| Library / Tipiṭaka / તિપિટક • Tipiṭaka / સંયુત્તનિકાય • Saṃyuttanikāya |
૪. આસવક્ખયસુત્તં
4. Āsavakkhayasuttaṃ
૫૩૪. ‘‘પઞ્ચિમાનિ, ભિક્ખવે, ઇન્દ્રિયાનિ ભાવિતાનિ બહુલીકતાનિ આસવાનં ખયાય સંવત્તન્તિ. કતમાનિ પઞ્ચ? સદ્ધિન્દ્રિયં…પે॰… પઞ્ઞિન્દ્રિયં – ઇમાનિ ખો, ભિક્ખવે, પઞ્ચિન્દ્રિયાનિ ભાવિતાનિ બહુલીકતાનિ આસવાનં ખયાય સંવત્તન્તી’’તિ.
534. ‘‘Pañcimāni, bhikkhave, indriyāni bhāvitāni bahulīkatāni āsavānaṃ khayāya saṃvattanti. Katamāni pañca? Saddhindriyaṃ…pe… paññindriyaṃ – imāni kho, bhikkhave, pañcindriyāni bhāvitāni bahulīkatāni āsavānaṃ khayāya saṃvattantī’’ti.
‘‘પઞ્ચિમાનિ, ભિક્ખવે, ઇન્દ્રિયાનિ ભાવિતાનિ બહુલીકતાનિ સંયોજનપ્પહાનાય સંવત્તન્તિ, અનુસયસમુગ્ઘાતાય સંવત્તન્તિ, અદ્ધાનપરિઞ્ઞાય સંવત્તન્તિ, આસવાનં ખયાય સંવત્તન્તિ. કતમાનિ પઞ્ચ? સદ્ધિન્દ્રિયં…પે॰… પઞ્ઞિન્દ્રિયં – ઇમાનિ ખો, ભિક્ખવે, પઞ્ચિન્દ્રિયાનિ ભાવિતાનિ બહુલીકતાનિ સંયોજનપ્પહાનાય સંવત્તન્તિ, અનુસયસમુગ્ઘાતાય સંવત્તન્તિ, અદ્ધાનપરિઞ્ઞાય સંવત્તન્તિ, આસવાનં ખયાય સંવત્તન્તી’’તિ. ચતુત્થં.
‘‘Pañcimāni, bhikkhave, indriyāni bhāvitāni bahulīkatāni saṃyojanappahānāya saṃvattanti, anusayasamugghātāya saṃvattanti, addhānapariññāya saṃvattanti, āsavānaṃ khayāya saṃvattanti. Katamāni pañca? Saddhindriyaṃ…pe… paññindriyaṃ – imāni kho, bhikkhave, pañcindriyāni bhāvitāni bahulīkatāni saṃyojanappahānāya saṃvattanti, anusayasamugghātāya saṃvattanti, addhānapariññāya saṃvattanti, āsavānaṃ khayāya saṃvattantī’’ti. Catutthaṃ.
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / સંયુત્તનિકાય (અટ્ઠકથા) • Saṃyuttanikāya (aṭṭhakathā) / ૭. બોધિપક્ખિયવગ્ગો • 7. Bodhipakkhiyavaggo
ટીકા • Tīkā / સુત્તપિટક (ટીકા) • Suttapiṭaka (ṭīkā) / સંયુત્તનિકાય (ટીકા) • Saṃyuttanikāya (ṭīkā) / ૭. બોધિપક્ખિયવગ્ગવણ્ણના • 7. Bodhipakkhiyavaggavaṇṇanā
