| Library / Tipiṭaka / д̇ибидага • Tipiṭaka / абад̣̇аанабаал̣и • Apadānapāḷi |
2. яавагалаабияад̇т̇зраабад̣̇аанам̣
2. Yavakalāpiyattheraapadānaṃ
6.
6.
‘‘наг̇арз арун̣авад̇ияаа, аасим̣ яавасиго д̇ад̣̇аа;
‘‘Nagare aruṇavatiyā, āsiṃ yavasiko tadā;
бант̇з д̣̇исваана самб̣уд̣̇д̇хам̣, яавагалаабам̣ сант̇арим̣ 1.
Panthe disvāna sambuddhaṃ, yavakalāpaṃ santhariṃ 2.
7.
7.
‘‘анугамбаго гаарун̣иго, сикий логаг̇г̇анааяаго;
‘‘Anukampako kāruṇiko, sikhī lokagganāyako;
мама сан̇габбаман̃н̃ааяа, нисийд̣̇и яавасант̇арз.
Mama saṅkappamaññāya, nisīdi yavasanthare.
8.
8.
‘‘д̣̇исваа нисиннам̣ вималам̣, махаажхааяим̣ винааяагам̣;
‘‘Disvā nisinnaṃ vimalaṃ, mahājhāyiṃ vināyakaṃ;
баамож̇ж̇ам̣ ж̇анаяид̇ваана, д̇ад̇т̇а гаалан̇гад̇о ахам̣.
Pāmojjaṃ janayitvāna, tattha kālaṅkato ahaṃ.
9.
9.
‘‘згад̇д̇им̣сз ид̇о габбз, яам̣ гаммамагарим̣ д̇ад̣̇аа;
‘‘Ekattiṃse ito kappe, yaṃ kammamakariṃ tadā;
д̣̇уг̇г̇ад̇им̣ наабхиж̇аанаами, яавад̇т̇арз ид̣̇ам̣ палам̣.
Duggatiṃ nābhijānāmi, yavatthare idaṃ phalaṃ.
10.
10.
‘‘бадисамбхид̣̇аа жад̇ассо…бз… гад̇ам̣ б̣уд̣̇д̇хасса саасанам̣’’.
‘‘Paṭisambhidā catasso…pe… kataṃ buddhassa sāsanaṃ’’.
ид̇т̇ам̣ суд̣̇ам̣ ааяасмаа яавагалаабияо т̇зро имаа г̇аат̇ааяо абхаасид̇т̇аад̇и.
Itthaṃ sudaṃ āyasmā yavakalāpiyo thero imā gāthāyo abhāsitthāti.
яавагалаабияад̇т̇зрассаабад̣̇аанам̣ д̣̇уд̇ияам̣.
Yavakalāpiyattherassāpadānaṃ dutiyaṃ.
Footnotes:
