| Library / Tipiṭaka / திபிடக • Tipiṭaka / நெத்திப்பகரண-டீகா • Nettippakaraṇa-ṭīkā |
3. யுத்திஹாரஸம்பாதவண்ணனா
3. Yuttihārasampātavaṇṇanā
65. படிபக்க²படிபா³ள்ஹா குஸலா த⁴ம்மா உப்பஜ்ஜிதுமேவ ந ஸக்கொந்தி, உப்பன்னாபி ஸம்மதே³வ அத்தனோ கிச்சங் காதுங் அஸமத்த²தாய அனுப்பன்னஸதி³ஸாதி படிபக்க²னிவாரணேன குஸலானங் த⁴ம்மானங் கிச்சகரணபா⁴வங் த³ஸ்ஸேதுங் ‘‘மனச்ச²ட்டா²னி…பே॰… ப⁴விஸ்ஸதீ’’தி வுத்தங். விஹரந்தஸ்ஸாதி விஹரணஹேது. விஹரந்தோதி எத்தா²பி ஏஸேவ நயோ, தேன ரக்கி²தசித்ததா வுத்தனயேன ஏகந்ததோ ஸம்மாஸங்கப்பகோ³சரதாய ச ஸங்வத்ததீதி த³ஸ்ஸேதி. வுத்தனயேனாதி மிச்சா²ஸங்கப்பானங் அவஸரங் அத³த்வா விஸோதி⁴தனெக்க²ம்மாதி³விதக்கதாய. அவிபரீதமேவாதி காயாதி³அஸுபா⁴தி³தோ ஆதா³னங். வினிபாதப⁴யந்தி து³க்³க³திப⁴யங். ஸப்³போ³பி சாயமத்தோ²தி ‘‘ஸம்மாஸங்கப்பகோ³சரோ ஸம்மாதி³ட்டி² ப⁴விஸ்ஸதீ’’திஆதீ³ஸு அத்தோ² யுத்தியா யுத்தோ ஏவ அனரூபகாரணபா⁴வதோ.
65. Paṭipakkhapaṭibāḷhā kusalā dhammā uppajjitumeva na sakkonti, uppannāpi sammadeva attano kiccaṃ kātuṃ asamatthatāya anuppannasadisāti paṭipakkhanivāraṇena kusalānaṃ dhammānaṃ kiccakaraṇabhāvaṃ dassetuṃ ‘‘manacchaṭṭhāni…pe… bhavissatī’’ti vuttaṃ. Viharantassāti viharaṇahetu. Viharantoti etthāpi eseva nayo, tena rakkhitacittatā vuttanayena ekantato sammāsaṅkappagocaratāya ca saṃvattatīti dasseti. Vuttanayenāti micchāsaṅkappānaṃ avasaraṃ adatvā visodhitanekkhammādivitakkatāya. Aviparītamevāti kāyādiasubhādito ādānaṃ. Vinipātabhayanti duggatibhayaṃ. Sabbopi cāyamatthoti ‘‘sammāsaṅkappagocaro sammādiṭṭhi bhavissatī’’tiādīsu attho yuttiyā yutto eva anarūpakāraṇabhāvato.
யுத்திஹாரஸம்பாதவண்ணனா நிட்டி²தா.
Yuttihārasampātavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / கு²த்³த³கனிகாய • Khuddakanikāya / நெத்திப்பகரணபாளி • Nettippakaraṇapāḷi / 3. யுத்திஹாரஸம்பாதோ • 3. Yuttihārasampāto
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / நெத்திப்பகரண-அட்ட²கதா² • Nettippakaraṇa-aṭṭhakathā / 3. யுத்திஹாரஸம்பாதவண்ணனா • 3. Yuttihārasampātavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / கு²த்³த³கனிகாய (டீகா) • Khuddakanikāya (ṭīkā) / நெத்திவிபா⁴வினீ • Nettivibhāvinī / 3. யுத்திஹாரஸம்பாதவிபா⁴வனா • 3. Yuttihārasampātavibhāvanā
