| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[460] 6. яуд̇хан̃жаяаж̇аад̇агаван̣н̣анаа
[460] 6. Yudhañcayajātakavaṇṇanā
мид̇д̇аамажжабариб̣яуул̣ханд̇и ид̣̇ам̣ сад̇т̇аа ж̇зд̇аванз вихаранд̇о махаабхинигкаманам̣ аараб̣бха гат̇зси. згад̣̇ивасан̃хи д̇хаммасабхааяам̣ саннибад̇ид̇аа бхигкуу ‘‘аавусо, сажз д̣̇асаб̣ало аг̇аарам̣ аж̇жхаавасисса, сагалажаггаваал̣аг̇аб̣бхз жаггавад̇д̇ирааж̇аа абхависса сад̇д̇арад̇анасаманнааг̇ад̇о жад̇урид̣̇д̇хийхи самид̣̇д̇хо баросахассабуд̇д̇абаривааро , со зваруубам̣ сиривибхавам̣ бахааяа гаамзсу д̣̇осам̣ д̣̇исваа ад̣дхарад̇д̇асамаяз чаннасахааяова ган̣дагамааруяха нигкамид̇ваа аноманад̣̇ийд̇ийрз баб̣б̣аж̇ид̇ваа чаб̣б̣ассаани д̣̇уггарагааригам̣ гад̇ваа саммаасамб̣од̇хим̣ бад̇д̇о’’д̇и сад̇т̇у г̇ун̣агат̇ам̣ гат̇аяим̣су. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з ‘‘на, бхигкавз, д̇ат̇ааг̇ад̇о ид̣̇аанзва махаабхинигкаманам̣ нигканд̇о, буб̣б̣зби д̣̇ваад̣̇асаяож̇анигз б̣аараан̣асинаг̇арз раж̇ж̇ам̣ бахааяа нигканд̇оязваа’’д̇и вад̇ваа ад̇ийд̇ам̣ аахари.
Mittāmaccaparibyūḷhanti idaṃ satthā jetavane viharanto mahābhinikkhamanaṃ ārabbha kathesi. Ekadivasañhi dhammasabhāyaṃ sannipatitā bhikkhū ‘‘āvuso, sace dasabalo agāraṃ ajjhāvasissa, sakalacakkavāḷagabbhe cakkavattirājā abhavissa sattaratanasamannāgato caturiddhīhi samiddho parosahassaputtaparivāro , so evarūpaṃ sirivibhavaṃ pahāya kāmesu dosaṃ disvā aḍḍharattasamaye channasahāyova kaṇṭakamāruyha nikkhamitvā anomanadītīre pabbajitvā chabbassāni dukkarakārikaṃ katvā sammāsambodhiṃ patto’’ti satthu guṇakathaṃ kathayiṃsu. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte ‘‘na, bhikkhave, tathāgato idāneva mahābhinikkhamanaṃ nikkhanto, pubbepi dvādasayojanike bārāṇasinagare rajjaṃ pahāya nikkhantoyevā’’ti vatvā atītaṃ āhari.
