| Library / Tipiṭaka / તિપિટક • Tipiṭaka / સંયુત્તનિકાય • Saṃyuttanikāya |
૭. અનુધમ્મસુત્તં
7. Anudhammasuttaṃ
૩૯. સાવત્થિનિદાનં . ‘‘ધમ્માનુધમ્મપ્પટિપન્નસ્સ, ભિક્ખવે, ભિક્ખુનો અયમનુધમ્મો હોતિ યં રૂપે નિબ્બિદાબહુલો 1 વિહરેય્ય, વેદનાય નિબ્બિદાબહુલો વિહરેય્ય, સઞ્ઞા નિબ્બિદાબહુલો વિહરેય્ય, સઙ્ખારેસુ નિબ્બિદાબહુલો વિહરેય્ય, વિઞ્ઞાણે નિબ્બિદાબહુલો વિહરેય્ય. યો રૂપે નિબ્બિદાબહુલો વિહરન્તો, વેદનાય… સઞ્ઞાય… સઙ્ખારેસુ નિબ્બિદાબહુલો વિહરન્તો, વિઞ્ઞાણે નિબ્બિદાબહુલો વિહરન્તો રૂપં પરિજાનાતિ, વેદનં… સઞ્ઞં… સઙ્ખારે… વિઞ્ઞાણં પરિજાનાતિ, સો રૂપં પરિજાનં, વેદનં… સઞ્ઞં… સઙ્ખારે… વિઞ્ઞાણં પરિજાનં પરિમુચ્ચતિ રૂપમ્હા, પરિમુચ્ચતિ વેદના , પરિમુચ્ચતિ સઞ્ઞાય , પરિમુચ્ચતિ સઙ્ખારેહિ, પરિમુચ્ચતિ વિઞ્ઞાણમ્હા, પરિમુચ્ચતિ જાતિયા જરામરણેન સોકેહિ પરિદેવેહિ દુક્ખેહિ દોમનસ્સેહિ ઉપાયાસેહિ, પરિમુચ્ચતિ દુક્ખસ્માતિ વદામી’’તિ. સત્તમં.
39. Sāvatthinidānaṃ . ‘‘Dhammānudhammappaṭipannassa, bhikkhave, bhikkhuno ayamanudhammo hoti yaṃ rūpe nibbidābahulo 2 vihareyya, vedanāya nibbidābahulo vihareyya, saññā nibbidābahulo vihareyya, saṅkhāresu nibbidābahulo vihareyya, viññāṇe nibbidābahulo vihareyya. Yo rūpe nibbidābahulo viharanto, vedanāya… saññāya… saṅkhāresu nibbidābahulo viharanto, viññāṇe nibbidābahulo viharanto rūpaṃ parijānāti, vedanaṃ… saññaṃ… saṅkhāre… viññāṇaṃ parijānāti, so rūpaṃ parijānaṃ, vedanaṃ… saññaṃ… saṅkhāre… viññāṇaṃ parijānaṃ parimuccati rūpamhā, parimuccati vedanā , parimuccati saññāya , parimuccati saṅkhārehi, parimuccati viññāṇamhā, parimuccati jātiyā jarāmaraṇena sokehi paridevehi dukkhehi domanassehi upāyāsehi, parimuccati dukkhasmāti vadāmī’’ti. Sattamaṃ.
Footnotes:
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / સંયુત્તનિકાય (અટ્ઠકથા) • Saṃyuttanikāya (aṭṭhakathā) / ૭-૧૦. અનુધમ્મસુત્તાદિવણ્ણના • 7-10. Anudhammasuttādivaṇṇanā
ટીકા • Tīkā / સુત્તપિટક (ટીકા) • Suttapiṭaka (ṭīkā) / સંયુત્તનિકાય (ટીકા) • Saṃyuttanikāya (ṭīkā) / ૭-૧૦. અનુધમ્મસુત્તાદિવણ્ણના • 7-10. Anudhammasuttādivaṇṇanā
