi haññamānā. Atha sattamo puriso āgaccheyya byābhaṅgihattho. So taṃ yavakalāpiṃ sattamāya byābhaṅgiyā haneyya. Evañhi sā bhikkhave, yavakalāpī suhatatarā assa, sattamāya byābhaṅgiyā haññamānā. Evameva kho, bhikkhave, assutavā puthujjano cakkhusmiṃ haññati manāpāmanāpehi rūpehi…pe… jivhāya haññati manāpāmanāpehi rasehi…pe… manasmiṃ haññati manāpāmanāpehi dhammehi. Sace so, bhikkhave, assutavā puthujjano āyatiṃ punabbhavāya ceteti, evañhi so, bhikkhave, moghapuriso suhatataro hoti, seyyathāpi sā yavakalāpī sattamāya byābhaṅgiyā haññamānā.
‘‘бхууд̇абуб̣б̣ам̣, бхигкавз, д̣̇зваасурасан̇г̇аамо самубаб̣яуул̣хо 1 ахоси. ат̇а ко, бхигкавз, взбажид̇д̇и асуринд̣̇о асурз ааманд̇зси – ‘сажз, маарисаа, д̣̇зваасурасан̇г̇аамз самубаб̣яуул̣хз асураа ж̇инзяяум̣ д̣̇зваа барааж̇инзяяум̣, язна нам̣ саггам̣ д̣̇зваанаминд̣̇ам̣ ган̣табан̃жамзхи б̣анд̇ханзхи б̣анд̇хид̇ваа мама санд̇игз аанзяяаат̇а асурабура’нд̇и. саггоби ко, бхигкавз, д̣̇зваанаминд̣̇о д̣̇звз д̇аавад̇им̣сз ааманд̇зси – ‘сажз, маарисаа, д̣̇зваасурасан̇г̇аамз самубаб̣яуул̣хз д̣̇зваа ж̇инзяяум̣ асураа барааж̇инзяяум̣, язна нам̣ взбажид̇д̇им̣ асуринд̣̇ам̣ ган̣табан̃жамзхи б̣анд̇ханзхи б̣анд̇хид̇ваа мама санд̇игз аанзяяаат̇а суд̇хаммам̣ д̣̇звасабха’нд̇и. д̇асмим̣ ко бана, бхигкавз, сан̇г̇аамз д̣̇зваа ж̇иним̣су, асураа барааж̇иним̣су . ат̇а ко, бхигкавз, д̣̇зваа д̇аавад̇им̣саа взбажид̇д̇им̣ асуринд̣̇ам̣ ган̣табан̃жамзхи б̣анд̇ханзхи б̣анд̇хид̇ваа саггасса д̣̇зваанаминд̣̇асса санд̇игз аанзсум̣ суд̇хаммам̣ д̣̇звасабхам̣. д̇ад̇ра суд̣̇ам̣, бхигкавз, взбажид̇д̇и асуринд̣̇о ган̣табан̃жамзхи б̣анд̇ханзхи б̣ад̣̇д̇хо 2 ход̇и. яад̣̇аа ко, бхигкавз, взбажид̇д̇исса асуринд̣̇асса звам̣ ход̇и – ‘д̇хаммигаа ко д̣̇зваа, ад̇хаммигаа асураа , ид̇хзва д̣̇аанаахам̣ д̣̇звабурам̣ г̇ажчаамий’д̇и. ат̇а ган̣табан̃жамзхи б̣анд̇ханзхи муд̇д̇ам̣ ад̇д̇аанам̣ саманубассад̇и, д̣̇иб̣б̣зхи жа бан̃жахи гаамаг̇ун̣зхи самаббид̇о саман̇г̇ийбхууд̇о барижаарзд̇и. яад̣̇аа жа ко, бхигкавз, взбажид̇д̇исса асуринд̣̇асса звам̣ ход̇и – ‘д̇хаммигаа ко асураа, ад̇хаммигаа д̣̇зваа, д̇ад̇т̇зва д̣̇аанаахам̣ асурабурам̣ г̇амиссаамий’д̇и, ат̇а ган̣табан̃жамзхи б̣анд̇ханзхи б̣ад̣̇д̇хам̣ ад̇д̇аанам̣ саманубассад̇и. д̣̇иб̣б̣зхи жа бан̃жахи гаамаг̇ун̣зхи барихааяад̇и. звам̣ сукумам̣ ко, бхигкавз, взбажид̇д̇иб̣анд̇ханам̣. д̇ад̇о сукумад̇арам̣ маараб̣анд̇ханам̣. ман̃н̃амаано ко, бхигкавз, б̣ад̣̇д̇хо маарасса, аман̃н̃амаано муд̇д̇о баабимад̇о.