ад̇ийд̇з рамманаг̇арз саб̣б̣ад̣̇ад̇д̇о наама рааж̇аа ахоси. аяан̃хи б̣аараан̣асий уд̣̇аяаж̇аад̇агз (ж̇аа. 1.11.37 аад̣̇аяо) сурунд̇хананаг̇арам̣ наама ж̇аад̇аа, жуул̣асуд̇асомаж̇аад̇агз (ж̇аа. 2.17.195 аад̣̇аяо) суд̣̇ассанам̣ наама, сон̣ананд̣̇аж̇аад̇агз (ж̇аа. 2.20.92 аад̣̇аяо) б̣рахмавад̣дханам̣ наама, кан̣д̣ахаалаж̇аад̇агз (ж̇аа. 2.22.982 аад̣̇аяо) бубпавад̇ий наама, сан̇каб̣раахман̣аж̇аад̇агз (ж̇аа. 1.10.39 аад̣̇аяо) мол̣иний наама, имасмим̣ бана яуд̇хан̃жаяаж̇аад̇агз рамманаг̇арам̣ наама ахоси. звамассаа гад̣̇аажи наамам̣ баривад̇д̇ад̇и. д̇ад̇т̇а саб̣б̣ад̣̇ад̇д̇аран̃н̃о буд̇д̇асахассам̣ ахоси. яуд̇хан̃жаяасса наама ж̇здтабуд̇д̇асса убараж̇ж̇ам̣ ад̣̇ааси. со д̣̇ивасз д̣̇ивасз махаад̣̇аанам̣ бавад̇д̇зси. звам̣ г̇ажчанд̇з гаалз б̣од̇хисад̇д̇о згад̣̇ивасам̣ баад̇ова рат̇аварамааруяха маханд̇зна сиривибхавзна уяяаанагийл̣ам̣ г̇ажчанд̇о ругкаг̇г̇ад̇ин̣аг̇г̇асаакаг̇г̇амаггадагасуд̇д̇аж̇аалаад̣̇ийсу муд̇д̇ааж̇аалаагаарзна лаг̇г̇ид̇ауссаваб̣инд̣̇ууни д̣̇исваа ‘‘самма саарат̇и, гим̣ наамзд̇а’’нд̇и бужчид̇ваа ‘‘зд̇з д̣̇зва, химасамаяз бад̇анагауссаваб̣инд̣̇ууни наамаа’’д̇и суд̇ваа д̣̇ивасабхааг̇ам̣ уяяаанз гийл̣ид̇ваа сааяанхагаалз бажжааг̇ажчанд̇о д̇з ад̣̇исваава ‘‘самма саарат̇и, гахам̣ ну ко зд̇з уссаваб̣инд̣̇уу, на д̇з ид̣̇аани бассаамий’’д̇и бужчи. ‘‘д̣̇зва, д̇з суурияз уг̇г̇ажчанд̇з саб̣б̣зва бхиж̇ж̇ид̇ваа бат̇авияам̣ бад̇анд̇ий’’д̇и суд̇ваа сам̣взг̇аббад̇д̇о худ̇ваа ‘‘имзсам̣ сад̇д̇аанам̣ ж̇ийвид̇асан̇каарааби д̇ин̣аг̇г̇з уссаваб̣инд̣̇усад̣̇исаава, маяаа б̣яаад̇хиж̇араамаран̣зхи абийл̣ид̇зязва маад̇аабид̇аро аабужчид̇ваа баб̣б̣аж̇ид̇ум̣ ваддад̇ий’’д̇и уссаваб̣инд̣̇умзва аарамман̣ам̣ гад̇ваа аад̣̇ид̇д̇з вияа д̇аяо бхавз бассанд̇о ад̇д̇ано г̇зхам̣ аг̇анд̇ваа алан̇гад̇абадияад̇д̇ааяа винижчаяасаалааяа нисиннасса бид̇у санд̇игам̣язва г̇анд̇ваа бид̇арам̣ ванд̣̇ид̇ваа згаманд̇ам̣ тид̇о баб̣б̣аж̇ж̇ам̣ яаажанд̇о батамам̣ г̇аат̇амааха –
