| Library / Tipiṭaka / တိပိဋက • Tipiṭaka / နေတ္တိပ္ပကရဏပာဠိ • Nettippakaraṇapāḷi |
၃. ယုတ္တိဟာရသမ္ပာတော
3. Yuttihārasampāto
၆၅.
65.
တတ္ထ ကတမော ယုတ္တိဟာရသမ္ပာတော?
Tattha katamo yuttihārasampāto?
‘‘တသ္မာ ရက္ခိတစိတ္တသ္သ၊ သမ္မာသင္ကပ္ပဂောစရော။
‘‘Tasmā rakkhitacittassa, sammāsaṅkappagocaro;
သမ္မာဒိဋ္ဌိပုရေက္ခာရော၊ ဉတ္ဝာန ဥဒယဗ္ဗယံ။
Sammādiṭṭhipurekkhāro, ñatvāna udayabbayaṃ;
ထိနမိဒ္ဓာဘိဘူ ဘိက္ခု၊ သဗ္ဗာ ဒုဂ္ဂတိယော ဇဟေ’’တိ။
Thinamiddhābhibhū bhikkhu, sabbā duggatiyo jahe’’ti.
‘‘တသ္မာ ရက္ခိတစိတ္တသ္သ, သမ္မာသင္ကပ္ပဂောစရော’’တိ ရက္ခိတစိတ္တသ္သ သမ္မာသင္ကပ္ပဂောစရော ဘဝိသ္သတီတိ ယုဇ္ဇတိ, သမ္မာသင္ကပ္ပဂောစရော သမ္မာဒိဋ္ဌိ ဘဝိသ္သတီတိ ယုဇ္ဇတိ, သမ္မာဒိဋ္ဌိပုရေက္ခာရော ဝိဟရန္တော ဥဒယဗ္ဗယံ ပဋိဝိဇ္ဈိသ္သတီတိ ယုဇ္ဇတိ, ဥဒယဗ္ဗယံ ပဋိဝိဇ္ဈန္တော သဗ္ဗာ ဒုဂ္ဂတိယော ဇဟိသ္သတီတိ ယုဇ္ဇတိ။ သဗ္ဗာ ဒုဂ္ဂတိယော ဇဟန္တော သဗ္ဗာနိ ဒုဂ္ဂတိဝိနိပာတဘယာနိ သမတိက္ကမိသ္သတီတိ ယုဇ္ဇတီတိ။
‘‘Tasmā rakkhitacittassa, sammāsaṅkappagocaro’’ti rakkhitacittassa sammāsaṅkappagocaro bhavissatīti yujjati, sammāsaṅkappagocaro sammādiṭṭhi bhavissatīti yujjati, sammādiṭṭhipurekkhāro viharanto udayabbayaṃ paṭivijjhissatīti yujjati, udayabbayaṃ paṭivijjhanto sabbā duggatiyo jahissatīti yujjati. Sabbā duggatiyo jahanto sabbāni duggativinipātabhayāni samatikkamissatīti yujjatīti.
နိယုတ္တော ယုတ္တိဟာရသမ္ပာတော။
Niyutto yuttihārasampāto.
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / ခုဒ္ဒကနိကာယ (အဋ္ဌကထာ) • Khuddakanikāya (aṭṭhakathā) / နေတ္တိပ္ပကရဏ-အဋ္ဌကထာ • Nettippakaraṇa-aṭṭhakathā / ၃. ယုတ္တိဟာရသမ္ပာတဝဏ္ဏနာ • 3. Yuttihārasampātavaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / ခုဒ္ဒကနိကာယ (ဋီကာ) • Khuddakanikāya (ṭīkā) / နေတ္တိပ္ပကရဏ-ဋီကာ • Nettippakaraṇa-ṭīkā / ၃. ယုတ္တိဟာရသမ္ပာတဝဏ္ဏနာ • 3. Yuttihārasampātavaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / ခုဒ္ဒကနိကာယ (ဋီကာ) • Khuddakanikāya (ṭīkā) / နေတ္တိဝိဘာဝိနီ • Nettivibhāvinī / ၃. ယုတ္တိဟာရသမ္ပာတဝိဘာဝနာ • 3. Yuttihārasampātavibhāvanā