‘‘Bhūtapubbaṃ, bhikkhave, devāsurasaṅgāmo samupabyūḷho 3 ahosi. Atha kho, bhikkhave, vepacitti asurindo asure āmantesi – ‘sace, mārisā, devāsurasaṅgāme samupabyūḷhe asurā jineyyuṃ devā parājineyyuṃ, yena naṃ sakkaṃ devānamindaṃ kaṇṭhapañcamehi bandhanehi bandhitvā mama santike āneyyātha asurapura’nti. Sakkopi kho, bhikkhave, devānamindo deve tāvatiṃse āmantesi – ‘sace, mārisā, devāsurasaṅgāme samupabyūḷhe devā jineyyuṃ asurā parājineyyuṃ, yena naṃ vepacittiṃ asurindaṃ kaṇṭhapañcamehi bandhanehi bandhitvā mama santike āneyyātha sudhammaṃ devasabha’nti. Tasmiṃ kho pana, bhikkhave, saṅgāme devā jiniṃsu, asurā parājiniṃsu . Atha kho, bhikkhave, devā tāvatiṃsā vepacittiṃ asurindaṃ kaṇṭhapañcamehi bandhanehi bandhitvā sakkassa devānamindassa santike ānesuṃ sudhammaṃ devasabhaṃ. Tatra sudaṃ, bhikkhave, vepacitti asurindo kaṇṭhapañcamehi bandhanehi baddho 4 hoti. Yadā kho, bhikkhave, vepacittissa asurindassa evaṃ hoti – ‘dhammikā kho devā, adhammikā asurā , idheva dānāhaṃ devapuraṃ gacchāmī’ti. Atha kaṇṭhapañcamehi bandhanehi muttaṃ attānaṃ samanupassati, dibbehi ca pañcahi kāmaguṇehi samappito samaṅgībhūto paricāreti. Yadā ca kho, bhikkhave, vepacittissa asurindassa evaṃ hoti – ‘dhammikā kho asurā, adhammikā devā, tattheva dānāhaṃ asurapuraṃ gamissāmī’ti, atha kaṇṭhapañcamehi bandhanehi baddhaṃ attānaṃ samanupassati. Dibbehi ca pañcahi kāmaguṇehi parihāyati. Evaṃ sukhumaṃ kho, bhikkhave, vepacittibandhanaṃ. Tato sukhumataraṃ mārabandhanaṃ. Maññamāno kho, bhikkhave, baddho mārassa, amaññamāno mutto pāpimato.
‘‘‘асмий’д̇и, бхигкавз, ман̃н̃ид̇амзд̇ам̣, ‘аяамахамасмий’д̇и ман̃н̃ид̇амзд̇ам̣, ‘бхависса’нд̇и ман̃н̃ид̇амзд̇ам̣, ‘на бхависса’нд̇и ман̃н̃ид̇амзд̇ам̣, ‘руубий бхависса’нд̇и ман̃н̃ид̇амзд̇ам̣, ‘аруубий бхависса’нд̇и ман̃н̃ид̇амзд̇ам̣, ‘сан̃н̃ий бхависса’нд̇и ман̃н̃ид̇амзд̇ам̣, ‘асан̃н̃ий бхависса’нд̇и ман̃н̃ид̇амзд̇ам̣, ‘нзвасан̃н̃ийнаасан̃н̃ий бхависса’нд̇и ман̃н̃ид̇амзд̇ам̣. ман̃н̃ид̇ам̣, бхигкавз, рог̇о, ман̃н̃ид̇ам̣ г̇ан̣д̣о, ман̃н̃ид̇ам̣ саллам̣. д̇асмаад̇иха, бхигкавз, ‘аман̃н̃амаанзна 5 жзд̇асаа вихариссаамаа’д̇и – зван̃хи во, бхигкавз, сигкид̇аб̣б̣ам̣.
‘‘‘Asmī’ti, bhikkhave, maññitametaṃ, ‘ayamahamasmī’ti maññitametaṃ, ‘bhavissa’nti maññitametaṃ, ‘na bhavissa’nti maññitametaṃ, ‘rūpī bhavissa’nti maññitametaṃ, ‘arūpī bhavissa’nti maññitametaṃ, ‘saññī bhavissa’nti maññitametaṃ, ‘asaññī bhavissa’nti maññitametaṃ, ‘nevasaññīnāsaññī bhavissa’nti maññitametaṃ. Maññitaṃ, bhikkhave, rogo, maññitaṃ gaṇḍo, maññitaṃ sallaṃ. Tasmātiha, bhikkhave, ‘amaññamānena 6 cetasā viharissāmā’ti – evañhi vo, bhikkhave, sikkhitabbaṃ.