Atīte rammanagare sabbadatto nāma rājā ahosi. Ayañhi bārāṇasī udayajātake (jā. 1.11.37 ādayo) surundhananagaraṃ nāma jātā, cūḷasutasomajātake (jā. 2.17.195 ādayo) sudassanaṃ nāma, soṇanandajātake (jā. 2.20.92 ādayo) brahmavaḍḍhanaṃ nāma, khaṇḍahālajātake (jā. 2.22.982 ādayo) pupphavatī nāma, saṅkhabrāhmaṇajātake (jā. 1.10.39 ādayo) moḷinī nāma, imasmiṃ pana yudhañcayajātake rammanagaraṃ nāma ahosi. Evamassā kadāci nāmaṃ parivattati. Tattha sabbadattarañño puttasahassaṃ ahosi. Yudhañcayassa nāma jeṭṭhaputtassa uparajjaṃ adāsi. So divase divase mahādānaṃ pavattesi. Evaṃ gacchante kāle bodhisatto ekadivasaṃ pātova rathavaramāruyha mahantena sirivibhavena uyyānakīḷaṃ gacchanto rukkhaggatiṇaggasākhaggamakkaṭakasuttajālādīsu muttājālākārena laggitaussavabindūni disvā ‘‘samma sārathi, kiṃ nāmeta’’nti pucchitvā ‘‘ete deva, himasamaye patanakaussavabindūni nāmā’’ti sutvā divasabhāgaṃ uyyāne kīḷitvā sāyanhakāle paccāgacchanto te adisvāva ‘‘samma sārathi, kahaṃ nu kho ete ussavabindū, na te idāni passāmī’’ti pucchi. ‘‘Deva, te sūriye uggacchante sabbeva bhijjitvā pathaviyaṃ patantī’’ti sutvā saṃvegappatto hutvā ‘‘imesaṃ sattānaṃ jīvitasaṅkhārāpi tiṇagge ussavabindusadisāva, mayā byādhijarāmaraṇehi apīḷiteyeva mātāpitaro āpucchitvā pabbajituṃ vaṭṭatī’’ti ussavabindumeva ārammaṇaṃ katvā āditte viya tayo bhave passanto attano gehaṃ agantvā alaṅkatapaṭiyattāya vinicchayasālāya nisinnassa pitu santikaṃyeva gantvā pitaraṃ vanditvā ekamantaṃ ṭhito pabbajjaṃ yācanto paṭhamaṃ gāthamāha –
73.
73.
‘‘мид̇д̇аамажжабариб̣яуул̣хам̣ , ахам̣ ванд̣̇з рат̇зсабхам̣;
‘‘Mittāmaccaparibyūḷhaṃ , ahaṃ vande rathesabhaṃ;
баб̣б̣аж̇иссаамахам̣ рааж̇а, д̇ам̣ д̣̇зво ануман̃н̃ад̇уу’’д̇и.
Pabbajissāmahaṃ rāja, taṃ devo anumaññatū’’ti.
д̇ад̇т̇а бариб̣яуул̣ханд̇и бариваарид̇ам̣. д̇ам̣ д̣̇звод̇и д̇ам̣ мама баб̣б̣аж̇ж̇ам̣ д̣̇зво ануж̇аанаад̇ууд̇и ад̇т̇о.
Tattha paribyūḷhanti parivāritaṃ. Taṃ devoti taṃ mama pabbajjaṃ devo anujānātūti attho.
ат̇а нам̣ рааж̇аа ниваарзнд̇о д̣̇уд̇ияам̣ г̇аат̇амааха –
Atha naṃ rājā nivārento dutiyaṃ gāthamāha –
74.
74.
‘‘сажз д̇з уунам̣ гаамзхи, ахам̣ барибуураяаами д̇з;
‘‘Sace te ūnaṃ kāmehi, ahaṃ paripūrayāmi te;
яо д̇ам̣ хим̣ сад̇и ваарзми, маа баб̣б̣аж̇а яуд̇хан̃жаяаа’’д̇и.
Yo taṃ hiṃ sati vāremi, mā pabbaja yudhañcayā’’ti.
д̇ам̣ суд̇ваа гумааро д̇ад̇ияам̣ г̇аат̇амааха –
Taṃ sutvā kumāro tatiyaṃ gāthamāha –
75.
75.
‘‘на мад̇т̇и уунам̣ гаамзхи, хим̣сид̇аа мз на виж̇ж̇ад̇и;
‘‘Na matthi ūnaṃ kāmehi, hiṃsitā me na vijjati;
д̣̇ийбан̃жа гаад̇умижчаами, яам̣ ж̇араа наабхигийрад̇ий’’д̇и.
