| Library / Tipiṭaka / તિપિટક • Tipiṭaka / વિમતિવિનોદની-ટીકા • Vimativinodanī-ṭīkā |
અઞ્ઞતિત્થિયપુબ્બવત્થુકથાવણ્ણના
Aññatitthiyapubbavatthukathāvaṇṇanā
૮૬. તિત્થિયપરિવાસકથાયં આજીવકસ્સ વાતિઆદીસુ અકિરિયવાદી આજીવકો નામ, કિરિયવાદિનો પન નિગણ્ઠાપિ અઞ્ઞેપિ નગ્ગતિત્થિકા અચેલકપદે સઙ્ગહિતા. સબ્બથા નગ્ગસ્સેવ તિત્થિયપરિવાસો વિહિતો. સો ચ તેનેવ નગ્ગવેસેન ભિક્ખૂનં સન્તિકં આગતસ્સ, ન પટિચ્છાદેત્વા આગતસ્સાતિ દસ્સેતું ‘‘સચે સોપી’’તિઆદિ વુત્તં. તત્થ સોપીતિ આજીવકો.
86. Titthiyaparivāsakathāyaṃ ājīvakassa vātiādīsu akiriyavādī ājīvako nāma, kiriyavādino pana nigaṇṭhāpi aññepi naggatitthikā acelakapade saṅgahitā. Sabbathā naggasseva titthiyaparivāso vihito. So ca teneva naggavesena bhikkhūnaṃ santikaṃ āgatassa, na paṭicchādetvā āgatassāti dassetuṃ ‘‘sace sopī’’tiādi vuttaṃ. Tattha sopīti ājīvako.
આમિસકિઞ્ચિક્ખસમ્પદાનં નામ અપ્પમત્તકસ્સ દેય્યધમ્મસ્સ અનુપ્પદાનં. રૂપૂપજીવિકાતિ અત્તનો રૂપમેવ નિસ્સાય જીવન્તિયો. વેસિયા ગોચરો બહુલં પવત્તિટ્ઠાનં અસ્સાતિ વેસિયાગોચરો. એસ નયો સબ્બત્થ. યોબ્બન્નાતીતાતિ અનિવિદ્ધા એવ મહલ્લિકભાવં પત્તા થુલ્લકુમારી એવાતિ વુત્તં. આદાયસ્સાતિ આદાનસ્સ ગહણસ્સ.
Āmisakiñcikkhasampadānaṃ nāma appamattakassa deyyadhammassa anuppadānaṃ. Rūpūpajīvikāti attano rūpameva nissāya jīvantiyo. Vesiyā gocaro bahulaṃ pavattiṭṭhānaṃ assāti vesiyāgocaro. Esa nayo sabbattha. Yobbannātītāti anividdhā eva mahallikabhāvaṃ pattā thullakumārī evāti vuttaṃ. Ādāyassāti ādānassa gahaṇassa.
અઞ્ઞતિત્થિયપુબ્બવત્થુકથાવણ્ણના નિટ્ઠિતા.
Aññatitthiyapubbavatthukathāvaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / વિનયપિટક • Vinayapiṭaka / મહાવગ્ગપાળિ • Mahāvaggapāḷi / ૨૫. અઞ્ઞતિત્થિયપુબ્બકથા • 25. Aññatitthiyapubbakathā
અટ્ઠકથા • Aṭṭhakathā / વિનયપિટક (અટ્ઠકથા) • Vinayapiṭaka (aṭṭhakathā) / મહાવગ્ગ-અટ્ઠકથા • Mahāvagga-aṭṭhakathā / અઞ્ઞતિત્થિયપુબ્બવત્થુકથા • Aññatitthiyapubbavatthukathā
ટીકા • Tīkā / વિનયપિટક (ટીકા) • Vinayapiṭaka (ṭīkā) / સારત્થદીપની-ટીકા • Sāratthadīpanī-ṭīkā / અઞ્ઞતિત્થિયપુબ્બવત્થુકથાવણ્ણના • Aññatitthiyapubbavatthukathāvaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વજિરબુદ્ધિ-ટીકા • Vajirabuddhi-ṭīkā / અઞ્ઞતિત્થિયપુબ્બવત્થુકથાવણ્ણના • Aññatitthiyapubbavatthukathāvaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / પાચિત્યાદિયોજનાપાળિ • Pācityādiyojanāpāḷi / ૨૫. અઞ્ઞતિત્થિયપુબ્બવત્થુકથા • 25. Aññatitthiyapubbavatthukathā
