| Library / Tipiṭaka / તિપિટક • Tipiṭaka / નેત્તિપ્પકરણપાળિ • Nettippakaraṇapāḷi |
૩. યુત્તિહારસમ્પાતો
3. Yuttihārasampāto
૬૫.
65.
તત્થ કતમો યુત્તિહારસમ્પાતો?
Tattha katamo yuttihārasampāto?
‘‘તસ્મા રક્ખિતચિત્તસ્સ, સમ્માસઙ્કપ્પગોચરો;
‘‘Tasmā rakkhitacittassa, sammāsaṅkappagocaro;
સમ્માદિટ્ઠિપુરેક્ખારો, ઞત્વાન ઉદયબ્બયં;
Sammādiṭṭhipurekkhāro, ñatvāna udayabbayaṃ;
થિનમિદ્ધાભિભૂ ભિક્ખુ, સબ્બા દુગ્ગતિયો જહે’’તિ.
Thinamiddhābhibhū bhikkhu, sabbā duggatiyo jahe’’ti.
‘‘તસ્મા રક્ખિતચિત્તસ્સ, સમ્માસઙ્કપ્પગોચરો’’તિ રક્ખિતચિત્તસ્સ સમ્માસઙ્કપ્પગોચરો ભવિસ્સતીતિ યુજ્જતિ, સમ્માસઙ્કપ્પગોચરો સમ્માદિટ્ઠિ ભવિસ્સતીતિ યુજ્જતિ, સમ્માદિટ્ઠિપુરેક્ખારો વિહરન્તો ઉદયબ્બયં પટિવિજ્ઝિસ્સતીતિ યુજ્જતિ, ઉદયબ્બયં પટિવિજ્ઝન્તો સબ્બા દુગ્ગતિયો જહિસ્સતીતિ યુજ્જતિ. સબ્બા દુગ્ગતિયો જહન્તો સબ્બાનિ દુગ્ગતિવિનિપાતભયાનિ સમતિક્કમિસ્સતીતિ યુજ્જતીતિ.
‘‘Tasmā rakkhitacittassa, sammāsaṅkappagocaro’’ti rakkhitacittassa sammāsaṅkappagocaro bhavissatīti yujjati, sammāsaṅkappagocaro sammādiṭṭhi bhavissatīti yujjati, sammādiṭṭhipurekkhāro viharanto udayabbayaṃ paṭivijjhissatīti yujjati, udayabbayaṃ paṭivijjhanto sabbā duggatiyo jahissatīti yujjati. Sabbā duggatiyo jahanto sabbāni duggativinipātabhayāni samatikkamissatīti yujjatīti.
નિયુત્તો યુત્તિહારસમ્પાતો.
Niyutto yuttihārasampāto.
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / ખુદ્દકનિકાય (અટ્ઠકથા) • Khuddakanikāya (aṭṭhakathā) / નેત્તિપ્પકરણ-અટ્ઠકથા • Nettippakaraṇa-aṭṭhakathā / ૩. યુત્તિહારસમ્પાતવણ્ણના • 3. Yuttihārasampātavaṇṇanā
ટીકા • Tīkā / સુત્તપિટક (ટીકા) • Suttapiṭaka (ṭīkā) / ખુદ્દકનિકાય (ટીકા) • Khuddakanikāya (ṭīkā) / નેત્તિપ્પકરણ-ટીકા • Nettippakaraṇa-ṭīkā / ૩. યુત્તિહારસમ્પાતવણ્ણના • 3. Yuttihārasampātavaṇṇanā
ટીકા • Tīkā / સુત્તપિટક (ટીકા) • Suttapiṭaka (ṭīkā) / ખુદ્દકનિકાય (ટીકા) • Khuddakanikāya (ṭīkā) / નેત્તિવિભાવિની • Nettivibhāvinī / ૩. યુત્તિહારસમ્પાતવિભાવના • 3. Yuttihārasampātavibhāvanā