Dīpañca kātumicchāmi, yaṃ jarā nābhikīratī’’ti.
д̇ад̇т̇а д̣̇ийбан̃жаад̇и д̇аад̇а нзва маяхам̣ гаамзхи уунам̣ ад̇т̇и, на мам̣ хим̣санд̇о гожи виж̇ж̇ад̇и, ахам̣ бана баралогаг̇аманааяа ад̇д̇ано бад̇идтам̣ гаад̇умижчаами. гийд̣̇исам̣? яам̣ ж̇араа наабхигийрад̇и на вид̣̇д̇хам̣сзд̇и, д̇амахам̣ гаад̇умижчаами, амад̇амахааниб̣б̣аанам̣ г̇авзсиссаами, на мз гаамзхи ад̇т̇о, ануж̇аанаат̇а мам̣, махаарааж̇аад̇и вад̣̇ад̇и.
Tattha dīpañcāti tāta neva mayhaṃ kāmehi ūnaṃ atthi, na maṃ hiṃsanto koci vijjati, ahaṃ pana paralokagamanāya attano patiṭṭhaṃ kātumicchāmi. Kīdisaṃ? Yaṃ jarā nābhikīrati na viddhaṃseti, tamahaṃ kātumicchāmi, amatamahānibbānaṃ gavesissāmi, na me kāmehi attho, anujānātha maṃ, mahārājāti vadati.
ид̇и бунаббунам̣ гумааро баб̣б̣аж̇ж̇ам̣ яаажи, рааж̇аа ‘‘маа баб̣б̣аж̇аа’’д̇и ваарзд̇и. д̇амад̇т̇амаавигаронд̇о сад̇т̇аа убад̣дхам̣ г̇аат̇амааха –
Iti punappunaṃ kumāro pabbajjaṃ yāci, rājā ‘‘mā pabbajā’’ti vāreti. Tamatthamāvikaronto satthā upaḍḍhaṃ gāthamāha –
76.
76.
‘‘буд̇д̇о ваа бид̇арам̣ яаажз, бид̇аа ваа буд̇д̇амораса’’нд̇и.
‘‘Putto vā pitaraṃ yāce, pitā vā puttamorasa’’nti.
д̇ад̇т̇а ваа-гааро самбин̣д̣анад̇т̇о. ид̣̇ам̣ вуд̇д̇ам̣ ход̇и – ‘‘звам̣, бхигкавз, буд̇д̇о жа бид̇арам̣ яаажад̇и, бид̇аа жа орасам̣ буд̇д̇ам̣ яаажад̇ий’’д̇и.
Tattha vā-kāro sampiṇḍanattho. Idaṃ vuttaṃ hoti – ‘‘evaṃ, bhikkhave, putto ca pitaraṃ yācati, pitā ca orasaṃ puttaṃ yācatī’’ti.
сзсам̣ убад̣дхаг̇аат̇ам̣ рааж̇аа ааха –
Sesaṃ upaḍḍhagāthaṃ rājā āha –
‘‘нзг̇амо д̇ам̣ яаажз д̇аад̇а, маа баб̣б̣аж̇а яуд̇хан̃жаяаа’’д̇и.
‘‘Negamo taṃ yāce tāta, mā pabbaja yudhañcayā’’ti.
д̇ассад̇т̇о – аяам̣ д̇з д̇аад̇а ниг̇амаваасимахааж̇ано яаажад̇и, наг̇араж̇аноби маа д̇вам̣ баб̣б̣аж̇аад̇и.
Tassattho – ayaṃ te tāta nigamavāsimahājano yācati, nagarajanopi mā tvaṃ pabbajāti.
гумааро бунаби бан̃жамам̣ г̇аат̇амааха –
Kumāro punapi pañcamaṃ gāthamāha –
77.
77.
