| Library / Tipiṭaka / તિપિટક • Tipiṭaka / સંયુત્તનિકાય • Saṃyuttanikāya |
૮. અસ્સદ્ધમૂલકસુત્તં
8. Assaddhamūlakasuttaṃ
૧૦૨. સાવત્થિયં વિહરતિ…પે॰… ‘‘ધાતુસોવ, ભિક્ખવે, સત્તા સંસન્દન્તિ સમેન્તિ. અસ્સદ્ધા અસ્સદ્ધેહિ સદ્ધિં સંસન્દન્તિ સમેન્તિ; અહિરિકા અહિરિકેહિ સદ્ધિં સંસન્દન્તિ સમેન્તિ; દુપ્પઞ્ઞા દુપ્પઞ્ઞેહિ સદ્ધિં સંસન્દન્તિ સમેન્તિ; સદ્ધા સદ્ધેહિ સદ્ધિં સંસન્દન્તિ સમેન્તિ; હિરિમના હિરિમનેહિ સદ્ધિં સંસન્દન્તિ સમેન્તિ; પઞ્ઞવન્તો પઞ્ઞવન્તેહિ સદ્ધિં સંસન્દન્તિ સમેન્તિ. અતીતમ્પિ ખો, ભિક્ખવે, અદ્ધાનં ધાતુસોવ સત્તા સંસન્દિંસુ સમિંસુ…પે॰… અનાગતમ્પિ ખો, ભિક્ખવે, અદ્ધાનં ધાતુસોવ સત્તા સંસન્દિસ્સન્તિ સમેસ્સન્તિ…પે॰….
102. Sāvatthiyaṃ viharati…pe… ‘‘dhātusova, bhikkhave, sattā saṃsandanti samenti. Assaddhā assaddhehi saddhiṃ saṃsandanti samenti; ahirikā ahirikehi saddhiṃ saṃsandanti samenti; duppaññā duppaññehi saddhiṃ saṃsandanti samenti; saddhā saddhehi saddhiṃ saṃsandanti samenti; hirimanā hirimanehi saddhiṃ saṃsandanti samenti; paññavanto paññavantehi saddhiṃ saṃsandanti samenti. Atītampi kho, bhikkhave, addhānaṃ dhātusova sattā saṃsandiṃsu samiṃsu…pe… anāgatampi kho, bhikkhave, addhānaṃ dhātusova sattā saṃsandissanti samessanti…pe….
‘‘એતરહિપિ ખો, ભિક્ખવે, પચ્ચુપ્પન્નં અદ્ધાનં ધાતુસોવ સત્તા સંસન્દન્તિ સમેન્તિ. અસ્સદ્ધા અસ્સદ્ધેહિ સદ્ધિં સંસન્દન્તિ સમેન્તિ; અહિરિકા અહિરિકેહિ સદ્ધિં સંસન્દન્તિ સમેન્તિ, દુપ્પઞ્ઞા દુપ્પઞ્ઞેહિ સદ્ધિં સંસન્દન્તિ સમેન્તિ; સદ્ધા સદ્ધેહિ સદ્ધિં સંસન્દન્તિ સમેન્તિ; હિરિમના હિરિમનેહિ સદ્ધિં સંસન્દન્તિ સમેન્તિ; પઞ્ઞવન્તો પઞ્ઞવન્તેહિ સદ્ધિં સંસન્દન્તિ સમેન્તીતિ. (૧)
‘‘Etarahipi kho, bhikkhave, paccuppannaṃ addhānaṃ dhātusova sattā saṃsandanti samenti. Assaddhā assaddhehi saddhiṃ saṃsandanti samenti; ahirikā ahirikehi saddhiṃ saṃsandanti samenti, duppaññā duppaññehi saddhiṃ saṃsandanti samenti; saddhā saddhehi saddhiṃ saṃsandanti samenti; hirimanā hirimanehi saddhiṃ saṃsandanti samenti; paññavanto paññavantehi saddhiṃ saṃsandanti samentīti. (1)
‘‘ધાતુસોવ, ભિક્ખવે, સત્તા સંસન્દન્તિ સમેન્તિ. અસ્સદ્ધા અસ્સદ્ધેહિ સદ્ધિં સંસન્દન્તિ સમેન્તિ; અનોત્તપ્પિનો અનોત્તપ્પીહિ સદ્ધિં સંસન્દન્તિ સમેન્તિ; દુપ્પઞ્ઞા દુપ્પઞ્ઞેહિ સદ્ધિં સંસન્દન્તિ સમેન્તિ ; સદ્ધા સદ્ધેહિ સદ્ધિં સંસન્દન્તિ સમેન્તિ; ઓત્તપ્પિનો ઓત્તપ્પીહિ સદ્ધિં સંસન્દન્તિ સમેન્તિ; પઞ્ઞવન્તો પઞ્ઞવન્તેહિ સદ્ધિં સંસન્દન્તિ સમેન્તિ…પે॰… પઠમવારો વિય વિત્થારેતબ્બો. (૨)
‘‘Dhātusova, bhikkhave, sattā saṃsandanti samenti. Assaddhā assaddhehi saddhiṃ saṃsandanti samenti; anottappino anottappīhi saddhiṃ saṃsandanti samenti; duppaññā duppaññehi saddhiṃ saṃsandanti samenti ; saddhā saddhehi saddhiṃ saṃsandanti samenti; ottappino ottappīhi saddhiṃ saṃsandanti samenti; paññavanto paññavantehi saddhiṃ saṃsandanti samenti…pe… paṭhamavāro viya vitthāretabbo. (2)