‘‘‘асмий’д̇и, бхигкавз, ин̃ж̇ид̇амзд̇ам̣, ‘аяамахамасмий’д̇и ин̃ж̇ид̇амзд̇ам̣, ‘бхависса’нд̇и ин̃ж̇ид̇амзд̇ам̣, ‘на бхависса’нд̇и ин̃ж̇ид̇амзд̇ам̣, ‘руубий бхависса’нд̇и ин̃ж̇ид̇амзд̇ам̣, ‘аруубий бхависса’нд̇и ин̃ж̇ид̇амзд̇ам̣, ‘сан̃н̃ий бхависса’нд̇и ин̃ж̇ид̇амзд̇ам̣, ‘асан̃н̃ий бхависса’нд̇и ин̃ж̇ид̇амзд̇ам̣, ‘нзвасан̃н̃ийнаасан̃н̃ий бхависса’нд̇и ин̃ж̇ид̇амзд̇ам̣. ин̃ж̇ид̇ам̣, бхигкавз , рог̇о, ин̃ж̇ид̇ам̣ г̇ан̣д̣о, ин̃ж̇ид̇ам̣ саллам̣. д̇асмаад̇иха, бхигкавз, ‘анин̃ж̇амаанзна 7 жзд̇асаа вихариссаамаа’д̇и – зван̃хи во, бхигкавз, сигкид̇аб̣б̣ам̣.
‘‘‘Asmī’ti, bhikkhave, iñjitametaṃ, ‘ayamahamasmī’ti iñjitametaṃ, ‘bhavissa’nti iñjitametaṃ, ‘na bhavissa’nti iñjitametaṃ, ‘rūpī bhavissa’nti iñjitametaṃ, ‘arūpī bhavissa’nti iñjitametaṃ, ‘saññī bhavissa’nti iñjitametaṃ, ‘asaññī bhavissa’nti iñjitametaṃ, ‘nevasaññīnāsaññī bhavissa’nti iñjitametaṃ. Iñjitaṃ, bhikkhave , rogo, iñjitaṃ gaṇḍo, iñjitaṃ sallaṃ. Tasmātiha, bhikkhave, ‘aniñjamānena 8 cetasā viharissāmā’ti – evañhi vo, bhikkhave, sikkhitabbaṃ.
‘‘‘асмий’д̇и , бхигкавз, панд̣̇ид̇амзд̇ам̣, ‘аяамахамасмий’д̇и панд̣̇ид̇амзд̇ам̣, ‘бхависса’нд̇и…бз… ‘на бхависса’нд̇и… ‘руубий бхависса’нд̇и… ‘аруубий бхависса’нд̇и… ‘сан̃н̃ий бхависса’нд̇и… ‘асан̃н̃ий бхависса’нд̇и… ‘нзвасан̃н̃ийнаасан̃н̃ий бхависса’нд̇и панд̣̇ид̇амзд̇ам̣. панд̣̇ид̇ам̣, бхигкавз, рог̇о, панд̣̇ид̇ам̣ г̇ан̣д̣о, панд̣̇ид̇ам̣ саллам̣. д̇асмаад̇иха, бхигкавз, ‘апанд̣̇амаанзна 9 жзд̇асаа вихариссаамаа’д̇и – зван̃хи во, бхигкавз, сигкид̇аб̣б̣ам̣.
‘‘‘Asmī’ti , bhikkhave, phanditametaṃ, ‘ayamahamasmī’ti phanditametaṃ, ‘bhavissa’nti…pe… ‘na bhavissa’nti… ‘rūpī bhavissa’nti… ‘arūpī bhavissa’nti… ‘saññī bhavissa’nti… ‘asaññī bhavissa’nti… ‘nevasaññīnāsaññī bhavissa’nti phanditametaṃ. Phanditaṃ, bhikkhave, rogo, phanditaṃ gaṇḍo, phanditaṃ sallaṃ. Tasmātiha, bhikkhave, ‘aphandamānena 10 cetasā viharissāmā’ti – evañhi vo, bhikkhave, sikkhitabbaṃ.
‘‘‘асмий’д̇и, бхигкавз, бабан̃жид̇амзд̇ам̣, ‘аяамахамасмий’д̇и бабан̃жид̇амзд̇ам̣, ‘бхависса’нд̇и…бз… ‘на бхависса’нд̇и… ‘руубий бхависса’нд̇и… ‘аруубий бхависса’нд̇и… ‘сан̃н̃ий бхависса’нд̇и… ‘асан̃н̃ий бхависса’нд̇и… ‘нзвасан̃н̃ийнаасан̃н̃ий бхависса’нд̇и бабан̃жид̇амзд̇ам̣ . бабан̃жид̇ам̣, бхигкавз, рог̇о, бабан̃жид̇ам̣ г̇ан̣д̣о, бабан̃жид̇ам̣ саллам̣. д̇асмаад̇иха, бхигкавз, ‘ниббабан̃жзна жзд̇асаа вихариссаамаа’д̇и – зван̃хи во, бхигкавз, сигкид̇аб̣б̣ам̣.