‘‘маа мам̣ д̣̇зва ниваарзхи, баб̣б̣аж̇анд̇ам̣ рат̇зсабха;
‘‘Mā maṃ deva nivārehi, pabbajantaṃ rathesabha;
маахам̣ гаамзхи саммад̇д̇о, ж̇арааяа васаманваг̇уу’’д̇и.
Māhaṃ kāmehi sammatto, jarāya vasamanvagū’’ti.
д̇ад̇т̇а васаманваг̇ууд̇и маа ахам̣ гаамзхи саммад̇д̇о бамад̇д̇о ж̇арааяа васаг̇аамий наама хоми, ваддад̣̇угкам̣ бана кзбзд̇ваа яат̇аа жа саб̣б̣ан̃н̃уд̇ан̃н̃аан̣аббадивиж̇жханаго хоми,. д̇ат̇аа мам̣ ологзхийд̇и ад̇хиббааяо.
Tattha vasamanvagūti mā ahaṃ kāmehi sammatto pamatto jarāya vasagāmī nāma homi, vaṭṭadukkhaṃ pana khepetvā yathā ca sabbaññutaññāṇappaṭivijjhanako homi,. Tathā maṃ olokehīti adhippāyo.
звам̣ вуд̇д̇з рааж̇аа аббадибхаан̣о ахоси. маад̇аа банасса ‘‘буд̇д̇о д̇з, д̣̇зви, бид̇арам̣ баб̣б̣аж̇ж̇ам̣ ануж̇аанаабзд̇ий’’д̇и суд̇ваа ‘‘гим̣ д̇умхз гат̇зт̇аа’’д̇и нирассаасзна мукзна суван̣н̣асивигааяа нисийд̣̇ид̇ваа сийгхам̣ винижчаяадтаанам̣ г̇анд̇ваа яаажамаанаа чадтам̣ г̇аат̇амааха –
Evaṃ vutte rājā appaṭibhāṇo ahosi. Mātā panassa ‘‘putto te, devi, pitaraṃ pabbajjaṃ anujānāpetī’’ti sutvā ‘‘kiṃ tumhe kathethā’’ti nirassāsena mukhena suvaṇṇasivikāya nisīditvā sīghaṃ vinicchayaṭṭhānaṃ gantvā yācamānā chaṭṭhaṃ gāthamāha –
78.
78.
‘‘ахам̣ д̇ам̣ д̇аад̇а яаажаами, ахам̣ буд̇д̇а ниваараяз;
‘‘Ahaṃ taṃ tāta yācāmi, ahaṃ putta nivāraye;
жирам̣ д̇ам̣ д̣̇адтумижчаами, маа баб̣б̣аж̇а яуд̇хан̃жаяаа’’д̇и.
Ciraṃ taṃ daṭṭhumicchāmi, mā pabbaja yudhañcayā’’ti.
д̇ам̣ суд̇ваа гумааро сад̇д̇амам̣ г̇аат̇амааха –
Taṃ sutvā kumāro sattamaṃ gāthamāha –
79.
79.
‘‘уссаавова д̇ин̣аг̇г̇амхи, суурияуг̇г̇аманам̣ бад̇и;
‘‘Ussāvova tiṇaggamhi, sūriyuggamanaṃ pati;
звамааяу мануссаанам̣, маа мам̣ амма ниваараяаа’’д̇и.
Evamāyu manussānaṃ, mā maṃ amma nivārayā’’ti.
д̇ассад̇т̇о – амма, яат̇аа д̇ин̣аг̇г̇з уссаваб̣инд̣̇у суурияасса уг̇г̇аманам̣ бад̇идтаад̇ум̣ на саггод̇и, бат̇авияам̣ бад̇ад̇и, звам̣ имзсам̣ сад̇д̇аанам̣ ж̇ийвид̇ам̣ барид̇д̇ам̣ д̇аавагаалигам̣ ажирадтид̇игам̣, зваруубз логасанниваасз гат̇ам̣ д̇вам̣ жирам̣ мам̣ бассаси, маа мам̣ ниваарзхийд̇и.