‘‘ધાતુસોવ , ભિક્ખવે…પે॰… અસ્સદ્ધા અસ્સદ્ધેહિ સદ્ધિં સંસન્દન્તિ સમેન્તિ; અપ્પસ્સુતા અપ્પસ્સુતેહિ સદ્ધિં સંસન્દન્તિ સમેન્તિ; દુપ્પઞ્ઞા દુપ્પઞ્ઞેહિ સદ્ધિં સંસન્દન્તિ સમેન્તિ; સદ્ધા સદ્ધેહિ સદ્ધિં સંસન્દન્તિ સમેન્તિ; બહુસ્સુતા બહુસ્સુતેહિ સદ્ધિં સંસન્દન્તિ સમેન્તિ, પઞ્ઞવન્તો પઞ્ઞવન્તેહિ સદ્ધિં સંસન્દન્તિ સમેન્તિ…પે॰… . (૩)
‘‘Dhātusova , bhikkhave…pe… assaddhā assaddhehi saddhiṃ saṃsandanti samenti; appassutā appassutehi saddhiṃ saṃsandanti samenti; duppaññā duppaññehi saddhiṃ saṃsandanti samenti; saddhā saddhehi saddhiṃ saṃsandanti samenti; bahussutā bahussutehi saddhiṃ saṃsandanti samenti, paññavanto paññavantehi saddhiṃ saṃsandanti samenti…pe… . (3)
‘‘ધાતુસોવ, ભિક્ખવે…પે॰… અસ્સદ્ધા અસ્સદ્ધેહિ સદ્ધિં સંસન્દન્તિ સમેન્તિ; કુસીતા કુસીતેહિ સદ્ધિં સંસન્દન્તિ સમેન્તિ; દુપ્પઞ્ઞા દુપ્પઞ્ઞેહિ સદ્ધિં સંસન્દન્તિ સમેન્તિ; સદ્ધા સદ્ધેહિ સદ્ધિં સંસન્દન્તિ સમેન્તિ; આરદ્ધવીરિયા આરદ્ધવીરિયેહિ સદ્ધિં સંસન્દન્તિ સમેન્તિ; પઞ્ઞવન્તો પઞ્ઞવન્તેહિ સદ્ધિં સંસન્દન્તિ સમેન્તિ…પે॰…. (૪)
‘‘Dhātusova, bhikkhave…pe… assaddhā assaddhehi saddhiṃ saṃsandanti samenti; kusītā kusītehi saddhiṃ saṃsandanti samenti; duppaññā duppaññehi saddhiṃ saṃsandanti samenti; saddhā saddhehi saddhiṃ saṃsandanti samenti; āraddhavīriyā āraddhavīriyehi saddhiṃ saṃsandanti samenti; paññavanto paññavantehi saddhiṃ saṃsandanti samenti…pe…. (4)
‘‘ધાતુસોવ , ભિક્ખવે…પે॰… અસ્સદ્ધા અસ્સદ્ધેહિ સદ્ધિં સંસન્દન્તિ સમેન્તિ; મુટ્ઠસ્સતિનો મુટ્ઠસ્સતીહિ સદ્ધિં સંસન્દન્તિ સમેન્તિ; દુપ્પઞ્ઞા દુપ્પઞ્ઞેહિ સદ્ધિં સંસન્દન્તિ સમેન્તિ; સદ્ધા સદ્ધેહિ સદ્ધિં સંસન્દન્તિ સમેન્તિ; ઉપટ્ઠિતસ્સતિનો ઉપટ્ઠિતસ્સતીહિ સદ્ધિં સંસન્દન્તિ સમેન્તિ; પઞ્ઞવન્તો પઞ્ઞવન્તેહિ સદ્ધિં સંસન્દન્તિ સમેન્તીતિ…પે॰…. અટ્ઠમં. (૫)
‘‘Dhātusova , bhikkhave…pe… assaddhā assaddhehi saddhiṃ saṃsandanti samenti; muṭṭhassatino muṭṭhassatīhi saddhiṃ saṃsandanti samenti; duppaññā duppaññehi saddhiṃ saṃsandanti samenti; saddhā saddhehi saddhiṃ saṃsandanti samenti; upaṭṭhitassatino upaṭṭhitassatīhi saddhiṃ saṃsandanti samenti; paññavanto paññavantehi saddhiṃ saṃsandanti samentīti…pe…. Aṭṭhamaṃ. (5)
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / સંયુત્તનિકાય (અટ્ઠકથા) • Saṃyuttanikāya (aṭṭhakathā) / ૮-૧૨. અસ્સદ્ધમૂલકસુત્તાદિવણ્ણના • 8-12. Assaddhamūlakasuttādivaṇṇanā
ટીકા • Tīkā / સુત્તપિટક (ટીકા) • Suttapiṭaka (ṭīkā) / સંયુત્તનિકાય (ટીકા) • Saṃyuttanikāya (ṭīkā) / ૮-૧૨. અસ્સદ્ધમૂલકસુત્તાદિવણ્ણના • 8-12. Assaddhamūlakasuttādivaṇṇanā