‘‘‘Asmī’ti, bhikkhave, papañcitametaṃ, ‘ayamahamasmī’ti papañcitametaṃ, ‘bhavissa’nti…pe… ‘na bhavissa’nti… ‘rūpī bhavissa’nti… ‘arūpī bhavissa’nti… ‘saññī bhavissa’nti… ‘asaññī bhavissa’nti… ‘nevasaññīnāsaññī bhavissa’nti papañcitametaṃ . Papañcitaṃ, bhikkhave, rogo, papañcitaṃ gaṇḍo, papañcitaṃ sallaṃ. Tasmātiha, bhikkhave, ‘nippapañcena cetasā viharissāmā’ti – evañhi vo, bhikkhave, sikkhitabbaṃ.
‘‘‘асмий’д̇и, бхигкавз, маанаг̇ад̇амзд̇ам̣, ‘аяамахамасмий’д̇и маанаг̇ад̇амзд̇ам̣, ‘бхависса’нд̇и маанаг̇ад̇амзд̇ам̣, ‘на бхависса’нд̇и маанаг̇ад̇амзд̇ам̣, ‘руубий бхависса’нд̇и маанаг̇ад̇амзд̇ам̣, ‘аруубий бхависса’нд̇и маанаг̇ад̇амзд̇ам̣, ‘сан̃н̃ий бхависса’нд̇и маанаг̇ад̇амзд̇ам̣, ‘асан̃н̃ий бхависса’нд̇и маанаг̇ад̇амзд̇ам̣, ‘нзвасан̃н̃ийнаасан̃н̃ий бхависса’нд̇и маанаг̇ад̇амзд̇ам̣. маанаг̇ад̇ам̣, бхигкавз, рог̇о, маанаг̇ад̇ам̣ г̇ан̣д̣о, маанаг̇ад̇ам̣ саллам̣. д̇асмаад̇иха, бхигкавз, ‘нихад̇амаанзна жзд̇асаа вихариссаамаа’д̇и – зван̃хи во, бхигкавз, сигкид̇аб̣б̣а’’нд̇и. згаад̣̇асамам̣.
‘‘‘Asmī’ti, bhikkhave, mānagatametaṃ, ‘ayamahamasmī’ti mānagatametaṃ, ‘bhavissa’nti mānagatametaṃ, ‘na bhavissa’nti mānagatametaṃ, ‘rūpī bhavissa’nti mānagatametaṃ, ‘arūpī bhavissa’nti mānagatametaṃ, ‘saññī bhavissa’nti mānagatametaṃ, ‘asaññī bhavissa’nti mānagatametaṃ, ‘nevasaññīnāsaññī bhavissa’nti mānagatametaṃ. Mānagataṃ, bhikkhave, rogo, mānagataṃ gaṇḍo, mānagataṃ sallaṃ. Tasmātiha, bhikkhave, ‘nihatamānena cetasā viharissāmā’ti – evañhi vo, bhikkhave, sikkhitabba’’nti. Ekādasamaṃ.
аасийвисаваг̇г̇о згуунавийсад̇имо.
Āsīvisavaggo ekūnavīsatimo.
д̇ассуд̣̇д̣̇аанам̣ –
Tassuddānaṃ –
аасийвисо рат̇о гуммо, д̣̇вз д̣̇ааругканд̇хаа авассуд̇о;
Āsīviso ratho kummo, dve dārukkhandhā avassuto;
д̣̇угкад̇хаммаа гим̣сугаа вийн̣аа, чаббаан̣аа яавагалаабийд̇и.
Dukkhadhammā kiṃsukā vīṇā, chappāṇā yavakalāpīti.
сал̣ааяад̇анаваг̇г̇з жад̇уд̇т̇абан̣н̣аасаго самад̇д̇о.
Saḷāyatanavagge catutthapaṇṇāsako samatto.
д̇асса ваг̇г̇уд̣̇д̣̇аанам̣ –
Tassa vagguddānaṃ –
нанд̣̇игкаяо садтинаяо, самуд̣̇д̣̇о ураг̇зна жа;
Nandikkhayo saṭṭhinayo, samuddo uragena ca;
жад̇убан̣н̣аасагаа зд̇з, нибаад̇зсу багаасид̇аад̇и.
Catupaṇṇāsakā ete, nipātesu pakāsitāti.
сал̣ааяад̇анасам̣яуд̇д̇ам̣ самад̇д̇ам̣.
Saḷāyatanasaṃyuttaṃ samattaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 11. яавагалаабисуд̇д̇аван̣н̣анаа • 11. Yavakalāpisuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 11. яавагалаабисуд̇д̇аван̣н̣анаа • 11. Yavakalāpisuttavaṇṇanā