Tassattho – amma, yathā tiṇagge ussavabindu sūriyassa uggamanaṃ patiṭṭhātuṃ na sakkoti, pathaviyaṃ patati, evaṃ imesaṃ sattānaṃ jīvitaṃ parittaṃ tāvakālikaṃ aciraṭṭhitikaṃ, evarūpe lokasannivāse kathaṃ tvaṃ ciraṃ maṃ passasi, mā maṃ nivārehīti.
звам̣ вуд̇д̇зби саа бунаббунам̣ яаажиязва. д̇ад̇о махаасад̇д̇о бид̇арам̣ ааманд̇зд̇ваа адтамам̣ г̇аат̇амааха –
Evaṃ vuttepi sā punappunaṃ yāciyeva. Tato mahāsatto pitaraṃ āmantetvā aṭṭhamaṃ gāthamāha –
80.
80.
‘‘д̇арамаано имам̣ яаанам̣, ааробзд̇у рат̇зсабха;
‘‘Taramāno imaṃ yānaṃ, āropetu rathesabha;
маа мз маад̇аа д̇аранд̇асса, анд̇арааяагараа ахуу’’д̇и.
Mā me mātā tarantassa, antarāyakarā ahū’’ti.
д̇ассад̇т̇о – д̇аад̇а рат̇зсабха, имам̣ мама маад̇арам̣ д̇арамаано бурисо суван̣н̣асивигааяаанам̣ ааробзд̇у, маа мз ж̇аад̇иж̇арааб̣яаад̇химаран̣аганд̇аарам̣ д̇аранд̇асса ад̇иггаманд̇асса маад̇аа анд̇арааяагараа ахууд̇и.
Tassattho – tāta rathesabha, imaṃ mama mātaraṃ taramāno puriso suvaṇṇasivikāyānaṃ āropetu, mā me jātijarābyādhimaraṇakantāraṃ tarantassa atikkamantassa mātā antarāyakarā ahūti.
рааж̇аа буд̇д̇асса важанам̣ суд̇ваа ‘‘г̇ажча, бхад̣̇д̣̇з, д̇ава сивигааяа нисийд̣̇ид̇ваа рад̇ивад̣дханабаасаад̣̇ам̣ абхирухаа’’д̇и ааха. саа д̇асса важанам̣ суд̇ваа таад̇ум̣ асаггонд̇ий наарийг̇ан̣абаривуд̇аа г̇анд̇ваа баасаад̣̇ам̣ абхирухид̇ваа ‘‘гаа ну ко буд̇д̇асса бавад̇д̇ий’’д̇и винижчаяадтаанам̣ ологзнд̇ий адтааси. б̣од̇хисад̇д̇о маад̇у г̇ад̇агаалз буна бид̇арам̣ яаажи. рааж̇аа бадиб̣аахид̇ум̣ асаггонд̇о ‘‘д̇зна хи д̇аад̇а, д̇ава манам̣ мад̇т̇агам̣ баабзхи, баб̣б̣аж̇аахий’’д̇и ануж̇аани. ран̃н̃о анун̃н̃аад̇агаалз б̣од̇хисад̇д̇асса ганидто яуд̇хидтилагумааро наама бид̇арам̣ ванд̣̇ид̇ваа ‘‘д̇аад̇а, маяхам̣ баб̣б̣аж̇ж̇ам̣ ануж̇аанаат̇аа’’д̇и ануж̇аанаабзси. убхоби бхаад̇аро бид̇арам̣ ванд̣̇ид̇ваа гаамз бахааяа махааж̇анабаривуд̇аа винижчаяад̇о нигкамим̣су. д̣̇звийби махаасад̇д̇ам̣ ологзд̇ваа ‘‘мама буд̇д̇з баб̣б̣аж̇ид̇з рамманаг̇арам̣ д̇ужчам̣ бхависсад̇ий’’д̇и барид̣̇звамаанаа г̇аат̇аад̣̇ваяамааха –
Rājā puttassa vacanaṃ sutvā ‘‘gaccha, bhadde, tava sivikāya nisīditvā rativaḍḍhanapāsādaṃ abhiruhā’’ti āha. Sā tassa vacanaṃ sutvā ṭhātuṃ asakkontī nārīgaṇaparivutā gantvā pāsādaṃ abhiruhitvā ‘‘kā nu kho puttassa pavattī’’ti vinicchayaṭṭhānaṃ olokentī aṭṭhāsi. Bodhisatto mātu gatakāle puna pitaraṃ yāci. Rājā paṭibāhituṃ asakkonto ‘‘tena hi tāta, tava manaṃ matthakaṃ pāpehi, pabbajāhī’’ti anujāni. Rañño anuññātakāle bodhisattassa kaniṭṭho yudhiṭṭhilakumāro nāma pitaraṃ vanditvā ‘‘tāta, mayhaṃ pabbajjaṃ anujānāthā’’ti anujānāpesi. Ubhopi bhātaro pitaraṃ vanditvā kāme pahāya mahājanaparivutā vinicchayato nikkhamiṃsu. Devīpi mahāsattaṃ oloketvā ‘‘mama putte pabbajite rammanagaraṃ tucchaṃ bhavissatī’’ti paridevamānā gāthādvayamāha –
81.
81.
‘‘абхид̇хаават̇а бхад̣̇д̣̇анд̇з, сун̃н̃ам̣ хзссад̇и раммагам̣;
‘‘Abhidhāvatha bhaddante, suññaṃ hessati rammakaṃ;
яуд̇хан̃жаяо анун̃н̃аад̇о, саб̣б̣ад̣̇ад̇д̇зна рааж̇инаа.
Yudhañcayo anuññāto, sabbadattena rājinā.
82.
82.
‘‘яоху сздто сахассасса, яуваа ган̃жанасаннибхо;
‘‘Yohu seṭṭho sahassassa, yuvā kañcanasannibho;
сояам̣ гумааро баб̣б̣аж̇ид̇о, гаасааяавасано б̣алий’’д̇и.
Soyaṃ kumāro pabbajito, kāsāyavasano balī’’ti.
д̇ад̇т̇а абхид̇хаават̇аад̇и бариваарзд̇ваа тид̇аа наарияо саб̣б̣аа взг̇зна д̇хаават̇аад̇и аан̣аабзд̇и. бхад̣̇д̣̇анд̇зд̇и звам̣ г̇анд̇ваа ‘‘бхад̣̇д̣̇ам̣ д̇ава ход̇уу’’д̇и вад̣̇ат̇а. раммаганд̇и рамманаг̇арам̣ санд̇хааяааха. яоху сздтод̇и яо ран̃н̃о буд̇д̇о сахассасса сздто ахоси, со баб̣б̣аж̇ид̇од̇и баб̣б̣аж̇ж̇ааяа г̇ажчанд̇ам̣ санд̇хааязвамааха.
Tattha abhidhāvathāti parivāretvā ṭhitā nāriyo sabbā vegena dhāvathāti āṇāpeti. Bhaddanteti evaṃ gantvā ‘‘bhaddaṃ tava hotū’’ti vadatha. Rammakanti rammanagaraṃ sandhāyāha. Yohu seṭṭhoti yo rañño putto sahassassa seṭṭho ahosi, so pabbajitoti pabbajjāya gacchantaṃ sandhāyevamāha.
б̣од̇хисад̇д̇оби на д̇аава баб̣б̣аж̇ад̇и. со хи маад̇аабид̇аро ванд̣̇ид̇ваа ганидтам̣ яуд̇хидтилагумаарам̣ г̇ахзд̇ваа наг̇араа нигкамма махааж̇анам̣ нивад̇д̇зд̇ваа убхоби бхаад̇аро химаванд̇ам̣ бависид̇ваа манорамз таанз ассамабад̣̇ам̣ гарид̇ваа исибаб̣б̣аж̇ж̇ам̣ баб̣б̣аж̇ид̇ваа жхаанаабхин̃н̃ам̣ ниб̣б̣ад̇д̇зд̇ваа ванамуулапалаад̣̇ийхи яааваж̇ийвам̣ яаабзд̇ваа б̣рахмалогабарааяан̣аа ахзсум̣. д̇амад̇т̇ам̣ осаанз абхисамб̣уд̣̇д̇хаг̇аат̇ааяа д̣̇ийбзд̇и –
Bodhisattopi na tāva pabbajati. So hi mātāpitaro vanditvā kaniṭṭhaṃ yudhiṭṭhilakumāraṃ gahetvā nagarā nikkhamma mahājanaṃ nivattetvā ubhopi bhātaro himavantaṃ pavisitvā manorame ṭhāne assamapadaṃ karitvā isipabbajjaṃ pabbajitvā jhānābhiññaṃ nibbattetvā vanamūlaphalādīhi yāvajīvaṃ yāpetvā brahmalokaparāyaṇā ahesuṃ. Tamatthaṃ osāne abhisambuddhagāthāya dīpeti –
83.
83.
‘‘убхо гумаараа баб̣б̣аж̇ид̇аа, яуд̇хан̃жаяо яуд̇хидтило;
‘‘Ubho kumārā pabbajitā, yudhañcayo yudhiṭṭhilo;
бахааяа маад̇аабид̇аро, сан̇г̇ам̣ чзд̇ваана мажжуно’’д̇и.
Pahāya mātāpitaro, saṅgaṃ chetvāna maccuno’’ti.
д̇ад̇т̇а мажжунод̇и маарасса. ид̣̇ам̣ вуд̇д̇ам̣ ход̇и – бхигкавз, яуд̇хан̃жаяо жа яуд̇хидтило жа д̇з убхоби гумаараа маад̇аабид̇аро бахааяа маарасса санд̇агам̣ рааг̇ад̣̇осамохасан̇г̇ам̣ чинд̣̇ид̇ваа баб̣б̣аж̇ид̇аад̇и.
Tattha maccunoti mārassa. Idaṃ vuttaṃ hoti – bhikkhave, yudhañcayo ca yudhiṭṭhilo ca te ubhopi kumārā mātāpitaro pahāya mārassa santakaṃ rāgadosamohasaṅgaṃ chinditvā pabbajitāti.
сад̇т̇аа имам̣ д̇хаммад̣̇зсанам̣ аахарид̇ваа сажжаани багаасзд̇ваа ‘‘на бхигкавз, ид̣̇аанзва, буб̣б̣зби д̇ат̇ааг̇ад̇о раж̇ж̇ам̣ чад̣д̣зд̇ваа баб̣б̣аж̇ид̇оязваа’’д̇и вад̇ваа ж̇аад̇агам̣ самод̇хаанзси – ‘‘д̇ад̣̇аа маад̇аабид̇аро махаарааж̇агулаани ахзсум̣, яуд̇хидтилагумааро аананд̣̇о, яуд̇хан̃жаяо бана ахамзва ахоси’’нд̇и.
Satthā imaṃ dhammadesanaṃ āharitvā saccāni pakāsetvā ‘‘na bhikkhave, idāneva, pubbepi tathāgato rajjaṃ chaḍḍetvā pabbajitoyevā’’ti vatvā jātakaṃ samodhānesi – ‘‘tadā mātāpitaro mahārājakulāni ahesuṃ, yudhiṭṭhilakumāro ānando, yudhañcayo pana ahameva ahosi’’nti.
яуд̇хан̃жаяаж̇аад̇агаван̣н̣анаа чадтаа.
Yudhañcayajātakavaṇṇanā chaṭṭhā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 460. яуд̇хан̃жаяаж̇аад̇агам̣ • 460. Yudhañcayajātakaṃ
